رواية وجع الماضي الفصل التاسع 9 بقلم امل بكر
البارت التاسع
لقراءة الرواية كاملة بدون إعلانات (اضغط هنا)
بصدمه وهو بيبص جمبه وبيرجع بيصلي،
-يعني بتاخدي منه فعلاً!!
قربت من التسريحه وحطيت القهوة عليها وورطبت شفايفي بلساني وقولت ،
-علشان خاطري اهدي
بنرفزه واضحه خوفت منها ورجعت خطوة لورا ،
-يعني اي اهدي يعني انتي مش عايزة تخلفي مني؟!!
خلص كلامه وهو بيكسر كوبيتين القهوة شهقت بخضه نفيت براسي وانا برد بسرعه
-لا لا والله مش كده متفهمش غلط
قربت عليه وانا ببعد عن الازاز ،
-سليم بالله عليك اهدي هفهمك والله انا خوفت
بسخريه ،
-خوفتي !!!!
-ابعدي من وشي دلوقتي ياهنا ابعدي
خلص كلمته وهو بيبعدني عنه وبيزقني في دراعي
فارجعت لورا وبصيت علي رجلي بألم من الازازه الي دخلت قعد علي السرير بسرعه وانا برفع رجلي وبشوف حته الازازه الكبيره الي نصها جوه رجلي
طلع بره الاوضه خالص وفضل يزعق ويتمتم بكلام مش مسموع
كنت عايزة اطلع وراة بس رجلي وجعاني من الازازه الي جواها وكل مااحاول اطلعها توجعني اكتر واضغط علي مفرش السرير بوجع دخل من تاني وهو بيفتح الدولاب بعصبيه وبيطلع هدوم ليه
قولت بوجع ،
-سليم علشان خاطري اهدي والله العظيم مش زي ماانت مفكر ممكن بس تهدي علشان نتكلم
لف ليا وقال،
-هتتكلمي هتقولي اي مش فاهمك الصراحه!!
اخد نفسي من وجع الازازه اللعينه ،
-في ازارة دخلت رجلي طلعها بالله عليك مش قادرة
تجاهل كلامي وخرج بره الاوضه بصيت علي طيفه لثواني اتنهد بغضب من نفسي ومن الي عملته
رجعت لورا بجسمي وسند ضهري علي ضهر السرير
ورفعت رجلي ليا حاولت اطلعها ولكن مكنتش قادرة
-لا لا بتوجع اوي !
رفعت راسي لما دخل تاني واتنفس وهو بيبص علي رجلي قعد قدامي علي السرير ومسك رجلي وحط ايده علي الازازه علشان يطلعها ولكني سحبتها بوجع
-لا لا دي بتوجع مش قادره
سحبها تاني من غير كلام ولكني قولت بألم وانا عايزه اسحبها من بين ايديه ولكنه ماسكها جامد
-سليم خلاص بتحرقني اوي
شدها الازازه بسرعه ورمها في الباسكت حطيت منديل علشان الدم الي بينزل
اتكلمت بخوف ،
-بتوجعني لسه …هموت ولا اي !!!!
قال بهمس وهو بيقعد علي طرف السرير ومديني ضهره،
-هتخف
بلعت ريقي وبصتله وانا بقول بسرعه قبل لما يسكتني ،
-والله مافي اي حاجه من الي في دماغك صح انا عارفه اني غلط وغلطي كبير وانا ندمانه اني فكرت بالشكل ده بس انا بجد خوفت ..خوفت اني مقدرش علي المسؤليه ،خوفت اني مكونش حنينه واطلع ابني ولا بنتي زي لسه الوجع مأثر فيها حتي لو مليون شخص عوضني عنهم الوجع موجود ياسليم
مكونتش شايفه رد فعله بسبب ان ضهره ليا نزلت رجلي علي الارض رغم الوجع الخفيف وروحت قعد جمبه وانا ببصله
-سليم انا معملتش كده علشان مش عايزاك تبقي اب لعيالي ابداً انا خوفت بجد ياسليم
قال وهو بيبصلي ،
-وانا فين من كل ده
قلبي دق من نظرته ومن صدمته الي واضحه في عيونه
قولت وانا بفرك في ايدي مفيش ولا كلمه اقدر اهدي غضبه هو معاه حق ،
-انا اسفه بجد انا معترفه اني ندمانه انت عارف مش مش بتأسف ومش بعرف طالما قولت يبقي انت غالي عندي ياسليم
قال بانفعال،
-غالي ولا متزفت ندمانه ولا لاء هستفاد انا اي !!!يعني اي كل المده دي كلها بتاخدي برشام من ورايا ومن غير حتي ماتاخدي اذني انتي متعرفيش ان ده حرام ؟!
