رواية ظل العيلة الفصل الثالث 3 بقلم آية طه
لقراءة الرواية كاملة بدون إعلانات (اضغط هنا)
رواية ظل العيلة الحلقة الثالثة
بعد اسبوع يوم الفرح، الدار هادي بس مليان توتر. عمر واقف قدام القاعة الصغيرة اللي جهزوها بسرعة للفرح. كريم مش موجود، البيت مليان بالناس القليلين اللي جم للمراسم.
عمر (بيتكلم مع أحد أصدقاء العيلة بهدوء): كريم راح فين؟ المفروض يبقى اهنيه دلوق….. الماذون على وصول وكبارات البلد جوا والعروسه فى اوضتها راح فين دلوق…..
مختار (بتوتر): والله يا عمر بيه، مش لاقينه في أي حتة، حاولنا نتصل بيه أكتر من مرة. كانه فص ملح وداب…. مش لاقينو واصل…
عمر بيبصلهم بعصبية مكتومة، بياخد نفس عميق وبيتكلم بوضوح.
عمر (بحزم): لو مكانش اهنيه في خلال ربع ساعة… أنا اللي هتصرف….. وانتو حسابكم معايا واعر قوي…. كيف تخلوه يهرب منيكم يا شويه بهايم….
ليلى قاعدة في الأوضة جنب القاعة، لابسة فستان بسيط، عيونها مليانة خوف وقلق، بتسمع الكلام اللي برا وماسكه نفسها بالعافية.
ليلى (لنفسها وهي بتبكي في صمت): إزاي اكديه؟ إزاي الدنيا قلبت اكديه؟ كنت مجرد خدامه فى الدار بشتغل بدل لقمتي ونومتي واليوم عروسه ومش اي عروسه لاه عروسه مكسورة وجابرين جوزها عليها…. اللهم لا اعتراض على حكمك وقضاءك بس يارب انا تعبت عاد هونها عليا يارب وارحمني….
تسمع خطوات عمر وهو داخل عليها، وبيبصلها بنظرة ثابتة.
عمر (بهدوء ورزانة): بقولك ايه كريم هرب ومش هيرجع. وأنا مش هسيبك في الموقف ديه، هتتجوزيني أنا… يلا علشان ننزل للمعازيم تحت…
ليلى (مصدومة): إيه؟ إنت بتقول إيه يا بيه؟! اتجوزك انت؟؟ ليه بس يا بيه… لاه يابيه هملني لحالي الله لا يسيئك وخليني امشي من اهنيه… انا.. انا مش رايده اي حاجه من دي واصل…..
عمر (بنبرة جادة): اهملك لحالك كيف والمعازيم اللى تحت والماذون ولبسك ديه… رايده انزل اقولهم ايه عاد العروسه هربت يوم فرحها علشان تنقتلي وتصغريني مع الخلق اللى برا…. اهدي اكديه يابت الناس مفيش حل تاني. أنا مش هسيبك لوحدك. هيبقى الموضوع مسؤولية قدام الكل، وأنا اللي هتحملها.
ليلى بتبصله بعينين مليانة دموع، مش عارفة ترد. بتاخد نفس بصعوبة وتحاول تستوعب.
ليلى (بصوت ضعيف): بس… إنت مش مضطر تعمل اكديه، أنا… أنا ممكن أمشي وخلاص…. ومفرقاش معايا انقتل ولا يحرقوني حتى انا خلاص زهقت وتعبت من الحياه دي يا بيه… مفرقاش مفرقاش واصل….
عمر (بصوت أهدى): لاه يا بنت الناس مش هينفع تروحي اكديه. أنا واخد القرار، واللي هيتقال هيتقال، بس أنا اللي هكون جوزك….. ووقتها محدش فى النجع كله هيقدر يرفع عينه فى حريم عمر المنشاوي واصل…
ليلى تسكت، ملامحها مليانة خوف وتردد. عمر بيبصلها بثبات وهدوء، مافيش أي تراجع في عيونه.
يتبع….
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!