الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
________________________
ترف
لتصفح الموقع بدون إعلانات (أضغط هنا)
علي الدُر: ترف انتِ وياي بعمرج ما تيهين اني الي ادليج الطريق راح اصيرلج الاب الي يخاف على بنته من نسمة الهوى .
حطيت عيني بعينه حجيت وصوتي يرجف والكلمات تتكسر بين شفايفي
ترف: بس اسد انت بنفسك ضيعتني انت تيهتني اكثر ليش راقبتني وسويت بيه هيج ليش وصلتني لهل مرحله ؟.
علي الدُر: وعد بس الكاهم اطلكج .
-:عبالك تنحل بالطلاق مثلا ؟!
-:شتردين انتِ ؟!
-:ما اعرف .
-:احجي .
-:اسد .
سكت دقايق صافن بوجهي بعدين تنهد ومسح وجهة وكال بصوت هادء
علي الدُر : ليش ما تكولين اسمي ترف كولي اسمي علي الدُر لا تكولين اللقب .
مسحت دموعي وتقربت منه شكم خطوة
ترف : تحلم تسمع هل اسم مني اسد تحلم .
عفته بصدمته ومشيت للسيارة كعدت وهو رجع للسيارة وسد الباب بقوة ساق وداني للبيت وراح لبيته بدلت هم عائلتي جانو بعدهم هنا بس عفتهم ومشيت لغرفتي باوعت شوية على الموبايل ونمت و ثاني يوم كل واحد توجه ل بيته وراها يومين رحنا للمحكمة ولان علي الدُر عسكري وعندة واسطات مشت بسرعه وهسة صرت مرته شرعا و قانونا
قررنا الزواج الي هو حيكون بعد التحاق علي الدُر ومدتها اسبوع وراها ب أسبوعين نبدي الزواج ولو بيده هو يسويها اسرع بس هيج رهمت ويا بهل حالة الحراسة صارت مشددة اكثر حتى بيت خالي منعني منه على كد الجامعه وخلص بس بلغته لازم ابدي اجهز نفسي بالبداية عارض بس ماعندة حل غير يوافق بس الجنود وياي وين ما اروح وخصوصا هل فترة حيدر ما عافني حتى بالجامعه جان يدخل و يوكف والحجة شنوا "حراسه زايده للجامعه " لان مو بس هو جان موجود ثنين من الجنود زيادة يجون ويا حتى لا يشكون بشي
فد يوم جاي نطلع اني و جوهرة من الجامعه خلصنا محاظرات مهمة وقررنه نرجع للبيت حتى نروح ندور على فساتين بعد لان ما لكيت وبهذا اليوم المفروض علي الدُر يرجع من الالتحاق و لهذا السبب اليوم جان بس حيدر يحرسني بقيه الجنود ما جايين على اساس علي الدُر راسا هو يجي يراقبني على ما ارجع اني للبيت
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!