رواية تركته فعاد عاشقا الفصل الثالث 3 بقلم اسراء ابراهيم

باصين لبعض لحد ما انتبهو لصوت جميلة الغاضب وهي بتتكلم يعني سبتني هناك وجيت هما عشان تتساهر يا استاذ جاسر
رد جاسر بحدة علي جميلة وهو بيقوم يقف وبيشاورلها بتحذير الزمي ادبك يا جميلة وصوتك ميعلاش احسنلك ايه كنتي عاوزاني اقف احرسك يعني
بسمة بخوف احسن يتخانقو بسببها يا جماعة خلاص اهدو محصلش حاجة يا جميلة جاسر لسة جاي حالا علي فكرة
بصت جميلة لبسمة وردت بسخرية وهي قاصدة تحرجها وانتي بقي عاملة فيها المصلحة الاجتماعية مش كدة فرحانة كدة اننا اتخانقنا بسببك
سكتت بسمة وبصت لجاسر اللي بصلها باسف علي كلام جميلة ورد علي جميلة هو بغضب جميلة كلمة ذيادة ومش هيحصل كويس انتي فاهمة
بصت جميلة لبسمة بغضب وبسمة وقتها حست بالذنب وكانت مش عارفة تعمل ايه فقامت بسرعة وهي بتقول انا هروح اشوف معاذ ومنة فين بعد اذنكم
مشيت بسمة بسرعة تحت نظرات جاسر اللي كان مضايق عشانها وعشان جميلة حرجتها بالطريقة دي وخلتها تمشي
…………………………….
عدي كام يوم كانت بسمة مهتمية بمذاكراتها وامتحاناتها ودايما كانت بتتعمد تبعد تفكيرها عن جاسر وتنساه بس ده مكنش بينفع لان كل مرة بتبقي مجبرة تشوفه بسبب ارتباط معاذ اخوها بأخته دخلت نعمة علي بسمة الاوضة وشهقت بصدمة وهي بتبصلها بغضب انتي بسة ملبستيش يا بسمة كل ده يلا يا بنتي الناس يقوله علينا ايه
اتنهدت بسمة بضيق وردت بجدية علي امها يا ماما قولتلك اني مش عاوزة اروح العزومة دي روحي انتي ومعاذ ومش لازم يعني انا
ردت نعمة بحسم وهي بتشاور لبسمة بجدية وانا قولت هتروحي يا بسمة امتحاناتك وخلصت الحمد لله وبعدين نسيايب اخوكي عزمونا مينفعش متروحيش يلا اتفضلي البسي
خلصت نعمة كلامه وخرجت بغضب من الأوضة ووقتها نفخت بسمة بضيق وقامت غيرت هدومها وخرجت وهي من جواها بتدعي ان جاسر ميكونش موجود وفعلا راحو كلهم بيت جاسر واستقبلتهم يسرية ام جاسر وحمات معاذ بفرحة وود وبعد شوية اتكلمت بسمة بابتسامة وهي بتدور بعنيها في المكان اومال فين منة يا طنط
ردت يسرية بحب وهي بتشاور عالمطبخ بتشوف الاكل يا حبيبتي ادخليلها
قامت بسمة وردخلت لمنة اللي فرحت اوي بيها وبعد ما سلمو علي بعض اتكلمت منة بحماس يلا اعملي انتي بقي الحلو يا حلوة عشان انا كدة هروح بقي اغير بسرعة عشان اخرج لاخوكي القمر ده وادي كل حاجتك اهي اتفضلي
ضحكت بسمة بتلقائية وردت علي منة وهب بتغمز ليها بعنيها يا بت اتلمي طب حتي اتقلي ومتبينيش انك واقعة
ردت منة بغرور وهي بتعدل لياقة الترنج بتاعها لا يا حبيبتي انا واحدة واقعة علي بوزها وافتخر يلا سلام بقي احسن الواد يلاقيني بشكلي ده ويرجع في كلامه
خلصت منة كلامها وخرجت من المطبخ وسابت بسمة اللي كانت بتضحك علي اللي قالته وبعدين بدأت تعمل الحلو بهدوء ومحستش بالوقت ولا بجاسر اللي كان متابعها من بعيد واتخضت اول ما لقت وشها ولقته واقف علي باب المطبخ وبيبصلها اتوترت بسمة واتكلمت بتوتر جاسر انت هنا من امتي
