رواية اقتحمت جنتي الفصل الثامن عشر 18 بقلم أسماء عادل

اولا طبعا بعتذر عن بارت امبارح و ده بسبب ان الموبايل باظ و كان عليه كل الداتا بتاعتى
ثانيا اتفاجئت بالبارت اتمسح بعد ما الموب اتصلح 😭😭😭 و طبعا اضطريت اكتبه من جديد
اخر حاجه انا مش راضيه عن البارت بنسبه 100٪  يعنى مطلعش زى الاول و ده لانى كتبته و انا مستعجله و فى حاله نفسيه سيئه بسبب ضياع داتا كتير اوى من الموب
يا ريت تقولولى رايكم فى البارت و فى الروايه عامه و لو فى اى حاجه فى طريقتى عايزين انى اغيرها يا ريت تعرفونى عشان اتحسن ليكم و بيكم
الدعم بيرفع المعنويات و انا محتاجه دعمكم انهارده اكتر من اى يوم 😭
البارت مليان حييح بناء على طلب الجماهير العريضه ❤
كفايه رغى اسيبكم مع البارت
♕♕♕♕♕♕♕♕♕♕♕♕♕♕♕♕♕♕♕

الغدر هو احقر الجرائم الإنسانية وأكثرها خسه لان الانسان يستطيع دائما ان يفعل ما يريد في مواجهة الآخرين وليس من خلفهم
عبد الوهاب مطاوع
♕♕♕♕♕♕♕♕♕♕♕♕♕♕♕

اتبع الرجال المأجورين تلك الشاحنات المحمله بشحنه الاسلحه حتى اطمأنوا ان رجال عائله الراوى قاموا بتخزينها فى مخازنهم الخاصه كما اخبرت قمر اباها و فور مغادره سليمان و من معه تاركين رجلين فقط لحراسه المخازن، اقتحموا الرجال المأجورين المخازن و قاموا بضرب الحارسين محدثين اصابات بالغه لهما و قاموا بتفريغ المخازن من كل الاسلحه الموجوده بها حتى انهم لم يتركوا الصناديق الفارغه و لا الاسلحه القديمه المعلقه على الحوائط

ظل جابر يتابعهم من بعيد حتى لا ينكشف امره و بمجرد ان حملوا السلاح على شاحناتهم توجهوا بها لمخازن عائله الحديدى و خبأوها هناك لحين التصرف بها

وصلت الاخبار لعائله الراوى فنزلت عليهم كالصاعقه فالشحنه تساوى ملايين الجنيهات لتصبح تلك الضربه قاسمه لهم ليس فقط ماديا و معنويا و لكن ايضا تعتبر اهانه كبيره فى حقهم و عدم قدرتهم على حمايه ما يخصهم، بل و الطامه الكبرى هى تخلفهم عن الوفاء بميعاد تسليم الاسلحه للمشترين

صاح فرج يبوخ سليمان بجفاء و خشونه
# جتك خيبه يا كبير الندامه، اخوك الصغير كان حيعرف يتصرف احسن منيك يا غبى

ردد سليمان مدافعا عن نفسه
# يا ابوى انى جسرت فى ايه عاد؟

صرخ به يسبه بقسوه
# بهيم و اللى فى راسك ده فرده مركوب ( حذاء) مش مخ واصل، اكيد فى حد كان جاطرك ( متتبعك) يا بغل

زفر سليمان حانقا من سباب والده الهادر امام جمع العائله فردد بغضب
# مش اكده يا ابوى… انى ولدك الكبير و انت اكده بتجل منى ( تقلل من شأنى)

زفر باستسلام يهتف
# عليه العوض و منه العوض فى الملايين اللى راحت و هيبتنا اللى حتروح وراها

تابع سليمان حوار والده و هو يعيد بعقله الايام الماضيه و كيف يمكن ان يعلم اى فرد خارج العائله بامر تلك الشحنه السريه و لكن عقله توقف عن العمل من اثر الصياح العالى لجمع العائله و هم يحاولون ان يجدوا حل لتلك المعضله