رواية حب الصقر الفصل الرابع 4 بقلم حبيبة محمد
لتصفح الموقع بدون إعلانات (أضغط هنا)
رواية حب الصقر الحلقة الرابعة
فلاش باك…
حب: ماما، أنا تعبانة أوي ومش قادرة آكل خالص، ودايخة.
هيام: حاولي تاكلي أي حاجة صغيرة يا حب، عشان أقدر أديكي المسكن.
حب: مش قادرة يا ماما والله.
هيام: مينفعش يا بنتي كده، غلط.
تخرج حب من غرفتها، وتأخذ المسكن حتى يخف الألم قليلًا وتستطيع النوم.
كانت قد حضرت شطيرة جبنة حتى تستطيع أخذ الدواء.
لكن فجأة، دخل والدها محمد.
محمد: إنتِ هتاخدي مسكن من غير أكل؟ إنتِ عايزة تموتي؟
حب: لا يا بابا…
يقاطعها محمد بغضب:
محمد: بلا بابا بلا زفت! عايزة تموتي؟ غوري موتي بعيد عني، متجيبليش مصيبة!
هيام: إيه اللي بتقوله ده يا محمد؟ بعد الشر على ولادك!
لم تستطع حب تحمل الكلام أكثر من ذلك.
خرجت تجري إلى غرفتها، وفضلت تعيط بحرقة، لحد ما غلبها النوم وهي منهارة من القسوة التي تعرضت لها.
باك…
ترجع حب إلى الواقع، وتمسح دموعها برفق، ثم تستلقي على سريرها بحزن.
كانت تعيش حياتها وكأن لا أحد يعرف حقيقتها.
لا أحد يعرف كم مرة بكت وحدها…
ولا كم مرة أخفت وجعها خلف ضحكتها.
—
نروح عند صقر في الشركة…
كان صقر يجلس في مكتبه، بينما يتحدث معه يوسف وعمار عن إحدى الصفقات.
يوسف: شركة النمرود عايزة تاخد الصفقة بأي طريقة كانت، وكانوا عايزين يخسروك في السوق يا باشا.
صقر بضحك ساخر: هو ميعرفش مين صقر الجارحي ولا إيه؟ خلي المرة اللي فاتت سبتُه بمزاجي. قلت راجل كبير وخرف، بس شكله حابب يتطر وسط الناس.
عمار: لعب مع وحش السوق… ربنا يرحمه بقى.
يوسف: عملت إيه صح يا صقر في موضوع الجامعة ده؟
صقر: هنروح بكرة الجامعة. هنقابل خالد باشا ونتفق على الصفقة. وهتيجوا معايا، هحتاجكم.
يوسف وعمار: تمام يا باشا.
ويذهب كل منهم إلى منزله ليستريح من تعب العمل.
—
في اليوم التالي..
يذهب البنات إلى الجامعة، وفي نفس الوقت تتوقف سيارة صقر أمام البوابة.
تلمح حب السيارة من بعيد، وتتذكر أنها نفس السيارة التي بهدلت ملابسهم بالطين.
حب بعصبية وغيظ: دي نفس العربية اللي بهدلتنا! جت تاني أهي! والله لأروح أعلمه درس مينساهوش، وأعلمه إزاي يحترم الناس!
تمسك نادين بيدها.
نادين: اهدي يا حب، خلاص! الموضوع وفات، محصلش حاجة لكل ده. مش عايزين مشاكل، بالله عليكي، ناقصين إحنا!
حب بعند: لا! سبيني أروح أعلمه إزاي يسوق على مهله، عشان في بشر ماشية في الشارع! هو الشارع شارع أبوه
وتذهب حب ناحية سيارة صقر، وتخبط على زجاج السيارة بعصبية.
يتبع….
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!