رواية رواية خطأ مغفور الفصل ٥١ بقلم دجلة ليث

🦅 49

                         الكاتبة: دِجلة ليث .
بقلمي رواية: خطأ مغفور .

"لا تنسون التصويت + التعليق بين الفقرات "

بِسْمِ اللَّـهِ الرَّحْمَـٰنِ الرَّحِيمِ 
_________________________

سارة

فتحت عيني بطئ لكيت روحي كاعدة بكرسي رابطيني من ايدي ورجلي وشادين حلكي ب وصله بمكان ما ادري وين اضلم تقريبا صرت اعيط بكتمه ماكو احد ما شفت شخص بطني مغصتني ودموعي صارت تنزل ميته رعبه وخوف هاي ترف شلون جانت تتحمل اني بس ثواني فاتحة عيوني حسيت روحي متت
رأسي يوجعني، أحس كأن مضروبة، وكلشي ضايع مني رجعت صحت باسم فهد أناجي بس ادري بي مستحيل يجي ما يدري بيه

صوت باب يعصر گلبي وكف خطوات بطيئة جاية ناحيتي الصوت قرّب وصار ظل إنسان يبين ورا الضوء، شكله طويل، سترة جلد، وماكو ملامح واضحة. وكف گدامي وسكت ل ثواني بعدين بصوت هادء غريب مخيف

-: سارة

كلبي يدك بسرعه عيوني عليه وهو متلثم صدري يصعد وينزل من الخوف صار يتقدم تجاهي بخطوات بطيئه تسحب روحي ويا لحد ما استقر كدامي مد ايده نزلها من حلكي شفايفي ترجف الدنيا بارده تضرب بجسمي

سارة: ا انتَ منو ؟

ما جاوب  سكت عيونه تفتر بعيوني

سارة: رجلي لو يدري بيك هيج مسوية بيه يموتك

رفع راسه شوي كأنه ابتسم ورا اللثام ابتسامة ما تنقري هذا الشخص الي كدامي لا بي رحمة ولا شر بس شيء غريب، كأنه يعرف شي أني ما أعرفه

-: رجلج ؟ هههه بح راح كتلته وهسة اجة ادورج

رعشة ضربتني جسمي جمد اهز راسي بنفس ودموعي صارت تنزل عشره عشرة على خدي

-: لا لا جذاب لا والله جذاب مستحيل لا فهد ما يموت ما يموت والله ما يموت

-: ههههه كيفج لا تقتنعين

-: لككك ما يموتتت فهددددد لااا والله لااااا ياربييي دخيلككك فهدددد فهدددد ليششش كتلتهه ليششش حقيرررر فهددد يمةةة كلبييي راح اموتتت كول حداب احلف كتلتهه ابوس ايدك كول جذببب

كمت أهز نفسي بالكرسي من شدة الهستريا، صار جسمي يضرب يمين ويسار عيوني مو شايفة شي، بس هو واگف كدامي ما يتحرك، يتجمّد، يباوعلي  وبحركة مني خلتني اني و الكرسي نوكع بالكاع وراسي ينضرب بقوة

حسيت بايده صارت تلزمني وتفك الحبل مني أصابيعه ترجف يردد بصوت هامس يحجي وية نفسه

-: طيح الله حضك طيح الله حضك الله لا ينطيني