رواية عيون الأسد الفصل الاول 1 بقلم أميرة خالد
البارت الاول
لقراءة الرواية كاملة بدون إعلانات (اضغط هنا)
رواية عيون الأسد الحلقة الأولى
نروح لقلب القاهره في المناطق الشعبيه في بيت بسيط مكون من خمس ادوار في الدور الثاني شقه البطله
وصحيت عين على صوت كركبه في الاوضه وتفتح عينيها وتشوف ابوها واقف عند الدولاب وبيفتش وبيرمي الهدوم على الارض
وقالت بتدور على ايه يا بابا
رد عليها بعصبيه فين الفلوس يا بنت بتاعه قبضك امبارح
ردت عليه معيش فلوس يا بابا دفعتها كلها للورق بتاع الجامعه وكمان الهدوم اللي هيشتريها عشان اروح بيها الجامعه
قرب منها سعيد وضربها بالقلم وقال لها هات الفلوس احسن ما مخليكيش تخرجي من البيت ده خالص ولا تروحي الجامعه تاني
وعين صرخت ودخلت عفاف تجري وهي بتقول له استهدى بالله يا سعيد البنت معاش فلوس وانا قلت لك
رد عليها بعصبيه وانتي مال امك يا مره يا بنت الكلب هي كانت بنتك وانا ما اعرفش
ردت عليه طب يا اخويا اهدى بس وتعالى وانا هدي لك اللي انت عايزه
رد عليها وهو بيمسك شعرها هو انتي بتحوشي فلوس يا بنت الكلب من ورايا
ردت عليه ابدا والله ده الحاج سعد هو اللي بعت فلوس امبارح عشان اجيب طلبات البيت
قال لها هاتي يا مره انتي الفلوس وطلعت عفاف الفلوس من صدرها ورميتهم له وهو خرج يجري بالفلوس
وقالت عين ليه كده يا ماما تدي له الفلوس وانتي عارفه ان الحاج سعد بعتهم لك عشان العلاج بتاعك
ردت عفاف يعني انتي عاجبك اللي بيعملوا فيك كل يوم عشان خاطر الفلوس
ردت عين ببراءه يعني هي اول مره وانا خلاص اتعودت
ردت عفاف مش مشكله يا حبيبتي كل حاجه هتتعوض المهم قومي يلا عشان تروحي الجامعه وتشوفي هتدفعي الفلوس في ايه
ردت عين وهي بتطلع فلوس من المرتبه خدي يا ماما الفلوس ديت جيب العلاج بتاعك
ردت عفاف خليهم لك يا حبيبتي عشان الجامعه
ردت عليها لا يا ماما انا كنت محوشاهم وده حق السهرات اللي انا عملتها الشهر اللي فات
ابتسمت عفاف وقالت يا رب يا بنتي يبعت لك ابن الحلال اللي يبعدك عن الهم ده
ابتسمت عين وقالت لها انا قاعده على قلبك مش هسيبك ابدا يا ماما حضنتها عفاف وهي بتقول ربنا يخليكي ليا يا بنتي ما يحرمنيش منك ابدا
ردت عين ولا منك يا ماما يلا بقى خلينا نقوم نفطر احسن لفادي يجي ويستعجلني عشان نروح الجامعه سوا
ردت عفاف يلا يا حبيبتي وخرجوا وقالت انجي يا عيني على العشق الممنوع
ضحكه عين وقالت كنت فين يا عفريته انتي
ردت عليها كنت مستخبيه يا اختي في الاوضه هو انا مستغنيه عن نفسي يشد شعري ولا يضربني قلمين
ضحكه عين وقالت لها طيب يا حبيبتي يلا خلينا نفطر مع بعض وقعدوا يفطروا
وعفاف كانت بتبتسم على بناتها اللي طلعت بيهم من الدنيا
اما في مكان تاني شقه يبان عليها الرقيه والشياكه والجمال وهي شقه يعقوب للنزوات
وقام من النوم وهو بيتمطع وماسك التليفون ولقى مسج من جاسر وبيقول له انت فين واتاخرت ليه على الشركه
ساب يعقوب التليفون وبص جنبه لقى بنت نايمه على بطنها وادوبك الملايه مغطيه نصها تحتاني وبص لها بقرف
وقام داخل الحمام وهو بيقول بصوت عالي انتي يا بنت اصحي اخرج ما الاقيكيش في الشقه ودخل الحمام ورزع الباب