ابتسم جاسر ورد بابتسامة وهو بيقرب منها من وقت ما بدأتي تعملي الحلو بس تعرفي لحد من قريب كنت بشوفك طفلة
ابتسمت بسمة وردت بهدوء وهي بتهرب بعنيها بعيد عنه وايه اللي خلاك تغير رأيك
حرك جاسر كتافه وهو بيتنهد بحيرة ورد بتلقائية صدقيني مش عارف يمكن عشان الشيكولاتة اللي انتي علطول بتعدي تاخديها من المحل ولا يمكن عشان كنت مش شايفك كويس ولسة شايفك اخت معاذ الطفلة ام ضفاير
ابتسمت بسمة بحزن وردت بهدوء وهي بتمشي من قدام جاسر عشان انت مكنتش شايفني كويس يا جاسر بعد اذنك
اتفاجأت بسمة بجاسر وهو بيلحقها قبل ما تمشي وبيمسك ايديها فقلبها دق ولقت وشها وبصتله باستفهام فسألها بجدية ممكن اعرف ليه كنتي بتعيطي يوم خطوبتي انا شوفت عيونك اللي كانت بتلمع بالدموع ووقتها كنت عاوز اسألك ليه
اتوترت بسمة اكتر وسحبت ايديها وهي بترد بكدب قبل ما تمشي وتسيبه مفيش اصلي كنت جاية غصب عني عشان ورايا مذاكرة بعد اذنك
خرجت بسمة وسابت جاسر واقف يبص لمكانها بحيرة
……………………………
عالسفرة كان الكل متجمع وبسمة كانت سرحانة في اللي حصل ومش مركزة في الكلام اللي بيتقال لحد ما انتبهت لصوتهم وهما بيضحكو كلهم ما عدا جاسر اللي كان بيبصلها بجمود استغربته بسمة لكنها مهتمتش وبصت لمنة اللي قالتلها بخبث اايوة كدة يا بسمة لا ده الواد شكله واقع لشوشته
كشرت بسمة وسألت منة باستغراب وهي مش فاهمة حاجة هو مين ده انا مخدتش بالي
ضحكت منة وجاوبت وهي بتغمزلها بعنيها لا ده انتي واقعة خالص مخدتيش بالك من العريس اللي متقدملك ده لسة ماما نعمة بتقول عليه
بصت بسمة لامها باستغراب فاتكلمت نعمة بتلقائية ليها حق يا منة هي اصلا متعرفش لسة ان جايلها عريس لسة مخدتش رأيها
اتفاجأت بسمة بكلام امها وفسرت وقتها نظرات جاسر ليها ورجعت بصتله وكان نفسها لو يكون احساسها صح لكن هو خذلها لما قام بهدوء وسابهم ودخل اوضته فبصت في طبقها بيأس وحزن واتأكدت انها كان بيتهيأ ليها مش اكتر وانه مش مهتم بأي حاجة تخصها وبعد الاكل بدأت بسمة تساعد منة وتشيل معاها السفرة بس وهي عقلها مشغول باللي حصل لحد ما اتفاجأت بسمة بكلام منة اسكتي يا بسمة مش جاسر اخويا ساب جميلة
لفت بسمة وشها لمنة وهي بترد عليها بلهفة بجد يا منة امتي ده حصل
ابتسمت منة بتلقائية وردت بثقة وهي بتسقف بايديها الاتنين طب والله كان قلبي حاسس انتي كمان واقعة يا بسمة مش كدة
اتوترت بسمة وردت بتهتهة وهي بتبص لمنة بتهرب لا طبعا واقعة ايه بس انتي فهمتي غلط ده انا يعني اتفاجأت بكلامك
بصتلها منة بشك بعد ما خلصت بسمة كلامها وردت عليها بثقة علي فكرة مبتعرفيش تكدبي يا بسمة وباين عليكي انك بتحبي جاسر
شهقت بسمة بصدمة وحط ايديها علي خدها وهي بتقولها بلهفة يا لهوي عليا وطي صوتك انتي ايه عيلة مبتستريش هتفضحيني
ضحكت منة بغرور واتكلمت بتلقائية وهي بتشد بسمة وبتقعدها عالكرسي لا مش هسكت وتعالي هنا واحكيلي كل حاجة والا هروح اسيحلك واقول للواد اخويا كل حاجة وانا بتلكك
بصتلها بسمة بتردد وبعدين اتنهدت بحيرة وردت بقلة حيلة خلاص هحكيلك بس وعد الكلام يفضل بينا
…………….. ……………..
