رواية ما تراه ليس كما يبدو الفصل الرابع 4 بقلم حبيبة منصور
لقراءة الرواية كاملة بدون إعلانات (اضغط هنا)
رواية ما تراه ليس كما يبدو الحلقة الرابعة
احمد: بس انا معاكي وحاسس بيكي
« بصتله وانا مش شايفه ملامحه من دموعي »
حوريه: انت ..انت عرفت مكاني ازاي
احمد : مقدرتش اشوفك كده واسيبك لوحدك ، لازم أكون جمبك ، وافهم مالك ، ليه كل الزعل اللي ف عيونك ده ،
بصي اولا انا لازم اسمعك واسمع كل الأسباب اللي مضيقاكي واحده واحده،بالتفصيل
بس قبل ما اسمعك لازم تعرفي ان مفيش اي حاجه ف الدنيا تستاهل ان سندريلتي تزعل عليها
(حوريه بابتسامه وسط دموعها): ايه سندريلتي دي
احمد : ال تي دي تعود عليا انا يا سندريلا
( ابتسمت وهي بتعيط ف الوقت)
احمد : لا لا انا مش بعرف اتعامل كده ، يا تعيطي اعيط معاكي، يا تضحكي اضحك معاكي ، لكن مبعرفش انا اعمل حاجتين ف نفس الوقت
« ضحكت غصب عني من طريقته وريأكشاناته اللي بتموتني»
احمد: ايوا كده اضحكي خلي الشمس تطلع ، بصي وشك نور ازاي اما ضحكتي، متحرمناش بقى من الحلاوه دي
حوريه: شكرا اوي على اللي بتعمله معايا
احمد: انتي عبيطه يا بنتي !! ، مفيش شكر بين واحد و مراته
حوريه: مراته ايه بس
احمد: مراتي ، ما انا مش ههدى غير اما تبقي معايا
انا اصلا هخلي كتب الكتاب ف اقرب وقت ممكن ، لو عليا اخليه بكره ،بس انا عايزك تطمني الاول
المهم بقى ، انا جعان جدا وانتي خلتيني جيت على ملى وشي وراكي من غير ما آكل ، ف هناكل سوا بقى و هروحك
حوريه: لا انا مش ناقصه مشاكل معاهم ، انا اصلا متخانقه معاهم من غير حاجه
احمد : طيب هسيبك بس المره ، لكن اما اكتب الكتاب ساعتها ملهومش معايا كلمه ، واللي هنتكلم فيهم ب اوسخ جزمه وعلى دماغها
حوريه: طيب انا لازم اروح بقى
احمد غمزلها: ليه هي الساعه ١٢ !!! ؟
ابتسمت له: لا بس عشان ميقلبوهاش حوار
احمد: طيب تعالي اوصلك لحد الموقف حتى
حوريه: لا معلش سيبني براحتي
أحمد: طيب على فكره انا استأذنت من والدك و هاجي اتعصى معاكوا، ده لو مش هاخد من اكلك طبعا
حوريه: تنورنا
احمد : عايز حاجه حلوه من ايد القمر ده
حوريه: لازم اروح لاني اتأخرت وهما ميعرفوش اني جيت أزور ماما
ــــــــــــــــــــــــــــــــــــــــــــــــــــــــــــــــــــــ
روحت البيت بعد فرهده ساعتين ف المواصلات ، كان لازم يعني اقوله هروح انا !!، اول ما دخلت من باب الشقه حسيت حاجه قفشت فيا خنقتني ، البيت اللي المفروض يبقى مصدر سعاده ليا بقى مصدر نكد ، وطاقه سلبيه
هدى: كل ده تأخير يا سنيوره،كنتي فين كل ده
حوريه: كان عندي محاضرات كتير
هدى : طب ادخلي يلا شوفي المطبخ، مش كفايا اخرتي خلتيني اقوم اعمل الفطار
حوريه بدموع: ليه يا ماما خليتيهم يقطعوا هدومي
هدى: انتي اللي استفزتيها انتي والبتاعه اللي جالك ده
حوريه: اتحرجت اوي يا ماما قدام زمايلي
هدى : بردك هتقولي ماما ، يا بت أبوكي مش هنا
حوريه: بس انا بحكيلك على امل تعمليلي حاجه
هدى: اعملك ايه يعني ، عايزاني اجي معاكي على عيالي!
