رواية عمارة حنان كاملة ⭐(جميع فصول الرواية) بقلم ميادة يوسف

رواية عمارة حنان كاملة ⭐(جميع فصول الرواية) بقلم ميادة يوسف

رواية عمارة حنان هي واحدة من روايات الكاتبة ميادة يوسف الجديدة وهي واحدة من الروايات التي تصدرت التريند في الفترة الأخيرة، وتعتبر من أقوى الروايات المنشورة في الفترة الأخيرة وها نحنُ نوفرها لك الآن للقراءة في هذا المقال.

رواية عمارة حنان الفصل الأول

يالا هاتوا الكراسي دى كده قوم ياأحمد علق البلاونات هنا
احمد انفخ البلالين يانجاتى
حنان لمض عايزة احلى عيد ميلاد الواد لؤي ده حبيبى
احمد مامته راحت فين
حنان تجيب حبه حاجات للعيد ميلاد ناقصة هنزل تحت اشوف الاكل الروف بقى حلو ولسه باليل هيبقى حكايه نزلت حنان شقتها تشوف الاكل على البوتجاز كانت مهديه النار عليه دخلت اتوضت وصلت المغرب
حنان الو يامجدى
مجدى عامله ايه واحشنى قوى
حنان مجدى قولنا ايه يعنى اعملك بلوك ولا ايه
مجدى حتى الاتصال هتحرمينى منه
حنان ماينفعش الكلام خلاص الوقت فات وكل واحد خد نصيبه انسى انا مابقيتش صغيرة
مجدى لاء لسه لنا عمر السن مجرد رقم ماليش علاقه بيه
حنان سلام عندى عيد ميلاد
مجدى انا جاى بقلم ميادة يوسف
حنان قفلت الفون وقعدت على طرف السرير وسندت ضهرها لورا وافتكرت
فلاش باك
حسن ومحسن واسماعيل تلاته اصدقاء اتعرفوا على بعض فى الكويت وكانوا شغالين مع بعض فى شركه واحدة وسكن واحد وتقريبا بقوا السند والصحبه لبعض رغم ان كل واحد من محافظه مختلفه قرروا يشتروا قطعه ارض فى القاهرة او احيائها ويبنوا عمارة كبيرة فيها شركه وبعد محاولات كتيرة استقروا على قطعه ارض كبيرة وعمارتين صغيرين أيلين للسقوط اشتروها ورخصوا الارض وهدوا العمارتين وبنوا عمارة كبيرة الدور على ست شقق وكل واحد واخد شقتين فى كل دور والعمارة عشر ادوار وقرروا يسموا العمارة على اسم حنان بنت حسن لانه الوحيد اللى كان مخلف فيهم ومحسن مش اتجوز لسه واسماعيل ماخلفش وحنان بنت حسن الكل بيحبها كانت طفله نغشه ودمها خفيف ومرت السنين واستقروا فى مصر وسكنوا فى العمارة اسماعيل خلف ولدين وبنت مجدى وماجد ورقيه محسن السفر سرق عمرو وماتجوزش حسن فى يوم اكتشف ان زينب مراته ام حنان عندها كنسر فى مرحله متأخرة والعلاج مالوش لازمه حزن وزعل عليها جدا ام اولاده الخمسه بنت عمه وحب حياته بعد شهر اتوفت ام حنان ومن شده زعل حسن عليها مات بعدها بشهرين وبقت حنان الاب والام لاخوتها ومع الوقت بقت الصدر الحنين والراعى الرسمى لكل سكان العمارة والشخص الاول اللى بيلجؤا ليه فى مشاكلهم حنان بتشتغل اخصائيه اجتماعيه فى محكمه الاسره وفضلت انها تربى اخواتها وتجوزهم وتضحى بحياتها علشانهم وبحب حياتها مجدى ومرت سنين واتجوزوا اخوات حنان وبقت هى واخوها الصغير اكرم وبدور له على عروسه وعايش معها فى الشقه بتعتها ولاد اخوها صبرى احمد ومريم علشان مامتهم اتوفت وهى بتولدهم وباباهم مسافر قطر ومتجوز ومستقر هناك ومخلفش تانى زوجته التانيه عندها مشاكل فى الحمل وبتتعالج وهى بالنسبه لها كل حاجه

باك
احمد ماما حنان انتى فين انا جعت
حنان تعالى ياحبيبى انا هنا قامت ومسحت دمعه من عنيها انا جايه نادى مريم يالا
مريم لاء لوكلت مش هعرف اكل فى العيد ميلاد
احمد لا انا هاكل هناوفى العيد ميلاد والعيد ميلاد نفسه
حنان ياما اوعى تكلنا احنا كمان
بعد ساعه فى العيد ميلاد حنان تعالى يالؤى طفى الشمع يالا هابى بيرز داى تويو سنه حلوه ياجميل يالا هوف الشمع
حنان مالك ياسماح فيه ايه مالك من وقت ماجيتى وانتى وشك مقلوب فيه ايه اتخنقتى انتى وهانى
سماح ابدا يانونه ولا حاجه
حنان يالا نغنى ونفرح وبعدين نشوف فيه ايه
بعد عيد الميلاد فى شقه هانى وسماح
هانى عيد الميلاد كان تحفه بس كنت عايز اعمله فى مكان برة بس انتى وحنان قررتوا الروف مع اونه حلو وحنان الله يبارك لها مظبطها وموضبها كويس لاء وكمان خلتوا جنه كدة وكمان عيد الميلاد كان تحفه مالك ياسماح فيه حاجه مزعلاكى مضياقه منها سماح مشيت ودخلت الحمام
هانى بقولك ايه ياموحه عايزين نعيد امجاد ليله الود لؤى فاكرة ياحبى وياريت يبقى نفس اللون موحه ردى بكلمك يابت وراح عند باب الحمام وخبط عليها ايه ياموحه افتحى من امتى بتقفلى كدة هو انا غريب ولا ايه دانا حتى دايس المنطقه كلها ههههه
خرجت سماح من الحمام وباين عليها البكى وعينها وارمه من الدموع
هانى ايه يابت مالك احكى مين مزعلك ايه مضايقك قولى ياحبيبى مالك وخدها فى حضنه
سماح زقته بكل عصبيه اوعى ابعد عنى اياك تلمسنى أو تقرب منى فاهم ومن النهاردة انا وانت كل واحد فى طريق
هانى ايه ليه ده كله هى هبت منك ولا ايه انا عملت ايه

