الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
_________________________
لتصفح الموقع بدون إعلانات (أضغط هنا)
ترف
احمد: اسميتك "ترف"
وبدة يكبر بصوت هادء اله
فرحتي بذيج اللحظة ما اعرف أوصفها شعوري فرح صدمة حب كلشي كلشي حسيت من سمعت احمد يلفظ اسمي "ترف" ردت اكمز من فرحتي لوما احنا بالمستشفى والعالم موجودة جان انفضح علوكي من ورة عياط
لزمت ايد علي الدُر بقوة اعصرها من فرحتي وناظرات بعيونه وهو يضحك عليه
ترف: سمعت علي سمعتتتت
علي الدُر: سمعت حبيبتي
-: سموها على اسمييي
-: لو جنت اعرف تفرحين على اسم جا راح اسمي أطفال العراق كلة ترف بس حتى تفرحين
نزلت راسي مكممة حلكي بايدي واضحك واحجي بصوت ناصي خجلت
ترف -:هههه تسويها اثق بيك
ملامحة صارت طبيعيه وهو يردف ويباوع بنص عيني ما هامة احد بالغرفه ويريد يتأكد من شي
علي الدُر: تثقين بيه ترفة !؟
هزيت راسي ب اي اله اكثر من مرة وابتسم بوجهة
-: اي شي يكوله علي الدُر اصدكة لان هو يسوي كلشي بس حتى يفرح رجفة كلبة.
-: كلشي يسوي علي الدُر بس حتى يفرح رجفة كلبه و ترفتة الشالعة كلبة
اشرت على روحي مصدومة -:اني شالعه كلبك !؟
حضني نص حضنه ضامني على صدرة ويضحك
-: ويا حلاة لو كل شلعان الكلب مثلج بوية يفداج الكلب و صاحبة
عزة احس روحي بوخت حرارة تطلع من وجهي من الخجل شو اليوم مستهتر هذا يحضن و يتغزل كدامهم هسة على الاقل يحترم ام جوهرة لا عادي وخطية خاله نرمين فرحانه بينه تضحك من تشوف واحد من الولد يتغزلون بينه احسها تضمن احنه بخير
نرمين: الله يحفظكم يارب
ابعدت عنه وهو بعده مبتسم ولازم ضحكته يدري والعباس يدير اخجل لهيج يسوي هيج
ترف: شكرا خاله
احمد: خوية ترف ما تردين تشيلين الطفله ؟
هزيت راسي بفرح وكتله بكل لهفة
ترف: طبعا اريد انطيني ياها
حطها بين ايدي بهدوء كلش صغيرة ما تنشاف وبعد حتى ملامحها مو هلكد
-: جوهرة على كُبر بطنج كلت راح تجيبين طفله بعمر خمس اشهر شو طلعت نتفه
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!