الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
_________________________
علي الدُر
لتصفح الموقع بدون إعلانات (أضغط هنا)
آخر شي أذكره قبل لا أغمض عيني صياح ترف… دموعها تنزل على وجهي
فتحت عيوني، الغرفة باردة لافين جسمي ما أگدر أحركه درت عيني الطلقة اجت بصدرت صوت وشة تصير بأذني حسيت الدنيا تدور بيه وصوت إخواني يحاوطوني، يحچون، يسئلون، كل واحد چان يريد يطمن
موسى: ها بوية علي الدُر شلونك ؟
فاتن: عمت عيني عليك يمة
درت عيني عنهم ادور بالغرفه بس ماكو محد موجود الكل بالغرفه عداها وياخوفي من الافكر بي يطلع صحيح بصعوبة نطقت، صوتي مخنوك
علي الدُر: ح حيدر وين ؟
اجاني صوته من بينهم وكف فوك راسي -: ها خوية ها وياك
-: اخذها ؟!
هز راسه ، عيونه ما يخليها بعيني
حيدر: لا ما خذها
ضربني وجع بكلبي چنها الطلقه رجعت دخلت بس هل مرة بكلبي مو بجتفي
علي الدُر: جا وينها ؟
درت عيني، عيونهم كلهم تتهرب وجوههم تنزل سألت أبوي، بصوتي اليرجف حسيت جاي يصير وياي موت على البطيء
علي الدُر: يابه مرتي وين ؟ ترفة ترفة وين وينها صيحولي ياها
الغرفة كلها سكتت حتى الأجهزة الطبية اللي تصدر صوتها حسيتها سكتت كلبي يدگ، كل دگة تصيح باسمها رجعت صحت بيهم من ماجاوبني تسودنت
علي الدُر: جاوبوووو وينهااا ويننن مرتييي ويننن سجاددد اختككك وينهاااا
فاتن: يمة بس اهدء صبر ابوس ايدك صبر
احمد: جرحك ينفتح علي الدُر خوية بهداي
علي الدُر: شتحجوننن انتممم مرتييي ماكووو وتكلولي اهدء وحق العباس اطشركم طشاررر مرتييي وينننن ؟؟
حيدر: بس اركد انت اركد هسة نحجيلك اركددد
تقدم سجاد من بينهم عيونه مغوركة بالدموع
سجاد: خوية
اخذ نفس ورجع كمل
سجاد: مرتك تعبت علي الدُر
انصدمت، حسيت الدنيا وكفت، كلشي تجمد، حتى أنفاسي وكفت بنص صدري بصوت مخنوك سألت كوة جمعتهم
علي الدُر: شلون يعني تعبت؟ شتحچي انت؟ شبيها؟
حيدر: كلبها علي كلبها تعب وكعت من حيلها
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!