رواية معاناة الصقر الفصل الحادي والعشرون 21 بقلم امل الهواري
رواية معاناة الصقر الفصل الحادي والعشرون 21 بقلم امل الهواري
البارت الحادي والعشرون
الفصل الواحد و العشرون
¤¤¤¤¤¤¤¤¤¤¤
+
لم تتفوه بكلمه علي ما أردف به فظن أنها لم تستمع أو لم تستوعب طلبه الصريح وأعاد عليها ما طلبه مره أخري
+
سيف :- تتجوزيني ياوعد
+
رفعت عينيها تتقابل مع عينيه لثواني وظلت بصمتها
+
سيف :- مش بتردي ليه
+
وعد :- حضرتك بتتكلم جد
+
سيف :- أنا عارف إنك منستيش سامر الله يرحمه وأكيد كمان لسه بتحبيه
+
أرادت أن تخبره بأنها لن تعطي لقبها الحريه كي يهوي أي رجلاٍ فهو لن ينبض بعشق أحداً حتي الأن
+
سيف :- فكري وهستني ردك
+
تردد صدي صوته (سامر ) بآذانها فأدمعت عينيها ياله من قدرٍ لن يسيره غيرك يالله
+
فإكتفت بإمأت رأسها
+
بعد فتره قصير غادر كلاً منهم إلي وجهته بعد أن عرض عليها أن يوصلها ، ولكن تحججت لكي لا تري تلك النظرات التي تقرأ تلميحاتها بأعين جيرانها
+
♧♧♧♧♧♤♤♤
+
عند رحمه
+
صدح هاتفها بإسم وعد فتركت ما بيدها لتجيب علي الفور بدون مقدمات
+
رحمه :- أي يابنتي كل دا مستنياكي
+
وعد :- طب السلام عليكم الأول أهدي شويه عليا طالعه فيا بزعابيبك ليه كدا
+
رحمه :- علشان قاعده مستنياكي تكلميني وتقوليلي الضابط القمر دا كان عايز أي ها إنطي كان عايزه أي
+
وعد بدهشه :- أي دا إنتي تعريف أستاذ سيف
+
رحمه :- ولا عمري شوفته إنما أنا أسمع إن كل اللي إسمهم سيف بيبقوا قمرااات
+
وعد :- لا والله
+
رحمه بغضب طفولي :- يابت إخلصي إنطقيييييييييي
+
وعد بصوت عالي نسبياً :- عايز يتجوزني إرتحتي
+
رحمه من فرحتها لوعد :- كح كح كح بت بت بتقول أي يتجوزك لولولولولولولولولي
+
وعد بإنزعاج :- بس يابت وداني إتخرمت أي في أي حد قالك إني وافقت
+
رحمه :- نعم ياختي وترفضي ليه إن شالله تكونيش لسه رافضه المبدأ بردو يابنتي هو اللي زي سيف دا يترفض
+
وعد :- لسه بتحكمي بالمظاهر متعلمتيش من عمر واللي حصل معاه
+
رحمه :- بس بس متفكرنيش يادي المصيبه لو كنت إتجوزته مش عارفه كان أي اللي ممكن يحصل أكيد حياتنا كانت هتبقي تعيسه
+
وعد :- أنا إللي أعرفه إن مراته الله يرحمها كان متجوزها عن حب ، لا دا عن عشق
+
رحمه بصدمه :- أي دا هو اللي قالك الكلام ده
+
عضت علي شفتيها ندماً علي ما تفوهت فهي لم تخبر رحمه شئ عن سامر من قبل
+
وعد :- أأبدا سمعت من الجيران أصلها كانت عايشه في العماره دي هي كمان
+
رحمه :- طب وإنتي هتعملي أي هترفضي
+
وعد :- مش عارفه يارحمه بس أكيد هصلي إستخاره الأول وربنا يقدم اللي فيه الخير
+
رحمه :- ربنا يجعلك كل الخير
+
وعد :- أنا وإنتي حبيبتي
+
بعد دقائق إنتهت المحادثه ومن ثم عادت لتتناول طعامها
+
♧♧♧♧♧♧♤♤♤♤
+
بالمقابر
+
جلس يتحدث أما قبرها وكأنه يراها
+
سيف بحزن :- خلاص ياحبيبتي عملت اللي إنتي عيزاه بس أنا مش هقدر علي أكثر من كدا ، أنا عمري ما إتمنيت إن إسم حد غيرك يتكتب بجانب إسمي ولا أعيش مع ست غيرك ليه يالاما ليه ، ناديتك مردتيش عليه ومشيتي
+
فلاااااااااش باااااااك
+
جلس بجانب قبرها يرتل أيات القرآن الكريم كما إعتاد ، ويتحدث إليها بأعين باكيه علي فراقها وعذابه بدونها وإشتياقه إليها ومن ثم غادر
+
بالفيلا
+
سيف :- حبيبتي وحشتيني
+
إبتسمت له دون كلمات
+
سيف :- أنا مش قادر أعيش من غيرك حياتي معاكي
+
نظرت للجهه الأخري مردفه بإبتسامه :- حياتك هنا ياسيف
+
ترددت صدي الكلمات مع إختفاءها فنظر حيث أشارت ، فوجد أخيه ينظر إلي وعد بأسي ومن ثم إختفي دون أن ينظر إليه
