🏠 الرئيسية 📂 روايات كاملة 📂 روايات رومانسية 📂 روايات اكشن ورعب 📂 روايات صعيدية 📂 روايات pdf
رواية ميكانيكي مقشف (كاملة) جميع الفصول بقلم سها طارق

رواية ميكانيكي مقشف الفصل الأول 1 بقلم سها طارق

👁️ 19 📅 15 نوفمبر 2026

رواية ميكانيكي مقشف الفصل الأول 1 بقلم سها طارق

 

البارت الأول

 

لتصفح الموقع بدون إعلانات (أضغط هنا)

كنا قاعدين على الترابيزة بنضحك ونهزر، وكل واحدة فينا ماسكة في سيرة الناس، وكأننا مش بنقول حاجة غلط.

الضحكات مالية المكان، والصوت عالي، وكل واحدة بتحاول تطلع تعليق أشرس من التانية.

وفجأة…

غادة بصتلي باستغراب وقالت قدام البنات كلها:

بس قوليلي يا نهى… بجد إزاي؟! إزاي واحدة مهندسة ومن عيلة محترمة زيك ترتبط بميكانيكي؟! ده شكله خشن، وإيده كلها شحم، وريحتة بنزين على طول… يعع! بجد أنا كل ما أشوفه أستغرب أكتر.

 

وفجأة…

 

الترابيزة كلها انفجرت ضحك.

 

وأنا بدل ما أوقفهم…

 

نفخت غروري أكتر.

 

ورميت شعري لورا وأنا بضحك وقلت:

 

حاتم؟! لا يا ستي متكبريش الموضوع أوي. ده أنا واخداه شفقة مش أكتر. واحد غلبان متعلق بيا فسيباه اتسلى شوية. إنما أتجوزه؟! أكمل حياتي معاه؟! دي نكتة والله.

 

والضحكات علت أكتر.

 

واحدة قالت:

 

يعني مشروع مؤقت؟

 

فضحكت وقلت بمنتهى القسوة:

 

بالظبط. يومين أتسلى وأضحك عليه ولما أزهق أرميه. هو أنا ممكن أضيع عمري مع واحد زيه؟ انا بعمل كل دا عشان حبيبي يرجعلي ويغير

 

لكن…

 

في اللحظة دي بالذات…

 

حاجة جوة قلبي اتقبضت فجأة.

 

والابتسامة اتجمدت على وشي.

 

وحسيت إن الهواء اختفى من حواليا.

 

لأني رفعت عيني بالغلط…

 

واتجمدت مكاني.

 

حاتم.

 

كان واقف ورا غادة مباشرة.

 

ساكت.

 

تمامًا.

 

وفي إيده وردة.

 

وردة زرقا.

 

وكان بيبصلي.

 

قرب مني حاتم خطوة…

 

وكان ماسك الوردة بإيده كأنها أغلى حاجة في الدنيا.

 

وعلى وشه نفس الابتسامة البسيطة اللي دايمًا كانت بتضايقني.

دي رواية مميزة جدًا جرب تقرأها  رواية بنت الوادي الفصل الثاني 2 بقلم سلمى سمير

 

ابتسامة واحد بيحب بجد.

 

قال بهدوء:

 

اتفضلي يا نهى… شوفت الوردة دي وافتكرتك على طول.

 

أخدت الوردة من غير ما أبصله حتى.

 

وقلت ببرود:

 

ميرسي.

 

ومشينا جنب بعض.

 

هو فرحان إنه شافني…

 

وأنا متضايقة إنه موجود.

 

ولأول مرة…

 

كان الفرق بينا أكبر من أي وقت فات.

 

أول ما بعدنا عن الكافيه شوية…

 

وقبل حتى ما يكمل كلامه…

 

انفجرت فيه.

 

إيه اللي جايبه ده؟!

 

بصلي باستغراب:

 

إيه؟

 

رفعت الوردة في وشه.

 

اللون ده اسمه ورد؟! ده ذوق ولا كارثة؟

 

سكت ثواني.

 

وقال بهدوء:

 

افتكرتك بتحبي اللون الأزرق.

 

لكن غروري ساعتها كان أكبر من إني أفهم أو أقدر أي حاجة.

 

فكملت بقسوة أكتر:

 

وبعدين إيدك دي! إيدك كلها شحم وخشونة. بجد أنا ساعات بستغرب إزاي وافقت أصلًا أمشي مع واحد بالشكل ده.

 

الابتسامة اختفت من على وشه تمامًا.

 

ولأول مرة…

 

شفت الحزن بيظهر في عينيه بشكل واضح.

 

وكأن كل كلمة بقولها كانت بتكسر فيه حتة.

 

قال بصوت مهزوز:

 

إنتِ مالك يا نهى؟

 

لكن أنا موقفتش.

 

بالعكس…

 

كملت أكتر.

 

أنا أصلًا مش فخورة إن الناس تعرف إني مرتبطة بيك. أنا أعلى منك في كل حاجة.

 

وسبت كل كلمة تنزل عليه زى السكينة.

 

تعليم.

 

وسكت لحظة.

 

مستوى.

 

وسكت تاني.

 

ومكانة.

 

كان واقف قدامي…

 

ساكت.

 

مذهول.

 

كأنه بيحاول يستوعب إن البنت اللي كان بيحبها هي نفسها اللي بتقوله الكلام ده.

دي رواية مميزة جدًا جرب تقرأها  رواية حارث وشمس - صغيرة بين يدي الحارث الفصل الخامس والعشرون 25 بقلم نورة عبد الرحمن

 

وفجأة سألني سؤال واحد.

 

سؤال بسيط.

 

لكن عمره ما خرج من دماغي بعد كده.

 

قال:

 

طب لو شايفاني كده…

 

وافقتي عليا ليه؟

 

اتوتر للحظة.

 

وكمل:

 

مش كنتِ بتقولي إنك بتحبيني؟

 

ضحكت.

 

ضحكة ضحكه مليانة سخرية.

 

وغرور.

 

واحتقار.

 

وقلت:

 

إنت مصدق فعلًا إني كنت بحبك؟

 

وشه اصفر.

 

ويتبع…

 


اكتشاف المزيد من The Last Line

اشترك للحصول على أحدث التدوينات المرسلة إلى بريدك الإلكتروني.

لو عاوز تقرأ الفصول الجديدة من الرواية دي بشكل حصري قبل صدورها وتشوف الروايات الجديدة وتطلبها

انضم لينا على الفيس بوك (من هنا)

و

أنضم لقناتنا على تليجرام (من هنا)

التعليقات (0)

لا توجد تعليقات بعد. كن أول من يعلّق!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

ليس لديك حساب؟ إنشاء حساب