سماح انت واحد غشاس وكداب خداع ولك عين تتكلم واحد غيرك يكون مكسوف من نفسه ومن عمايله
هانى برضوا بتقولى الغاز ادخلى فى الموضوع على طول
سماح حاضر حضرتك يابيه يامحترم باشمهندس قد الدنيا المهندس راح والمهندس جه وكل اصحابى والعمارة بيحسدونى عليك بتشتغل ايه وفين
هانى قعد على الكنبه ووشه احمر وصوته تقريبا مش طالع وحس أن الدنيا بتلف بيه جرا ايه ياسماح انا بشتغل مهندس بترول نسيتى ولا ايه..

يتبع….

رواية عمارة حنان الفصل الثاني

سماح لاء مش نسيت بس الظاهر انك انت اللى نسيت يابيه ومن غير لف ودوران انا شفتك بعيني النهاردة صدفه وعرفتك على طول وانصدمت صدمه عمرى معقول انت على فكرة أنا اعرفك من وسط مليون ولو كنت متخفى برضوا اعرفك على طول دانا بتنفسك يابيه وقعدت على الكرسى اللى قدامه وحطت أيدها على وشها وبكت بحرقه هانى راح جنبها وبدأ يهدد على كتفها ويدلك ضهرها أهدى وتحكى لى كل حاجه
فلاش باك الصبح الساعه ٨الصبح
سماح الو ياالاء ازيك عامله ايه اوعى تنسى تيجى باليل النهارده العيد ميلاد
الاء لا ياحبيبى وده معقول بس كنت عايزه منك خدمه ممكن
سماح امرى ياحبيبتى عنيى ليكى
الاء كنت عايزكى تيجى معى نشوف الشقه الجديده هى فى منطقه قريبه ومحتجاكى معى ووالله ماهنتأخر خالص وهنيجى بدرى وهنعدى واحنا جين على الميكب ارتست انا حاجزه لنا
سماح طب عيد الميلاد لسه فيه حاجات مش جت
الاء الدليفرى هيجب اللى ناقص ماتخفيش بس ماينفعش اروح لوحدى وانا بثق فى رأيك
سماح طب هنيجى بدرى
الاء طبعا اكيد
وراحوا يشوفوا الشقه
سماح ماشاء الله تبارك الله حلوة قوى قوى اكبر وأوسع كمان من التانيه وقريبه تقريبا من التانيه وهواها بحرى والاسانسير هنا احسن من العمارة التانيه يجعلها مبروكه عليكى يا قلبى بقلم ميادة يوسف ء
الاء بجد انا قولت كدة انتى اللى فهمانى الكل قعدوا يقولوا لى المكان بعيد متطرف ومش عارفه ايه بس انتى رايحتنى والله تسلمى لى استنى اطمن على الولاد
سماح ماشى يا قلبى وانا اشوف الحاجه جهزت ووصلت ولا لاء
سماح ايو ياحنه الحاجات وصلت
حنان اه والمكان جهز انتى هتتأخرى ولا ايه لاء خالص هاروح مع الاء نعمل شعرنا والميكب وجاين على طول
حنان ماشى فى حفظ الله بس حاولى ماتتاخريش سلام
سماح يالا خلاص
الاء يالا اتصل على سمارة علشان نخلص على طول وراحوا للميكب ارتست وخلصوا وهما بيحاسبوا سماح واقفه عند الشباك بتبص لاقت واحد واقف فى الإشارة بيشحت فى الاول كانت مش مصدقه نفسها بس ركزت واتأكدت

سماح بتلطم على خدودها يالهوى يالهوى هانى معقول لا يمكن هانى جوزى بيشحت
باك
هانى قاعد مش متمالك أعصابه وفى نص هدومه وبيحاول يجمع الكلام
سماح أهدى واقعدى تعالى
سماح لسه بيقولى أهدى ونتكلم
هانى ثار مرة واحده وقام يزعق فيها ايااااااه اخرسى واسمعى مش هنكر بس كنتى عايزه منى ايه والشركه فنشتنا وبقينا فى الشارع ولاشغله ولا مشغله ومطلوب منى مصاريف بيت ومصاريف حضانه لغات لاء وكمان مطلوب منى كل اللى على التسريحه قدامك ده وراح على الدولاب وبدأ يطلع الهدوم والبرندات والشنط والجزم ونصيف فى السخنه ولا الجونه مافتكرتيش ده كله ياهانم والموبايل الحديث
سماح وده مبرر بالشحاته انا مفكرة جوزى مهندس بترول وانت شحات اقول ايه لابنك بابى شحات وشكلى قدام الناس
هانى كل ده اللى فارق معك للاسف انتى انانيه قوى ياسماح نسيتى كل اللى سائله على كتافى ومستحمله ابويا ومرضه واختى وجهازها ولعلمك قبل ما اعمل كدة روحت دورت على شغل كتير وكل الابواب اتقفلت فى وشى ومافيش فايده وفكرت فى السفر وانتى رفضتى صوتهم على والخناق زاد انا انسان حسى بيا وحطى نفسك مكانى مهندس بترول مرة واحده بعد شغل فى شركه محترمه لاقى نفسه فى الشارع ولاشغله ولا مشغله ومطلوب منه قد كدة كل يوم ردى بكلمك ارفعى وشك كده
جرس الباب رن وخبط على الباب كتير راح هانى يفتح الباب بقلم ميادة يوسف
حنان خير ياولاد فيه ايه مالكوا فيه ايه ياسماح
هانى بص على سماح نظرة كلها حزن وقال لحنان بعد اذنك يا استاذة حنان ونزل
حنان راحت لى سماح مالك يابت فيه ايه من اول اليوم وانتى شكلك مش عاجبني قولى فيه ايه
سماح بدموع وشحتفه احكى ايه واقول ايه ياابله حنان جوزى ابو ابنى وحب عمرى طلع كداب وغشاش اللى حصل …. وحكت كل حاجه
حنان خبطت على صدرها طب أهدى وكل مشكله لها حل قولى يارب قومى غسلى وشك واتوضى وصلى ركعتين لله وادعى بفك الكرب وازاله الغم قومى ياحبيبتى