والبنت قامت لبست هدومها وفتحت شنطتها اللي لقت فيها فلوس كثيره وقفلتها وهي على وشها ابتسامه وخرجت وهي ماسكه جزمتها تجري
اما يعقوب خرج من الحمام وهو لافي في وسطه بفوطه و بص على السرير ولقى فاضي وراح ناحيه الدولاب وطلع بدله والبسها

ووقف قدام المرايه يسرح شعره ويرش برفانه المميز ومسك تليفونه مفاتيح عربيته وخرج من الشقه ونزل ركب العربيه ولبس النظاره بتاعته وشغل العربيه ومشي بيها على الشركه
اما عند عين كانت بتلبس هدومها وبتعمل شعرها وتليفونها بيرن باسم حبيب قلبي

و ردت بسرعه وهي بتقول انا نازله ابتسم
وقال لها وانا مستنيك وقفلت معايا
وخرجت وقالت عفاف خدي يا حبيبتي السندوتشات ده معاكي
ردت عين في ايه يا ماما انا رايحه الكليه وهطلع على المطعم
ردت عليها برضو يا حبيبتي انتي بتفضلي طول النهار من غير اكل
وقالت انجي امتى بقى اخرج من الثانويه العامه ديت واكون في الكليه ازيك يا ابله عين
ردت عليها اتشطري انتي الاول يا اختي وجيبي المجموع اللي نفسك فيه وانتي هتخشي الكليه
ردت انجي طبعا هكون مهندسه قد الدنيا وهتتحايل عليا كمان وانا مش هرضى اعمل لك حاجه
ضحكه عين وقالت لها ان شاء الله يا اختي وتليفونها رن
وقالت الله يخرب بيتك اخرتيني ونزلت تجري على السلم وكانت هتقع
لولا ايد قويه هي اللي مسكتها وقال لها بصوت قوي ينفع كده مش كذا مره اقول لك خلي بالك وانتي نازله
رفعت عينيها ببراءه الاطفال وقالت له انا اسفه بس انت اول ما رنيت عليا جريت على طول ابتسم
وقال لها سماح المره دي عشان خاطر عيونك الجميله دي ويلا يا اختي عشان نلحق الكليه
ردت عليه يلا يا حبيبي وخرجت معاه وهم بيتكلموا وبيضحكوا
اما عند يعقوب وقف بالعربيه قدام شركه او معنى اصح صرح كبير وهي شركه الادويه بتاعه يعقوب
ونزل من العربيه بعد ما فتح له واحد من الحراس واخذ شنطته ومشي وراه واول ما دخل الكل وقف احتراما ليه لغايه ما وصل للاسانسير ودخل وطلب الدور ال 15 وخرج من الاسانسير على مكتبه
والسكرتيره وقفت احتراما واعجاب من شخصيته وقال بصوت صارم القهوه بتاعتي ودخل المكتب وقلع الجاكيت وقعد على الكرسي
وبعد دقائق دخلت السكرتيره وهي تتمايل في خطوتها حتى تبرز انوثتها ولابسه جيب قصير وعليها قميص ضيق جدا وما حدد شكل الجسم وبتقول بصوت رقيق اتفضل القهوه يا مستر يعقوب
قال بصوت قوي سيبيها عندك يا ليالي
ردت عليه بدلع حاضر يا مستر
قال لها جدول اليوم في ايه قربت منه وهي حاطه ايديها على ظهره
وقالت بصوت دلع ما فيش حاجه غير الاجتماع بتاعك وده هيكون في مطعم مش هنا
وقال يعقوب بعد ما شدها ووقعها على رجله انتى عايزه توصلي لايه دلوقتي يا ليالي
ردت عليه برقه هو انا ما وحشتكش ولا ايه
ابتسم بسخريه وقال لها جيبي اخرك يا ليالي عايزه ايه
ردت عليه انت بقى لك كتير ما بتجيش الشقه وانا مش عارفه اتلم عليك
رد يعقوب احنا اتفقنا يا ليالي ان هيجي لك الشقه وقت ما اكون عايز غير كده انتي ما تطلبيش وانا بدات ازهق منك فاهمه ولا لا
ردت بسرعه مش قصدي بس انت وحشتني قوي
قال لها خلاص هاجي لك بالليل قربت منه ولفت ايديها حول رقبته ولسه هتبوسه
الباب اتفتح بقوه ودخل جاسر وهو بيقول اتاخرت ليه يا يعقوب وسكت لما شاف المنظر وليالي كانت هتقوم بس يعقوب مسكها من وسطها وثبتها في مكانها
