🏠 الرئيسية 📂 روايات كاملة 📂 روايات رومانسية 📂 روايات اكشن ورعب 📂 روايات صعيدية 📂 روايات pdf
رواية سلطان الغزل (كاملة) جميع الفصول بقلم زهرة الربيع

رواية سلطان الغزل الفصل الأول 1 بقلم زهرة الربيع

👁️ 17 📅 18 نوفمبر 2026

رواية سلطان الغزل الفصل الأول 1 بقلم زهرة الربيع

 

البارت الأول

 

لتصفح الموقع بدون إعلانات (أضغط هنا)

راجعه ليه بعد ما غدرتي بابن عمك وسبتيه يوم فرحه ملطشه للناس وخليتي الكل يتكلم في شرفك ويقولوا هربت مع واحد تاني ..بس شايفه يا غزل ربك بالمرصاد، اديكي اتبهدلتي ورجعتي وعرفتي ان الله حق بس بعد ايه ملكيش مكان هنا ولا ليكي اهل

غزل اتنهدت بحزن وقالت ..انت بتشمتني ياعمي مبسوط ان حياتي بايظه

عمها قعد وقال بسخريه…اه بشمتك يا غزل ..انت تستاهلي اكتر بكتير…كان ناقصك ايه هنا في بلدك كنت مخليكي ست البنات وجوزتك لسلطان ابني كبير البلد كلها والف بت تتمنى نظره بس منه ..بس حضرتك عملتي ايه ..سبتيه يوم الفرح قدام كل البلد …وقفو يقولوا مراته سابته وهربت …سبتي الناس تسال ياترى هربت ليه….. ياترى مين غواها وخلاها تسيب فرحها بعد كتب كتابها

غزل قالت بسرعه….قطع لسان اللي يتكلم على غزل المنصوري نص كلمه …انا تربيتك يا عمي ومفيش اشرف مني وميحقش لحد يجيب سيرتي

عمها ضحك وقال…بعد ايه كل اللي معاه كلمه قالها اللي يسوى واللي ميسواش اتكلم في عرضنا ….قصره ملوش لزوم الكلاك ده ..جيتي ليه دلوقت

غزل قالت بدموع …عايزه اشوفك بقالي سنتين محرومه منك..عايزه افضل معاك زي زمان …عايزه اعيش هنا في بيتنا

عمها قال بدموع ….دلوقت افتكرتي ات ليكي عم وبيت….بس انا مقدرش استقبلك دلوقت ….وانتي عارفه ليه ….سلطان كلها شويه ويرجع وانا مش هقدر احميكي منه لو شافك دلوقت هيصفي دمك ومش هقدر احوشه ولا هيبقالي عين اطلب منه يرحمك بعد اللي عملتيه ..انتي متعرفيش اللي مر بيه …انتي كسرتيه يا غزل ودوستي على رجولته وكبريائه وهيبته اللي كل البلد كانت بتعملها الف حساب

دي رواية مميزة جدًا جرب تقرأها  رواية عانقت رماد الذكريات الفصل التاسع عشر 19 بقلم سمر محمد

غزل قالت بدموع…انا هعتذرله يا عمي

ابتسم بسخريه وقال…مفيش حاجه هتطفي النار اللي قدتيها فيه….ده كان قالب الدنيا عليكي ليل نهار …فطع وعد لا يهدى ولا يتجوز ولا يعيش الا لما يلاقيكي ….واللي هيعمله لما يشوفك مش قادر اتخيله حتى….امشي يابنتي ارجعي من مكان ما جيتي ده لمصلحتك يا غزل

غزل وقفت وقالت باصرار..لو نهايتي على ايده يبقى مفيش داعي اماطل اكتر من كده …انا هستناه يا عمي ….لازم نتواجه ….كده كده مسيره هيلاقيني…. اديني جتله بنفسي

….قالت كده وطلعت على اوضتها

عمها ضرب كف على كف بتعب وهو عارف ان معاها حق سلطان كده كده هيلاقيها قال بخوف…لا حول ولا قوة الا بالله …يارب سلم

بقلم زهرة الربيع

بعد شويه دخل شاب طول بعرض حوالي ٣٠ سنه وقال …اذيك يا بابا اخبار صحتك ايه انهارده

ابوه اتوتر جدا وقال ….ب…بخير يا ابني

سلطان لاحظ توتره وقال باستغراب …مالك…. انت تعبت تاني ولا ايه

ابوه هز راسه بالرفض

سلطان قال بتعب….طيب انا هطلع اريح….. الشغل هد حيلي انهارده

ولسه هيطلع ابوه قال بسرعه..لا…لا متطلعش يا ابني انا..انا لازم اتكلم معاك

سلطان استغرب اكتر وقال…فيه ايه يا بابا….مالك مش على بعضك ليه فيه ايه…..لو عايز تتوسط للراجل اللي كنت مشغله فمتتعبش نفسك…… ده غلط معايا وسرق ملفات مهمه من الشغل ووصلها للي مشغلينه …..وانت عارف اللي يغلط معايا اخرته ايه

ابوه بلع ريقه بتوتر وقال..عارف عارف يا ابني…مش ده الموضوع…الموضوع انه …

بس قبل ما يكمل سمعوا صوت غزل وهيه بتحاول تخبي رعبها وقالت ….اذيك يا سلطان

سلطان اتجمد مكانه بذهول شديد وبقى مش قادر حتى يحرك جسمه وبصعوبه قدر يلتفتلها وعيونه هتطلع من مكانها من الصدمه

دي رواية مميزة جدًا جرب تقرأها  رواية سمراء احتلت كياني الفصل السابع عشر 17 بقلم أميرة محمد

 

يُتبع..

 


اكتشاف المزيد من The Last Line

اشترك للحصول على أحدث التدوينات المرسلة إلى بريدك الإلكتروني.

لو عاوز تقرأ الفصول الجديدة من الرواية دي بشكل حصري قبل صدورها وتشوف الروايات الجديدة وتطلبها

انضم لينا على الفيس بوك (من هنا)

و

أنضم لقناتنا على تليجرام (من هنا)

التعليقات (0)

لا توجد تعليقات بعد. كن أول من يعلّق!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

ليس لديك حساب؟ إنشاء حساب