« دخلت نور واسراء لما سمعوا صوتها»
نور : ايه القرف اللي انتي لبساه ده ، ده تلاقي الجامعه النهارده ماتت ضحك
إسراء بتريقه: اخص عليكي يا نور ،ازاي تعملي ف حور كده ، دي مهما كان بردو اختنا
« خلاص قلبي تعب من كتر القعده معاهم ، و دماغي وعيني تعبت من كتر العياط ،دخلت عشان انام لقيت الباب بيخبط »
هدى: ايوا ياللي ع الباب، انتي مش سامعه الباب ياللي تتشكي ف جنابك
المندوب: معايا اوردر ب اسم حوريه حسن
هدى باستفزاز: اوردر ايه و زفت ايه احنا مش معانا فلوس تستلم اوردرات لحد
« سمعت صوتهم ف خرجت عشان اشوف في ايه»
المندوب: يا فندم الاونردر مدفوع ، انا جاي أوصله بس
هدى: مين اللي دافع بقى ان شاء الله
المندوب : استاذ احمد عدلي ، وباعت رساله مع الاوردر بيقول فيها ، الغالي يتجابله الغالي ، وعقبال ما نجيب فستان فرحنا يا حوري ، ممكن استاذه حوريه تيجي توقع هنا
هدى : تعالي يا ست الحسن وقعي هنا ، لحد ما اشوف جايب ايه الواد ايه
« وقعت على الورقه ب اني استلمتها، و دخلت خدت الشنطه من ايدها,اول مره اتجرأ واعمل معاها حاجه زي كده »
حوريه: مش من حقك خالص تفتحي حاجه مش بتاعتك وطالاما البوكس والشنطه جايينلي انا بالاسم يبقى انا اول واحده تفتحهم وتشوفهم، ومتقلقيش يعني كده كده هتشوفيهم لأن مفيش حاجه هتعدي من تحت ايديكي
هدى بشرشحه: والله وطلعلك صوت يا مقصوفة الرقبه، بقيتي بتردي عليا كده عادي ولا هامك حاجه
« عملت نفسي مش سامعه هي بتقول ايه وابتديت اطلع الحاجه واحده واحده وانا مبسوطه جدا »
دريس برجاندي شكله احلى بكتير من اللي كان معايا
تقريبا كل دريس سايبلي جوا رساله
فتحت الدريس البرجاندي لقيت جواه ورقه مكتوب فيها
« احلى لون شوفته عليكي ، كنتي زي القمر »
و دريس بني
« عايزك تلبسي ده النهارده ، عشان نكون عاملين ماتشينج سوا »
و دريس ابيض وبردو جواه رساله
« عقبال ما تلبسي الابيض بتاع كتب كتابنا يارب »
كل ما اطلع دريس الاقي فيه رساله بتخليني منشكحه حرفيا
وجيت عند اخر دريس لونه بيبي بلو بس قٓصته جميله جدا عامل زي فستان الاميرات
لسه بطلع الرساله عشان اقراها لقيت نور خطفتها من ايدي
نور ب استفزاز: ورينا يا دلعادي ايه اللي مخلي ضٓبك ده مفتوح من هنا ل هنا
وشها اتغير اول ما قرت الرساله
نور بتريقه وغل باين ف كلامها : هتبقي شبه سندريلا جدا وانتي لبساه ، هتبقي زي القمر يا اميرتي والبسي واهري هدوم براحتك و اي محل لبس تحت رجلك و نينينيني
يخربيت تقل دم امك
« خدت منها الشنطه»
حوريه: مش من حقك خالص ع فكره انك تاخدي مني حاجه ولا حتى تغلطي فيه ، ده انت شبه دريه فعلا على رأيه
« سيبتها ومشيت بسرعة الصاروخ من قدامها قبل ما تمسك فيا ، اهاااااا واخيرا حرقت دمهم مرههههه»
نور يعصبيه: شايفه البت بتكلمني ازايخ، والله مانا سيباكي يا حوريه و يا انا يا انتي
« طلعت دماغي من باب الاوضه قولتلها: انا طبعا
