رواية كان يا مكان الفصل الثاني 2 بقلم دعاء فرج
لقراءة الرواية كاملة بدون إعلانات (اضغط هنا)
رواية كان يا مكان الحلقة الثانية
مهدي//تمني انا مش حابب اضغط عليكي لكن اعتقد احنا محتاجين نتكلم مع بعض شوية
تمني//——–مفيش مشكلة بس ممكن بليل؟
كل الاعذار اللي بقولها عشان اتجنب كلامنا مع بعض خلصت….مبقاش عندي عذر واحد اقوله….عدا اسبوع علي وجودي وانا بتجنب نتقابل في البيت صدفه!! يمكن بحمد ربنا ان ليا أوضة لوحدي….لكن مكنتش عارفه هتهرب من كلامنا لحد امتي؟؟!..
بدخل الاوضه بتاعتي…..وانا بفتح الدولاب…بغير هدومي وانا باخد اول چاكت بيقابلني وبقرر انزل يمكن فكرة اننا هنتكلم كانت بالنسبالي مرعبة…..كان في حجات كتيره ممكن نتكلم فيها….لكن بين كل الحجات دي…..مصطفى اللي مكنتش عارفة هيجيب سيرة الموضوع ده ولالا؟؟؟…..هيطلع عارف اصلا ولالا؟؟
هيقولي ايه؟؟……اكيد عاوز ننفصل يمكن كان مجبور
بس ايه هيجبره؟؟؟……هيسأل عن ايه!!..اكيد معندوش رد لكل اسئلته….او عنده؟!!
بحط الكابيشو علي راسي بحاول اوقف دماغي وانا ماشيه مش عارفه رايحه فين….يمكن اوصل….معرفش لايه لكن يمكن…..
√//الورد…..تاخدي ورد يا سكر…..الوانه تريح بالك وتفتحي بيه صفحه جديده بعد كل اللي فاتك
تمني//شك……
مهدي//هاتي ورده حمراء…….
بسمع صوته جاي من ورايا…..مش بفهم هو هنا بيعمل ايه؟؟؟…..كان ماشي ورايا!!!….معقول كان ورايا كل ده ومكنتش واخده بالي!!!!!…..كان شاكك فيا؟؟….بيجيب الورده عشان مسألوش عن وجوده!!!!…..
تمني//انت كنت ماشي ورايا؟؟؟؟؟؟
مهدي//——-تعالي نقعد هناك طيب الأول
تمني//رد عليا الاول….انا هقعد معاك ليه اصلا
مهدي//تمني صوتك الناس بتبص علينا
تمني//مش مهتمه الحقيقة وياريت متجيش ورايا انا مش______اووووف
نظرات الناس كانت علينا…..يمكن للحظة بستغرب هدوئه فكرة انه شاكك في نزولي كانت معصباني وبتجرحني في نفس الوقت….اكيد مش هيختلف عنهم بمشي من قدامه وانا بحاول اهدى…كنت خايفة اعيط وانا في الشارع وبين الناس…..
بحط ايدي في جيب الچاكت وانا بردانه….يمكن ده الشعور الوحيد القاسي اللطيف….الوقت بدأ يتاخر نوعا ما……وسط البلد اللي كل اوقاتها حلوة…..لكن لاول مره مكنتش حابه الزحمه بتاعتها…..مكنتش حابه وجود الناس الكتيره والصوت العالي…..وبقرر اتمشي في شارع شامبليون……المكان المقدس بتاعي رغم انه مش بجمال الشوارع الخارجيه لكنه استثنائي بشكل غريب يمكن لهدوئه؟؟!!…..ويمكن لنفس السبب بدأت اعيط
مكنتش حاسه اني كويسه بالشكل اللي يخليني اتماسك المرادي؟؟؟…..ومكنتش فاهمه ليه كل ده بيحصل معايا!!!!….بفتكر سلمي اللي دلوقتي اتجوزت وعايشه حياتها وكأني مكنتش موجوده ولا كأنها عملت حاجة!!!!….حياتها كويسه مفيهاش اي مشكله… مصطفى اللي اتخرج وسافر يشتغل بره!!!!!!!
