🏠 الرئيسية 📂 روايات كاملة 📂 روايات رومانسية 📂 روايات اكشن ورعب 📂 روايات صعيدية 📂 روايات pdf
رواية ليالي الوجه الاخر للعاشق (كاملة) جميع الفصول بقلم رحاب إبراهيم

رواية ليالي الوجه الاخر للعاشق الفصل الخامس عشر 15 بقلم رحاب إبراهيم

👁️ 22 📅 20 نوفمبر 2026

الفصل الخامس عشر ….ليالي (الوجه الآخر للعاشق)

بعدتك والف آه تصرخ بلا
وخزني قلبي وابتسم الكبرياء
لا… ابتعدي…وإن كنتِ لقلبي الحياه

داعب ضياء القمر عتمة غرفته وكشف عن صحوته الشاردة وغرز انامله في وسادته بألم  كلما تذكر إنه لن يراها مجددًا
وشيء بداخله ينعته بقوة على قراره ولكن يأبى العقل والكبرياء ضعفه هذا ….

لتصفح الموقع بدون إعلانات (أضغط هنا)

*********************

نهضت من فراشها حتى تتوضأ وتصلي القيام ،وما من شيء قد رطب قلبها قليلًا غير هذا …انتفضت في السجود تناشد ربها
من كربها …من حزن وألم قلبها
انتهت وعادت إلى فراشها مجددًا واستسلمت لغفوة مرهقة بالكوابيس حتى اتى الصباح …..

استيقظت منتفضة من رؤية كابوس يبدو إنه اتى من العقل الباطن واثقل عقلها صداع شرس بعد أن تحسنت حالتها قليلًا بفعل الادوية وقلّ نسبة اغمائها …..
اعدّت طعام الافطار وذهبت لتيقظ شقيقتها "أمل"….

جلست أمل قبالتها على المائدة وتعجب:-
_ هو انتي مش هتروحي الشغل النهاردة ؟
انتبهت ليالي وفاقت من شرودها  ثم أجابت:-
_ مش هروح الشغل تاني ..سيبته
رفعت أمل حاجبيه بأندهاش :-
_ سيبتيه بسرعة كدا !! زي المصنع بالضبط ! شكلك مالكيش في الشغل
تنهدت ليالي بحزن واجابت بايجاز:-
_ يمكن

بعد الانتهاء من تناول الافطار ساعدت أمل ليالي في حمل الاطباق الى المطبخ مرة أخرى وقالت وهي تجفف الاطباق المغسولة وتضعهم في الأرفف
_ هتروحي للدكتور امتى عشان العملية ؟
توقفت ليالي ويدها عائمة في رغوة الصابون وقالت بضيق:-
_  اتصلت بيه من يومين ولقيته مسافر
هتفت أمل بغيظ :-
_ طب ما تشوفي دكتور تاني هو مافيش غير ده !!

تطلعت إليها ليالي بنظرة معاتبة وقالت بحزن:-
_ دكتور تاني يعني مصاريف تاني واشعة تاني وفي الآخر مش هيقولي شيء جديد ..يمكن الدكتور اللي روحتله ده أكتر واحد بيعرف ربنا في وسط دكاترة كتير وبيحاول يساعدني بجد
العملية دي ماينفعش أي حد يعملها يا أمل ولا أي مستشفى
والحل البديل إني اسافر اعملها برا وده طبعًا هيضاعف التكاليف ….اديني مستنية واللي عايزه ربنا هيكون

دي رواية مميزة جدًا جرب تقرأها  رواية ملاك الحياة الفصل الرابع 4 بقلم داليا منصور

زفرت أمل بضيق وقالت بضعف:-
_ صدقيني لو الحال غير الحال ماكنتش هتردد إني اساعدك لحظة واحدة ….
اقتربت من شقيقتها وقالت بغموض:-
_ليالي …انا في اشد الاحتياج للفلوس دي يمكن اكتر منك بكتير
بادلتها ليالي بنظرة باكية ومتعجبة :-
_ أكتر مني !!! إيه اللي أكتر من إني حموت ولو ما عملتش عملية تقدري تفهميني ؟!

انكمش وجه أمل بضيق وحنق وهتفت بعصبية:-
_ انتي لسه ما تعرفيش حاجة في الدنيا ،، في حاجات لو قابلتك هتتمني الموت بجد وهيبقى بالنسبالك راحة

ثم تركتها وذهبت إلى غرفتها وقد بدأت دموعها تنهمر ،
شكت ليالي في حديث شقيقتها وإنها تخفي شيئًا ولكن
ما هذا الشيء الذي يجعلها تقسو هكذا ؟
تابعت مرة أخرى غسيل الاطباق ولكن بفكر تائه ….


اكتشاف المزيد من The Last Line

اشترك للحصول على أحدث التدوينات المرسلة إلى بريدك الإلكتروني.

لو عاوز تقرأ الفصول الجديدة من الرواية دي بشكل حصري قبل صدورها وتشوف الروايات الجديدة وتطلبها

انضم لينا على الفيس بوك (من هنا)

و

أنضم لقناتنا على تليجرام (من هنا)

روايات رومانسية

التعليقات (0)

لا توجد تعليقات بعد. كن أول من يعلّق!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تسجيل الدخول

ليس لديك حساب؟ إنشاء حساب