نور : شايفه يا ماما البت لسانها طويل ازاي ، طبعا ما تلاقيه مقوي قلبها ، بس تبقى غلطانه لو فكرت نفسها هتكمل الجوازه دي
« دخلت الاوضه اطلع باقي الهدايا وانا حرفيا الغرفة لا تسع اجنحتي, ايه الجمال ده بجد ، ايه فن اختيار الهدايا ده ، كلهم أحلى من بعض ، لا وكمان شنطه وساعه ، بجد مبسوووطه اويييي»
دخلت هدى الاوضه من غير ما تخبط
هدى : هتفضلي مرزوعه وسط الهلاهيل دي كتير ، يلا عشان تحضري عشا ل سبع البرمبه هو و أهله
بصت لها باستفزاز: ده احلى حاجه تتعمله، أو معملتش ليهم اعمل ل مين
خبطتها على كتفها: طب يلا يا حلوه روحي خلصي مش ناقصين دلع
« دخلت وانا المره دي بعمل حاجه بحب ، هو يستحق فرصه ، وانا كمان استاهل ادي نفسي فرصه اني اخرج برا النكد ده ، طول عمري اسمع عن الكيكه بالبرتقال، كيكه الشوكولاته،كيكه الفراوله، لكن كيكه بطعم الحب دي جديده، ابتديت اعمل الاكل بكل حب ، وازين الحلويات عشان تطلع ب احلى شكل
هو يستاهل اكتر من كده بكتير بعد اللي عمله معايا ده »
خلصت كل حاجه و دخلت لبست الدريس البني اللي جابه و لفيت عليه طرحه كافيه ، لفيتها بشكل كويس و شيك و فنفس الوقت ساتر
بجد بعد ما شوفت شكلي عرفت ان ذوقي المعفن ميجيش حاجه جمب ذوقه
اختار اشكال حلوه ، الوان هاديه ، ومنسق كل دريس ب طرحته ، وجاب الطرح الكبيره اللي بحبها
ازاي فاهم تفاصيلي من غير ما اتكلم
===========================
نور : ايه رأيك بقى ف الدريس ده
إسراء ب استغراب: مش مفتوح حبتين؟
نور بلماضه: لا مش مفتوح ، هو حلو كده
إسراء: رأيي اني متتعبيش نفسك بقى معاه عشان الواد ميكسفكيش تاني
نور : طب المره اللي فاتت وقولنا دي اول مره و بتاع وكمان عشان سكت ، لكن المره دي مش هخليه يتعدى حدوده معايا ، و بعدين اصلا هو هيُعجب بيا بالدريس الجاحد ده
إسراء: هنشوف يا اختي هترسى على ايه اما اروح اكمل احمد ابن خالتو
نور: انتي لسه ف حوار احمد ده ، يا بنتي فكك منو
إسراء: هسمعك خبر حلو قريب اوي
===========================
« سمعت صوتوا وانا جوا ، طلعت فورا عشان استقبلهم
اتبسطت اوي اما شوفته ، سلمت عليهم كلهم و دخلت معاهم اوضة الضيوف »
عدلي: لأ المره دي وشك منور يا حوريه يا بنتي
هناء : يا اخويا البت زي القمر ف كل الحالات
حوريه بكسوف: تسلميلي يا طنط ربنا يخليكي
هدى ببرود: تعالي ساعديني يا حوريه نحط الاكل، انتي معملتيش حاجه من الصبح
« عارفه انك عايزه تنكدي عليا بس والله بردو ما هتنكد ، وهفضل مبسوطه غصب عنك ، دخلت حطيت الأكل معاها على السفره »
هدى : يا نور ، تعالي نادي على أبوكي يلا قوليلوا الاكل جهز
« احمد عينه على حوريه من ساعة ما قامت و مش مركز ف الكلام اللي هنا بيقولوه »
عدلي : يا احمد يا ابني عمك بيكلمك
احمد : احم ، اسف معلش مخدتش بالي
حسن بهزار: طبعا ، عشان عينك هناك ، بقولك هاا قولت ايه