وقال يعقوب اطلع بره يا جاسر
وخرج جاسر وهو متضايق من تصرفات صاحبه
بص الليالي وقال لها اخر مره تقربي مني واحنا في الشركه فاهمه ولا لا خافت ليالي وقامت بسرعه وخرجت بره
ودخل جاسر وقال له هو احنا مش اتفقنا ان الحاجات دي بره الشركه مش هنا
رد يعقوب برود وانت زعلان ليه ولا عشان انت مش عارف تعمل زيي
رد جاسر بعصبيه بس هدير مش كده وانت عارف
ابتسم بسخريه وقال له كلهم شبه بعض بس انت اللي فرفور شويه مش عارف تجيبها سكه
رد جاسر بقول لك ايه سيبك من الكلام ده وانا قلت لك ان هدير بنت ناس ومحترمه غير الاشكال اللي احنا نعرفها
رد يعقوب انت كنت عايز ايه
قال له ما فيش كنت هقول لك ان عادل حاول يكلم الشركه عشان ياخد مننا الصفقه ويتعمل هو معاهم وانا عرفت الكلام ده من جوه الشركه وكمان قلل النسبه بتاعته وهم بيفكروا في الموضوع ده
ضحك يعقوب وقال له كويس قوي وهم موافقين
رد جاسر لا لسه بيفكروا في العرض
قال له خلاص سيب لنا الموضوع ده
رد جاسر تمام وخرج وبص الليالي باستحقار وراح على مكتبه وعينيه على بنت هاديه وجميله
ودخل مكتبه ومسك التليفون وقال لها هاتي لي الورق اللي عندك يا هدير اللي عايز امضي عليها
ردت عليه حاضر يا فندم
ودخلت هدير وهي بتقول الورقه يا فندم
رد جاسر هتفضلي لغايه امتى كده يا هدير
ردت عليه وانا عملت ايه حضرتك
رد عليها يعني انتي مش عارفه
ردت عليه حضرتك اللي فهمتني غلط وفكرني شمال واللي انت تعرفهم وانا قلت لحضرتك اني ما بفكرش اتجوز عرفي ويوم مفكر اتجوز هتجوز رسمي واكون ليا بيت وعيال واسره
رد جاسر خلاص يا ستي وانا موافق وشوفي انتي عايزاني اجي اتقدم لك امتى
ابتسمت هدير وقالت بجد
رد عليها طبعا
قالت له طب بعد اذنك قال لها طب هترد علي امتى اتكسفت هدير وخرجت بره وهو ابتسم
اما في الكليه عند عين كانت قاعده في الكافتيريا تشرب نسكافيه وفادي كان بيجيب الشاي واول ما اقرب لقى زرقان عند عينيها
وقال لها اللي في وشك ده يا عين
ردت عليه فين ده وطلع التليفون بتاعه وفتح الكاميرا الاماميه ووريها لها
ردت عليه بتوتر اصل انا اتخبطت الصبح
رد فادي بعصبيه بس دي مش خبطه قولي لي حصل ايه عمي ضربك تاني
ردت عليه والدموع على خدها ايوه يا فادي وماما ادته الفلوس كلها اللي معاها اللي عم سعد بعتهم
رد فادي ما تزعلش يا حبيبتي وان شاء الله كل حاجه هتتصلح
ردت عين امتى وهو مضيع فلوسه على الخمره والقمار
رد عليها اهدي يا حبيبتي وكل حاجه هتتعدل المهم هتعملي ايه مش احنا اتفقنا ان احنا هتبطل ننزل شغل الايام اللي جايه لغايه ما نظبط امورنا في الكليه
ردت عليه مش هينفع خالص انت مش عارف الفلوس اللي خدها بابا قد ايه وانا اضطريت ان ادي ماما الفلوس دي عشان تجيبي العلاج بتاعها لازم انزل المطعم اليومين دولت لغايه ما اجمع الفلوس
رد فادي خلاص يا حبيبتي انا هنزل معاكي المهم يلا عشان نخش المحاضره
قالت له يلا يا حبيبي وقام معاها وهو ماسك ايديها ودخلوا المدرج وبعد دقائق دخل الدكتور وبدا يشرح
اما في الشركه كان يعقوب قاعد ماسك التليفون وبيتكلم خلص كل اللي في ايديك ده المهم كمان ربع ساعه الاقي الشركه بتتصل عليا
رد عليه الشخص تمام يا فندم و قفل معاه وابتسم يعقوب