كلهم كانوا كويسين لكن انا!!…..حياتي وقفت مكملتش سنة التخرج بتاعتي….سبت شغلي…..كل حاجة راحت حتي احلامي لمستقبلي…..شكل حياتي الجايه كل حاجة بقت مجرد ذكرى!!!!!!!!……بنزل راسي وانا سامعه صوت قهر قلبي…..وعقلي اللي رافض الواقع ومش قادره يستسلم لفكرة ان دي النهايه!!!!!!!!!!!!!
مهدي//رجلك بجد مش وجعاكي بعد كل المشي ده؟؟
تمني//انت؟؟؟؟؟؟؟؟؟؟؟
مكنتش فاهمه وجوده؟؟؟؟……بين اللحظات كانت عيوني بتشوف الطريق ومش بشوفه ورايا!!!!…..بنزل الكابيشو اكتر علي وشي……وانا دموعي بتزيد وعصبيتي منه بتزيد……مفيش فايده برضو مشي ورايا…..
مهدي//افتكرت انك مخدتيش الورده قولت ارجع تاني
تمني//هو انت فاكرني عبيطه؟؟؟؟؟…..مش هعرف يعني انت ماشي ورايا لييييه!!!!
مهدي//هيكون ليه…..ممكن افهم التصرف الطبيعي لما اشوفك نازله وانتي كده وفي الوقت ده….المفروض اسيبك!!!!
تمني//لا ازاي تمشي ورايا عشان تشوفني رايحه في…
مهدي//عشان اشوفك ماالك……انا فاهم كويس الطريقه اللي اتقابلنا بيها مش معني اني مش بحبك او مش بينا قصه حب طويله وسنين نعرف بعض فيها ان اسيبك تنزلي لوحدك دلوقتي….
تمني//المفروض يعني اصدقك؟؟…..
مهدي//انا شايف ان هنا مفيش ناس تتفرج علينا بتحبي قاعده القهوة؟؟؟
تمني//نعم!!!!
مهدي//تعالي ورايا….ولا بلاش ورايا دي لوحدها خناقه كبيرة…..تعالي معايا
ازاي عرف اني هتخانق معاه؟؟؟!!!!!
تمني//انا حابه ارجع البيت……
مهدي//اللي يريحك
بيتنهد بيأس مني…..طول الطريق مش بنتكلم…..حتي لما برجع البيت……بدخل اوضتي علي طول…..بنام علي السرير…وانا حاسه ان كل حاجة بقت صعبه….حتي اني اصدق كلامه او اتعامل عادي بقي صعب دايما مش مصدقه غير الاسوء
تمني//مين
مهدي//ممكن ادخل……
تمني//ادخل
مهدي//محبتيش نشرب نعناع بره قولت أكيد حابه تجربه من ايديا…استغربت برضو عرفتي منين اني بعمله حلو
تمني//!!!!!!!!!!!!!!
مهدي//اقعدي اقعدي متتكسفيش الاوضة بتاعتك
بيقعد علي السرير وهو مربع رجله وفي ايده كوبايه نعناع بتاعته…..وواحده ليا بيسيبها علي الكمود…بقعد وانا مش فاهمه عاوز يوصل لايه بكل ده؟؟؟؟ إصراره غريب …… مش مريحني
تمني//مهدي انت عاوز ايه؟؟……ومشيت ورايا ليه وقول السبب الحقيقي من غير كدب انت بنفسك قولتها احنا مش بنحب بعض عشان يبقي عندك سبب للكذب
مهدي//اللي مش فاهمه إصرارك اني كداب……مش قادره تفهمي انه طبيعي جدا لكن بسبب وضعنا مع بعض محبتش اعرفك بوجودي عشان متضايقيش وتتمشي براحتك
تمني//انت كنت شاكك فيا عشان كده مقولتش
مهدي//ايه هيخليني اشك فيكي….انتي بتعملي حاجة خايفه أعرفها؟!
تمني//لا…..لكن متنكرش ان ده سببك
مهدي//لا مكنش سببي ولاخر مره هقولك انا نزلت وراكي عشان قلقت عليكي تنزلي لوحدك وكان باين انك مضايقه وبرضو مش لازم اقلق عليكي عشان بحبك انتي هنا في مسؤليتي انا
تمني//تقلق عليا!!!!!!!!!!!!!!
