رواية وجع الماضي الفصل العاشر 10 بقلم امل بكر

رواية وجع الماضي الفصل العاشر 10 بقلم امل بكر

 

البارت العاشر

 

طنط يسرا فتحتلي الباب وهي بتمشي وبتتكلم بصوت عالي

-هنا ادخلي للبنت دي هبلتني بتقولي اوافق ولا لاء

ضحكت وانا بقفل الباب ورايا ويتكلم بصوت عالي علشان تسمعني

-اصلاً هي لسه بتفكر

دخلتلها الاوضه،

-اي ياست اروي مالك

وقفت وقالت بتوتر ملحوظ ،
-معرفش ياهنا انا خايفه اضلاً حاسه اني وافقت بسرعه

كملت من تاني بسرعه وهي بتبص بعيد ،

-المفروض اصلاً اسيبه شويه وازله ولو بيحبني اكيد كان هيتمسك بيا

حاولت مضحكش وانا بقول ،

-ياستي هي كلها قاعدة الله واعلم هنشوف لو فيه قبول كله تمام ولو لا خلاص محصلش حاجه

-لا لا ان شاء الله خير ومازن انا موافقه طبعاً بصي كده الفستان حلوة

-تحفه تحفه يلا اجهزي علشان سليم كلمني وقالي انه نص ساعه وهيكونو هنا

“”””””””””””””””””””””””””””””””””””””
مازن بعد لما وصلو تحت العمارة وفارس وسليم واقفين كمان

مازن بارتباك وهو بيحط ايده علي القميص

-سليم انا حاسس ان القميص الابيض ده مش حلو عليا

فارس ايده علي دماغه ،
-ياعم وربنا سكر انت بس علطول بتلبس قمصان سودا علشان كده مش متعود

بعدم اقتناع ،
-حاسك بتكذب عليا

فارس عض علي شفايفه بغيظ

سليم بص لفارس وقال،
-ياعم اهدي ..فهمه براحه

-فهمه انت اما نشوف

سليم ،
-شكلك حتت سكره والله يامازن اقتنع بقي

مازن بابتسامه ،
-خلاص مصدقك ياعم انا اصلاً اي حاجه بتليق عليا

فارس رفعله حاجبه وقال ،
-علفكره انا شايف ان انت تروح تلبس حاجه تانيه

سليم ،
-اه فعلاً روح غير وعلي ماتقتنع تعالي هنقابلك السنه الجايه

مازن هز راسه باصراره ،
-لا انا هطلع دلوقتي والسنه الجايه دي هتكون في بيتي

فارس ،
-بيت مين ياابو بيت ماتحترم نفسك دي اختي

سليم ،
-اظبط كلامك يامازن دي اختي

-اي ياجماعه عارف والله انها اختكم ماهي هتكون مراتي

فارس،
-لا ياحبيبي احنا لسه موافقناش

سليم بتأيد،
-بالظبط انتي ادعي كده قبل لما تطلع اننا موافق اصلاً

-لا ماهو اكيد انتو هتوافقو

فارس بص لسليم وقال،
-لاء واثق في نفسه !!

-اوي

قبل لما يطلعو فارس قال لمازن بجديه وهو بيقرب منه وبيحط ايده علي كتفه

-متزعلش مني علي الكلام الي قولتهولك من فتره في الشغل

مازن فهم انه لما قاله متدخلش بينا ولكنه ابتسم بهدوء وقال

-ياعم عارف انك وانت متعصب بتعبط في الكلام

فارس بدهشه ،
-لا والله طب يلا معندناش بنات تتجوزها

-ياعم هي واحدة بس هخدها وامشي بهدوء

سليم ابتسم ،
-طب يلا كفايه حب في بعض ونطلع

مازن وهو بيعلي صوته ،
– يلا فارس بس كان بيعتذر مني

فارس باستنكار،
-وطي صوتك ياجدع ..وبعدين اي بعتذر دي انا قولت متزعلش بس !!

مازن بمناكشه ،
-خلاص ياعم مسامحك والله متتأسفش بقي

“جري ورا بعض علي السلم ومازن مكنش خايف غير علي القميص الي ممكن يبوظ ”

“””””””””””””””””””””””””””””””””””””””
أروي خلصت تجهيز وسمعت صوتهم دخلو البيت ولقيت امنيه بتدخلنا الاوضه بعد لما خبطت بهدوء

قولت من أروي وحضنتها بحب وبعدين قربت مني

كنت متردده ولكني حضنتها بعدت عني وبصتلي بهدوء وهي بتبعد علي السرير وكأنها بتتأكد من حاجه

امنيه ،
-انتو خلصتو صح

أروي ردت عليها بتوتر ،
-اه خلصنا بس مش عارفه حاسه شكلي مش مظبوط مثلاً؟!