وبعد وقت خلص الدكتور المحاضره وقال يا ريت يا جماعه ما حدش يتاخر على بكره عشان في شخص مهم جاي و
رد واحد من الطلبه مين ده يا دكتور
رد عليهم الدكتور يعقوب صاحب شركه الادويه لمحاضره هنا وكمان هيختار الاوائل ينزلوا تدريب في شركته الطلبه فرحوا
وقال الدكتور يا ريت اللي عنده اي سؤال يبقى يكتبه على الصفحه عشان بكره الدكتور يعقوب يجاوبكم عليه فرحوا الطلبه
اما في الشركه دخل جاسر وهو بيجري على مكتب يعقوب وهو بيقول الحق يا يعقوب مصنع عادل بتاع الادويه حصل في حريق والشركه اتصلت بيا وحددت الميعاد كمان ساعه ونص وعايزين يمضوا عقد بسرعه
ابتسم يعقوب وقال له هي النسبه بتاعتنا كانت كام لكام
قال له 60 ل 40%
قال له خلاص خليها 70 ل 30
رد جاسر مش كده هكون كتير قوي وممكن يرفضوا
رد يعقوب مستحيل يرفضه اسمع منه
رد جاسر تمام هتصل بيهم واقول لهم وامسك التليفون واتصل عليهم وقالوا لهم مع النسبه وهم وافقوا وجاسر كان مصدوم وقفل معاهم وهو بيقول له ازاي دي حصلت
ابتسم يعقوب وقال له عشان انت غبي هم كانوا فاكرين ان عادل هيقدر يعمل لهم الدواء ده في مصنعه وبسهوله بس المصنع ما حصل لهوش حاجه دي كانت اشاعه طلعت وهم وافقوا على طول خوفا على سمعتهم ان ممكن عادل يحصل عنده تاخير وده مرفوض عندهم
رد جاسر اه يا ابن اللعيبه عملتها صح ابتسم يعقوب
وقال له طبعا يا ابني هو احنا بنلعب ولا ايه
اما في الكليه كانت عين قاعده مع فادي بيتكلموا عن التدريب في شركه يعقوب
وقالت عين يا ريت ياخدونا في التدريب ده
رد فادي يا بنتي طبعا هياخدوكي ده انتي بتطلعي الثانيه على الكليه
ابتسمت عين وقالت له مع حضرتك بتطلع الاول واخد كل حاجه لنفسك
ضحك فادي وقال لها يا بنتي كفايه قر بقى انا حاسس اني بكش كده
ضحكه عين قالت له ده بقى باماره ايه طول بعرض وعضلات
ضحك فادي وقال لها نفسي تبطلي قر وتليفونه رن باسم باسم المدير بتاعهم و رد عليه ايوه يا فندم
وقال له انا محتاجينك دلوقتي انت وعين في المطعم
و رد فادي ما انت عارف يا فندم ان احنا في الكليه وقلنا هناخد اجازه عقبال ما نظبط وقتنا في الكليه
رد عليه مش مهم تعالى بس يا فادي وانا هديك الدبل انت وعين النهارده
قال له ماشي يا فندم وهقفل معايا
وقالت عين في ايه يا فادي
قال لها ما فيش يا ستي المدير متصل وشكلي في حد مهم جاي المطعم النهارده اكون محتاجين اننا نبقى موجودين وهناخذ الدبل
ردت عين وانت قلت له ايه
قال لنا طبعا وفقت
قالت له طب يلا بينا خلينا نلحق ده كمان البقشيش هيبقى كويس جدا
قال لها فعلا وقام ومشوا
اما في الشركه دخل جاسر مكتبه وهو بيقول حضر لي الورق بتاع الصفقه يا هدير
قالت له حاضر يا فندم وحضرت الورق وهي مستغربه لان المفروض تكون اتلغت ودخلت المكتب
وقالت له اتفضل
قال لها كويس جدا ان الورق جاهز
قالت له هو حضرتك مش قلت ان الصفقه دي هتتلغي
قال لها لا ما الشركه اتصلت بينا وحددت الميعاد
قالت له طيب وخرجت هدير وهي مستغربه
بعد كده خرج جاسر وقال لها لو عايزه تروحي روحي انا مش راجع الشركه ثاني
قالت له حاضر يا فندم واول جاسر خرج مسكه التليفون وبعتت رساله وقفلت التليفون وهي بتبتسم
يتبع….
- لقراءة باقي فصول الرواية اضغط على (رواية عيون الأسد)