بقولها بضحكة غريبه…..وانا بقعد قدامه وباخد النعناع يمكن مكنتش مصدقه كلامه دلوقتي متاكده انه كداب مش قادره اصدق حرف واحد قاله…..كوميديا سوداء انا ابويا كان اول واحد اتخلا عني…..اول حد ساب ايديا لحد ما وقعت علي رقبتي…سابني معاه من غير ما يتردد لحظة في مستقبلي مع انسان مجهول
الكلام اللي عمري ما هنسااه للحظة كان من امي!!! يمكن كنت بتمني اكتشف انها مش امي الحقيقه وقتها كان هيبقي عندها عذر لعدم حبها ليا…….
الاخ….الضهر والسند…. اللي بتقف بيه قدام العالم كله اللي بتقوي بيه واللي ربنا طمن سيدنا موسي بوجوده عشان يطمن ويحس انه بقي اقوي…..مبقاش عنده حاجة ناقصه….كل حاجة كملت بوجود اخوه….. كان هو اكتر جزء مؤذي في قصتي……الجزء اللي مكنش بس مؤذي كمان ضيع حقي….وضيعني
صاحبة عمري…….اللي متربيه معايا….وحبيبي اللي كنت فكراه حبيبي….لدرجة اني عرفته اكتر حاجة وجعاني وبعاني منها….عشان يبقي جزء منها
دلوقتي جاي مستنيني اصدقه…..!!!!….مستني اشوفه بيعمل كل حاجة من غير سبب؟؟؟….مستحيل اكيد عاوز حاجة….واكيد هعرفها….هو يمكن اب كويس لكن انا مش بنته…..ولا عوزه اكون جزء منه
تمني//هو ممكن تخرج عشان انام
مهدي//……ايه قولته بيضحك بالطريقة دي
تمني//لا……انا بس افتكرت حاجة
مهدي//تمني انتي محتاجه ثيرابي؟؟؟
تمني//نعم!!!!!!!!!!!!
مهدي//يمكن تتكلمي معاها….علي الاقل هي هتسمعك لسبب وهي انها بتاخد الفلوس وقتها هتكوني احسن وتقدري تكلميها لانك فاهمه المقابل….مش هتشوفيها كدابه……
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سلمي//مصطفى!!!!
مصطفى//مفاجأة
سلمي//يخربيتك انت بتعمل ايه هناا!!
مصطفى//طيب دخليني وبعدين اسألي هي دي مقابلتك للضيوف
سلمي//انطق مينفعش تدخل
مصطفى//تمني اتجوزت
سلمي//وانت عرفت منين انت جاي من السفر مخصوص تسأل؟؟….
مصطفى//لا عاوز عنوانها
سلمي//هعرف منين هو انا بكلمهاا
مصطفى//يومين وتجبيلي العنوان بدل ما اجيبه انا ياااسوسو
سلمي//هو انت مجنون بقولك ايه خرجني من حواراتك دي
مصطفى//هو جوزك عارف اللي انتي عملتيه مع تمني؟؟…..اوعي تكوني مخبيه عليه كمان انك كنتي بتحبيني….تؤتؤ شكلي محتاج اسلم عليه واباركله علي الجوازة…هو هيلاقي فين واحده زيك!!!!
سلمي//انت عاوز ايه هو احنا مش هنخلص
مصطفى//عنوانها…..واتجوزت ازاي ومين ولو رقم موبايلها يبقي انسي انك تشوفيني بعد كده وهنبقي وقتها خلصنا بجد
سلمي//عاوزهم ليه مش كفاية اللي حصل
مصطفى//يومين وهكلمك باااي
♡_♡_♡_♡_♡_♡_♡_♡_♡_♡_♡_♡_♡_♡_♡_♡
مهدي//تمني اديني فرصة انا بجد عاوز اساعدك ترجعي احسن….ومش هكذب عليكي انا بساعدك مقابل انك تاخدي بالك من بنتي وانا مش موجود دي اغلا حاجة عندي مستعد اعمل اي حاجة عشانها لدرجة اني استحملت اللي اسمها فيروز دي انتي ازاي كنتي عايشه معاها
تمني//مش بحب اجيب سيرتها ممكن
مهدي//ولا انا الموضوع ريحته وحشه اصلا وعموما ممكن نبقي صحاب……..واعتقد انك مش هاديه بالشكل ده وهعرف العب معاكي بلاستيشن صح؟؟
تمني//ممكن تسيبني دلوقتي؟
مهدي//تصبحي على خير…..و…احم….انا موجود لو عوزتي حاجة
اسلوبه بالنسبالي كان….كان غريب بشكل مخليني محتاجه اعيط….دايما بشوف المواقف دي مع ناس تانيه…مش معايا…يمكن هو قال بنفسه ان في سبب لكن كنت حاسه بشعور غريب يمكن لان اول مره حد يقعد معايا ويمشي من غير ما يقولي حاجة تجرحني!