اروح اشوف مين بيرن الجرس
حنان مجدى
مجدى روحت لك الشقه مريم قالت لى انك هنا
حنان خير فيه ايه مالك قول
مجدى طلع تليفونه خدى شوفى الفديو ده عامله هانى جوز سماح
حنان شغلت الفديو ياخرابى هى ناقصه بقت كده لاء لازم له واقفه اتصلى عليه يامجدى …

يتبع….

رواية عمارة حنان الفصل الثالث

حنان: روح يامجدى للمجنون دة احنا مش ناقصين فضايح خلينا نلم الموضوع ازى يعمل كدة
مجدى: فيه ايه افهم
حنان: افهمك بعدين روح بس ودخلت لسماح
حنان: خلاص ياسماح كل مشكله ولها حل والشباب كلهم حالهم واقف احنا لازم نلاقى حل مش نفضل نندب كدة العلاقات تستحق فرصه تانيه مش مع اول مشكله بجد نرمى بعض ونبيع اللى بينا ونحمد ربنا أن فيه حل وفيه ناس تقف جنبنا وربك رب قلوب وإن شاء الله الحل موجود
سماح: حل ايه واللى عمله البيه دة يرضى ربنا ازى يحط وشه فى وش ابنه ولا أبوه وانا اورى وشى ازاى لصحابى قولى كدة
حنان: هو دة اللى همك مش همك اللى وصل له وايه يخلى مهندس محترم زيه يعمل كدة فكرى بطريقه تانيه وبصى للصورة من ناحيه أوضح
تليفون سماح بيرن
سماح: الو ياميرنا خير فيه ايه فديو ايه ماشفتش حاجه استنى اشوف وفتحت سماح الفديو وشافته يالهوى يانهار اسود وبقت تلطم على وشها اتفضحت فى كل حته شوفتى البيه عمل ايه ياابله حنان البيه عامل فديو بيبع فيه شهادته بيقول اللى عايز يشترى شهادة الهندسه بتعتى يتصل عليا وحاطط رقم تليفونه وهى بتتكلم انهارت واغمى عليها
حنان: راحت عليها سمااااح وهى بتخبط على خدودها تفوقها قومى ياسماح فوقى ياحبيبتى يااكرم يااكرم
اكرم: جه على الصوت خير ياحنان فيه ايه مالها سماح انا سماع كلام كدة بس مش فاهم حاجه بقلم ميادة يوسف
حنان: لسه هنتكلم شيل اختك نوديها مستشفى بسرعه انت كنت فين
اكرم: وهو شايل سماح كنت بصمم ديزاين لعميل والله كنت بشتغل فى الاوضه فوق السطوح
حنان : بسرعه يااكرم
عند مجدى وهانى
مجدى: تعالى ياهانى هنا الاستراحه بتعتى لما الدنيا بتقفل معى أو احب اقعد شويه بعيد عن الكل وافكر بجى هنا اعملك قهوة ونقعد نتكلم ماشى
هانى: ماشى يااستاذ مجدى
بعد دقايق مجدى:
اتفضل ياسيدى امسك فنجان قهوة عجب
هانى: تسلم ايدك
مجدى: ها ياسيدى احكى بقى فيه ايه
هانى ولا حاجه مشكله كل جيل ومشكله كل شاب الشركه عندى فنشيت مجموعه من المهندسين والعمال وانا من ضمنهم دورت على شغل بعدها فى اكتر من مكان مالاقتش صرفت الفلوس اللى كنت عايزهم على جنب مافيش فايدة خد مت التل يختل

استاذ مجدى انا اعرفكم بقالى كام سنه عمر حد شاف أو سمع من كلمه او حاجه غلط
مجدى: شهادة لله لاء ابدا من يوم ما دخلت البيت وانت واحد مننا وعمرنا ماشفنا منك حاجه وحشه والله
هانى: الله يخليك انا بقى اللى حصل معى غير الدنيا فى عينى مطلوب منى مصاريف بيتى والفلوس اللى بساعد بيها بابا اختى الصغيرة مخطوبه وعايزة جهاز وانت عارف الاسعار دلوقتى والبنات بتطلب فى جهازها حاجات كتير ومينفعش اقول لاء وأخوى الصغير بيدرس فى كليه طب ودة له مصاريف لوحدة وانا الدنيا قفلت واسودت فى عينى واحد صاحبى حب يحل لى المشكله كلمنى على شركه بتدى مرتب مجزى طبعا خدت العنوان ورحت هناك اكتشفت خلال الكلام معهم أنها شركة شحاته
مجدى????????????
هانى : اه ماتستغربش حضرتك فى الاول رفضت ومشيت روحت كلمت اختى الكبيرة فى قطر تبعت لى عقد عمل سماح رفضت وقالت أنا ماكنتش اتجوزت علشان جوزى يسبنى ويسافر واحنا كنا متفقين مافيش سفر ووعدتنى كلمت اختى واستلفت منها مبلغ قولت لها الحكايه وان الشغل فنشنا وتساعد هى بابا لعند لما اظبط أمورى مشى الحال شهر اتنين وانا اشتغلت فى مطعم هنا كول سنتر بس المرتب ماكنش بيكفى حاجه والدنيا غليت وولعت والاسعار يوم عن يوم بتزيد كلمت صاحبى وقولت له موافق اشتغل فى الشركه دى بشرط يكون بعيد عن المكان اللي سكنين فيه وطبعا عندهم ملابس مجهزة لكل واحد وحسب الحى وكمان عندهم ناس شطار فى تغير الشكل بس حظى بقى سماح راحت مع صحبتها وقدرت تعرفنى
مجدى: بقالك كتير على كدة
هانى: سنتين وكان بيطلع لى مرتب حلو وتبس كمان بس انا اتفقت معهم انى هجيب مناديل وحاجات كدة أبيعها والصراحة هما مااعترضوش اهم حاجه ادخل لهم المبلغ المطلوب وقعد هانى يحكى وعينه مليانه دموع ودخل فى حاله هستريه وهو بيحكى وقعد ساعتين يكلم مع مجدى كان عايز يحكى ويفضفض
مجدى : قام وجاب له حبايه منوم وسابه ينام ويريح أعصابه
اكرم: الو يااستاذ مجدى احنا فى مستشفى…..
مجدى: حبه واكون عندكم
فى المستشفى