احمد : انا عايز اكتب الكتاب على طول ، مش عايز نطول ف خطوبه خالص ، شايف اصلا انها ملهاش لازمه
حسن : اما نشوف رأي حوريه ايه
« دخلت نور عليهم بمشيتها المايعه »
نور : يلا يا جماعه الاكل جاهز
« دخلوا كلهم عند السفره و حوريه بتجيب حاجات من المطبخ »
احمد بتلكيك: طب معلش يا جماعه ممكن أدخل اغسل ايدي
حسن: اتفضل يا ابني البيت بيتك
« دخل المطبخ عشان يشوف حوريه ويعرف يتكلم معاها كلمتين »
احمد : البني عليكي شكله خطيير، بسكوووت خااللص
« ضحكت عليه، يخربيت كده بجد، الجمله مبتطلعش منو عادي كده ،تؤ تؤ»
احمد: ريحة الاكل تجنن، وانتي تجنني ، بجد بجد يا بختي
هدى بصوت عالي: ما تخلصي يا حوريه ، ولا ٱجي اساعدك ف حط الاكل كمان ، دي مش محتاجه يعني متكسفناش قدام الناس
« خدت نفس عميق ، بتحاول تعكنن عليا بس والله بردو ما هتعكنن »
طلع احمد و حوريه طلعت وراه ب اخر حاجه هتحطط ع السفره
نور : منور يا ابو نسب
احمد ببرود : ناوليلي يا حوري ورق عنب من عندك
«ابتسمت ع الكسفه اللي كسفهالها دي »
هدى خدت بالها أنه متجالها قصد
هدى : ابي يا احمد يحبيبي مردتش على نور ليه
احمد باستعباط: نور مين
هدى : الله ، هو انت مش عارف اسامي اخوات حوريه ولا ايه
احمد : لا طبعا عارفهم، استاذه نور و اسماء ، إسراء قصدي
هدى : اممممم ، طب احنا هتبقى قرايب بقى ، نحاول نحترم بعض
احمد : طبعا يا حماتو ، دي الأصول
هناء : تسلم ايد اللي عمل الاكل ، والمره اللي فاتت الحلويات بردو كانت جميله اوييي
هدى: تسلمي يا حبيبتي ، ده انا واقفه ف المطبخ من بدري عشان خاطركم والبت نور صممت أنها تطبخ عشان تدوقي اكلها
حوريه ببراءه مصطنعه: متضحكيش عليهم يا ماما ، انا يا جماعه اللي عامله الاكل، احمد لما قالي أنه حابب يخلي حضرتك تدوقي الاكل من ايدي قومت عملت ل حضرتك احلى حاجه
هدى : شوف البت بتضحك على حماتها ازاي ،
كملت بضحكه مزيفه: اصلها بتحب تاكل الجو
حوريه: والله انا حتى صورت ل احمد و بعتله وانا بعمل الاكل
هدى كملت بهزار بعد ما حست انها هتبان كدابه : اصل انا قولت خلاص البت هتتجوز لازم تقف تعمل حاجه ف ساعدتها عشان تعمل الاكل
احمد : اممم ، لأ معلش يا طنط المره الجايه هاخد حوريه نخرج و ماما هتقعد معاكي و وريها بتعملي الحاجات الحلوه دي ازاي بالذات حلويات المره اللي فاتت
هدى : احم ، اه يا حبيبي طبعا ، الجايات كتير
« كلنا و شربنا الشاي ، قعدنا مع بعض ، اتكلمنا، مبسوطه اوي أنه بيحاول يجيب حقي بالطريقه، ماي مان يا جماعه ، خلاص لقيت قرة عيني ، »
احمد : زي ما اتفقنا يا عمي ، هنحاول نخلي كتب الكتاب بدري شويه ، ومتقلقش عليها ولا على تعليمها هتيجي معايا الجامعه و تروح معايا وهحطها جوا عينيا
حسن: طيب يا ابني على خيرة الله
================================
القعده خلصت ، سلموا علينا وماشيين ، اهلو نزلوا الاول و هو اتحجج ب لبس الكوتش
