رواية اسير الماضي الفصل التاسع عشر 19 بقلم The Last Line
لقراءة الرواية كاملة بدون إعلانات (اضغط هنا)
ياسين : ادخلوا….
سهام : اهلا يا رودي
ورد :….!
عبدالرحمن : ازيك يا ورد… ازيك يا تقى عاملة ايه
و كل اللي كانوا جايين دخلوا و بعدين ورد اخدت ياسين على جنب
ورد : ايه اللي جاب مامتك
ياسين : هنخطبك….
ورد : ايه…..! انت اتجننت
ياسين : كدة و كدة يعني علشان نكمل التمثيلية
ورد : اه… بص انا سألته شوية اسئلة هقولهملك قداموا و هتجاوبهم
ياسين : و انا هعرف الاجابة ازاي…
ورد : ما انا هقولهالك اهو
ياسين : خلاص تمام…. قولي
و بعد ما خلصت
نادية : مين اللي كان على الباب….ايه ده باشمهندس ياسين ازيك عامل ايه
ياسين : الحمدلله بخير و حضرتك..
نادية : انا الحمدلله كويسة….. مش هتعرفينا يا ورد
ورد : دي طنط سهام والدة ياسين…… طنط سهام دي نادية والدتي
نادية : اتشرفنا بحضرتك
سهام : الشرف ليا
ورد : دا عبد الرحمن شريك ياسين في الشغل و صاحب عمره
عبدالرحمن : ازي حضرتك
نادية : الحمدلله
ام محمد : مين دول يا نادية
نادية : دول زمايل ورد في الشغل
ام محمد : هي ورد بتكلم زمايلها الرجالة
نادية : ده مديرها و ده مديرها
ام محمد : طب ام مديرها جاية ليه
نادية : و الله انا مش عارفة… استني و هنعرف
سهام : احنا جايين النهاردة علشان حاجة تفرحنا كلنا
نادية : خير…. ان شاء الله
سهام : قومي يا رودي اعملي القهوة
نادية :……؟!
و دخلت ورد و تقى و سلمى المطبخ علشان يعملوا القهوة
تقى : هم جايين ليه
ورد : هيطلب ايدي
سلمى :….!
تقى: كنت عارفة……. اذا كان كدة يبقى تحطي ملح في القهوة
ورد : لا حرام عليكي
تقى : حطي و لا احط انا
ورد حطت معلقة صغيرة.. قامت تقى حطت اربع معالق كبار
و اخدت ورد القهوة وراحت ادت لكل واحد فنجانه
و قاعدة تشاور لياسين علشان ميشربش القهوة
سهام : على سنة الله ورسوله جايين نطلب ايد بنتكم ورد لابني ياسين
نادية : تطلبوا ايد ورد….
محمد :….. امال انا بعمل ايه
ام محمد :….!
تقى : يبقى ورد هي اللي تختار..
عبدالرحمن : دا كلام زي الفل
محمد : و انا موافق
ياسين : و انا كمان
ورد : هسأل ياسين الاول الاسئلة اللي انا سألتهالك
ياسين : اتفضلي…
ورد : ‘ ايه اسم الحرباية اللي ريبانزل كانت مربياها’
ياسين : و هو ده سؤال باسكال طبعا
ورد : براڤو عليك
محمد….!!
ورد : السؤال الثاني ” ريبانزل اتحبست في البرج قد ايه ”
ياسين : اكيد… اكيد 18
ورد : هو ده الكلام.. اللي بعد ” بيل كانت بتقرأ رواية ايه للوحش ”
ياسين : روميو و چولييت
ورد : الله عليك..
ياسين : اللي بعده يلا و انا سخنان كدة
ورد : ايه اسم اللي بوكاهانتس كانت بتحبه
ياسين :……… اممم… كان چون سميث باين
ورد : صح.. و دلوقتي نبدأ المرحلة التانية من الاسئلة
بس ورد مقالتش الاسئلة لياسين
محمد : انا جاهز
ياسين : و انا جاهز
ورد : السؤال الاولاني… لمحمد ” لو هسافر في الشغل هتبقى ردة فعلك ايه ”
محمد : لو في رجالة لا
ورد : وانت يا ياسين… باعتبار ان شغلي مش معاك
ياسين : بصي هو اكيد الاوبشن دا اوكيه…. بس لو في راجل انا مش مرتاحلوا يبقى تعتذري عن السفر او اروح معاكي
ورد : اوكي… السؤال اللي بعده ياسين ‘ لو انا غيرانة عليك من واحدة معاك في الشغل هتعمل اي’
ياسين : اكيد مش هتعامل معاها بما انك ست و ليكي نظرة
محمد : انا اصلا مش هعمل حاجة تخليكي تغيري
بس الاسئلة خلصت انا هدخل اوضتي اشاور نفسي
و بعد ربع ساعة تقى راحت تعمل قهوة تاني و حطت خمس معالق ملح في فنجان ياسين
و راحت حطت الفنجان اللي فيه الملح ده بين ياسين و محمد
تقى : اللي ورد هتختاره هو اللي هيشرب الفنجان ده
و بعدين ورد طلعت و قالت انا فكرت في اجاباتكم انتوا الاتنين بس لقيت ان ياسين هو اللي هينفعني
ام محمد : و لا يهمك يا حبيبي هجوزك الاحسن منها
ورد : طيب طالما في الاحسن مني حضرتك جيتيلي ليه
ام محمد : يلا يا محمد يا حبيبي
محمد : يلا بينا
تقى : يلا يا عريس اشرب القهوه
نادية : اشربها…. بسرعة
ورد : بلاش
و شرب ياسين القهوة من هنا و قعد يكح
و فضلوا سهرانين لحد وقت متأخر
ياسين : ورد انا عايز اقولك حاجة مهمة
ورد :….. قول
ياسين : بصراحة يا ورد انا بحبك و بحبك بجد مش كدة و كدة و اما جيت علشان اطلب ايدك جيت بجد مش تمثيل
ورد :…. الصراحة انا….. انا كمان بحبك
ياسين : كنت عارف…. كمان عايز اقولك حاجة تانية
ورد : ايه
ياسين : عبدالرحمن….. معجب بتقى
ورد : طب ما يروح يقولها
و فضلوا يتكلموا
تقى : تشرب حاجة يا استاذ عبدالرحمن
عبدالرحمن : اولا بلاش استاذ دي ثانيا انا عايز اقولك حاجة
تقى :… ايه
عبدالرحمن : الصراحة انا معجب بيكي و من اول مرة شوفتك فيها
تقى :…….
و كانت بتقول من جواها : و انا كمان بس السفر… يا ترى اقوله ايه…
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!