رواية عشق ظالم الفصل الأول 1 بقلم نور شريف

رواية عشق ظالم الفصل الأول 1 بقلم نور شريف

البارت الأول

هو بابا طلع عمو احمد اللي بنشوفه في التاكسي !!
مين قالك الكلام ده يا حبيبي ؟
=شاور علي احمد في التاكسي وقال بحب هو اللي قال ليا أنا أبقا بابا .
غلي الد’م في عروقي و اتعصبت و جريت علي التاكسي بغضب انت ازاي تقوله الكلام الفارغ ده ؟! أما راجل عجيب بصحيح قال أبوه .
كنت بحاول ابعد نظراته وان احاول مبصش ليه لكن قلبي خدعني !
نزل هو بابتسامة عريضة.. اثبتي أن مش أبوه أنا قاعد اهو فين ابوك يا مروان .
رد مروان ببرائه عند ربنا :ـ
بصتله غرام بغضب و اخدت ابنها و طلعت شاقتها عند بابها وهي بتخلع حجابها و بترمي علي الارض بغضب ادخل يا زفت مش كل ما حد يقولك حاجة تصدقها .
حضن جدو الولد بحنان و رفعه لمستواه : امك مالها يا شقي بعدين براحه شوية علي الولد يا غرام يحصله حاجة و بعدين اي لفظ من ده إبنك يتعود عليه .!
سرحت بتفكيري ل محمد .. مستفز كل ما يشوف مروان يقوله أنا أبوك مجنون ؟!
مالك يا غرام وشك مقلوب ليه كدا قبلتي محمد تاني ..
=اه قبلته تاني بسبب مروان جه شافه تحت البيت و قاله أنا باباك يا مودي و الواد متعلق بيها بشكل رهيب ؟
ما ترجعي يبنتي عشان خاطر ابنك مش عشان خاطره اهو يتربي في وسطكم و تفرحوا بيه وهو بيكبر قدام عيونكم ..
= الأمر ده منهي بنسبة ليا هروح أصلي المغرب خلي بالك منه بينزل تحت من غير ما أعرف .
خرج بابا وقعد يلعب مع مروان صليت المغرب و فتحت الباب شوفت بابا قاعد علي الارض علي ركبته و شايل ابني علي ظهره و بيلف بيه و صوت ضحكهم بيرن في الشقة و اختي و ماما كانوا نايمين
بصيت علي فرحة مروان مع بابا و اتخيلت نفسي أن من غير بابا دموعي نزلت مسحتها بسرعة وجه قدامي سؤال مروان
=هو ده بابا ؟
خرجت جهزت العشاء و بحاول أنسي كل اللي حصل وافتح صفحة جديدة من غير سؤال مروان أبني و زن بابا
و ذكريات محمد اللي بتبكيني يومياً و بحاول أفوق منها .
اكلت معاهم وماما صحيت و اختي اللي مخطوبة و عايشة في حالة حب وكل واحد في عالم تاني
عملت شوية فشار و مروان غلبه النوم و نام و بابا نزل يصلي العشاء وانا وماما قمنا كمان و دخلنا ننام فتحت تلفوني لقيت رقم بيرن طبعاً عارفه هو مين ؟!
=بس ايدي عاجزه أنها ترد عليه .
رديت و قلبي بيدق بسرعة .. أيوة مين ؟
أنا محمد يا غرام متقفليش مش بكلمك عشان ننهي الكلام بينا عايزه أقولك أنك وحشتيني و وحشني اوي عصبيتك وانك ترفعي عليا خلع عشان متعصبه مني
قلبك اسود اوي يا حنان ..
حنان مين نسوان تاني يا محمد
= بهزر معاكي وبعدين متبقيش قفوشة كدا ليه خلقك ضيق بردوا .
المهم ابني من يوم ما اتولد وهو معاكي و دايما يقولي عمو احمد حرماني منك ومن الاولاد داخل علي اربع سنين محضنتكيش ولا سلمت عليكي و بشوف أبني بالعافيه وحشتيني يا غرام وحشتيني .
= انت اتجوزت يا محمد أنا و ابنك مش فارقين دلوقت !
أبوه عايش بس ميت بنسبة ليا فكرة أن احنا نرجع تنساها ، احنا اه جيران و كنا حبايب بس ده كان زمان دلوقت أنا غير خالص انت اللي اخترت طريقك ب إيدك .
انتي بتظلميني وانا لو مش بحبك كنت اخدت منك مروان غصب عنك وكنت حرمتك منه زي ما انتي حرماني من أنه يقولي يا بابا
أبني من لحمي و دمي و سهل جدا اخده منك و ده اعتبريه تهديد أو محبه يا نرجع مع بعض يا نفترق من غير ما تشوفي مروان تاني يا غرام ؟