امنيه ضحكت بهدوء وقالت ،
-بالعكس كل حاجه مظبوطه والفستان وشكله حلو

-اه ما هنا قالتلي اجيبه واسع حلو صح ؟

امنيه ،
-جداً حلو

سليم وفارس اجو دخلو الاوضه سليم بعد لما حضنها قال،

-لاء الفستان ده حلو بلاش تطلعي بيه

فارس كمل ،
-انا حاسك متوتره تعرفي دي اشاره لأيه

سليم قال،
-اشاره بإنك مش مرتاحه متقلقيش ياحبيبتي هنطلع نقوله انك مش مرتاحه عادي جداً

فارس اتكلم بجديه مصتنعه،
-ولو خايفه علشان احنا صحاب لاء عادي مش هنتفرق بسببك يعني

ادخلت وانا شايفه أروي الي بتفكر وكأنها ماصدقت ،

-اي ياجماعه ده كلام تقولو دلوقتي !!!!

امنيه ،
-البنت مش ناقصه هي متوتره لوحدها

سليم ،
-احنا بس خايفين عليها

فارس،
-وعايزين مصلحتها

-ايوا فعلاً واضح جداً

امنيه ،
-ممكن نطلع بقي قبل لما هي تعيط دلوقتي

فارس وهو بيمسكها من خدودها ،
-لا لا تعيط اي هو من اولها هتعيط بسببه!!

سليم بمظايطه،
-اوعك تعيطي ياحبيبتي احنا نطلع نهزقه حالاً

اروي نطقت ،
-يوووه هو عمل حاجه انا هعيط بسببكم انتم

سليم وفارس بصو لبعض وبعدين نطقو ،
-بسببنا احنا!!!!

فارس،
-بقي كده هيفرق بينا !!

سليم ،
-ده احنا اخواتك يعني ملكيش غيرنا

أروي قلبت عنيها ،
-بس بس بلاش كذب انتو بتزعلوني اصلاً وبتفضلو ترازو فيا من وانا صغيره

فارس،
-خلاص والله معدناش هنزعلك خليكي معانا

سليم ،
-يابنتي ده حب افهمي

-اي ياجماعه دي مكنتش مقابله !!

امنيه بضحكه ،
-انتو مكبرين الموضوع لي لسه يعني قاعده معانا

سليم ،
-ماشي احنا هنطلع بس مشوفش عينك تبص علي الولا الي بره ده

فارس ،
-تعرفي ياأروي لو لمحتك بتضحكي ولا بس بتبتسمي كده هسوي وشك بالإسفلت

سليم ،
-وانا المره دي مش هحوش اخوكي عمك ده انا هساعده

أروي فضلت بصلهم بملل وقالت ،
-ممكن بقي نطلع رجلي وجعتنيمن الوقفه عايزه ابعد

فارس زقها قدامه ،
-امشي ياختي فرحانه اوي !!!

سليم مسك ايديها ،
-انت ابت طالعه فين

أروي ،
-طالعه مش انتو الي قولتو

فارس مسك ايديها التانيه ،
-تطلعي معانا ياختي

واخيراً طلعو وكنت انا وامنيه هنطلع بس وقفتني
-هنا معلش عايزاكي في كلمتين

بصتلها بتردد وبعدين هزيت راسي وقفلت الباب وقعد علي كرسي التسريحه وهي قعدت قدامي علي السرير

سكتت دقيقه واتنهدت وقالت وهي بتبصلي ،
-بصراحه انا مش عارفه اعتذرك ازاي بس انا ندمانه اني سمعت كلام اختي وجرحتك بكلامي

كملت ،
-بعتذرك نيابه عن اختي بجد ياهنا وعايزه اسمع منك انك مسمحاني مكنتش اعرف اني كلامي واني حرجت قلبك بالشكل ده هتحاسب عليه لسه قرائه امبارح وفضلت طول الليل افكر واهري في نفسي من التفكير وملقتش حل غير اني اكلمك علشان ارتاح وعلشان انتي كمان تعرفي انه كان غصب عني ياهنا ..
انا بحبك وعمري ماشوفت منك اي حاجه تزعلني فاعلشان كده زعلت من نفسي اني سمحت لكلام الشيطان وسمعت كلام اختي اني اكلمك بالشكل ده

كنت بصلها كويس وهي بتتكلم وحسيت بصدق كلامها وكأني شوفت امنيه الهاديه الي مش بينا حاجه غير كلام خفيف وهادي مش امنيه الي اتفأجات بيها من اخر فتره !