رديت بسرعه ،
-عرفت ومكنتش اعرف صدقني خوفي سيطر عليا بس انا وقفته بقالي تلت شهور
بسخريه وهو بيسقف ،
-اي ده بجد برافو والله استمري
اتنهد بحزن ،
-سليم علشان خاطري اتفهمني انا عارفه ان معاك حق تزعل وتتعصب ماشي بس افهمني افهم ان كنت خايفه بجد مش بهزر
قام وقف ،
-هنا اسفك مش هيعمل حاجه انتي صدمتيني فيكي بجد
خرج من البيت كله وانا ارتميت علي السرير وانا بنهار في العياط لا لا اكيد هيفهمني سليم بيحبني ومش هيسبني صح ؟! اكيد اكيد
“””””””””””””””””””””””””””””””””””
“هو ”
فضلت امشي وانا متعصب ومخنوق يعني اي تعمل حركه زي كده ومن ورايا كمان طب كانت تكلمني وانا هتفهم ده بس لي من ورايا وكل المده دي كمان !!!
انا نفسي اخلف ويبقي عندنا عيال انا وهي ..مفكرتش فيا وفي احساسي مثلاً !!فكرت في نفسها وبس في خوفها وبس فكرت واخذت القرار من نفسها ولا أكأن واحد متزفت متجوزا !!!
فضلت قاعد يجي ساعتين علي الرصيف في شارع ضلمه حاطط راسي بين ايديا ودماغي هتنفجر من التفكير كل الي بقوله ازاي قدرت ؟!
اخد نفس طويل وقومت ارجع البيت
“”””””””””””””””””””””””””””””””””””””
معرفش بعد قد اي فتحت عيني بنوم علي صوته ،
-قومي نامي كويس عايز انام
قومت نمت كويس ونمت علي ضهري وانا بفتكر بصيت عليه كان نايم علي جمبه ومديني ضهره اخد نفسي وقربت منه وانا بطبضب علي كتفه
بهدوء ،
-سليم
رد بجفاء،
-عايزه اي !!
-ممكن تديني وشك
-لاء عايز انام لو سمحت ورايا شغل
كنت هعيط خلاص ،
-معلش لف علشان خاطري
لف بزهق ،
-اتزفتنا لفينا ها..
مكلمش كلامه لما قربت بسرعه وانا بدخل في حضنه وبحط راسي علي صدره
-انا اسفه ياسليم عارفه اني اسفي مش هيعمل حاجه والله عارفه بس كنت عايزة اخد الخطوة عايزه استعد حقك عليا كل الي عايزاك تعرفه اني بحبك واني نفسي يبقي عندنا عيال انا وانت لو رجع بيا الزمن والله العظيم ماكنت هعمل كده متزعلش ياسليم اوعك تنام زعلان
اخد نفسه بتقل ،
-انتي محتيني ياهنا ولا كأن ليا وجود انتي لو كنتي جيتي بس اتكلمتي معايا كنا هنتفاهم
-عندك حق هتسبني ؟!!
قولتها بخوف
-ملهوش علاقه بكلامنا
-لاء ليه انت مش عايز تكمل معايا ! اكيد لاء صح.. انت اصلاً بتحبني ومش هتزعل مني وانت كمان فاهمني صح اكيد طبعاً
رفعت راسي ليه وهو بيضحك بهدوء وضحكت زيه ،
-يعني بتسألي وبتردي علي نفسك !!
-ايوا علشان مفيش خيار تاني
وقف ضحك وقال بجديه وقعت قلبي لاخر العمارة ،
-لاء فيه ياهنا للاسف
برجفه وانا بسند علي دراعي علشان اعرف اشوفه ،
-ف في اي!!!!
بصلي وقال وانا بسمعه بانتباة،
-في خيار وطماطم في التلاجه عادي
خلص وهو بيضحك جامد اتنفست بغيظ منه ،
-اوف ياسليم وقعت قلبي .
سكت لثانيه لما هو سكت وقولت وانا برجع انام علي صدره ،
-انا وقفته علفكره من تلت شهور لما عرفت او فوقت ان الي بعمله غلط
اخد نفس وهو كان ساكت كملت بحرن ،
-بس برده مخلفتش …انا خايفه يكون ده عقاب من ربنا علي الي عملته ياسليم؟!