احمد: هو فيه يا نور ، ما تهوينا حبه ، عايزه اقول للبت حاجه
نور ببرود: لأ ، مش ماشيه ، عايز تقولها حاجه قول وانا واقفه
أحمد (بص لنور ببرود قاتل، ونزل على ركبه يربط الكوتش بهدوء، ومسك علبة مناديل كانت على جزامة الممر وسحب منها منديل ومسح إيده وهو بيبص لحورية وبيبتسم):مش ماشية يا نور؟ طب كويس خليكي واقفة عشان تشهدي على ليلتنا اللي ما يعلم بيها إلا ربنا دي
التفت لحورية، ومسك إيدها بهدوء قدام عيون نور اللي بتطلع شرار، وحط في إيدها المنديل اللي مسح بيه.. حورية استغربت وبصت في المنديل، لقته كاتب لها جواه بالماركر “الخميس الجاي مش خطوبة.. الخميس الجاي كتب كتاب رسمي غصب عن عين درية ونفسية والحيزبونة الكبيرة.. أنا اتفقت مع حمايا حسن خلاص، اجهزي يا عروستي!”
حورية برقت برعب وفرحة مش مصدقة، ورفعت عينها لأحمد اللي وقف بكل هيبة وكاريزما، وغمزلها من وراء نظارته وبص لنور ببرود قاتل وقال):يلا سلام يا سندريلا.. نتقابل الخميس الجاي في بيتنا.. مع السلامة يا طنط درية!
(سابهم ونزل السلم بكل ثقة، ونور جرت على المطبخ بتصوت وبتهبد الأرض: “يا ماماااا.. ده بيقولها نتقابل في بيتنا! ده اتفق مع بابا من وراكِ!”..
وحورية واقفة في الممر كاتمه ضحكتها ومخبية المنديل في جيبها وقلبها بيتنطط من الفرحة!)
«خدت المنديل وطبقته ،شيلته وسط حاجة ماما اللي شيلاها تحت السرير ، خلاص المنديل ده بقى اثر بالنسبالي ، بجد النهارده احلى يوم عدى عليا »
هدى : تعالي يا مقصوفة الرقبه انتي فهميني ايه اللي حصل ، يعني ايه يعني حدد مع أبوكي معاد الفرح ، هو أبوكي ده بيتصرف من دماغه ، ملوش واحده ييجي يتشاور معاها
حوريه ببرود: و ييتشاور معاكي ليه يا مرات ابويا ، هو انتي ولية امري ، واحد وبنته انتي عايزه تدخلي ليه
هدى : والله ولسانك طول عليا يا مقصوفة،
« مسكتها من شعرها»
هدى: لسانك ده يتظبط معايا ، واياك تطوليه عليا ولا على بناتي انتي سامعه ولا لا ، يلا غوري
« عدلت شعري بكل برود و ابتديت اغني عشان استفزهم»
حوريه : ما تزوقيني يا مامااا قوااام يا ماما ، ده عريسي هياخدني بالسلامه يا ماما
« رجعت وقفت قدام نور و إسراء عشان اضايقهم وكملت بغناء»
حوريه: شايفههه؟!! ، شايفه يا ماما الناس بترقص علشااني
« وفضلت اغني واضايق فيهم لحد ما دخلت أوضتي ورزعت الباب ف وشهم، »
================================
هدى : يعني مقولتليش يا حج انك اتفقت مع الواد على كتب الكتاب خلاص
حسن: لقيت الواد مستعجل وشاري هقوله لا ليه لما مفيش حاجه تعطله
هدى: والله يا اخويا فيه أن البت مجالهاش جهاز لسه، ومفيش فلوس دلوقت
حسن : الواد مش هيخليها تجيب اي حاجه، هو قاعد ف بيت كبير كويس ، وعنده شقه ، ده غير الأراضي ،وهيكتب قايمه كمان ، يعني الواد شاري و هياخد البت يحافظ عليها ، مش هتتبهدل