حنان ؛ انا خايفه على اختك قوى يااكرم ربنا يستر اهو الدكتور خرج وجريت عليه
حنان: خير يادكتور سماح مالها
الدكتور: صراحه حاله الانهيار اللى عندها وصلتها للاجهاض ربنا يعوض عليكم هى كويسه وحبه بسيطه وهتطلع من غرفه الافاقه وهتروح على غرفتها
اكرم: شكرا يادكتور وبص على حنان هو فيه ايه بالظبط ياحنه ايه اللى حصل وصلنا لكدة انا شايفها فى العيد ميلاد شكلها متغير قوى ….

يتبع….

رواية عمارة حنان الفصل الرابع

حنان: مش وقته خالص اعصابى تعبانه اطمن على اختك ونقعد ونحكى مع بعض ولازم نلاقى حل للمشكله بإذن الله لازم
مجدى: خير ياجماعه فيه ايه اللى حصل طمنونى على سماح
حنان: ادعى لها اجهضت
مجدى: لا اله الا الله حصل خير ربنا يعوض عليهم على فكرة هانى حكى لى كل حاجه وحاله مايختلفش كتير عنه انا سيبته فى الاستراحه عندى اديته منوم وسيبته وجيت
حنان: الاستراحه اه
مجدى الاستراحه اه ياحنه اكتر مكان بصفة فيه ذهنى عدى ياحنه
الممرضه: اتفضلوا المريضه فاقت وراحت غرفتها معلش حد يروح الحسابات
مجدى : اه حاضر
حنان: امسك يامجدى الفيزا بتعتى ايه وخد فلوس كمان انا عامله حسابى
مجدى: عيب عليكى ياحنه احنا واحد
حنان : لاء والله مايحصل ابدا امسك
مجدى : بص لها وهز كتافه مافيش فايدة فيكى ياحنه
حنان: مش عارفه اكرم راح فين دى اللى من سنه متجوز ومخلف اتنين ربنا يهديه
حنان : هو الواد اكرم راح فين مافيش فايدة فيه ودخلت على سماح ومسكت نفسها من الدموع هى شيفاها نايمه ومعلقين لها محاليل مسكت أيدها الف مليون سلامه عليكى يا حبيبه قلبى ربنا يقومك بالسلامه
سماح: نزل يا ابله حنان انا عرفت بس احسن له ولينا فين لؤى
حنان: راحت باست أيدها وملست على شعرها ربنا يعوضكم خير ولؤى ماتقلقيش عليه مريم اديته شاور وغيرت هدومه ونيمته معها ماتقلقيش عليه
حنان ادخل ياللى بتخبط
مجدى واكرم فى نفس واحد الف مليون سلامه عليكى ياموحه تقومى بالسلامه يارب
حنان: شدت اكرم من قميصه وطلعت بيه برة ايه ياود خلاص حس المسؤليه هرب منك وطفش سايبنى هنالوحدى ورحت فين
اكرم: ظلمانى والله كنت بسحب فلوس من….كاش علشان احاسب المستشفى ولا استنى مجدى يحاسب عيب انا راجل
حنان: جدع وسيد الرجاله والله يالا ندخل لأختك بقلم ميادة يوسف كامل
اكرم: انا عرفت اللى حصل مجدى حكى لى كل حاجه والله حاله حال شباب كتير بس كان مفروض اتكلم واحنا شلنا معه المشكله وشوفنا له حل بس ملحوقه وسماح كمان لازم تفوق وتبطل الدلع اللى هى فيه وتشيل مع جوزها المسؤليه والطلبات اللى مالهاش لازمه تنساها بقى