لكن…مستحيل هيحصل ايه لو اتعلقت بيه….وبنور هعمل ايه لو فكرت نفسي جزء منهم….مش قادره ولا عندي استعداد لاي خذلان او وجع…..شعور بشع مش قادره ابعد واحسه بشكل اسوء…..يمكن لو اخترت وجعي دلوقتي يكون اهون من بعدين
يمكن لو وافقت اسيب ايدي واخليه يساعدني يسيب هو واقع تاني بس المرادي من غير ما اقوم….دلوقتي اهون من بعدين……الشك ارحم من الثقه…..وانعزالي مش ممتع لكن آمن…..انا مش هأذيني وده كفاية عشان احس بالأمان وان مفيش ايد هتقدر توصلي عشان تأذيني
بنام……وانا بحضني…..بختفي تحت البطانية وانا دموعي بتنزل….ايدي اللي بحطها علي شفايفي في محاوله ان صوتي ميوصلش لحد غيري…..مكنتش قادره استحمل قلبي….يمكن مكنتش فاهمه هو ازاي بيدق بعد كل الالم ده ومكمل….ليه موقفش!!!!!!
بيجي في بالي مهدي وكل مواقفه مع نور…..ودموعي بتزيد بقهر وانا بفتكر عز الدين وكرهي ليه بيزيد ولفيروز وكريم…….والسؤال اللي مالوش رد…ليه عملوا كده؟؟…..النوم بيغلبني…..لكن بحس بالباب وهو بيتفتح وده اللي بيفوقني بخوف……الشباك اللي بيتقفل…..خطواته هاديه لكن دقات قلبي اللي مكنتش هاديه……كل ثانيه بتزيد بخوف…..مكنتش فاهمه ليه مصطفى ممكن يجي هنا!! لكن كنت خايفه يكون هو……بشكل مش قادره افهمه
بحس ان جسمي كله اتشل مكانه…..لما بحس بأيده علي خدي…..وهو بيرجع شعري لوراء…..دموعي مش هتستني لما اصحي عشان امسحها….بيبوس راسي وانا دقة قلبي كانت فضحاني….لحد ما بيقرب صوته اللي جنب ودني….واضح ان مش انا بس اللي عارفه اني صاحيه
مهدي//حقك عليا انا……حقك عليا ان مكنتش اعرف كل اللي حصل…….حقك علي عيوني ان سبتك من الاول……يمكن مش عارف اقرب ازاي واخليكي تطمني لكن انا كداب انا عاوز اساعدك عشان بحبك يمكن لسه عندي امل اشوفك زي زمان عوالمرادي اعرف اقولك ان ضحكتك حلوة…….هي اللي شدتني ليكي كنت بنسي كل حاجة لما اشوفها……لسه في العالم ده في حد بيحبك جابك هنا عشان هو اللي يحس بالامان ولو ثانيه واحده ان مفيش حد هيقدر يوصلك
ايييه!!!!!!…..هو بيقول ايه….بيبعد بعد ما بيمسح دموعي وبيبوس عنيه وانا……كنت مصدومه منه وبس بسمع صوت الباب بعرف انه خرج…..بفتح عيوني وانا بحط ايدي علي خدي اللي حاسه بحرارته تحت ايدي
تمني//المنحرف….فكرني نايمه!!!!!!!!!!!
بتحرك وانا بقفل باب الأوضة بالمفتاح براحه وانا بدعي ميحسش بيا……وبجري علي سريري وانا مش فاهمه اي حاجة…..لكن حاسه اني محتاجه انام…..يمكن دقات قلبي تهدى…وبكره هفكر في كل حاجة
♡_♡_♡_♡_♡_♡_♡_♡_♡_♡_♡_♡_♡_♡_♡_♡
سلمي//جبتلك العنوان هبعتهولك علي الواتس وياريت مشوفش وشك
مصطفى//بالسرعه دي ياسمسم
يتبع….
لقراءة باقي فصول الرواية اضغط على (رواية كان يا مكان)
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!