رواية كان يا مكان الفصل الاول 1 بقلم دعاء فرج
لقراءة الرواية كاملة بدون إعلانات (اضغط هنا)
رواية كان يا مكان الحلقة الأولى
حسن//نعم…..وانتي جايه تقوليلي مستنيه مني اقولك ايه!!!…….كانت حادثة ياحبيبتي وملكيش ذنب
تمني//بس دي حقيقة انا فعلا ماليش ذنب
حسن//لا يا ماما ليكي…..انا مش بشيل شيلة غيري انتي من طريق وانا من طريق وخلصنا….
تمني//شيلة غيرك!!!!!!
حسن//مش فاهم اي الاستغراب ده…..وبعدين الكلمة اللي ضايقتك….احمدي ربنا بقي انك مسمعتيش اللي في دماغي
بيقوم من قدامي وبيمشي…….والكافيه كله بيتفرج….. عيون الناس مركزه علينا……اللي شفقة او… عصبية…ردود فعل مختلفة…..لكن اللي مكنش مختلف هو مشاعري انا……بحس ان جوايا بيتكسر……وجع غريب ومؤلم بحس بيه جوه قلبي…..غصه غريبه بتخليني اتحرك من الكافيه بسرعة قبل ما اعيط!!
جسم بيتحرك بين الناس…..لكن مش معاهم…..بقف علي جنب الطريق وانا حاطه ايدي علي قلبي للحظات بحاول اطبطب عليا من بشاعة العالم وقسوته يمكن اقدر اخد نفسي من غير ما احس ان كل نفس بيخرج بيعذبني وانا شايفة الزحمه اللي قدامي…..حركة الناس….حركة العربيات السريعة……كنت خايفة امشي بين الناس
وخايفة اركب مواصلات……لكن تعبيرات وشي ثابته بشكل غريب……مفيهاش روح…….مكنتش هنزل بس نزلت عشانه ويارتني ما نزلت
بتحرك واناا من جواياا متردده….كنت عاوزة اعدي الشارع….حطيت الكابيشو علي راسي….وانا عوزة اختفي وبحاول اعدي….لكن صوت صريخ بنت بيخضني جدا…..وحد بيشدني……بعد ماا بتوتر……. قبل ما العربية تخبطني
تمني//انا اسفة جدا
√//حصل خير يابنتي المهم انك كويسه
بتكون ست……ردها لثواني بحس ان ممكن الغريب يبقي احن علينا من ناس الحنية المفروض عندهم فطرة……….بتعديني معاها…..وانا بكمل طريقي وانا عنيا في الأرض…..دموعي بتنزل في صمت….مبقاش فيا طاقة للبكاء……يمكن جوايا مش فاهم ليه لحد دلوقتي انا بين الناس!!!…..
مكنتش بفهم ليه ممكن انسان يقرر ينهي حياته بأيده لحد ما فهمت ان احيانا بيكون الوجع اكبر من قدرة الانسان علي التحمل……يمكن لحد دلوقتي بحاول اسند اي جزء فيا………يمكن اقدر اهرب بيا…..يمكن استاهل فرصة تانيه…..الفرصه اللي محدش غيري شايفها
فيروز//شرفتي ياااسنيورة
كريم//كنتي فين يابت
تمني//كنت مع حسن….و
فيروز//وهو حسن بيبص في وشك اصلا ولا معرفتيهوش لسة
تمني//……سبنا بعض
كريم//قصدك هو سابك……ما عنده حق مين هيرضا بيكِ اصلا
فيروز//ياريتك يا شيخه موتي كان هيبقي ارحم من وشنا اللي بقي في الأرض بسببك
تمني//انتي شايفة ان موتي كان احسن
فيروز//وانتي عندك رآي تاني كنت هقول الله يرحمها وهنكمل حياتنا من غير علامة سودة زيك
بسيبهم وبدخل الاوضة بتاعتي……..بقفل النور وبنام علي السرير….وانا مش فاهمه ذنبي كان ايه…..ليه بيحصل معايا كده……مش انا اللي المفروض اتعاقب كده…..مكنتش متخيلة انهم بالسوء ده…..كنت بقول لنفسي ان محدش هيكون حنين عليا زي امي….مهما كانت بتظهر عكس كده…..لكن طلعت مغفلة…انا اي حد كان هيبقي احن منها
كل حاجة اتغيرت في يوم……حجات كتيره وقفت فجاة…..اليوم اللي انا واقفه عنده لحد دلوقتي…..
مكنتش متخيلة ان الغيرة بين الصحاب ممكن تعمل كدا…..لدرجة انها تأذيني بالشكل ده……
«فلاش»
تمني//سلمي…..هاتيلي مياة معاكي
سلمي//ماما عاملة كيك النهاردة تحفة
تمني//ايوه صح هي طنط فين
سلمى//كالعاده نزلت عند خالتو المهم نشغل ايه نتفرج عليه!!!!