ايده اترفعت علي ضهري وقال بصوت رخيم مكبوت بالزعل ،
-بس متقوليش كده هنروح الدكتورة بكره ان شاء الله
غمض عيني بعصبيه من نفسي رغم الي عملته هو مازال متمسك بهدؤة لفيت ايدي عليه وغرست وشي فيه وقولت
-سليم انا زعلانه من نفسي اوي وكملت اكتر وانت زعلان بسببي دلوقتي
صوت دقات قلبه سامعها عاليه ونفسه الواضح فتحت عيني وقولت ،
-رد عليا قول اي حاجه
-اقول اي ياهنا انا لسه لغيت دلوقتي مش مستوعب انتي عملتي اي !!!
اتنهد بوجع من نبرته ومن الي خليته يحسه بعد شويه كتير نفسه هدي رفعت عيني لقيته نام بعد عنه وانا بطلع الصاله ويقعد علي الركنه حطيت ايدي تحت خدي وانا بفكر ازاي عملت كده للدرجه فعلا محيته من حياتي !!
متعصبه من نفسي اوي وحاسه بخنقه محاوطاني
دخلت الحمام غسلت وشي وبعدين عملت كوبايه قهوة النوم راح بدور عليه مش عايز يجي
شربتها وانا سرحانه فوقت علي صوت اذان الفجر قفلت عيني وانا بردد ورا المؤذن وبعدين قولت دعاء الاذان
“اللهم رب هذة الدعوة التامه والصلاة القائمه أتي سيدنا محمد الوصيله والفضيله والدرجه الرفيعه وابعثه اللهم المقام المحمودة الذي وعده انك لاتخلف الميعاد وصلي وسلم علي سيدنا محمد وعلي أله وصحبه وسلم ”
وبعدين دعيت بالي نفسي فيه سمعت ان الدعاء بين الاذان والاقامه مستجاب فدعيت كتير وقومت اتوضي علشان اصلي لقيته رايح المطبخ يشرب
بصلي بنوم وقال ،
-صاحيه لي؟!
رديت بهدوء،
-هصلي الفجر كويس انك صحيت اتوضي وخلينا نصلي مع بعض
دخل يتوضي وفاق و بدء يصلي وانا واقفه ورا
ولما سجد دعيت من قلبي
-يارب انا ندمانه علي الي عملته اغفرلي ذنبي ياالله ، يارب ارزقني انا وسليم بالذريه الصالحه ،يارب قربني منك يارب اللهم ردنا إليك ردناً جميلاً عاجلاً غير اجلاً
“خلصنا صلاة وقعد مكاني وانا بقول ”
-اللهم أعني علي ذكرك وشكرك وحسن عبادتك 3مرات
-اللهم انت السلام ومنك السلام تباركت ياذا الجلال والإكرام
“أيه الكرسي “سورة البقرة أية(٢٥٤)
-الله لا إله الا هو الحي القيوم لاتأخذة سنة ولا نوم له مافي السمَوَت ومافي الارض من ذا الذي يشفع عندة إلا بإذنه يعلم مابين أيديهم وماخلفهم ولا يحطيون بشئ من علمه إلا بما شاء وسع كرسيه السموات والارض ولا يودُهُ حفظُهما وهو العلي العظيم
خلصت وهو قام ورجع ينام الكام ساعه دول علشان الشغل وانا دخلت البلاكونه وانا مازلت لابسه الاسدال اتنهد بحزن وبصيت للسما واخد نفس
ونمت وتاني يوم صحيت عملت الي بعمله كل يوم بس المرة دي بحزن وملامحه ونبرته وصدمته من الي عمتله مش عايز يطلع من دماغي
دخل البيت ووقف جمبي في المطبخ لفيتله اتكلم ،
-هنروح انهاردة الدكتورة جهزي نفسك
هزيت راسي بماشي وهو خلص كلامه وطلع حطيت الاكل ولكنه رفض وانا مأكلتش كمان دخلت لبست
وطلعت لقيته مستني نزلنا وطول الطريق كان هدوء بشع فضلت ادعي ان ميكونش في اي مشكله وان الدكتورة تطمني
وصلنا وفضلنا قاعدين لغيت لما اجه دوري دخلنا وانا ضربت قلبي بتعلي بتوتر بعد لما الدكتورة كشفت عليا وهو قاعد قدام مكتبها مستني
طلعت قعد قدامه وهي قعدت علي مكتبها بعد لما عدلت البالطو بتاعها قالت بابتسامه هادية،
-اي المشكلة لي جاية؟!