حنان : تقوم بالسلامه ولى كلام تانى معها إن شاء الله يالا ندخل لهم
مجدى : اش نامت اسكتوا
اكرم: اروح اجيب قهوة تشربوا ايه
مجدى: ماشى قهوه
حنان : قهوه
اكرم : ماشى سلام
حنان : عارف يامجدى سماح مش اختى دى بنتى اللى ماخلفتهاش انا فاكرة يوم ماما لما ولدتها كنت راجعه من اخر يوم امتحان شهادة الثانويه العامه دخلت على ماما ولاقيت سماح جنبها ماكنتش عايزة تقولى أنها هاتولد علشان ماتأثرش فى الامتحان وانا بحل ولما رجعت شوفتها وشلتها حبها انزرع فى قلبى وحتى لما ماما الله يرحمها ماتت كان عندها اربع سنين بقيت اخدها الحضانه جنب الشغل بتاعة واخترت اتعين فى محكمه الأسرة علشان جنبها حضانه ومدرسه ماانت عارف انا تعين اوائل الدفعه واخترت المكان علشان تبقى تحت عنيا
سماح : انا فين
حنان: سلامتك ياحبيبتى تفوقى وتمشى ونروح البيت على طول انا هكمل لك علاج فى البيت
تانى يوم
حنان : نورتى بيتك ياموحه اقعدى هنا اجهز لك حمام دافى واغير لك هدومك يالا
بعد العصر
حنان: قومى ياموحه خدى الدوا واشربى حبه شوربه دافيه يالا قومى وكله هيبقى تمام هانى اتصل اكتر من مرة وهو قاعد برة عايز يشوفك ويتكلم معك براحه وبشويش المشاكل بتتحل ومش عايزة اسمع كلمه طلاق فاهمه
سماح: انتى شايفه كل حاجه بعينك اهو
حنان: وانتى شايفه حال العيال اللى أهليهم بيرموهم فى محكمه الأسرة ويمشوا عايزة لؤى يبقى كدة قولنا المشاكل بينا الأزواج تقرب المسافات ماتبعدهمش وكل واحد يوطى علشان الريح تعدى لحد ما نوصل لبر الامان الحياة تستحق فرصه تانيه ولؤى يستاهل حياه اجمل فكرى

بعد تلات شهور
ايوه ياللى بتخبط حاضر ثوانى
مجدى: تعبت من الانتظار قلبى مولع نار
حنان: احترم نفسك
مجدى: الله الله ايه دة ريحه الاكل تجنن عامله ايه
حنان: عامله محشى كرنب وبط وملوخيه
مجدى : جعان الحقينى بس انا مش وحدى
حنان اهلا وسهلا مين معك وبصت لبرة الباب هانى ادخل ياابو لؤى تعالى
هانى: يزيد فضلك ياحنه اومال فين لؤى
حنان : بياخد درس قرأن فوق مع لوجين تعالى اقعد حبه وهيجى
هانى : قعد وفضل يتلفت يمين وشمال
حنان : مش تتلفت كتير جوه فى الاوضه اظن اتفهمنا على كل حاجه ادخل لها على بال ما ارص الاكل على السفرة
هانى : دخل على سماح لاقها بتلعب فى الفون ومطنشاه هانى فى سره والله ودخل يغنى لها ادينى حب اكتر اديك فى الشوق ياسكر
سماح : اتبسمت وبصتش عليه
هانى الحلو والنبى تبسم للنبى لنبى تبسم وراح عندها شدها بالقوة بقولك واحشنى واموت عليك ياقمر يابت فاضل على سفرى اسبوعين تعالى نروح شقتنا
سماح : لاء حنان مجهزة لنا الاكل
هانى الاكل مش هيطير يابت تعالى دانا هموت ونعيد امجاد ليله الود لؤى
حنان : وهما خارجين خدى ياسماح صنيه الاكل دى وكلى فى شقتكوا على راحتكم
سماح: يوه ياابله حنان مش تكسفينى

اكرم مافيش فاكهه ولا ايه
حنان: يوه نسيت اكلم شروق واقول لها تزود فاكهه هات الفون
فى السوق
شروق : كدة ياعلى ياعلى نسيت امك من يوم ماروحت لابوك وانت متغير معى صح
على : لاء والله ياماما انااااا
شروق : خلاص ياعلى دة فرشك تعالى اقف على ميزانك ولينا كلام بعدين.
ايه عربيه الإسعاف دى رايحه فين استر يارب

يتبع….

رواية عمارة حنان الفصل الخامس

شروق: خير يا خليفه فيه ايه ايه عربيه الإسعاف دى رايحه فين وانت بتجرى ليه استنى كلمنى اقف
خليفه: وقف بينهج ومش قادر ياخد نفسه رايحه البيت عند عادل ابو على الغاز انفجر وطلع جرى على هناك
شروق: لطمت على خدها يالهوى نفين يكون حصل لها حاجه استرها يارب لازم اروح اشوف فيه ايه بت ياسمر خدى بالك من الفرش مش هتأخر
فى المستشفى
عادل: جيتى وسبتى الفرش ياشروق كتر الف خيرك ياأم على
شروق: عيب عليك مهما كان دى بنت خالتى برضو وعشرة عمرى ماينفعش اتأخر واللى حصل مالوش علاقه باللى احنا فيه دلوقتى
عادل: اصيله ياأم على وراح يقف جنبها هى بعدت وراحت الناحيه التانيه بعيد عنه وقعدت على كرسى واتنهدت وافتكرت اللى حصل من خمس سنين
-: فلاش باك
شروق: ايه ياعادل حمد لله على السلامه ياحبيبى تليفونك مقفول ليه بتصل عليك مغلق
عادل: فصل شحن خدى حطيه فى الشاحن وجهزى الاكل على بال مااخد دش على السريع ايه ده فى حد فى الحمام
شروق: لسه كنت هقولك نفين بنت خالتى جوزها طردها من البيت كالعادة والنبى ياابو على شوف لها حل هو مش صاحبك وبتقعدوا مع بعض على القهوة البت غلبانه وعايزة تعيش ينوبك ثواب
نيفين: يوة ابو على معلش ماخدتش بالى منك والله وكانت طالعه من الحمام ولبسها كان مغرى ومبين جسمها تقريبا
عادل: حط وشه فى الارض ولا يهمك ياأم احمد احنا اخوات عن اذنكم
تانى يوم الصبح
عادل: واقف بيلبس هدومه فى اوضه النوم نيفين دخلت عليه وحطت أيدها على كتافه
عادل: نطر أيدها من عليه جرا ايه يابت هى هبت منك خلاص اوعى تفكرى اللى فى دماغك فاهمه انا بحب مراتى وابنى قوى وماليش فى شغل الشمال ده
نيفين: انا بحبك ياعادل وانت عارف وهطلق من خايبة الرجاله دة ونتجوز
عادل: مش بقول هبت منك انا نازل رايح للغلبانه اللى مصداقكى وفاتحه لك بيتها تقعدى براحتك وهى نزلت من الفجر تجرى على أكل عيشها و زقها وخرج
نيفين: والله ماهسيبك انت بتاعى انا وراك وراك ياابو على
فى السوق
شروق: حمد لله على السلامه ياابوعلى اتأخرت عليا الضهر ادن
عادل: وانا اقدر اتأخر عليك ياعيون ابو على شروق بنت خالتك ترجع بيتها عايز اخد راحتى فى بيتى وانا بصراحه مش قابل قعدتها عندنا تروح لامها ياستى مش فاتحه سبيل انا