تمني//اي حاجه
سلمي//نشغل أغاني؟…….
تمني//يابنتي بقي مفيش فايده فيكِ قولتلك مش بحب اسمعها
سلمى//ياشيخه خلينا نفك شوية…..
تمني//اي الصوت ده وطي شوية عالي اوي
بتضحك وهي متجاهلة كلامي…..بتنهد منها بقلة حيلة وباخد شنطتي عشان انزل……لكن هي بتقوم وبتفتح الباب….وانا مش بيستمر استغرابي منها كتير…..وبشوفه
تمني//مصطفي!!!!!!!!!!!!!!!!
وجوده…..كان غريب بالنسبالي جدا… سلمي بقالها فتره بتحاول تقنعني اسيب حسن وان مصطفي يخطبني…وانه بيحبني وانه احسن…. لكن دايما كنت برفض حتي محاولاته هو مكنتش مهتمه ليهاا ومكنتش بسيب فرصة بينا للكلام
مصطفي//ازيك
سلمى//مفاجأة صح…..ادخل
بيدخل وهي بتقفل الباب……بالمفتاح!!!!!!!!!….بحس ان الوضع ده غريب جدا وبقرر امشي بسرعة…..وبقفل الصوت بعصبيه لانه بيكون مزعج جدا اتوترت منه……
تمني//انت بتقرب كده ليه خليك عندك
سلمي بتبتسم ليا وهي عنيها عليا وكأنها بتسخر مني وبتشغل صوت الأغاني تاني…..
«بااااك»
بفوق من تفكيري….وانا حاسة ان سامعه صوت صريخ مش بيتهيالي…..انا سمعاااه كأنه حقيقة…..بحط ايدي علي ودني واناا مش عوزه اسمع حاجة……..بتحرك من سريري بسرعة……وانا بشغل نور الاوضة من الخوف…..وانا برتعش…..وبقعد مكاني وانا لسه الصوت لسه في دماغي….مش عاوز يقف……..ومش قادره اسيطر علي دقات قلبي…..ولا الخوف اللي كان اكتر حاجة مخوفاني
دقيقه….التانيه….بهدا….وبنزل ايدي بحذر وانا بحاول افهمني ان كل حاجة دلوقتي كويسه……
فيروز//اطلعي كلمي ابوكي….انجزي
بتقفل الباب تاني……وبتتجاهل شكلي وانا بتحرك من مكاني بهدوء….مكنش بختياري المرادي يمكن هدوئي كان لضعفي…لاول مره احس اني مش قادره اسندني مش قادره اكمل كده….ويمكن ده بيوجعني اكتر المرادي انا اللي بتخلى عني!!!!…..انا اللي تعبت مني
يمكن بيكون جوايا غضب العالم كله بعد احساسي بأن ليه يعملوا كده؟؟؟….ليه وصلوني للحاله دي؟؟….علي الاقل كان ممكن يسيبولي نفسي تسند المتكسر فيا انا كنت هبقي رحيمه بيا
عز الدين//مهدي كلمني عنك وانا وافقت واتفقنا نعمل كتب كتاب علي طول
كريم//مهدي؟؟؟؟!!!!!!
فيروز//طيب واتفقت معاه يبقي امتي خلينا نسرع الموضوع شوية ليغير رآيه
عز الدين//بكرة…..هو كده كده قالي ان شقته جاهزه بس ناقص فيها شوية حجات….
