رواية حضرة الظابط والمراكمة الفصل الرابع 4 بقلم هاجر وائل
لقراءة الرواية كاملة بدون إعلانات (اضغط هنا)
رواية حضرة الظابط والمراكمة الحلقة الرابعة
_ مين اللي كان بيكلمك، وليه طولت كدا؟.
_ وإنتِ مالك يا رويتر.
_ كدا يا بابا؟ متشكرة جدًا.
_ لا شكر على واجب يا حبيبة أبوك.
_ طيب قولي بقا فضولي هيموتني، يرضيك بنتك حبيبتك تموت من الفضول؟.
_ دا اسمه كلام برضوا، طيب إنتِ يرضيك أبوك حبيبك يموت من الزن؟.
_ بعيد الشر عليك يـٰ حجوج، ها؟.
” تدخل “يوسف” في الكلام، وكعادة أي بيت مصري لازم المناقرة بين الأخوات واللي غالبًا بتنتهي بطريقة غير مرضية “.
_ اسكتي بقا يابت إنتِ واقعدي في جنب.
_ وإنت مالك يا بارد إنت الله.
_ عيب يا “سارة” تكلمي أخوكِ كدا.
_ إنت مش شايف يا بابا هو بيقول إيه؟
_ قولت إيه يعني أنا؟.
_ بس يـٰ واد منك ليها، كل واحد يروح يكمل اللي بيعمله.
_ يووووه، مفيش حد بياخد راحته في البيت دا ولا بيعرف يتكلم فيه.
_ تقصدي محدش بيعرف يخليه في حاله ويبطل فضول.
_ هو أنا كلامي مش مسموع يـٰ حمار إنت؟.
_ أنا آسف يا بابا.
_ يلا روح كمل مذاكرتك و رن علي اختك شوفها فين، وإنت يا ساره روقي الشقه زي ما مامتك قالت علشان متجيش تطين عيشتنا.
_ حاااااضر ما هو مفيش غيري.
################
_ ازيك يـٰ آدم، هتيجي على الغدا إنهاردة ولا إيه.
_ لأ يا بابا اتغدوا إنتوا، علشان “طمطم” عايزاني اتغدى معاها.
_ ألف هنا، من لقا أحبابه نسي أصحابه بقي، ابقي وصل ليها السلام، وكمان للود حسام.
_ الله يسلمك يـٰ حبيبي، وقول لماما بقي وإن شاء الله نتعشى سوا، علشان محتاج نتكلم في موضوع كدا.
_ خير يـٰ حبيبي إنت كويس؟.
_ أيوه يا بابا متقلقش، لما أجي هنتكلم.
_ ماشي يا بني في رعاية الله وحفظه.
” قفل المكالمة مع والدة على خروج ” حسام”، علشان يمشوا “.
_إيه يا باشا مش يالا بينا؟
_ يالا يا أبو الصحاب.
_ أيوه بقا.
_ يالا بقا، بس هنعدي نشتري حلويات من اللي “طمطم” بتحبها.
_ مش عارف مين فينا اللي ابنها؟
” بص” آدم ” لـ” حسام ” بنظرة فاهم معناه كويس ”
_ تحب أقولك؟ ولا لما نروح “طمطم ” هيا اللي تقولك؟
_ خلاص يعمنا وبطل تقول “طمطم” كدا بغير.
_ “طمطم” يا طماطم.
_ برضوا يالا.
_ احترم نفسك يا سيادة النقيب.
_ اهو دا اللي بناخدة منك، سوق بقا وإنت ساكت.
_ إنت بتغير يا كوتي.
_ ما خلاص يعم وبص قدامك بقا.
################
_ السلام عليكم ورحمة الله وبركاته يـٰ هجورة.
_ وعليكم السلام ورحمة الله وبركاته يـٰ جو، محتاجين حاجة اجيبها وأنا جاية.
_ لأ يـٰ حبيبتي توصلي بسلامة، بابا بس كان بيشوف قدامك قد إيه وتوصلي علشان نتغدى سوا.
_ بعدي الطريق أهو، عشر دقايق وهكون في البيت إن شاء الله.
_ ماشي يـٰ حبيبتي في رعاية الله.
” قفلت المكالمة معاه وعديت الطريق بسلام الحمد لله، كان من أكبر مخاوفي إني أعدي الطريق، واطلع برا البلد بتاعنا اللي معرفش غيرها واكاد اكون معرفهاش هيا كمان، ولكن الإنسان لما يتضطر على فعل الشيء بيعتاد عليه، فتحولت أكبر مخاوفي لعادة بتحصل كل يوم”.
################
_ وقفت ليه؟
_ إحنا مش قولنا هنشتري حلويات.
_ أه.
” اتكلم آدم وهو بيغمزله ”
_ عرفت بقا مين اللي ابنها؟
_ أقولك أنا مش جاي معاك يوم الجمعة.
_ لأ خلاص وحياة أبوك.
_ يبقى تكتم لحد ما نوصل.
_ أنا إتكلمت؟.
_ ناس مش بتيجي غير بالعين الحمرا.
_ لما تقع هنشوف هتيجي بإيه؟
_ دا بعينك، بلا حب بلا خيبة.
_ بكرا تخيب نفس الخيبة.
” ركنوا العربية و دخلوا لمحل الحلويات الشرقية الموجود بالحي، دخل” آدم ” واختار الأنواع اللي بيحبوها وخصوصًا البسبوسة اللي بتحبها ” طمطم ” و اتجه للكاشير ووقف أول ما سمع صوت عالي”.
####################
_ وصلتي؟
_ ايوه وصلت الحمد لله.
_ طيب حمد الله على السلامة يـٰ حبيبتي، ابقي طمنيني عليك دايمًا، وأنا اسفه يا بنتي على كل اللي حصل دا.
_ حاضر، أنا …. مضطره أقفل ولما أوصل البيت هكلمك
_ ماشي يـٰ حبيبتي سلام.
_ مش تفتح يا أعمى إنت؟.
يتبع…
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!