+
سيف بصراخ :- لماااااار سامرررر
+
فزع من نومه لا يعلم لماذا رأي تلك الرؤيا وماذا تعني
+
باااااااك
ظل بعض الوقت وغادر إلي الفيلا
+
♧♧♧♧♤♤♤♤♤
+
عند وعد
+
ظلت تفكر في طلب سيف وعد تتحدث في نفسها :- كيف له أن يتزوج مني وهو لا يزال يعشق زوجته ، ونظرات الجيران هذه التي تعني الإشمأزاز مني لما فعندما يأتي يترك باب الشقه علي مصرعيه فلماذا تلك النظرات؟؟؟ ، فلابد أنه علم بشئ
+
ظلت هكذا لفتره وبالنهايه إستجابت لعقلها وصلت إستخاره
بعد فتره غفت بنومها
+
♧♧♧♧♧♡♡♡♡
+
قضي الليل في التفكير فيما فعله وما سيترتب عليه ومن ثم غفي بنومٍ عميق
+
تسللت نسمات الهواء مع أشعة الشمس الدافئه إلي الغرفه فقد ترك النافذه مفتوحه ، فتح عينيه علي أثرها ومن ثم نظر بساعته ونهض من الفراش متجهاً للمرحاض
+
ما أن دلفه حتي صدح هاتفه بإسم معتز ولكن لن يتلقي رد من الصقر ظن أنه لايزال نائماً
+
خرج من المرحاض وشرع بإكمال ملابسه حتي صدح الهاتف مره أخري فأجاب علي الفور
+
سيف :- اوامرك يافندم
+
أغلق الهاتف وبعد وقت قصير إستقل سيارته متجهاً إلي الإداره
+
♧♧♧♧♤♤♤♤
+
عند وعد
+
إستيقظت علي أذان الفجر كالمعتاد يومياً ، إعتدلت بجلستها مردده بسم الله الرحمن الرحيم اللهم إجعله خير
+
وعد لنفسها :- يعني أستاذ سيف هو اللي كان موجود في الرؤيا اللي شوفتها قبل كدا
+
فلاش باااااك
+
قرأت دعاء الإستخاره ومن ثم خلدت بنومها
+
بمكان ذات خضره شاسعه وأشعه الشمس دافئه وقفت وعد ، وسامر يقف مبتسماً لها فبادلته الإبتسامه ومن ثم إتجهت إليه بخطئ بطيئه ، ولكن توقفت حينما رأته يبتعد عنها رويداً رويداً والإبتسامه لا تزال تزين ثغره حتي إختفي
+
وعد :- سامر ياسامر
زفرت بضيق مردفه :- هو راح فين بس
+
أدارت وجهها للجهه الأخري تبحث بعينيها عنها ، فوجدت شخصاً ما يقف علي بعد منها ، ولكن يواليها ظهره وهو يرتدي حلي سوداء ، إقتربت منه بحذر فقد يكون سامر ولكن إستيقظت قبل الوصول إليه
+
باااااااك
+
وعد لنفسها :- الرؤيا بعد الإستخاره دي إكتملت وسيف هو اللي كان واقف
+
نهضت من الفراش لتؤدي فرضها ، وهي تردد سبحانك يارب
+
♧♧♧♧♧♤♤♤♤
+
بالإداره
+
معتز :- اللواء مجدي عايزك حاولت أكلمك بس إنت كنت نايم بس شكل الموضوع شخصي لانه لو ليه علاقه بالشغل كان بلغني
+
سيف :- تمام ومن ثم دلف مكتب قائده
بالداخل
+
اللواء مجدي :- أشار له بالجلوس فإستجاب له
+
سيف :- خير يافندم
نظر إليه نظرات فسرها سيف بمعناها الصحيح
+
سيف :- فيه أي يافندم وليه النظره دي
+
مجدي :- أنا اللي عايز أسأل إبني ليه ياسيف
+
سيف بإستفهام :- ليه أي
+
مجدي :- اللي وصلني عن البنت اللي …
+
قاطعه سيف بأدب وهو يستقيم من مقعده :- لو سمحت يافندم مش هسمح لأي حد يجيب سيرتها بكلمه حتي لو كنت بعتبره والدي
+
مجدي :- للدرجه دي
+
سيف :- لإنها هتبقي مراتي وأنا هعرف شغلي مع اللي إتجرأ إنه يتكلم عنها أو عني بأي كلام غير صحيح
+
مجدي :- الخطاب اللي جالي لو مش من شخص خايف عليك مكنش قالي علي العموم مبروك ياسيف
+
سيف :- شكراً يافندم
ومن ثم غادر إلي مكتبه والغضب مسيطر عليه بشده
+
دلف معتز خلفه بتساؤل :- أي ياسيف مالك أي اللي حصل
+
سيف :- سبني لوحدي يامعتز
+
إنصاع لطلبه فهو يعلم الصقر بغضبه لا يتجرأ أحداً علي معارضته
+
زفر بغضب مردفاً :- مردفاً ماشي يابنت ال…… إن ما ربيتك شكلي إتساهلت معاكي زمان
+
خرج بغضب حيث العماره المتواجده بها وعد ولكن ذهب لشخص أخر…….
