الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
_________________________
لتصفح الموقع بدون إعلانات (أضغط هنا)
ترف
علي الدُر: ترف انتِ طالق .
فزيت من النوم بشهكة خلت صدري ينكطع كعدت دفعة وحدة والعرگ مغرگني كأني طالعة من معركة مو من حلم ، نفسي يطلع بصعوبة وثگل غريب جاثم على صدري فتحت عيوني بسرعة والدنيا كلها مغبشة كدامي بس صوت جوهرة چان يوصلني من بعيد وهي تصيحني بخوف
جوهرة: اسم الله عليج ترف اسم الله اهدي .
غطيت وجهي بإيدي ودموعي انفجرت قبل حتى أگدر أحچي
ذاك الصوت بعده يدوي براسي نفس النبرة نفس البرود نفس الطعنة
ترف: جوهرة .
وبلا أي كلمة سحبتني لحضنها ضمتني بقوة تحاول تجمع روحي المتبعثرة بين إيديها إيدها تمسح على شعري وصوتها يرجف وهي تهديني
جوهرة : اي اي هذا واقع خلص ترف جان ذاك حلم لا تفكرين انتِ قوية فاهمة راح تجتازين كلشي أنا وياج والله .
صوتي يرجف وجسمي كله يهتز من البجي دموعي شلال احس ثكل الذكريات راح تخليني انهار شلون أشرح إلها إن الألم الي حسيته بالحلم هو نفسه الألم الي شگ گلبي بالواقع إن نفس الكسرة رجعت تنعاد بكل تفاصيلها شهكت و شديت على ايدها حيل واني عاصرة عيوني
ترف: اي حلم بس اسوء حلم اشوفة بحياتي جوهرةةة .
كعدت من الحلم باچي
خسرتك بالصدگ والطيف
جوهرة-: اشش ميخالف ديري بالج على روحج فدوة اروحلج كوة نفذتي منها الله يخليج ما صارلج اسبوع من طالعه من المستشفى
ابتعدت عنها مسحت وجهي وهزيت راسي
-: اي صح اسبوعين كضيتها بالمستشفى أصارع الهوى حتى يطب بريتي
لزمتني من وجهي وصاحت بوجهي
جوهرة: كافي ترف إنسيي
-: شلون انسة جوهرة شلون العاش طول عمره يواسيني بكسرتي
صار هو سبب علتي
-: اشش كافي ولج راح تتخربطين بالزايد
-: من يوم الي طلعت من المستشفى لحد هسة اني اشوف نفس الحلم وهو بس حلم
-: حلم هو طلكج؟!
هزيت راسي اي وانا احس روحي اختنك من البجي
ترف: خلاني هيج متعلعله لا اني المطلكة ولا اني الباقيه بذمته
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!