غزل خرجت من الحمام وهيه لابسه التيشرت بتاعه وكان قصير جدا
اول ما فتحت باب الحمام وشافته في وشها شهقت بخضه ودخلت تاني
سلطان ابتسم بسخريه وفضل مستني يشوفها هتخرج ازاي
بعد دقايق خرجت وصدمته لما لقاها لافه طرحتها على رجليها زي الجيبه رفع حاجبه وقال بتريقه….ربنا يقوي ايمان ركبك …ياترى الحجاب ده عن اقتناع ولا ضغط منك
غزل قالت بغيظ من سخريته……انت بتستظرف كمان ..ما حضرتك السبب حابسني هنا من الصبح لا عارفه اغير ولا استحمى ولا اعمل حاجه..لو سمحت بقى كفايه كده وسبني اروح اوضتي
سلطان قرب عليها وقال بلا مبالاه …تمام موافق
غزل اتفاجات وقالت بفرحه …بجد موافق…يعني امشي
سلطام قال بهدوء….اكيد هسيبك تمشي…وتقعدي في اوضتك معززه مكرمه وتفضلي جنب عمك زي ما انتي عايزه….بس لما تتكلمي الاول
غزل اتنهدت بيأس وقالت….. يا فرحه ما تمت…اتكلم اقول ايه
سلطان قطع المسافه بينهم وبقى قريب منها اكتر من انفاسها وقال…..تقولي ليه عملتي فيا كده….ليه رميتي كل السنين اللي عشقتك فيهم ورا ضهرك…ليه خونتيني يا غزل
غزل اتجمعت الدموع في عيونها وقالت بدهشه…خونتك
سلطان حاول يكبت غضبه وقال…اه خونتيني..خونتيني لما نسيتي انك على زمتي ومشيتي في فرحك وسبتيني اسمع بوداني كلام يقطم الضهر عنك …كلام لو كنت سمعت منه حرف واحد عليكي زمان كنت طربقت الدنيا على لسان اللي نطق بيه..لكن بفضلك سمعته وانا ساكت فيه اكتر من كده خيانه
غزل قالت بدموع…..قولتلك اني خوفت
سلطان ابتسم بسخريه ووجع وقال…خوفتي ….تعرفي انا كمان دلوقت خايف …خايف اكون بضحك على نفسي …كل ما احاول اكرهك بقول لا غزل اكيد فيه حاجه جبرتها على كده …ويا خوفي بعد كل ده اطلع غلطان
غزل بلعت ربقها بتوتر وقالت….سلطان…احنا اتربينا سوا لو ليا خاطر عندك انسى اللي حصل…خلينا نبدا من جديد..نتطلق ونرجع اخوات زي ما كنا قبل موضوع الجواز ده ارجوك
سلطان غمض عنيه بقوه بيحاول يسيطر على اعصابه وقال بانفعال ….احنا مش اخوات ولا عمرنا كنا كده …انتي عبيطه ولا بتستعبطي ….ده مفيش حته في البيت فيها
غزل شهقت بصدمه وبمنتهى التسرع ضربته بالقلم وقالت….اه يا قذر
التعليقات (0)
لا توجد تعليقات بعد. كن أول من يعلّق!