بعد ما فاق سامي من كل الذكريات اللي قلبه بيحاول يهرب منها، خد قرار في لحظة… قرار محدش كان متوقعه. قام من مكانه، مسح دموعه بإيده وهو بيقول لنفسه بصوت مبحوح:
“لو الدنيا كلها ضدك… أنا معاكي، يا منى.”
نزل من بيته وروح على أهلها، واقف قدامهم بكل قوة وقال:
“أنا هتجوز منى… النهارده قبل بكره. مش هستنى خطوبة ولا سنة ولا يوم. بنتكم غلّطت… بس تابت، وأنا اللي هقف جنبها.”
كلامه وقع عليهم كالصاعقة، لكن قدام إصراره وحبه ليها، وافقوا… أو يمكن سكتوا لأنهم شايفين قدامهم راجل حقيقي مش زي اللي خانها وسابها.
بدأوا يجهزوا بسرعة، والكل مشغول، لكن جوه البدروم… كانت منى في عالم تاني. من كتر الضرب اللي خدتُه قبل كده، جسمها ضعيف، ونزيف بدأ يظهر عليها من غير ما حد ياخد باله. الألم كان بيقطعها، وحسّت إنها بتنهار.
وفجأة، وهي في أوضة صغيرة بعيدة عن عيونهم، وقعت على الأرض فاقدة الوعي… دمها على الأرض بقى علامة سودة في فرحة كانوا بيجهزوها.
التعليقات (0)
لا توجد تعليقات بعد. كن أول من يعلّق!