شروق: ايه ياابو على انت ابو الجدعنه كلها
عادل: ماشى رايح لجوزها يرجعها سلام
باليل
,شروق: ايه اتأخرت ليه دانا عامله لك عشوة حلوة تستاهل بقك بألف هنا على قلبك
عادل: من جوز نفين للسوق للوكاله اليوم كان مشحون
شروق: عملت ايه قولى تعالى احكي واحنا بناكل
عادل: ماتيجى ناكل لوحدنا فى اوضه النوم الود على فين
شروق: اخس على كدة وينفع دى ضيفه وقبل اى كلام ماعرفتش اسربها هه بقى
وفضل الحال على كدة نفين تغرى فى عادل بكل الطرق وشروق مش واخدة بالها من عمايلها وعادل بقى يقاوم لحد لما وقع الغلط بينهم
عادل: بقولك ايه تسيبى البيت وترجعى بيت جوزك واللى حصل تنسيه خالص ماشى لحظه ضعف وربنا يسامحنى عليه ولبس هدومو وخرج برة الاوضه
نيفين: قامت من السرير هو دخول الحمام زى خروجه حاضر
بعد شهرين
عادل: ايه اتطلقتى وانا مالى يابت انتى روحى بعيد عنى قولتلك بح وانتى السبب فى اللى حصل وانتهينا
نيفين : لا والله اصلى هبله وبرياله صح بص شوف الفديو ده كل اللى حصل بينا هوريه لشروق وهى تتصرف
عادل: يعنى انتى هينوبك ايه من الفضايح وخربان البيوت بحب بيتى مرتى وابنى وبنفكر انا وشروق نخلف تانى اطلعى من حياتنا الله يخرب بيتك
نيفين: اهو اتخرب وانت السبب واوعى تفكر تاكلنى لحم وترمينى عضم تعدى شهور العدة وتجيب المأذون وتيجى
فى بيت ام نفين بقلم ميادة يوسف
ام نيفين: حرام عليكى بنت خالتك انا سمعتك وانتى بتكلمى جوزها وهو مش عايزك اتلمى يابت ماعرفتش اربى
نيفين: أما أهدى كدة وطلعى نفسك منها هتجوزا يعنى هتجوزوا من ابو ناهيه

فى مركز الشرطه
نيفين: والله ياحضرة الضابط هو اللى اتعدى عليا وعمل اللى عمله
عادل: انا يابت الكل…
الضابط: اقف محترم ياد انت فاهم واكتم
بعد اسبوع
نيفين: قوم ياعدولى قوم ياحبيبى ياجوزز زى. بقلم ميادةيوسف
عادل: روحى منك لله برضوا اتجوزتنى يابنت الكل…
نيفين: قولت لك انت بتاعى انا ليه ماصدقتش شوفت ادينى جبتك
عادل: بس قسما عظما لو شروق عرفت لأكون شاقق كرشك فاهمه
نيفين: بكل مكر وخبث حاضر ياجوزى تحب تتعشى ايه
عادل: لاء انا بيت امبارح انسى شويه شروق مش واخدة انى ببات برة انا عملت معجزة امبارح
بعد تلات شهور بقلم ميادة يوسف
شروق: نفين عاش من شافك بقالك شهر مش جيتى
نفين لاء ماانا جايه اعيش معك انتى فى اوضه وانا فى اوضه
شروق ايه معلش يانفين الشقه يادوب عليا انا جوزى وابنى معلش..

يتبع….

رواية عماره حنان الفصل السادس

نيفين طب وابنى مالوش نصيب فى بيت أبوه
شروق: ابنك مين وأبوه مين معلش
نيفين: اللى فى بطنى ابنى وابن عادل أبوه
شروق : اتهبلتى يابت
عادل : الو ياشروقى نعم مالك يابت فيه ايه صوتك متغير ليه
شروق : سيب اللى ايدك وتعالى بسرعه وقفلت الخط فى وشه
عادل دخل الشقه لاقى نيفين وشروق قاعدين فى الصاله
عادل : برضو يانيفين عملتيها
شروق : يعنى كلامها صح طلقنى لايمكن اقعد على زمتك يوم واحد
وبعد معاناه تم الطلاق بين عادل وشروق عادل كان متمسك بشروق وهى كانت رافضه ترجع له
باك
عادل : امسكى ياشروق اشربى حاجه
شروق : لاء شكرا هو الدكتور اتأخر كدة ليه
عادل : مش عارف ياما حذرتها تاخد بالها من توصيله الغاز تشيك عليها اهى الشقه مريم كلها ولعت
شروق شيفاك هادى يعنى هى مش مراتك وام بنتك
عادل : هعمل ايه زعلان عليها وعلى حالى بس أدى الله وادى حكمته مين بيتصل عليكى
شروق : ايوه يا استاذة حنان فاكرة والله بس معلش حبه صغيرة وجايه لك هحكى لك على كل حاجه وهتصل على خليفه يبعت لك الحاجه اسفه والله مع السلامه
عادل : اهو الدكتور خرج بقلم ميادة يوسف
عادل خير يادكتور فيه ايه طمنى
الدكتور حروق من الدرجه الأولى وحالتها صعبة وهتتحول على مستشفى الحروق
عادل : يانهار اسود الطف بينا يارب لا حول ولاقوة إلا بالله العلي العظيم
شروق : ياخرابى لا حول ولا قوة إلا بالله شد حيلك كدة ياابو على ربنا يقومها بالسلامه طب مش ممكن اشوفها يادكتور
الدكتور صعب وممنوع الزيارة النهاردة
شروق طب استأذن انا بقى وهاخد على والبت فرحه عندى كويس أنهم كانوا فى السوق وهى خارجه شافت خليفه

