رواية اقتحمت جنتي الفصل الثالث والعشرون 23 بقلم أسماء عادل

اسفه جدا على تأخير البارت لظروف قهريه
طبعا انا مضطره اتكلم معاكم عن التفاعل على الروايه دى او غيرها و بما اننا وصلنا للبارت 22 يعنى اللى لسه مكمل قرايه ده فاكيد الروايه عجباه و الا مكانش كمل و اضطر يستنى مواعيد النشر

و لما البارت بيعدى الالفين مشاهده و يبقى التصويت او الكومنتات عليه بالشكل ده يبقى لازم يجيلى احباط و مكملش كتابه

اكيد فى ناس كتير بتقدر التعب اللى الواحد بيتعبه عشان البارت يظهر لكم بالشكل ده بس لازم كلكم تعرفو حاجه مهمه اوى و هى ان مفيش مقابل مادى قصاد الكتابات و لا حتى المشاهدات يعنى الواحد مش طالب اكتر من التفاعل عشان يحس بالتقدير

ان شاء الله الروايه حتخلص قبل رمضان و بعتذر للناس اللى طلبت منى انى مكروتهاش، انا فعلا مش عايزه اكروتها بس مضطره اسرع فى احداثها لانى مش حكون فاضيه فى رمضان للكتابه و النشر

اخر حاجه احب اشكر كل الناس الى بيدعمونى و اللى سالو عليا لما اتاخرت عن ميعادى و بجد انا بكمل بدعمكم ليا

كفايه رغى و قراءه ممتعه
♕♕♕♕♕♕♕♕♕♕♕♕♕♕♕♕
يبلغ الحب القمه… متى تنازلت المرأه عن عنادها و الرجل عن كبرياءه و قد تنازلت انا عن كبريائى افلا تتنازلين انتى عن عنادك…… اريد ان اعيش نعيم حبك، و ان اردت ان اتحدث عن نعيم الحياه فسابدء بكى فانا لم اقع فى حبك… و لكن وقع العالم من عينى حين احببتك و حتى و ان كان حضنى بعيدا عنك، ساحتضن روحك الى ان نلتقى…. و حين نلتقى ساعانقك حتى تتكسر ضلوعى و انا اثق ان عناقك اشبه بامتلاك الدنيا فى لحظه
♡♡♡♡♡♡♡♡♡♡♡♡♡♡♡♡

استقبله مراد كعادته على ابواب المطار و احتضنه و ربت على ظهره يواسيه على ما عاناه فهو صديقه و رفيق دربه و يعلم كل كبيره و صغيره مر بها

تنحنح بحرج و هتف
# الشغل كله ماشى تمام و…..

صمت فنظر له سليم بمعنى هات ما عندك فانا اعلم جيدا ما ستقوله فاكمل
# جنه قاعده فى بيت باباها و روحت بلغتها بميعاد وصولك بس….

عاد للصمت فتنهد سليم بحزن و اردف
# ودينى عندها يا مراد…. خلاص مبقتش قادر، لازم نحط النقط على الحروف و اعرف هى عايزه ايه؟

زفر مراد بحنق حزنا على حال صديقه و هتف مستنكرا
# انا مش فاهمها يا سليم…. مفيش واحده بتحب واحد بتعمل معاه كده، انا بصراحه ساعات بحس انها مش بتحبك و ان كل الحكايه انك عرفت تشغلها و بس

صدق على حديثه هاتفا
#ده اللى انا اكتشفته يا مراد….جنه محبتنيش، جنه حبت الاحاسيس اللى انا عيشتهالها و انا عارف ده و راضى بيه بس خلاص مش قادر اكمل

صمت قليلا و ترقرقت عيناه بالعبرات و هتف بندم
# يا ريتنى ما قابلتها…. كنت سعيد وقتها، على الاقل كنت عارف احلم انها بتحبنى زى ما بحبها لكن اللى حصل ان بعد ما قابلتها حبيتها اكتر و اتعلقت بيها اكتر و هى…… هى بعدت عنى اكتر و وجعى بقى اكبر و اكبر