رواية جيرانا الفصل الثاني عشر 12 بقلم حميدة عبدالحميد

رواية جيرانا الفصل الثاني عشر 12 بقلم حميدة عبدالحميد

 

 

البارت الثاني عشر

 

#جيرانا12
#حميده_عبدالحميد
فجأة ظهرت عاصفة رملية قوية واتكونت كُتلة رِمال كبيرة قدامنا و. اول م اتلاتشت ظهر ثُعبان قدامنا ٠٠٠ رفع راسو فوق ووقف على ضنبو منظرو كان قبيح شديد وانا هبطه من الخوف ٠٠٠
نظراتو كانت احّد من حادة كانت ثابته، وكل تركيزو كان على انا وفجأة نزل في الأرض بحركة سريعه وبقا زاحف على بسرعة كبيرة أيوب قال لي زحي من قدامو سريع ي سندس
حركت رجولو وفي آخر لحظة زحيت وهو جا زاحف مكان كُنت واقفه
. لفّ تاني وقبل علينا أنا وايوب، همست لي أيوب وقلت ليه شكلو دا درافيل الوقف مع ميادة قال لي اي هو زاتو٠٠٠ وخليني انا ح اتصرف معاهو
قلت ليو مجنون انت؟ دا ما ثعبان حقيقي عشان م تضربو وتقتلو دا جن ي أيوب!!! و أول م تهبشو أكيد ح يأذيك٠٠٠
قال لي ما ح اهبشو بس بعرف اعمل فيو شنو ٠٠٠ صراحه كنت خايفه شديد انو أيوب يعمل حاجه غلط ويدفع ثمنها بعدين
رديت ليو بقلق وقلت ليو ٠٠بس قاطعني وقال٠٠
= سندس

 

_نعم
انا موش قلت ليك ح أحميك وطلبت منك تثقي فيني؟
هزيت راسي ب رضا
طيب وهسي الجد في الموضوع شنو؟ فخليك واثقه مني٠٠
رفع يدو اليمين وبدأ يفك في الربطه الكانت في يدو الشمال لحدي ما فكاها كلها
إبتسم وقال لي امسكيها سمح لحدي م انتهى من الشي دا وح ارجع اربطها تاني. ٠٠٠٠شلتها منَو
واتحرك من جنبي ومشي اتجاه الثعبان
كنت بعاين ليه والخوف انتهى مني خلاص وبديت افكر يارب ح يعمل ليو شنو ٠٠٠
نظرهم اتلاقه مع بعض والثعبان كان باين عليه المُكر والخُبث.هنا أيوب بدا يقرا قران ٠٠٠
الثعبان بدا يتحرك بس كانت حركة ما مفهومه ولون جلدو بدا يتغير من اسود لي اسود شديد ٠٠٠ ووقف على حيلوا تاني ومنظرو كان مخيف شديد ٠٠٠
أيوب كان واقف من دون م يرمش أو يخاف ب العكس كان واثق من نفسو شديد بدا يقرأ تاني وهنا الثعبان خلاص اتلبش وظهرت عاصفه دخانيه أو كتلة من الدخان كانت لسه عايمه فوق وما نزلت تحت رفعت راسي وعاينت ليها ٠٠٠٠
هنا أيوب سكت والتفت على وقال اجري ي سندس وم تعايني وراك نهائي هزيت راسي بنفي
رفع صوتو وقال اجري قلت ليك قلت ليو وانت؟؟ قال لي بلحقك بس هسي انتي اسمعي كلامي
بكيت لاخر مرة ومنها التفته ل ورا وكتلتة الدخان بدت تنزل تحت خلاص غمضه عيوني وجريت من دوني وعي وكل مرة اعاين وراي اذا أيوب لحقني ولا لسه. قطعت مسافه كبيرة ولاحظت لي كتلة الدخان من بعيد. غطت المكان كلو طوالي وقفت وجا ف بالي اسم واحد
أيوب ٠٠ ٠٠٠
يارب أيوب وين معقولة حصلت ليو حاجه؟ بديت اتلفت زي المجنونة ودموعي نزلو بقزارة وقعت في الأرض وم قدرت اسيطر على نفسي دفنت وشي في حُجري وبديت ابكي ب اخر صوت
فجأة سمعت صوت أيوب وهو بيقول
ها٠٠شوف المجنونة دي انا لسه عايش يبت الناس
رفعت راسي ولقيت أيوب واقف قدامي وملابسو كلها ملانه تُراب
حسيت بفرحه وسعادة اول مرة احس بيهم في حياتي ولاول امرة احس بقيمة أيوب كدا وهنا اتاكدته مية في المية انو أيوب هو الشخص المناسب لي ولازم اتزوجو باي طريقه. قمت من الأرض وقلت لي لازم نوصل لي حِلمنا وهدفنا ب اي طريقه
ابتسم وقال ودا ال ح يحصل ي ستي ويلا ارح نواصل طريقنا.
مديت ليه القطعه شالها وربطها في يدو للمرة التالته واتحركنا

 

والواطه بدت تصبح خلاص ٠٠٠
والشمس بدت تطلع تدريجيا ومن بعيد لمحنا جبل واقف على بُعد أمتار مننا ومُحاط بشجر نخيل كتير ٠٠٠
أيوب وقف وقال شكلو دا الجبل ي سندس فرحت شديد وقلت ليه خلاص هانت ي أيوب الحمدلله قربنا نطلع من الدوامه دي ضحك وقال ارح ارح لازم نوصلوا ٠٠٠ اتحركنا وملامح السعادة كانت ظاهر فينا
فضل لينا خطوات بس ونكون في قلب الجبل بس فجأة سمعت أصوات أقدام الحصين توالمرة دي كانت قريبه مننا وشديد كمان قلبي بدا يضرب طوالي عاينت خلفي و من بعيد لمحت أشكال غريبه راكبين حصين بس طولها أطول من الحصين البنعرفها نحنا والراكبين فيها شخصيات ماعندها رؤوس أيوب قال لي اجري لازم نوصل الجبل قبل هم يوصلونا ٠٠٠ بدينا نجري وهم خلاص قربو شديد مننا ٠٠٠
يتبع٠٠٠

• لقراءة باقي فصول الرواية أضغط على (رواية جيرانا)