رواية رواية خطأ مغفور الفصل ٣٣ بقلم دجلة ليث

🦅 31

                       الكاتبة: دِجلة ليث .
                         بقلمي رواية: خطأ مغفور .

            "لا تنسون التصويت + التعليق بين الفقرات "
                
                               بِسْمِ اللَّـهِ الرَّحْمَـٰنِ الرَّحِيمِ
                                     _________________________

ترف

كعدت بالغرفه عالكاع ودموعي تنزل غصب عني قهر يخنك صدري وما اعرف شنو اريد مرات اصده وابعده بعيد ومرات اركض اله واضيع نفسي واضيعة وياي اعذب روحي واعذبه وياي وكل شغله اسويها احس هو يدري بيها قبل لا احجي عباله يقرة الي بداخلي صرت اخاف من الحب اخاف من الدنيا كلها احس اذا اخذ نفس او اخطي خطوة ممكن بكل لحظة انكسر اكثر ما عشت راحه ولا متوقعه اعيشها وهسه حتى نفسي ما فاهمتها شتريد متندمه لان صحتله بالسياره كون ينعمن حسيت روحي انكسرت من الكلمة قبل لا توصل اله عيوني الي تنعمي ان شاء الله ما اعرف شلون كدرت الفظها مصدومة من نفسي شلون اني شلون قسيت عليه واليقهر هو ما كال شي بالعكس مجاريني

انفتح باب الغرفه وطب علي الدُر اول ما شافني بهل وضع ركض عليه بخوف لزمني من وجهي ونظراته تتحول على ملامحي

علي الدُر: ترفةة ترفف شبيج باعيلي ليش تبجين بس باعيلييي يا علي دخيلك شبيججج ترفف جاوبييي لا تخوفينييي

ما كدرت احجي شي عن احساسي بس نطقت اسمه
-: ع علي الدُر

-:عيونه يا نظر عيني سولفيي اسمعجج شبيجج

هزيت راسي ب لا  ودنكت ما كدرت انطق شحجي شكول اله كسرت كلبة وهو حتى ما حجة شي ولا ضوجني دائما اني هيج معذبته وياي وهسة هو خايف عليه اكثر من روحة

علي الدُر:رفعي راسجج ترفةة حاجيني عيوني انتي يا نظر عيني بس حاجيني لا تعلين كلبي عليج هيججج ترفةةة

بحركة سريعه حضنته بايد وحده من ركبته ودافنه راسي واشهك بصوت عالي ما ادري شنوا اريد بس كلهم وبهل لحظة التمن عليه كلشي سيء تذكرته ما كدرت أقاوم بعد احس مخنوكة ولازم اطلع الي بداخلي لان اذا بقة اموت

علي الدُر: ياربي دخيلك بس حاجيني لج كلبي راح يوكف ترفةة

ترف-: احبك اني والله

شدني من خصري عليه اكثر ويجر نفس من شعري ويجاوبني بهدوء وصوت دافي

علي الدُر : ادري يا عيوني ادري والله

-:م ماقصدي اجرحك اني عليي

-: متفهم وضعج وما ضايج ترفة ما ضايج مسحي دموعج كافي لجج تيزاب تيزاب مو دموع هذول يحركني حرك