هدى : اااه ، وانت بقى هتودي البت كده ، ولا هتيجي بعدين تقول نبيع حته من الأرض عشان تحيبلها حاجتها
حسن : انا مش هبيع اراضي ، ده الأراضي عليها ديون ومشاكل متلتله
هدى : وانت هتعمل ايه في فلوس الضرايب دي ، بدل ما يعملك محضر ع الأرض وتتاخد ولا تتحبس
حسن : بكره الحج عامر هيديني سلفه ، بس دهب و هرجعه له دهب زي ما كان ، بس اما نفك أزمة الأرض دي
هدى : ماشي يا اخويا ، بس بقولك ايه اوعى تكون عامل التوكيل ده عشان اتحبس
حسن : ما احنا هنروح بكره نلغيه، لان لو جه حاجه هياخدوكي انتي فعلا
هدى بخوف: لا يا اخويا انا مالي ، الغيه التوكيل ده
حسن : هنزل اخلص ورق الأرض والمخازن ، وهاخد الدهب من الحج عامر ، بس مش هنبيعه دلوقت هنستنى يومين لانه هيغلى واحنا اولى بالفلوس ، نسد فلوس الضرايب اللي عماله تعد علينا دي و نرتاح بقى من وجع القلب ده
===================
« دخلت هدى ل حوريه »
هدى بتهديد : بقولك ايه يا بت انتي حوار كتب الكتاب اللي قريب ده مش هيعدي ، هترفضي وتقولي لا انا محتاجه شوية وقت
حوريه : بس انا مش محتاجه وقت ولا حاجه ، انا فكرت ولقيت أن انسب حل هو اني امشي معاه على بيته
مش هلاقي احن منو عليا ، وعلى الأقل هقعد مع ناس بتقدرني و بتقدر تعبي ف اي حاجه
هدى : بقولك ايه ، انا هقولك كلمتين بس وهتسمعي كلامي فيهم ، انتي هتتصلي بالواد ده وتقوليله انك مش مرتاحه أو مش حابه تكملي ، ولا اقولك، انتي هتقوليله انك محتاجه وقت تفكري ومش هنكتب كتاب دلوقت ، وتخليه يحترم نور و يكلمها ب ادب ، يا تسيبيه من سكات ولا يروح ولا ييجي ، نور تتكلم معاه براحتها حاجه متخصكيش و حسك عينك اسمعك بتحرجيها ولا تعملي زي الحركتين اللي عملتيهم النهارده دول ، انتي كمان تكلميها ب ادب
وحوار انك قولتي للوليه الهبله امه دي انك انتي اللي عامله الاكل وطلعتيني كدابه قدامهم، انا هسكت عليه دلوقت ومش هتكلم بس والله لو عملتيها تاني هدعكك ، يلا اتصلي بيه قدامي ، لازم تحسسيه انك مش عايزاه عشان حتى تييجي منو
حوريه: مش عارفه ايه الثقه اللي بتتكلمي بيها دي أكني هجري ع التليفون وارن عليه واقوله كده فعلا ، بعينك يا مرات ابويا، دي الحاجه الوحيده اللي مش هسمحلك تبوظيها نهائي
هدى :لا طلعلك لسان وبتتكلمي عادي اهو
يبقى انتي اللي بتجبيه لنفسك ، ع الأقل لو انتي سيبتيه أو خلتيه هو سابك مش هيبقى كارهك
حوريه بثقه: ويكرهني ليه ، هو انا وحشه ولا عملت حاجه
هدى بتهديد: يعني هتعملي اللي بقول عليه ولا لا
حوريه: لا
هدى: يبقى الصبر حلو يا بنت جوزي ، والله ل اوريكي أيام عمرك ما شوفتيها
حوريه: هشوف اكتر من كده ايه، كده كده بشوف
=========================
إسراء: مامااااا ، انا رايحه عند خالتو
هدى : ليه
إسراء : هعدي عليها عايزه اقعد معاها شويه
هدى : معاها بردو
إسراء: لا بصراحه مش معاها ، مع احمد
