رواية المربية التخينة والمليونير الفصل السادس 6 بقلم هويدا زغلول
لقراءة الرواية كاملة بدون إعلانات (اضغط هنا)
نور بتنهيده قالت
نور
طول عمري كلام الناس مش بيفرق معايا ولا بياثر فيا كل الموضوع ان انا مع نفسي وصالحتها وقررت ان انا اغير من نفسي علشان نور وبس وادركت ان انا استاهل اتحب واستاهل اكون في احسن صوره
ادم شدها ووقفها قدام المرايا وقال
ادم
هفضل عمري كله مديونلك يا نور حياتي كلها كانت ضلمه وانت النور اللي دخل عليها ونورها حبك لمعاذ وخوفك عليه حتي لو هو مش ابنك انت اكبر مثال ان الام مش اللي بتخلف بس
نور
انا حبيت معاذ مش خوف منك انا لقيت طفل بيمد لي ايده علشان احسسه بالامان ومستحيل كنت اردله ايده ابدا معاذ بقى حته من قلبي واول راجل صغير احبه هو اللي خلى مشاعر الامومه جوايا تصحي
ادم حط ايده على بطنها وقال
ادم
انتى جميله فى كل حالاتك يا نور معاذ محظوظ بيكى وبمكر قال بس ايه الحلاوه دى بقيتى مزة المزز يا نور شكلى هعتكف كل البنات وهركز معاكي انت
نور زقته وبغيظ قالت
نور
لسه فاكر تقول ده انا كنت شويه وهعيش على البودره والميه وبتوتر قالت بجد حلوه انا حاولت اغير من شكلى عشان مش تتكسف منى قدام حد
ادم شدها وحضنها وقال
ادم
عمرى ما اتكسف منك يا نور انتى مكانتك كبيرة عندى اوى كفايه انك استحملتي مني معامله وحشه ومع ذلك عملتي معاذ بضمير
نور زقته ورجعت لورا بتوتر وقالت
نور
على فكره انت استغلالي انت عمال تحضن فيا كل شويه ايه هي وكاله من غير بواب انا هنزل اشتكيلك لطنط على فكره
ادم فتح في الضحك وقال
ادم
تعرفي ان طنط هتفرح اوي لما تعرف ان انا حضنتك ومش بعيد تقفل علينا الباب من بره وتطلب مني اعمل اكتر من كده وقرب منها وهمس جنب ودانها وقال طنط عايزانا نبقى روح واحده في جسمين طنط عايزه حفيد يا نور واكيد مش هنجيبه عن طريق البلوتوث يعني ولا من Ai
نور
لا بقولك ايه قله ادب مش عايزه اه البيت ده طاهر وهيفضل طول عمره طاهر انا مكتفيه بمعاذ خلاص
ادم
بيت مين ده اللي طاهر استهدي بالله كده يا حبيبتي يلا واتفضلي اقلعي قصدى اعقلى انا مش شاقطك وجايبك في شقه مفروشه انتي مراتي على سنه الله ورسوله
نور
اه من افكارك المنحرفه ابعد بس كده وخدلك ساتر هو انت مش كنت جاي من السفر وتعبان ارتاح بقى
ادم
على فكره انا جاي من بدري وسمعت كل كلمه كنت بتقوليها لمعاذ وبمكر قال كنت بتسالي هتنولي الرضا امتى وانا بقول لك نولتيه من بدري عايزك تغنيلي يا نور انا كنت بسمعك وانت بتغني لمعاذ بس طبعا عايز اغنيه رومانسيه وهاتيها على ذوقك يا ستي اكيد مش هتغنيلي نام يا حبيبي نام وانا اجيبلك جوز حمام
نور بصتله بغيظ وبدات تغني
نور
حبيبي على نياته كل البنات إخواته ده ما كانش كده بس أنا غيرت كل حياته دلوقتي عايشها جد وعيونه مش شايفة حد لو واحدة بتسأله بيسبني أنا اللي أرد
ادم بضحك قال
ادم
على فكرة انتى ظلمانى انا فعلا على نياتى وخلاص كل البنات اخواتى بجد مش هزار
نور
يا راجل قول كلام غير كدا دا انت مقضيها بالطول والعرض ده انت هتدخل النار زحلقه على قشر موز
ادم
هسامحك عارفه ليه علشان حاسس ان دي غيره واحساسي عمره ما يخيب كملي الاغنيه يا نور
نور
حبيبي داب على إيدي وتاب دخلني قلبه وقفل الباب
ادم قطعها وقال
ادم
اهو ده احساسي بالظبط وده اللي انتي عملتيه فيا انا فعلا توبت على ايدك ودخلتك قلبي وقفلت الباب واكتفيت بيكي انتي وبس يا نور
نور اتوترت من كلامه وقالت
نور
على فكره معاذ كنت وعداه إن انا العب مع القطه العاليه وانت جيت قطعت لها عديني بقى لما اشوف معاذ
ادم شالها وحطها على السرير وبمكر قال
ادم
طب وأبو معاذ مش هينوب من الحب جانب مش هترضي عني بقى يا نور
نور
خلي بالك احنا كده دخلنا دائره الخطر ادم بجد انا خايفه منك صدقني مش هقدر
ادم بذهول قال
ادم
خايفه مني انا ليه يا نور انا عملت ايه انا سايبك براحتك وعمري ما طالبتك بحاجه بس بجد انا بحبك يا نور ومحتاجك جنبي ومعايا
نور
خايفه تكون تعلقك بيا دا عشان معاذ وبدموع قالت انا بجد حبيتك من قلبي بس انت فاهم انت فين وانا فين فرق طبقات يا ادم انت مليونير أنا مجرد مربيه العلاقه مش متكافئة
ادم
الواحد عايز يخبط دماغك في الحيطه يفتحها يشوف جواها مخ زينا ولا جواها ايه نور انا بقول لك انا بحبك ومش حب تعلق ومش عشان معاذ انا بحبك بجد من قلبي انت نظيفه من جوه ومن بره حابب اكمل معاكي حياتي حبك تكوني شريكه عمري ورفيقه دربي
نور
طب وسوزي والسموزي اللي انت كنت عارفهم دول انا لو بدات معاك صفحه جديده واكتشفت ان انت ماشي مع حد انا بجد هسيبك للابد مستحيل اقدر اعيش في البيت ده هتقدر تحافظ على قلبي يا ادم هتكون قد المسؤوليه
ادم
اوعدك اني هحافظ عليك وعلى كيانك واحترامك مش بس على قلبك وكل جنس حواء بقا محرم عليا من اللحظه اللى هقرب فيها منك
نور بهمس
طب ومستني ايه انا كلي ملكك وعلى راي الفنانه شيرين انا كل حاجه حبيبي فيا بتناديك انا بحبك يا ادم وكنت على طول شايفه نفسي اقل منك
ادم حضنها
انتى مش متخيله انا قلبي بيدق ازاى دا فى نار جوايا وبمكر قال استنى انتى قولتى انك ملكى طب تعالى بقا تعبتي امى معاكى بقالى ساعه بشرح نظرى لازم نطبق عملى عشان اثبتلك حبي
وعاشوا لحظات كلها سعاده وفرح بعد ما ادم كسب قلب نور
تمت بحمد الله
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!