عيوني عليهم واحد واحد رفعت راسي على صوت غفران وهي تحجي وي رحمه استبرق خازره وهجَ وكأنها حاقدة عليها ما نزلت عيني إلا على صوت اشعار من تليفوني مجرد فتحته أنزل اشعار ثاني من فرات دخلت المحادثه كاتب " اصعدي فوگ "
كتبت….
جوائح:: ليش
فرات:: عندي موضوع وياج اصعدي بدل
ما تخزرين بالعالم
– شقصدك!!!!
– تخزرين برايح والچاي وحاطه كحل المن
– حلوه هاي حاطه النفسي شدخلك
– ها شدخلني ؟
– أي شدخلك
– منو اني ؟
– ابن عمي منو يعني
– منو اني؟؟؟
– تريد اكلك زوجي انتٓ لو تركع راسك بالحايط هم ما اكلك
– صدك والله ؟
– اي صدك
::- حمحم ايان رفعت راسي عليهم الكل يباوع الي والفرات وكأنه اكو شي حركة ايدي بمعنى شكو
سلمان:: تردون تحجون احجو كدامنا مو كاعدين وتتراسلون وتتمضحكون السفره الها احترامها لو محد علمكم
علي: اي والله جدي محد علمنا منتظريك تجينا تعلمنا
محمد:: عليي
سلمان:: هيه هاي تربيتك
::- سكت ابويه وما جاوب رفع عينه عليه واشر بمعنى إني الكم رفعت اكتافي بمعنى شدخلني اني
::- رجعوا طبيعي باوعت على فرات يباوع على ايان الي خازره عفه عائلة بس تخزر استغفرالله العظيم بس سحبت نفسي من بينهم وصعدت فوك تحت أنظار إخواني.
بس صعدت فوك وگفت انتظره مجرد دقايق وسمعت صوته على الدرج يضحك بصوت عالي من صوته واضح شكد جان فرحان ومتنعش وگفت ورا صعد بدون لا يلتفت راح باتجاه الغرفة بدون سابق انذار وگف وهو يمد ايده إلي بدون لا يلتفت وگال
التعليقات (0)
لا توجد تعليقات بعد. كن أول من يعلّق!