هدى : يااادي احمد ، هو مفيش غير احمد ف البلد دي ، هو كلهم بقى اسمهم احمد ولا ايه ، والاتنين انيل من بعض إذا احمد بتاعك ده ولا احمد خطيب السنيورة
إسراء بلماضه: طب متحطيهمش بس ف مقارنه واحده ، ايش جاب ل جاب
هدى: روحي غوري ،متبقيش تيجي تعيطي بعدين أنه مش جاي يتجوزك
إسراء: انا هنزل يا ماما عشان بجد كلامك حرق دمي
===========================
«في بيت احمد »
هناء: انا عايزه اعرف انت استعجلت ليه ، كنت اصبر شويه خدوا على بعض ، اعرفها كويس
احمد : انا عارفها يا ماما من اول يوم دخلت فيه الجامعه
هي عجباني عشان أسلوبها ولبسها وأنها ف حالها كده ، رقيقه جدا ف الكلام ، نفسها حلو ف الاكل، مميزات قد كده مخدهاش ليه بقى
هناء: بص بصراحه انا عجباني نور جدا ، بحسها بت حِركه كده وحلوه ماشاء الله عليها
احمد: يعني اروح اقول للراجل كل شيء نصيب وعايز افركش وارجع أقوله عايزه اطلب ايد بنتك التانيه
ده اسمه كلام يا ماما
هناء: انا مش هجبرك على حاجه بس بردو خلي بالك من حوريه دي عشان هي مش سهله
احمد: مين دي اللي مش سهله
هناء: حوريه
احمد: دي على الله خالص ، ده انتي لو جبتي عيله صغيره ف الحضانه بتعرف ترد عنها
وبعدين بصراحه انا بحبها اوي
هناء: انا حذرتك وخلاص ويكون ف علمك لو خرج منها أي تصرف معجبنيش مش هنكمل ف الجوازه دي
احمد: متخافيش يا ماما ، هي كويسه ومبتعملش حاجه تضايق حد
هناء: مش هنعمل احنا كتب كتاب بس ، انا لازم اعمل فرح عشان افرح بيك واشوفك عريس كده قد الدنيا
أحمد: اللي انتي عايزاه يا امي مقدرش ازعلك ،هبقى نروح نبص على قاعات ولو لقيتا حاجه كويسه نحجز ، وانتوا روحوا احجزوا الفستان
بس هنكتب الكتاب زي ما اتفقت معاهم والفرح بعدها
هناء: ماشي يا حبيبي، بس بردو اديني بقولهالك تاني ، خلي بالك منها ، احذر
احمد: متخافيش يا ماما
===============================
« في بيت منال اخت هدى»
منال : ايوا ياللي على الباب ، ثواااني، ايه ده هو انتي
إسراء: ايه يا خالتو ، ساعه بخبط
منال: خير ، امك تعبانه ولا ايه
إسراء: لا ده انا جايه ابص عليكي
منال: يا كدابه جايه تبصي عليا بردو
إسراء: بصراحه يا خالتو جايه اشوف احمد
منال : متلقح جوا ف البلكونه ، خديله الشاي ده معاكي
« خدت الشاي و دخلت وقفت على باب البلكونه بتسمعه وهو بيتكلم في التليفون »
أحمد: والله زي ما بقولك كده، خديلي بس معاد مع أهلك
والله البت اللي شوفتيها معايا دي بنت خالتي ، اتجوز مين يمااا، طب اسمعي كلامي بس ، انا محبتش قبلك ولا هحب بعدك ، يا بنتي والله ما بحبها افهمي بقى ، انا كنت معاها بس ف المستشفى اما داخت ف الشارع، لأ لسه مقولتلهاش
لو عرفت ممكن تموت بس من الحسره على نفسها وانا مقدرش أقولها كده
إسراء بدموع: ايه هو اللي هيخليني اموت من الحسره على نفسي
احمد: إسراء!!!!!
يتبع….
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!