-اختك الي قالتلك تكلميني بالشكل ده؟!

هزت راسها بأسف

-طب لي وانتي سمعتي كلامها لي الي اعرفه عن شخصيتك انك مش كده انا حتي استغربت انك امنيه !!!

-عندك حق بس والله كان غصب عني خوفت

-من اي

اضيقت ان عندي فضول وعايزه اعرف كل حاجه وهي اصلاً حاجه متخصنيش قولت بسرعه

-معلش خلاص بسحب سؤالي يعني طالما حاجه متخصنيش

-ممكن اقولك حاسه اني مكبوته وعايزه اتكلم ممكن؟!

هزيت راسي ،
-احكي طبعاً

يلا شفايفها واتكلمت ،
-بصي في مره واختي عندي في البيت موبايلي رن وانا رديت وانا في اوضي كان رقم معرفهوش رديت وقولت مين طلع جارنا كان عايز يخطبني ولكني مرتحتش ورفضه وده طبيعي ولكنه كان مصر ..قالي في الموبايل انه بيحبني وكلام ملهوش لازمه انه عايزني اطلق وهو هيخلينى مرتاحه معاه وهيخليني احبه ولكني منطقتش بحرف وقفلت في وشه وعملت بلوك علطول

اخدت نفس وكملت ،
-طبعاً كلامه ضايقني ولقيت لقيت اختي وراياقالتلي مين وانا حكتلها عادي ولكني اتصدمت لما مسكت ده ضدي مش علشان تقولي خلاص اهدي ولا اي حاجه !! وقالتلي لو معملتيش اني طبعاً ازعلك بالكلام علشان يحصل بينك وبين سليم مشاكل هتقول لفارس اني واحد بيحبني كلمني وفارس مجنون وممكن يروح يتشاكل معاه

كملت بنبره ندم ،
-هنا انا والله العظيم معرفش عملت كده ازاي انا كان فين عقلي ؟ معرفش كنت انانيه لما فكرت في نفسي ومفكرتش اني الي بعمله حتي لو كان غصب عني كان ممكن يبوظ بيت

قولت باهتمام لموضوعها ،
-طب لي خوفني يعني انتي المفروض لو ضايقك تاني تقولي لفارس علشان لو سلمي اتهروت واتكلمت اكيد هيزعل منك انتي ياامنيه

-سيبك مني انتي دلوقتي مش زعلانه مني انا يهمني اسمع منك انك بجد مسمحاني وان مش زعلانه

قومت قعد جمبها علي السرير ،
-منكرش ان وقتها زعلت جداً هااا .. بس لما حكتيلي دلوقتي ونيتك مكنتش كده زعلي خف شويه بس علفكره كلامك ده كان ممكن يعمل مشاكل بجد ده لو انا واحده. قادره يعني

خلصت كلمي بابتسامه هاديه ابتمست هي كمان

-عارفه انتي عندك حق بس الحمدلله يعني انك عاقلا الحمدلله مش زعلانه بجد

ابتمست بهدوء ،
-لا ياستي خلاص مبقتش زعلانه وانتي معتيش تسمعي كلام حد ياامنيه

-فعلاً والله

-طب هو الولا ده لسه بيضايقك؟!

-لاء معتش بيتصل

-انتي مش مرتاحه علشان مقولتيش لفارس؟!

-بصراحه كده اه حاسه اني مخبيه عنه حاجه

-يبقي تقوليله طالما مش مرتاحه بس تخليكي يوعدك انه ميعملش حاحه ولو هو ضايقك عرفيه ووقتها بقي في كلام تاني ممكن تبلغي عنه اي حاجه

-انا هقوله علشان ارتاح

-ييقي احسن حاحه فعلاً ونصيحه حتي لو الحاجه دي بالنسبالك عادي قوليله برده علشان لما بيعرف بيضايق اكتر من انك خبيتي

قامت وقفت وخلتني اقف قدامها وحضنتني،
-انا اسفه جداً ياهنا

ضبطبت علي ضهرها ،
-خلاص انسي كأن محصلش حاجه

بعدتني عنها وقالت ،
-انتي قلبك نضيف علفكره

ضحكت ،
-شكراً وانتي كمان خدي بالك

-مبىسوطه انك سلفتي والله

-سلفتك !!! قولي اختك علطول

عنيها دمعت وهي بتقول بهمس ،
-عندك حق اختي نفسها استغلتني

بوستها من خدها،
-يلا نطلع اروي هتموتنا علفكره

ضحكت،
-اه صح يلا نطلع

طلعنا وقعدنا وبعد لما مازن واهله مشي فارس قرب مني انا وسليم ووجهلي الكلام وهو بيخرب بعينه ،

-هنا انا متأسف اني دخلتك في مشاكلنا وقولت انك السبب عصبيتي فلتت الصراحه

سليم ادخل ،
-ياعم بقي عصبيتك دي موديلك في داهيه اعتذرت لكام واحد انهارده …هو انت مسافر ولا اي ؟!