اتحمحت بعد لما بصيت بصه سريعه علي سليم،
-انا جايه علشان اسأل هو فيه مشكلة؟
عقدت حواجبها وسألت ،
-مشكله بالنسبه لي اي؟
حكتلها الي عملته قالت وهي بتشبك ايديها قدامها في بعض ،
-ولا تقلقي مفيش اي مشكله بس انتي محتاجه فيتامينات عادي جداً وتعالي الاسبوع الجاي
هزيت راسي بهدوء اتكلم سليم،
-ماشي شكراً يادكتورة يلا ياهنا
بصيت لسليم ووقفت وكنا هنطلع بس الدكتورة وقفتني ،
-ممكن تفضلي ثانيه
بصيت لسليم قالي ،
-هستناكي برة
طلع وانا رجعت بصيت للدكتورة اتكلمت بهدوء ،
-ممكن تقوليلي اسم البرشام الي كنتي بتاخدي ؟!
عقد حواجبي وخوفت وانا بقعد علي الكرسي ،
-مع معرفش اسمه انا جبته من الصيدليا عادي
-يعني اي !! مش دكتور الي كاتبه ؟
هزيت راسي ،
-لا هو في حاجه يادكتورة ؟!
سكتت ثانيه واتكلمت ،
-بصي ياهنا بصراحه البرشام الي اخدي سببلك مضاعفات
فتحت بوقي بدهشه وفركت في ايدي بسرعه وخوف وانا بنطق ،
-يعني اي ؟!
-متقلقيش هنعالج كل ده بإذن الله بس انك تاخدي برشام من نفسك كده ده مكنش ينفع لازم يكون دكتور الي كتبه
سكت وانا بسمعها كملت ،
-لو سمحت مترجعيش للبرشام ده تاني ولو عايزة هكتبلك حالاً ب…
قاطعتها بسرعه،
-لا لا انا مش عايزة اخدة تاني ولا عايزة حضرتك تكتبيلي حتي علي واحد غيرة
-تمام يعني عايزة تخلفي
هزيت راسي ،
-ايوا
مديتلي ايديها بالروشته،
-خبر حلو تمام اشوفك الاسبوع الجاي
ابتسمت بهدوء واخد منها الورقه وطويتها وطلعت
ولكني ملاقتيهوش طلعت بره العيادة خالص وكان واقف مستني
-فكرتك مشيت
-جوة زحمه معرفتش اقف
سكت وركبت وبعد لما طلعنا من الزحمه اتكلم
-قالتلك اي ؟!
فضلت اطوي في الورقه كذا مره بتوتر ،
-قالتلي ا انه البرشام كان غلط
بصلي بعدم فهم ،
-يعني اي كان غلط ؟
اخد نفس وقولت ،
-اني اخده من نفسي وكده
-وبعدين ؟
قولت وانا ببص جمبي ،
-سيبلي مضاعفات
نبرته اتغيرت لقلق ،
-يعني انتي كويسه ؟
بصتله اوي وقولت وانا عيني هتبدء تدمع،
-سليم انا اسفه انا معرفش دماغي كانت فين وانا بعمل كده
بقلق اكبر وقف العربيه ولف بجسمه وبصلي ،
-هنا متقلقنيش في اي انتي كويسه ؟!
مسحت خدي وقولت ،
-كويسه بس انا خايفه
-من اي ؟!
بعد عيني عنه وقولت بسرعه وعدم ترتيب بكلامي ،
-خايفه انك معتش تثق فيا معتش تصدقني خايفه علي الذنب الي عملته ..خايفه اني مخ مخلفش !
خلصت وانا بعض علي شفايفي علشان معيطش ولكني فشلت وحطيت ايدي علي وشي وانا بخبي دموعي
حط ايده علي كتفي ودخلني في حضنه وقال،
-بس مسمعكيش بتقولي الكلام ده تاني هنا اهدي ممكن وبلاش تفكري كده
بعد عنه وقولت ،
-انا وحشه اوي ياسليم
مسح عيني بايديه ،
-بس ياهنا متقوليش كده واخر مرة اسمعك بتقولي مش هنخلف دي تاني انتي عارفه كويس ان اقداركم تأخد من افواهكم متقوليش غير الحاجه الحلوة
رفعت عيني ليه ،
-حاضر معرفش اخر فترة بقيت وحشه وتصرفاتي كلها طين بقيت بعمل حاجات غلط اتصنت من فضولي وداني في داهيه
غيرت نبرتي لضيق ،
-بس اهو لو مكنتش سمعتهم مكنش الي اسمها سلمي دي هتقف عند حدها
رجعت قولت بندم.
