رواية حب الصقر الفصل الأول 1 بقلم حبيبة محمد
لتصفح الموقع بدون إعلانات (أضغط هنا)
رواية حب الصقر الحلقة الأولى
بينا نتعرف على أبطال قصتنا 💗
حُب: بنت عندها 19 سنة، في كلية الهندسة، وهنعرف حكايتها دلوقتي. قصيرة نسبيًا، شعرها أسود بيدي لمعة ذهبية في الشمس، بتزينه بحجابها اللي بيكمل براءتها. عندها غمازات، بيضاء اللون، وجسمها متناسق. حب بتحب الضحك جدًا وفرفوشة، بس من جواها قصة حزينة هنتعرف عليها مع الأحداث.
صقر: عنده 27 سنة، طويل القامة، عنده جسم رياضي، خمري اللون، وعيونه حادة، وتزين وجهه غمازات بتكمل وسامته. شعره بني بيتساقط على عينيه. حياته خاصة جدًا، وبيحب الهدوء. يمتلك شركات الصقر جروب، وبيعتبر من أكبر رجال الأعمال في الوطن العربي.
يوسف: صاحب صقر المقرب، وبيعتبر دراعه اليمين، وبيشتغل معاه في الشركة. يوسف شخصيتو قريبه من صقر شويه
عمار: يعتبر الجزء الثالث لصقر وصديق طفولته. هما التلاتة روح في جسد واحد، وشخصيته مرحه جدا وبيحب الضحك جدا
نادين: رفيقة حب وبتحبها جدًا وبتخاف عليها. طويلة نسبيًا، شعرها أسود لحد رقبتها، خمريّة اللون، وبتزين شعرها بحجابها.
لارين: رفيقة حب الثالثة. قصيرة القامة زي حب، بيضاء اللون، جسمها متناسق وملامحها طفولية جدًا، بس تفكيرها شيطاني! فرفوشة الطبع، دايمًا تعمل مصايب وتتخانق مع الناس، وأصحابها يلمّوا وراها.
دي الشخصيات المهمة، والباقي هنتعرف عليهم في الأحداث 💗
—
تصحى حب من نومها بانزعاج على رنين هاتفها، لتجد أن رفيقتها نادين هي اللي بتتصل.
حب: ألو؟
نادين: إنتِ لسه نايمة يا زفتة؟! عندنا سيكشن دكتور عمرو، هيطردنا من أولها! إنتِ عايزانا نعيد تاني ولا إيه؟ فوقي كده، وبلاش فشل لحد ما أصحي الزفتة التانية.
حب: بس بس! إيه؟ بالعة راديو على الصبح؟ هقوم أهو، طيري يلا.
نادين: ربع ساعة يا حب، وألاقيكي قدامي، وإلا هتشوفي وشي التاني.
حب بنعاس: طيب سلام، كفاية صداع.
لتغلق حب المكالمة، وتقوم من فراشها، فتؤدي فرضها، ثم تبدأ في تجهيز نفسها للجامعة.
ترتدي بنطلونًا واسعًا من قماش التايجر، وجاكت أصفر اللون يصل إلى خصرها، وتوب أبيض، وطرحة سمراء، وحقيبة من نفس لون الطرحة، وحذاءً أبيض. وتضع ميكب خفيفًا لا يُلاحظ، ثم تجهز نفسها للجامعة.
نروح عند نادين، وهي بتزعق للارين، بسبب كسلهم وتأخيرهم عن الجامعة وخوفهم من الدكتور.
—
عند صقر
يرن المنبه ليزعج نومه، فيقوم من فراشه الكبير
ويتجه إلى المرحاض الملحق بغرفته الواسعة يأخذ حمامه ويخرج، ثم يتجه إلى غرفة ملابسه، ويرتدي بدلة رسمية سوداء اللون وقميصًا من نفس اللون، ويلبس ساعته الفاخرة، ويرش البرفان الذي يذوب البنات من أول نظرة 😂، ثم يخرج من غرفته متجهًا إلى شركته.
يدخل صقر إلى الشركة، فيقف الجميع له باحترام وخوف من هيبته وجبروته.
يأمر السكرتيرة بأن تبلغ عمار ويوسف أن يأتيا إلى مكتبه.
السكرتيرة: أمرك يا صقر باشا.
صقر: قهوتي، والورق اللي محتاج أمضي عليه، وكل المواعيد المحددة تجيلي.
السكرتيرة: أمر وينفذ يا فندم.
يدخل عمار ويوسف إلى مكتب صقر، فيجدانه منهمكًا في الأوراق التي أمامه.
عمار: صباح الخير يا صقورة يا حبيبي، وحشتني يا بيبي! كده تهون عليك؟ مشوفكش من امبارح؟
تتحول عيون صقر إلى اللون الأحمر القاتم من شدة غضبه من ذلك الغبي عمار وتصرفاته الحمقاء.
يوسف: في سِرّك الله يرحمك يا عمار حبيبي، كنت طيب والله.
يقوم صقر من مكتبه ويتجه نحو عمار، وينظر إليه قائلًا:
صقر: بتقول حاجة يا عمار حبيبي؟
عمار بخوف: أبدًا يا باشا، بقولك عامل إيه النهارده؟ فطرت كويس؟
يوسف بضحك: متخليك قد كلامك يا عم وانشف كده! بتجيب ورا ليه لما يبصلك؟ 😂
عمار بخوف: أنا عايز أتجوز يا أخويا! عايزني أموت وتفرح فيا؟ ده إيده تقيلة أوي، وأنا مش ناقص!
صقر: اترزعوا وكفاية كلام الله!
الاتنين بصوت واحد: أمرك يا صقر باشا!
—
نرجع عند حب وأصحابها
حب بتأفف: يا ربي بقى! مش لاقية مواصلات، والدكتور عمرو هيدخل قبلنا ومش هيدخلنا! ده إيه اليوم الزفت ده؟
لارين: بقولك إيه؟ دي إشارة من ربنا إننا منحضرش النهارده. فاكس النهارده بس، بلييز يا حبي، بلييز!
حب بتفكير: عندك حق، أنا أصلًا هموت من الجوع. هو السيكشن هيطير؟
وفجأة تجد هاتفها يعلن عن اتصال من نادين.
حب: يلهوي! نادين بترن، هتنفخنا دلوقتي.
لارين: ردي، قولي لها مش لاقيين مواصلات واحتمال منلحقش السيكشن.
حب: أوكي، ربنا يستر ومنسمعش صوتها من هنا 😂.
ترد حب على الهاتف:
حب: ألو يا دودو، يا قلبي.
نادين: هو إنتوا فين كل ده؟! إنتوا عايزين تشلوني هااا؟
حب: يا ستي اهدي، مفيش مواصلات والله، وشكلنا هنتأخر لحد ما نوصل. فاكس، أنا أصلًا جعانة! شوفي هناكل إيه لحد ما نيجي. يلا باي باي يا حبي.
نادين: دي مش طبيعية حقيقي، مجنونة والله!
ثم تضحك وتذهب لتنتظرهم في كافتيريا الجامعه
يتبع….
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!