رواية بعد الطلاق الفصل الخامس 5 بقلم زهرة الربيع
البارت الخامس
لقراءة الرواية كاملة بدون إعلانات (اضغط هنا)
ما جيت إسكندرية ماليش حد بعد ربنا. هو اللي شال معايا في مصاريف الولادة والمستشفى لما أنت كنت بتعمل صفقات بالملايين!
الكلام نزل عليا زي الصاعقة.. حازم مش جوزها! هي متجوزتش! حسيت براحة غريبة، بس الراحة دي مامتتش الوجع اللي في قلبي من كلامها. أنا كنت ندل.. ندل أوي.
طب وليه مقلتليش بعد ما ولدتي؟ ليه مسجتليش رسالة؟ سألتها وصوتي بيرتعش.
أقول لمين؟ للشخص اللي رماني ومسألش عليا تلات سنين؟ أنت مكلفتش نفسك ترفع سماعة التليفون تطمن أنا عايشة ولا ميتة، جاية دلوقتي تفتكر إن عندك عيال؟ ندى شاورت على الباب اتفضل برة يا شريف. عيالي ملهمش أب. أبوهم مات من تلات سنين يوم ما مضى القسيمة وجري على شركته.
مش هتمشي يا ندى! قلتها وأنا بقعد على الكنبة بتحدي، بس تحدي مغلف بالرجاء أنا مش هتحرك من هنا غير وعيالي في حضني، وأنتِ معاهم. أنا ندمان.. ندمان على كل لحظة تعالت فيها عليكي. ندمان على كل دمعة نزلت من عينك بسبب أمي وبسببي. أنا مستعد أصلح كل حاجة. هكتبلك الشقة والفيلا باسمك، وهعمل
للعيال حسابات في البنك بأرقام متحلش، بس ارجعي معايا.
ندى بصت لي بنظرة شفقة كسرتني أكتر من الزعيق
أنت لسه زي ما أنت.. فاكر إن كل حاجة بتتصلح بالفلوس. الشقة، الفيلا، حسابات البنك.. هي دي الحاجات اللي بتفكر فيها؟ يحيى وفاطمة مش محتاجين فلوسك، محتاجين أمان، وأنت مابتديش أمان لحد يا شريف.
في اللحظة دي، باب الأوضة اتفتح بالراحة، وخرج حازم وهو ماسك إيد البنت الصغيرة، فاطمة. البنت كانت بتبص لي بخوف ومستخبية ورا رجله.
حازم بص لي وقال بهدوء
شريف بيه، الكلام الكتير ملوش لزمة. ندى عاشت أيام يعلم بيها ربنا. اشتغلت في حضانة واشتغلت مطرزة عشان تصرف على نفسها وعلى عيالها وم تمدش إيدها لحد، وعمرها ما طلبت مليم.
لو أنت فعلاً عايز مصلحة العيال دي، سيبهم في هدوء. بلاش تدمر حياتهم المستقرة بكبريائك.
أنا مكنتش سامع حازم.. عيني كانت على فاطمة. نزلت على ركبي على الأرض، ومديت إيدي ليها وبأصعب نبرة صوت طلعت مني قلت
فاطمة.. تعالي يا حبيبتي.
البنت بصت لأمها، ندى غمضت عينيها
- لقراءة باقي فصول الرواية اضغط على (رواية بعد الطلاق)