خليفه : ايه ياشروق نيفين عامله ايه دلوقتى
شروق ادعى لها حالتها خطيرة وحروق من الدرجه الاولى ربنا يلطف بيها ويكون بعيد وشها اللى قدرت اعرفه جسمها اتبهدل ادعى لها
خليفه : قلبك ابيض ياشروق والله بعد اللى عملته معك
شروق : مهما حصل بنت خالتى ومالهاش حد خلاص بعد موت خالتى الله يرحمها والعايط فى الفايت قله مخ بالاذن انا
عادل: خرج لاقى شروق وخليفه واقفين مع بعض الغيرة ولعت فيه وراح عليهم
عادل : ايه اللى موقفكم كدة ايه
بعد ساعتين فى شقه حنان
حنان: ياخبر ابيض كل دة حصل معك النهاردة
شروق : لاء وسبتهم الشرطه جت خدتهم والله انا تعبت من وقفه السوق دى وعايز اشتغل فى مكان نضيف بقى بدل اللى رايح واللى جاى يتحكم فيا
حنان : طب واللى يجب لك الحل
شروق: والنعمه ابوس أيده ورجله ايه هو
حنان : بصى ياستى البدروم والدور الاول جاى شركه كبيرة تعملها هايبر ماركت كبير زى اللى بنروحوا فى العاشر كدة بس الدورين وانا هكلمك المدير المسؤل تاخدى مكان وتعرضى حاجاتك هناك وقولى يارب
شروق : بجد يا استاذة حنان تبقى عملتى فيا جميل هاتى راسك ابوسها
حنان : يابت يابكاشه قومى خدى اكل وكلى انتى وعلى وفرحه الاكل جو كتير قومى حطى بنفسك يالا
عند مجدى فى الاستراحه
سهام : ايه يامجدى الروقان دة كله وبتغنى كمان لا انت مزاجك عالى واخر روقان اجهز الاكل لك ياحبيبى على بال ماتخلص شاور
مجدى : لاء ياسهام لازم ارجع البيت حالا احنا بقلنا هنا يومين العيال واحشونى
سمهام : العيال برضوا اللى وحشوك ولا حنان

مجدى : طلع من الحمام ولافف وسطه بالفوطه مسك سهام من أيدها اسمعى احنا متفقين وحنان خط احمر فاهمه والا قسما بالله تكونى طالق وبلا رجعه فاهمه
سهام : مجدى انا مراتك نسيت ولا ايه سيب ايدى وبعدين احنا هنتجوز رسمى امتى
مجدى : اتفاق ياحلوة جوازنا عرفى عند محامى ماغصبتش عليكى وكله بتمنه وانتى على نور من الاول احنا بنجى هنا نقضى مع بعض وقت فى الحلال زهتقى كل واحد يروح فى طريق
سهام : اخص عليك انت قلبت كدة ليه انا كنت بتكلم معك بس هاخد شاور وناكل لقمه مع بعض
مجدى : لاء راجع البيت كلامى مرة واحدة وسعى كدة البس هدومى وبلاش نكد واسعى
**”*****
فى المستشفى
نيفين : بتبكى ايه ياعادل انا اتشوهت ولا ايه جسمى باظ الحروق والجروح كتيرة طمنى ودخلت فى حاله هستريه
عادل : أهدى يانيفين كل حاجه ولها حل والدكتور طمنى وان شاء الله هانروح لدكتور تجميل بعد جسمك مايرتاح ويخف كان الدكتور هنا من شويه وقلى كدة كله خير قولى يارب
نيفين انا هنا لى تلات اسابيع زهقت وتعبت والله اللى حصل حصل ازاى مااعرفش جه فاجأة بقلم ميادة يوسف
عادل : ياما حذرتك اهمالك اللى وصلنا لكدة
نيفين : فرحه فين واحشنى عايزة اشوفها
عادل : عند شروق الله يبارك لها ماسبتكيش ثانيه ومهتمه بفرحه والله جميلها مغرقنا
نيفين : دى تلاقيها جايه تشمت فيا مش طيبه ولا حاجه
عادل : حرام عليكى ياشيخه انتى فى ايه ولا ايه
عند حنان …. مين يامريم اللى جه
مريم : دة عمو مجدى وعمتو سماح

حنان : اهلا وسهلا الخير على قدوم الواردين تعالوا هنا فى البلكونه
مجدى : الله الله ياسيدى والله عايز فنجان قهوة من ايدك
حنان : تعالى اقعد كنت فين من يومين
سماح :
هاروح اعمل نسكافيه
حنان..

يتبع….