فيروز//مش مهم يعملها بعدين
كريم//مش غريب الموضوع ده…..يعني انت قولتله بكرة ووافق عادي….ده غير ظهوره الغريب ده
عز الدين//مش مهم حتي لو في سبب يبقي يطلقها بعدين
تمني//مهدي!!!…بس يعني…ده عنده بنت
فيروز//بس ايه انتي مش عاجبك كمان!!….هو انتي قبل ما تعرفي حسن ولا تجبلنا وجع الدماغ اصلا كان واحد زي مهدي بصلك…..ده انا مش فاهمه عقله فين بس ساكته المهم نخلص…..كده كده مش هيستحملك وهترجعي تاني
عز الدين//خلصنا….جهزي حاجتك عشان لما نكتب الكتاب هتمشي معااه
بيتحرك من قدامي…..وانا عيوني عليه ودموعي بتكابر عشان متنزلش….بيديني ضهره وبيمشي قدامي….كان نفسي اصرخ فيه بكل وجع جوايا……..واسأله ليه بيعمل كده!!….ليه بيديني ضهره وانا كنت محتاجة حضنه…..ليه هان عليه انا؟؟؟؟…..ليه ساب قلبي يستحمل كل القهر اللي اكبر منه ويستحمل العالم وجحوده وهو موجود؟؟؟؟
بتحرك وكأن مفيش دمار جوايا….صراع في عقلي بيأكل فيا…..بدخل اوضتي….وانا نفسي انام وكل ده ينتهي ولو لحظات بسيطة
♡_♡_♡_♡_♡_♡_♡_♡_♡_♡_♡_♡_♡_♡_♡_♡
مهدي//تعالي هضفرلك شعرك
نور//لا انت بتعملي ضفيرة معاقه
مهدي//معاقة؟؟؟؟؟؟؟؟….ياقلبي….يخسارة فلوسك في المدارس الخاصه يامهدي
نور//يااا بابي انا قصدي انك فاشل فيهم فاهمني
مهدي//…………..وايه لزمتها بابي ما تقوليلي يسطا بالمره ولا انت يلااااا
نور//بيئة….الفاظك توكتوكيه خااالص
مهدي//ياصبر ايوب يارب……المهم تعالي نتكلم كلام كبار
نور//لا ماليش مزاج
مهدي//معلش بعد اذنك يعني لو مفيهاش ازعاج لمود حضرتك موضوع لا يحتمل التأجيل
نور//خلاص اتفضل قول
مهدي//هو انتي مش كنتي بتقوليلي انك زعلانه عشان ماما عند ربنا…….وان نفسك ماما ترجع تاني وتكون معاكي
نور//ايوه..!!!
مهدي//طيب اي رأيك لو اجبلك ماما تانية…..هتحبيها وهتلعب معاكي…..مش هسيبك عند عمتو لما اروح الشغل هتفضلي في البيت وهي معاكي…..وهتعملك ضفيرة جميله مش معاقه
نور//…….لو ماما مش هينفع تيجي تاني انا مش عوزه حد غيرها….انا عوزاك انت بس
مهدي//طيب ممكن افهم سببك؟
نور//….عشان هي مش هتبقي زي ماما انا صحبتي مامتها مش هي مامتها الحقيقه وبتضربها
مهدي//طيب يعني هو لو ده حصل انا هسكت وهسيبك؟……انا هقولك فكرة حلوة احنا نخليها تقعد معانا لو بقيتي لسه خايفه منها يبقي خلاص مش هخليها عندنا اتفقنا؟
نور//بس وعد لو ضربتني هتمشي؟؟؟
مهدي/وعد…….وبعدين انتي بتخافي انتي ياا ام لسان طويل ده انا هزغزغك لحد ما تنامي
♡_♡_♡_♡_♡_♡_♡_♡_♡_♡_♡_♡_♡_♡_♡_♡
فيروز//انتي لسه نايمه…..قومي يااا هانم
تمني//في ايييه الساعه كام
فيروز//غيري هدومك عشان مهدي بره والمأذون جاي دلوقتي خلينا نخلص وتمشي
بتخرج….وانا بركز حواليا……مش فاكرة اني لميت هدومي ولا جهزت الشنط دي!!!!! بتيجي عيني علي دريس جمبي علي السرير….بتحرك وانا جوايا افكار كتيرة اخرهم اني البسه واخرج….وامشي مع الانسان الغريب اللي اول مره اشوفه
نور//ممكن ادخل؟؟؟؟؟؟
تمني//انتي دخلتي خلاص
بتدخل بنت شكلها غريب…..مكنتش فاهمه دي تبع مين بظبط؟؟؟….او بتعمل ايه هنا!!!…..بتقفل الباب وراها قبل ما حد ياخد باله منها وهي بتضحك وايديها علي بوقها
نور//شوفت طنط فيروز خارجه من هنا عرفت انها الاوضة بتاعتك….ضحكت عليهم وجيت
تمني//انتي مين بقي؟؟
نور//انا نور
بنزل لمستواها وانا ببتسم علي طريقتها وهي بتعرف نفسها…..بشيلها وانا للحظات ناسيه الواقع بتاعي
تمني//كنتي بدوري علي الاوضة بتاعتي ليه بقي
نور//عشان اشوفك….بابا قالي اني هحبك كنت عوزه اعرف قلبي هيحس انك كويسه ولالا
تمني//بتمشي وراء قلبك؟؟؟؟؟
نور//لا بمشي وراء بابا……هو بيقولي امشي ورايا وفي الآخر بيحرق الاكل….وبتأخر علي المدرسة…..ومش بيعرف يضفر شعري
تمني//واضح انه مغلبك خاالص
نور//اووووي
بضحك عليها…….عفويتها لطيفه…..باخد الدريس وبغير هدومي بعد ما بتحط ايديها علي عيونها في تذمر شديد لاننا بنات زي بعض……
فيروز//انتي هنا وهما بره بيدورو عليكي كانت نقصاكي
تمني//انا هخرجها كده كده خلصت لبس
في تلقائية مني بقرب البنت مني قبل ما ايديها توصلها كنت حاسه انها مينفعش تتعامل مع اطفال…..وان مش ذنبهم حاجه يقعوا تحت لسانها….يمكن حبي للاطفال ساعدني انسي ولو للحظات وانا حاسه اني بتعامل مع شخص بريئ……روحه مش قذره ولا قلبه قاسي
مهدي//نور انتي روحتي فين
بخرج بعدها…..وهي ماسكه ايدي….اللي بتسيبها اول ما بتشوفه وبتقرب منه….أعتقد فهمت هي مين….لكن للحظات بشوف طريقه قربها منه…..وهي بتجري وبتمسك في رجله وهي بتضحك…..رغم انها شايفه قلقه عليها بسبب انها اختفت…..لكن مكانتش خايفة!!!