قفلت في وشه و دموعي نزلت بحزن شديد و اتخنقت .. أنا معرفش ظلمته ولا ظلمت نفسي رجعت بلذكرة للماضي
و افتكرت لما قال ليا أنه مسافر اسبوع شغل
و الاسبوع ده محمد كان بيتجوز عليا فيهم ومش بنت عادية لاء دي بنت خالي وابقي مغفله وعملها فرح و رقص ومعازيم و اهلي و بابا راح وكله كان فرحان كأنه بيتجوز اول مره
لا ومش كدا و بس لما عرفت و روحت ليه البيت قعدني وبأي أيدي وقال بحبك انتي ومقدرش استغني عنك بس الشرع حلل ليا أربعة عايزني اخونك مثلا و اضحك عليكي .
حط أيده علي بطني وقال بعيون فرحانه .. مستني تولدي هبقى أسعد اب في الدنيا كان بيلمس علي بطني وانا بعيط و بحاول أبان اقوي لحد ما دخلت بنت خالي
كانت بصه في الأرض من عملتها حطت قدامي حاجات الفرح و قالت بصوت هادي
منورنا يا غرام البيت نور بيكي !!
زقيت الطربيزة برجلي وقعت الحاجة اللي عليه وخبطت محمد في بطنه و قلت بوجع و كسره انت بجح و مش سوي نفسياً أنا هرفع عليك قضية خلع و ابقى قابلني يا محمد لو رجعتلك تاني و أقسم بالله لهتندم علي كل ثانية و لحظة عرفت فيها غرام هخليك تمشي في الشارع تكلم نفسك .
متبقاش منافق و تعمل نفسك بتحبني ده لسه اول طفل و مكملنهاش سنه ونص مع بعض اتجوزت التانية علي كمان كام سنه كملهم اربعه عشان متخونش تبقى راجل شريف و الغلط مش بيعدي من بوابة العمارة .
سيبته ونزلت و ساعتها قبلت بابا تحت مكنتش قادرة ازعل منه أو أنه خبي عليا موضوع زي ده غمضت عيني وحضنته و شهقاتي طلعت
محمد حبيبي كسرني يا بابا حب عمري خدعني يا بابا
اتجوز عليا وانا لسه عروسة كل السنين اللي بينا و استحملته كل ده و فضلت بنت مكتوب كتابها من اول ما تمت سن الرشد لحد ما خلصت دراستها و اشتغلت بعدها اتجوزت علقني بيه خلاني حامل و اتجوز عليا ..
افتكرت ساعتها لما وقعت في الشارع و بابا من الزعل عليا ضغطه وطي في الشارع و محمد ساعتها نزل نقلنا المستشفى كان معايا
فوقت ولقيته قاعد علي الكرسي وباصص في الأرض كنت ببصله وجوايا سؤال واحد بس
=ازاي قدر يمثل عليا كل السنين ده أنه بيحبني ؟
اساله كتير سالتها لنفسي سبني لدماغي و تفكيري غمضت عيني و بابا دخل عليا وبصله وكانوا ساكتين قال بجمود :
يلا نرجع بيتنا يا غرام الحمل مقصر عليكي لسه محمد هيقرب صرخت بأعلى صوتي ابعد عنيييي متقربش .
بعد عني و سندت علي بابا و خرجنا محمد كان ماشي ورانا كنت حسه ساعتها أن رجلي تقيله وان مش مرغوب فيا قلت يمكن أنا مبقتش عجباه معقول بقيت وحشه
يمكن بسبب الحمل وان بتعصب عليه بصيت ليه ورجعت حضنت بابا وتبت فيه بحزن متسبنيش يا بابا مليش غيرك ..
روحت البيت وتاني يوم رفعت علي قضية خلع و كسبتها لكن في اخر تواصل بينا شوفته واقف في الشارع و كان بيعيط
كان نفسي اروح احضنه لكن افتكرت عملته بصتله بقرف و رجعت عند بابا اشتغلت و ولدت وهو حضر الولاد وكان بيجي يشوف مروان دايما لكن اول ما بقا مروان بيمشي و بيكبر علي ايدي لحد ما تم اربع سنين
قولتله أن بابا مات وان اللي بيجي يشوفه ده عمو احمد .
وبقا بينادي ليه عمو احمد مع أنه لا هو عمه ولا وهو احمد .!!
غمضت عيني اللي ورمت من العياط وحاولت أنام وتهديد محمد قلب دماغي معقول لو مرجعتش هياخد ابني مني ؟
صحيت تاني يوم الصبح بدور علي مروان في البيت ملقتهوش !!!!!!
صرخت بصدمة : مروان .
يتبععععععععع
عشق ظالم

• لقراءة باقي فصول الرواية أضغط على (رواية عشق ظالم)