رواية المربية التخينة والمليونير الفصل الخامس 5 بقلم هويدا زغلول
لقراءة الرواية كاملة بدون إعلانات (اضغط هنا)
معاذ
نور انا زهقان وانتى بقالك ساعه فى الاوضه هنا وبمكر قال هو انت عرفت الميعاد رجوع بابا من السفر عشان كده خسيتي
نور اتوترت لما جاب سيرته وقالت
نور
انا بحس لنفسي يا مفعوص انت و بعدين ايه زهقان دا ارقصلك يعنى ولا أعمل ايه
معاذ
نلعب القطه العاميه انا وانت انتى بقيتي مزه بعد ما خسيت الوزن ده كله هتبقي اسرع مني وهتغلبيني في الجري
نور مسكت ودانه وبغيظ
نور
ايه مزه دى يا قليل الادب اسمها بقيتى فرس بقيتي اجمل نساء الارض خليك جنتل مان كدا وعاكس بضمير انا عامله مجهود جبار عشان اوصل للوزن دا
معاذ
طب العبي معايا وانا هعاكس بضمير خلي بالك انت بتفسدي اخلاقي
نور ربطت الطرحه حوالين عينيها وقالت
نور
بطل يا موكوس انا بعلمك تعاكس ازاي لما تكبر مش شايف ابوك جايب الديب من ديله ازاي يكش ننول الرضا احنا كمان
ادم كان واقف على الباب ومعاذ شافه وشاله وبهمس قال
ادم
اوعي تفتح بوقك روح يلا على تحت لما اشوف المفسده دى قال وانا مطمن أنك معاها طلعت بتعلمك الصياعه
معاذ باسه من خده وطلع يجري على تحت
نور
ايه يا ابني روحت فين أوعى ياض تكون خليتني اغمى عيني وتلعب بديلك يمين ولا شمال ابوك المز دا هيوأدنى مش بعيد يطلقني وانا ما لحقتش ادخل دنيا معاه اصلا
ادم همس
ده اللي بتتكلمي فيه مع الواد وحياه امي لانفخك يا نور بس اصبري وبمكر قال لازم احتفل معاكي بالنيولوك الجديد ده طلعتى فرس فعلا مش كلام
نور مشيت وهى بتحسس وخبطت فى أدم
نور
واد يا معاذ انت طولت امتى وبقا عندك عضلات كدا ورجعت ورا بسرعه وقالت نهار ازرق ليكون حرامى ويفتكرونى بمارس الرزيله معاه وشالت الطرحه من على عينيها واتفاجأت لما لقت ادم واقف قدامها
ادم قرب منها وهمس جنب ودانها وقال
ادم
وحياة امى هنفخك على بتعلميه للواد دا ومسكها من ودانها وقال بتعلميه السرمحه يا مربيه يا فاضله
نور بتوتر
استهدى بالله بس انا اعرف منين انك هتطب عليا في الوقت الغلط ده وبعدين الواد ابوه دحلاب عايزه يطلع قطه مغمضه ازاي ما الجينات هتطفح عليه
ادم خلع حزامه وقال
ادم
دحلاب يا نور دا انا هنفخك تحبي تتجلدى كام جلده
نور
هو ايه اللي كان قال ده هو انا عملت كبيره من الكبائر وطلعت تجرى على برا وقالت الحقيني يا حماتي ابنك عايش في العصور الجاهليه لا وبيخيرنى كام جلده
ادم بذهول
يا بنت المجنونه انا هوريكي يا نور ونزل وراها
وفى المطبخ سعاد كانت بتعمل رز بلبن ومعاها معاذ اللى أول ما شاف نور بتجرى عليهم قال
معاذ
الرومانسيه فى ابهي صوره شكلى هفضل وحيد يا تيتا انتى مش مسيطره ليه
سعاد
والله احبسهم فى عشه هما الاتنين لحد ما يبيضو بدل ما ابيض انا منهم الاتنين
نور
ايه يا طنط بنادى عليكي وبصت على الرخامه وقالت الله رز بلبن ما تعملي واحد من غير سكر عشان ما أضربش تانى والراجل يتجوز عليا وانا لسه مش دوقت
ادم
نووووور تعالى هنا أحسنلك مش عاوز معاذ يتفرج عليكي وانتى بتتربي يا مربيه يا فاضله
سعاد فتحت فى الضحك وقالت
سعاد
شوفي جوزك يا نور وبهمس قالت دولابك كله اتنقل فى اوضة ادم اهتمى بجوزك يا قلبي انا عاوزه حفيد بدل ما أجرى وراكو انتو الاتنين بالحزام
ادم شال نور زى شوال البطاطس وبص على سعاد وقال
ادم
طالما عاوزه حفيد سبييني براحتى مش عاوز ازعاج يا سوسو وخليكي واثقه فى قدرات ابنك وغمز بعينه ليها وطلع على أوضته
معاذ
هو بابا قصده ايه يا تيتا بكلامه دا انا مش فهمت حاجه
سعاد
انا دلوقتي بس اكتشفت ان ابوك مش متربي ولا انا عرفت اربي ماشي يا ادم انا هوريك
ادم دخل الأوضه وقفل الباب وراه بالمفتاح ونزل نور وقال
ادم
ها نتحاسب بقا عشان نبدأ على نظافه وبصلها بتقييم وقال خسيتي ليه يا نور حد ضايقك
نور
هو انت سخن ولا ايه هو ايه اللي خسيتي ليه ايه كان عاجبك البلدوزر اللى كنت متجوزها ولا ايه
ادم
مش هنكر ان انا كنت معترض عليك وكنت رافض شكلك ووزنك ومعترف بغلطي بس لو كنت خسرتي وزنك علشان كلامي هتخليني احس بالذنب عمري كله
نور بتنهيده قالت
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!