رواية جوائح الدهر الفصل السادس 6 بقلم دعاء رزق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

تختلط النار بالسرّ والظلال تكشف ما كان مستوراً. كل خطوة قد تشعل العاصفة، وما سيأتي لن يرحم أحداً.

ـــــــــــــ⊰ ـــــــــــــ

بعد يوم متعب آخذة غفوه سريعة الى أن صحيت على صوت أمي رفعت الغطة وگمت من مگاني فتحت الباب مديت راسي اتسمع على گلامهم من خلال الحديث عرفت المشاگل بطريق العفو أقصد سلمان رجعت الغرفتي  فكره تاخذني وفكره ترجعني  مر الوقت واني صافنه اتحرگت شلت شعري بإهمال لزمت گتابي وهرولت جوه بس طلعت
شد انتباهي صوت غريب دخل مسمعي
ما يحتاج اعرف صوت منو هذا أكيد وصلوا

::- هسه فعلاً نگدر نگول راح تعلگ ونعلگ وياها

-شمرت گتابي على دراج ومديت رأسي اشوفهم ومثل ما واتوقعت كلهم موجودين اعرف كم شخص منهم أما الباقيه ما اعرفهم
نزل علي وراي استغلت الفرصة ودخلنا سوا

:: سلام عليكم

::- الكل رد سلام  اكتفينا بسلام من بعيد بدون مصافحه نظراتهم اگلتنا اگل وكأنهم منتظرين شخص ثاني واكيد تعرفون منو منتظرين دار حديث بينهم الى أن التفت ابو شيبات وگال.

سلمان:: وين ولدك محمد

::-  نطق هاي الگلمه  التفتت على علي اجت عيني بعينه نظراتنا واضحه نفس الي فكرت بي  فكر بي هو

محمد:: عدهم شغل
زهره:: شنهي شغلهم أهم من جدهم يمحمد
محمد:: حجيه شغلهم مو لعبه حتى شوكت ما عجبهم يجون.

::-  قطع حديث ابويه عمي فارس .
فارس:: وشنو شغلهم
محمد:: جوائح محققة .

::- هز راسه جدي كمل كلامه بكل فخر ألتفت علينا مبتسم.
محمد:: وهجَ طالبه سادس ايان مهندس
زهراء :: ماشاءالله.
سلمان:: وابنك هذا!

::- اشر على علي
رأساً ابوي غير الموضوع واكيد أعرف ليش ما قبل يذكر شغل علي

::- نصف ساعة انسحبت من يمهم بهدوء
هرولت للمطبخ مجرد دخلت التفتت أمي وعمتي زهراء يتهامسون بيناتهم  على أثر دخولي قطعوا الكلام.
::- سحبت كرسي وگعدت بصفهم صارت شغلة اعناد ليش يسكتون من دخلت

لتفتت إلي أمي تباوع صفح أشرت الي بمعنى گومي اطلعي  ضليت بمگاني خزرتني .