الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
_________________________
لتصفح الموقع بدون إعلانات (أضغط هنا)
ترف
علي الدُر:"بعد يومين اسوي عزيمة بمناسبه التخرج مالج ترف ".
انصدمت من كلامة صراحتا ما توقعت راح يسوي هيج شي على مودي
ترف: شنوة ما فهمت ؟!
علي الدُر-: راح اسوي عزيمة شبيج ؟!
-: هاا ؟
-: شبيج جاي اكلج اسوي عزيمة .
-:ليشش !!
-: مو تخرجتي انتِ ترف ثولج هسة وكته ؟!
-: بس يعني ما يحتاج ليش تسوي عزيمة .
-: شعليج بابا شعليج انا اسوي .
-: ادري بس هو على مودي واني اكلك ما يحتاج .
انطاني ظهرة يخلي سلاحه على الميز
-:لا يحتاج لا تدخلين بنتي
من كلي بنتي بدون ما احس تذكرت ابوية من جان يحجيها الي عيوني غوركن بالدموع طردت الافكار من راسي ومسحت دموعي قبل لا ينتبه بس للاسف هو اندار عليه وشافني بهل وضع
رفع تك حاجب وتقرب بخطوه مني يسأل
-: شبيج ؟!
ما جاوبته وكأنما جنت كابته هواي شغلات ومن كال الي شبيج انفجر دموعي بعد ما وكفت تقرب مني اكثر لزمني ب خفه ايدة من زندي
ويسأل بصوت هادء
علي الدُر -: شبيج بوية شجاج ليش تبجين ترف منو وياج .
ترف-: م محد وياي .
-: چا ليش تبجين؟!
رفعت راسي صارت عيني بعينه
ترف-: من كتلي بنتي تذكرت أبويه صارلي هواي مسامعتها حتى كلمة بوية اشتاكتلهم هواي بصوته.
-: إذا تردين اكولهم الج .
فهيت بوجهة وحسيت روحي راح انفجر من الصدمة
-:هاا .
-: شبيج بوية اكلج إذا تردين ما اخليهم ب كلبج اسمعج ياهم مو مشكله .
-:لا انت براحتك لا تسوي شي ما تريده بسببي مو مهم .
سوة حركة بحلكة ب"چؤ" وكمل كلامة
علي الدُر -: انا اريد ماعندي مشكله .
-: براحتك اني ما جبرتك بشي .
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!