فارس بصله وهو بيقفله عنيه بتأليس

ضحكت عليهم وقولت ،
-ولا يهمك يااستاذ فارس مسمحاك

فارس قال وهو بيشاور علي نفسه ،
-اي ياجماعه بتقولي اي دي هو انا يشحت

اتكلمت ،
-لا اله الا الله مش انا جاي بتعذري ؟!!

فارس بضيق متصنع ،
-انا معتذرتش لو سمحت

سليم حط ايده علي كتفي وقال ،
-بقولك اي انا مراتي تقول الي هي عايزا

أروي ادخلت وقالت وهي مربعه اديها قدام صدرها ،
-اي ده يااستاذ سليم واقف قدام اخواتك علشان مراتك

كملت بتأليس عليه ،
-علفكره ملكش غير اخواتك

سلمي شاور عليها وهو بيقول ،
-اي ده وانتي ايش دخلك بينا احنا اخوات انتي مين ؟!!

أروي بغيظ ،
-حقا يافارس رد عليه

فارس ،
-لا ماهو عنده حق انتي مين معلش !!!

سليم ،
-شكلك كده مبسوطه وموافقه علي الولا مازن

فارس ،
-اه صح تعالي هنا انتي موافقه ؟!

ردت عليهم وهي بتفكر وبعدين ردت بدلع متصنع ،
-هو شكله محترم وانا كمان شكلي حبيته م

قاطعها سليم وهو بيشدها من الفستان،
-بت اي ياختي عيدي كده تاني

فارس رفع كمام الكم الي مش موجود اصلاً ،
-البت دي عقلها راح وانا هرجعه بنفسي

سليم ،
-يلا يااخويا معاك

أروي صوتت بغيظ،
-ياباباااااااا الحق عيالة دول

عمو حمدي قرب مننا وطنط يسرا وقفت كمان عمو حط ايده علي كتفها وقال ،

-مالها حبيبت قلبي مين مضيقها ؟!

شاورت أروي علي سليم وفارس ،
-دول مش عايزين اوافق علي مازن متغاظين منه

فارس باستنكار ،
-متغاظين من مين يازفته!!!!

عمو حمدي ،
-بس بس ياابني هي لسه مقررتش

أروي بصوت اوطي ،
-لا ماهو انا مرتاحه موافقه يعني

عمو حمدي ،
-طب ماتصلي الاول ياحببتي واستخيري ربنا

-احم ماهم انا صليت بصومال نصلي تاني

فارس رفع حاجبه بغيظ ،
-يعني مجهزه نفسك مشاء الله عليكي ياهانم

سليم ،
-سامع بنتك يابابا بتقول اي صلت من غير ماتقولنا

أروي ،
-مش فاهمه اعرفكو اني هصلي !!

سليم ،
-لا ياختي بس شكلك واخده القرار من نفسك

فارس بسخريه ممزوجه بغيظ،
-لاء وبتعرفنا بقرارها الهانم

أروي بدهشه ،
-القرار اي هو اتكلمت !!!

سليم ،
-بس بس خلاص واضحه

عمو حمدي قال،
-احم انتي فكرتي كويس ياأروي ياحبيبتي ؟!

أروي ردت بكسوف ،
-اه مرتاحه يابابا بس مفيش مشكله هصلي تاني للتأكيد

فارس بص لسليم بسخريه ،
-لتأكيد قال !!!

عمو حمدي بهزار ولكنه قال بجديه،
-طب ياحبيبتي انتي لسه صغيره ماتخليكي قاعده معانا شويه اخواتك عندهم حق

فارس قال بضحكه وكأنه ظهر الحق ،
-ايوا والله فهمها ياحج

سليم ،
-احنا بنحاول نفهمها كده من الصبح

شديت أروي وانا بقول ،
-بس بقي سيبوها في حالها تعالي يابنتي احكلنا حاسه بايه

امنيه قالت وهي بتمسك ايد أروي ،
-ايوا تعالي قولنا شعورك اول لما شوفتي

طنط مشت ورانا واحنا بتبعد عنهم وبنقعد علي الركنه ،

-وانا جايه معاكم عايزه اسمع

بصيت عليهم وهو مضايقين ،
-تعالي ياسوسو تعالي هتفرحي ببنتك

“”””””””””””””””””””””””””””””””””””””
فات شهر واكتشفت اني حامل !!! وفضلت فاتحت بوقي بدهشه رجعت شعري لورا اكتر من مره دخلت الحمام غسلت وشي والي في المرايا واقول

-ده بجد!!!!