رواية عمارة حنان الفصل السابع

حنان : اسمعى ياسماح اعلمى ليكى النسكافيه وتعالى عايزكى فى موضوع مهم.
سماح : حاضر من عنيا ياابلة حنان خير فيه حاجه؟????????
حنان : خير ياحبيبتى كله خير وبصت حنان لمجدى قولى بقى يامجدى.
مجدى : خير ياحنه فيه ايه قلب مجدى، مالك ايه اللى حصل مخليكى قالبه وشك كدة وقاعدة مشغله الست وبتشربى قهوة فى البلكونه ماتعمليش كدة الا إذا كان فيه حاجه مزعلاكى
حنان : ابدا القلق العادى وهو القلق هيسبنى ويروح فين وبعدين ميت مرة قولت لك تبطل كلام قلبى وحبيبى وحب الكلام ده وقولنا احنا اخوات لم نفسك يامجدى
مجدى : يقوم منفعل وبغضب لاء مش اخوات ولا هنكون اخوات وقريب لازم نتجوز العمر بيجرى ياحنه
حنان : على أساس انت سايب نفسك كدة اكيد فى واحدة فى حياتك انا عارفاك اكتر من نفسك !
مجدى : اوف انا ماشى ومش عايز قهوة سلام.
سماح : ايه ياابيه مجدى تعالى رايح فين!
:: هو فيه ايه ياابله حنان مالو أبيه مجدى ماشى زعلان وحتى مش شرب قهوه حصل بينكم ايه ماتوافقى بقى واتجوزوا كتر خيرك والله فضلتى جنبنا وكل واحد فينا شاف حياته عمرك انتى اللى تسرق فكرى تانى والنبى.
حنان : اللهم صل عليك يانبى لو مجدى كان ماسك نفسه كدة وأكد لى انى وبعدى لاء كنت وافقت بس هو ..يالا الله يسهل له وعلى فكرة أنا ماحبتش غيرو ولا .
بس يابت هتاخدينى فى دوكه تعالى اقولك
سماح : خير ياابله حنان فيه ايه
حنان : انا قدمت لك فى مسابقه ٣٠الف معلم واهى نوايه تسند الزير وتساعد ى جوزك وشيلى مسؤوليه شويه وخفى من الحاجات اللى مالهاش لازمه فاهمه اعملى حساب الزمن الدنيا غليت والاسعار نار والكل بقى مش عارف يعمل ايه.
فى الهايبر ماركت.
مستر ايهاب : تعالوا كلكم اجتماع ، عايزين نحط رولز هنمشى عليها وبدأ يشرح لهم القواعد والبروتوكول بتاع الهايبر ماركت فاهمين واهم حاجه النظام والمواعيد والدقه واليونيفورم والحاجه تتقدم منظمه يالا كل واحد على شغله واستنى يا مدام شروق عايزك
ينصرف الجميع كلا على عمله
شروق : خير يا مستر ايهاب فيه حاجه؟
.ـ ايهاب ايه ياشروق انتى عامله نفسك مش عارفنى ليه داحنا حتى معرفه سنين جامعة
شروق : لا طبعا فاكرة حضرتك كويس قوى احنا فعلا معرفه قديمه!

ايهاب : اول ماشفت السى فى بتاعك وافقت على طول وبشروط استاذة( حنان) تيجيبى البضاعه بتعتك وانتى مسؤوله عنها وطبعا هتنظاميها زى باقى المنتجات المعروضه ودة مش موضوعنا سماح اول ماشفت صورتك وانا اتجددت جوايا مشاعرنا القديمه ومسك أيدها
شروق : سحبت أيدها بسرعه اوعى كدة ازاى تتجرأ عن اذنك وسبيته وخرجت
ايهاب : معلش بكرة اللى كان يرجع تانى ياشروق!
عند عادل ونيفين.
نيفين : انا خلاص عايزة ارجع البيت ياعادل .
عادل : هنا احسن لما تكملى علاجك وبعدين أنا بوضب الشقه تانى بعد اللى حصل وإهمال حضرتك اهو اديكى خسرتنى الجلد والسقط
نيفين : يعنى انا كنت عايزة كدة عايزة أحرق نفسى كدة واتعذب يعنى
عادل : انا عارف اعتبريه انتقام ربنا منا انا ماشى عايزة حاجه اجيبها لك ولا ابعتها لك.
نيفين : تبعتها ليه انت مش راجع ولا ايه بقلم ميادة يوسف
عادل : لاء مسافر اجيب بضاعه سلام.
★★*★*★*★*★****
عند شروق.
شروق : ايه دة جاين كدة بربطه المعلم !
حنان : اة قولت اجيب سكان العمارة ونيجى نشترى منك نحيك اول يوم ليكى هنا بس النضافةوالترتيب ايوه كدة التكنولوجيا حلوة ياولاد????????????????
شروق : شرفتونى اهلا اجيب ايه بقى؟؟
حنان : من كل اللى عندك يالا
وبعد ساعه. بقلم ميادة يوسف
عادل : شروق ايه اللى انتى عملتيه دة وسبتى السوق ليه ارجعى السوق حتى شوفتك هتحرمينى منها اجيب من الاخر تعالى نرجع لبعض ونربى على وسطنا انا لسه بحبك يا بت ودماغى مابتفصلش منك حنى ايه من امتى قلبك حجر كدة

شروق : انت ايه جابك ياعادل اكيد على هو اللى قلك حاضر ما ارجع له بس ودينى لورية حاضر ياعلى دة اللى اتفقنا عليه من عنيا امشى ياعادل دة مكان اكل عيش مش مكان كلام فارغ يالا الله لايسيئك
ايهاب : ايه بيحصل هنا بالظبط فيه حاجه ياشروق
عادل : أيوة انت والله بيعمل ايه دا هنا ياشروق واتاريكى سبيتى السوق طب ودينى حاضر
ايهاب : الأمن طلعوا الاستاذ برة من غير دوشه ولا اطلب الشرطه ؟!
شروق : لا يا مستر ايهاب هو هيخرج برة امشى ياعادل علشان خاطرى مش عايزة فضايح……
ياترى ايه حكايه شروق وايهاب وعادل وهتخلص ازاى

يتبع….

رواية عمارة حنان الفصل الثامن

الفصل الثامن من الرواية لا يزال قيد الكتابة، ولكن يُمكننا أن نُرسل إشعارًا إليك فور كتابة ونشر الفصل على موقعنا إذا كتبت تعليقًا على هذه الصفحة.

ولا تنسى أن تعاود زيارتنا وقراءة المزيد من رواياتنا المميزة على موقعنا https://thelastline.blog