عدي كام يوم من وقت اللي حصل وكانت قاعدة بسمة سرحانة في اخر كلام بينها وبين منة عن جاسر لما قالتلها انه قالهم انه مش هيكمل مع جميلة لانها عكس شخصيته وانه مش مرتاح بس ملمحش خالص لاي حاجة تانية وده خلي بسمة تيأس وخصوصا رد فعله اخر مرة لما عرف انها جايلها عريس وسكوته وانسحابه وكأنه مش همه الموضوع انتبهت بسمة لجرس الباب فقامت تفتح بس اتفاجأت بجاسر قدامها فاتوترت وقالتله بتهتهة جاسر ازيك اتفضل ثواني هنده ماما
جاسر باندفاع تتجوزيني
وقفت بسمة بصدمة وهي باصة لجاسر وافتكرت انها سمعت غلط فابتسم هو وكمل كلامه بهيام
بسمة انا بحبك وعاوزك
ليا واتمني توافقي
بسمة اتأكدت انها سمعت صح فقالتله بخجل جاسر انت متأكد اشمعني دلوقتي مش شايفني صغيرة
ابتسم جاسر ورد بصدق وهو مركز في عيونها انا يمكن كنت شايفك صغيرة وهو ده السبب اللي خلاني ابعد تفكيري عنك بس لما قربت منك وعرفتك اتأكدت اني بحبك واني كنت غبي عشان معرفتكيش من الاول ها موافقة ولا خلاص فرصتي راحت في اني افوز بيكي
ابتسمت بسمة وردت بخجل وهي بتبص لجاسر بسعادة عارف ليه كنت كل يوم بروح المحل عشان اخد الشيكولاتة اللي خليتك تشوفني صغيرة
استغرب جاسر ورد بتلقائية وهو بيبص لبسمة بفضول ايه هو السبب مش فاهم
بسمة بتلقائية اني بحبك كنت كل يوم بعدي عليك واقول هتشوفني بس للاسف كنت بدعي ربنا تكون ليا وقلبك بحبني زي ما بحبك بس لما عرفت انك خطبت قولت خلاص مش نصيبي روحت خطوبتك وشوفتك مع غيري وكنت والله راضية بالنصيب مكنتش اعرف ان ربنا عمل كدة عشان تعرفني الاول وبعدين تحبني
ابتسم جاسر بسعادة وهو مش مصدق ان بسمة كانت بتحبه وهو بغباؤه اختار غيرها
وكان هيضيعها من ايديه قرب جاسر من بسمة اكتر وقالها بتنهيدة انا ردي دلوقتي علي كلامك ده هو حاجة واحدة بس هو اني بحبك وهتجوزك سوا برضاكي او غصب عنك
ضحكت بسمة بخجل وردت بتحذير وهي بتشاورله بايديها جااسر اوعي تنسي اني ممكن ارجع في كلامي
جاسر بهيام متقدريش لانك واقعة فيا وانا اكتر منك يا بسمة
تمت