بيشيلها وهو بيضمها ليه…..ايده علي شعرها وكأنها اخر العالم…..معقول الوقت اللي اختفته خلاه قلقان بالشكل ده؟؟؟؟؟؟؟
وبين قلقه وحنيته عليها رغم ان شكله مش حنين نهائي ملامحه بتقول انه قاسي اكتر……عيوني بتروح لعز الدين…..وانا عوزة اقوله اني كمان بنته…..انا كمان كنت محتاجة كده….
كريم//المأذون جه…..
مكنتش حاسة اني معاهم….بيقعد مهدي في طرف وعز الدين طرف وانا مكنتش بينهم……يمكن معاهم بجسمي لكن روحي تايهه في طفولتي…..عيوني متعلقه بيها وهي واقفه قدامه…..ايديه قدامها بيمنعها تبعد عنه…..وبيضمها ليه بهدوء….وهي بتضحك!!….
بتمسك ايديه احيانا…..وبتسيبها احيانا وهي بتتحرك كتير وهو مش متعصب من فرط حركتها!!!!!!!
مكنتش فاهمه عموما احساسها اللي يخليها بتتصرف بالشكل العفوي والراحه دي لكن اعتقد كانت حاسه بشيء لطيف…..شيء مخليها زي الفراشة
فيروز//امضي…..
بفوق علي صوتها وهي بتحط القلم في ايدي….حتي قدام الناس مش قادره تداري قسوتها…… بتردد وبحس اني محتاجة اهرب…..ليه مقومش اجري دلوقتي ومهما كان مصيري مش هيكون اسوء من حالي؟؟؟…….بمسك القلم وانا فكرة الهروب والرفض بتسيطر علي بالي
√//انتي موافقه يابنتي علي الجوازة دي؟؟
فيروز//اااه طبعاً……هي بس متوتره كلنا كنا كده
بحس بأيدها وهي بتقرص في جمبي….وعيون مهدي اللي بياخد باله…..بمضي وانا بدعي ان دموعي متنزلش وتفضحني……
√//بارك الله لكما وبارك عليكما وجمع بينكم في خير
يمكن اي بنت بتكون مبسوطه بعدها……جناحتها بتكبر وبتخف خفه الفراشة….بفستانها الأبيض وحبيب عيونها لكن…..انا…كانت بالنسبالي مختلفه يمكن شعور اسوء من وصفه
فيروز//شنطه هدومها جوه ادخل نزلها ياكريم
بفرك في ايديا وانا جوايا هينفجر من الوجع والاحراج قدامه….نظراته لكل حاجة كانت كفاية عشان اخد بالي من استنكاره لكل حاجة اولهم فيروز……
مهدي// احم…..يلا ننزل
باخد بالي من نبرة صوته…وكأنه بيواسي….او يمكن مشفق؟؟؟؟؟…..بسحب ايدي قبل ما يلمسها وبرفع طرف الدريس وانا بتحرك قدامه…..للحظات عيوني بتيجي علي الاوضة بتاعتي….وقبل ما تنزل دمعه تانية علي ايامي واحلامي بلم خيباتي وشتاتي وبنزل وانا سيباني ورايا…..في اوضتي…..مع احلامي الساذجه
كريم//متعمليش حاجة تضايقه…..وبلاش لسانك الطويل ده يجادل معااه وخلاص….ومهما عمل مش عاوز اشوف وشك ولا حتي زياره
بيرمي الشنطة من ايده قدام العربية…..وبيمشي….وانا مبقتش حاسه بحاجه….عقلي فهم من بدري اني لوحدي في العالم ده……وروحي اتعودت علي البرد اللي دايما حاسه بيه….
مهدي//واقفه ليه كده؟؟
يتبع….
لقراءة باقي فصول الرواية اضغط على (رواية كان يا مكان)
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!