-بس برده انا غلط
ضحك غصب عنه ،
-مش فاهمك يعني ندمانه ولا فرحانه !!
-انت بتتريق عليا. !!
-لا طبعاً مينفعش هاتي الورقه دي اروح اجيب الدوا من الصيدليه دي
عطتهالو ونزل جاب ورجع ،
-سيلمووو انت لسه زعلان مني ؟!!!
بصلي وقال ،
-اخر مره تحصل
ابتمست بإنشكاح وانا بنط وببوسه من خده،
-حاضر والله بحبك موت
ضحك وهو بيركز في الطريق
-نعم مش هتقولي وانا كمان بحبك ياحبيتي يا ام عيالي يامراتي ي…
قاطعني ،
-بمموت فيكي افصلي بقي
هزيت كتفي برضا ،
-ايوا كده
روحنا البيت واكلنا ….
وفات شهر وانا متابعه مع الدكتورة والحياة بينا كانت هاديه ولكن طبعاً مش هتكون خاليا من المشاكل ده طبيعي
ولكن في حاجه حصلت هدخل الفرحه في البيت كلو
فتحت الباب بعد لما خبط
أروي وهي بتدخل في حضني بسرعه
بدهشه وانا بضحك
-اكيد ده مش حضن حب
طلعت من حضني وهي بتغمزلي ،
-حبي الي فهماني
-ادخلي ادخلي شكله موضوع يفرح
دخلت وقعدت علي الركنه وانا قعد جمبها
مسكتني من كتفي وهي بتهزني بفرحه ،
-مازن بيحبني واتقدم يا هنااا
برقت وانا بقيت الي بهزها،
-نهارك ابيض مين مازن يازفته الطين
-اي ياهنا ده مازن
-ابوا مين مازن دي شبه ده هاني !!!
-لا ياظريفه ده صاحب سليم وفارس اكيد عارفا
-اه انتي تقصدي ده
-ايوا هيجي بعد بكره ياهنا انا مبسوطه
ضحكت لفرحتها ،
-ايوا ياعم الله يسهلك وهتعملي اي في الولا بتاع الكليه
-كليه اي !!!
-مش كنتي قايله انك معجبه بواحد كده!
-ياهنا انا كنت بهزر علشان انتي وقتها كنتي زعلانه وكده
-اصلاً ياستي انا اصلاً مكنتش واخدة بالي من كلامك يعني متهمنيش
-اه واضح فعلاً هتقوليلي
-انتي كنتي تعرفي ولا اي احكيلي
-يابنتي مازن صاحب اخواتي من الاعدادي كده وكان بيجي البيت يعني عارفين بعض بس سطحي شويتين يعني
ضحكت وقولت ،
-والله فرحتيني
حطت ايديها تحت خدها بهيام ،
-وانا والله
اتخضت لما سليم طلع من الاوضه وهو بيمسكها من البيچامه،
-نعم ياعيون خالتك!!!
تهتهت بالكلام ،
-ل لا ء انت فهمت اي !
بصتلي بعصبيه وهمس ،
-مقولتيش لي ان البأف ده موجود في البيت
بهمس زيها ،
-وانا ايش عارفني انك هتقولي كلام قليل الادب
مسكها من تاني وهو بيشدها عليه،
-انتي هتفضلي تتوشوشي !
بعدت ايده وقالت بتصنع الضيق ،
-عايز اي مني ياسليم ؟
-وانا هعوز اي من ازازة من غير غطا!
أروي بصتلي وهي بتسألني ،
-اي ده هي دي شتمه انا حاسها شتمه
ضحكت ،
-والله شكلها كده معايرة ياأروي وبصراحه انا لو منك مش هسيب حقي
هزت راسها بتأكيد لكلامي وبصيت لسليم وفضلت تضرب فيه وهو مسكها عجنها
وبعد مدة الخناقه وقفت وأروي نزلت بيتهم واجي اليوم الي استاذ مازن هيخطف البنت بتاعتنا
لبست وجهزت ونزلت لأروي
- لقراءة باقي فصول الرواية اضغط على (رواية وجع الماضي)
اكتشاف المزيد من The Last Line
اشترك للحصول على أحدث التدوينات المرسلة إلى بريدك الإلكتروني.