مكنتش قادره من الفرحه وضربات قلبي الي هجمتني فرحانه ،متوتره ،مصدومه ،خايفه ولكني هجيب بنت او ول. اي يكن الله دي حاجه حلوه اوي لا لا انا فرحانه

طلعت بصيت علي سليم الي دخل البيت كنت مازلت ماسكه الاختبار الي طلبت من أروي تجبهولي

-مالك واقفه كده لي !!!

سكت ثانيه وبعدين رفعت ايدي وانا مبتسمه

بص علي الاختبار وشاله من ايدي وبعدين بصلي بعدم فهم ،

-اي ده ؟!!

-اختبار حمل

-وبعدين !!!

ضحكت عليه ،
-وبعدين اي قولي تتوقع اي طلع اي فيه ؟!

رفع كتفه وبص للاختبار وهو في ايده

بصلي وقال بصوت هامس ،
-حامل !!!

ابتسمت وانا بهز راسي ،
-ايوا صح حامل

بصلي بصدمه ،
-بتتكلمي جد ولا اي ؟!

نفيت راسي بفرحه اكبر لما شوفت في عيونه الاشتياق انه يكون حقيقي ،

-جد الجد انا مبسوطه ياسليم

ضحك اوي ورمي الاختبار علي الركنه ورجع شعره لورا وهو عمال يضحك

كنت بصاله وانا مبتسمه شهقت لما حضني اوي
لفيت ايدي حوالين رقبته وقولت بهمس ،

-مبسوط ؟!

-انا هيغمي عليا من الفرحه

ضحكت اوي ،
-لاء ده انا اروح اعملك الاكل بقي

-لا استني خليني حضنك

ضحكت وقولت ،
-طب ابعد بقي ابني بيغير عليا

مردش عليا ولكني كنت حاسه بقلبه الي دق دق دق

بعدني عنه وقال ،
-كنتي بتقولي اي بقي !! ابنك

-ايوا حبيب ماما بيغير عليا

-ولي متكونش حبيبه بابا مثلاً

-ياسلام بقي ليك حبيبه غيري !!!

-انتي الي بدائتي

-ماهي هتكون بنتي حبيبتي برده يعني هي بتاعتك لوحدك

-بنتي حبيبتي براحتي انتي مالك

-بقي كده تمام ماشي

ضحك ،
-طب خلاص ولا تزعلي يمكن توأم

ضحكت بفرحه ،
-تصدق ولد وبنت !!

-او ولدين

-او بنتين ولا اقول بلاش نقول نسيبها علي ربنا والخير هيحصل اكيد

-اكيد بإذن الله

بليل وانا قاعده بلعب في شعري وعماله افكر هيبقي شبه مين وهجيب هدوم امتي ووو

سليم اخدني في حضنه وقال ،
-مالك تعبانه ؟!

نفيت براسي،
-لا لا الحمدلله

-هنروح بكره نتابع عند الدكتورة

-تمام جداً

-تمام خلي بالك لو بنت هتبقي حبيبتي

-ولو ولد هيبقي حبيب قلب امه

بتفكير ،
-وهتبوسها !!

ضحك وهى بيتخيل وبيسرح،
-هبوسها بس ده انا هخرجها والعبها واوديها الملاهي كما واركب معها

بغيره ،
-وانا ؟!.

بضحكه خبيثه ،
-وانتي اي ؟!

-مش هروح معاكم الملاهي ؟!!!

ضحك بصوت عالي وهو بيقرص خدودي ،
-بتغيري يابطوطه

-مين انا لاء انا مش مبغرش اصلاً

-اه اه طبعاً

-طب ابعد بقي عايزه انام

تبت عليا وهو مازال بيضحك،
-خلاص خلاص متزعليش مش عايز بنتي تبقي نكديه

رفعت حاجبي ،
-ياحبيبي !!!

نكشلي شعري ،
-روقي انتي حبيبتي الاوله

ضحكت اوي وقولت بثقه ،
-اه طبعاً مانا عارفه

ضحك بصوت عالي وانا ضحكت معاه

تمت.

• لقراءة باقي فصول الرواية اضغط على (رواية وجع الماضي)