+
♧♧♧♧♤♤♤
+
بالمشفي
+
تسألت رحمه عن وعد فهي لم تراها منذ قدومها اليوم
+
رحمه :- دكتوره سحر ماشوفتيش وعد
+
سحر :- هتلاقيها بتمر تليفونها سيباه في هنا تعالي خمس دقائق وهتلاقيها جايه
+
دلفت إلي غرفة الطبيبات لتنتظرها ، دلفت وعد بعد دقائق مردفه :- رحمه حبيبتي إزيك
+
رحمه بتذمر :- ياسلام ياختي كنتي عبرتيني أول ما وصلتي الصبح
+
وعد :- طب خلاص ماتزعليش كان في حاله لازم أتابعها مش عرفت أجيلك
+
رحمه بلهفه :- طمنيني ها قررتي أي
صمتت ولم تجيب
+
رحمه :- يبقي السكوت علامة الرضا
+
وعد بتنهيده :- حاجه زي كدا
+
رحمه :- طب هتبلغيه رأيك إمته
+
وعد :- بكره بأمر الله
+
رحمه :- اوك نتقابل أخر اليوم سلام ياعروسه
إبتسمت مشيره بيدها
+
♧♧♧♧♤♤♤♤
+
صف سيارته أمام العماره ومن ثم دلف للشقه بالدور الأرضي ، ضغط علي زر الجرس
+
فتحت فتاه ببدايه عقدها الثالث
+
الفتاه بإرتباك :- س سيف
+
سيف بصوت جهوري بث الرعب بقلبها :- أنا إتحملت تصرفاتك كتير حاولتي تخربي علاقتي بلمار الله يرحمها وسكت ، عملت حساب للقرابه اللي بينا وقولت بكره تعقل ، لكن هترجعي تعيدي اللي فات تاني مش هسمحلك
+
ياسمين :- إنت بدافع عنها ليه تهمك في أي دي واحده بتعطف عليها
+
سيف ببرود :- بعطف عليها الدكتوره وعد تبقي خطبتي وعن قريب هتبقي مراتي
+
ياسمين بصدمه :- هتتجوزها طط طب وأنا إأنت عارف إني بحبك
+
سيف :- الكلام اللي هقوله دا مش هعيده تاني ، تلمي هدومك وترجعي مكان ما جيتي بذوق وإلا إنتي عارفه أي اللي ممكن أعمله
+
غادر وتركها تسب وتلعن ولكن إنصاعت لأمره وستعود إلي محافظتها فهي تقربه من ناحية والدته ، وكان يعطف عليها فعاشت مع والديه تخدمهم ، ولكن صور لها عقلها أنها ممكن أن تصيح زوجة الصقر بيوماً من الأيام……..
+
♧♧♧♧♧♤♤♤♤
+
بعد يومين
بالشقه عند وعد
+
صدح الهاتف لتنير الشاشه بإسم أستاذ سيف فأجابت
+
وعد :- السلام عليكم
+
سيف :- وعليكم السلام ورحمة الله وبركاته ، إزيك يادكتوره أخبارك أي
+
وعد :- بخير الحمد لله وحضرتك
+
سيف :- تمام ، مردتيش عليه في طلبي وأنا مستني أعرف قرارك
+
صمتت ولم تجيب
+
سيف :- الووو إنتي معايا
+
وعد بربكه :- اايوه مع حضرتك
+
سيف :- طب قررتي أي
+
وعد بخجل وصوت خفيض :- م موفقه
+
سيف :- علي خيرة الله
+
وعد :- ب بس أنا ليه طلب عند حضرتك
+
سيف :- قولي كل اللي إنتي عايزاه
+
وعد بخجل :- تعطيني فرصه لحد ما أتعود عل ….
+
سيف مقاطعاً فهذا ما أراده زواج علي ورق فقط :- إحنا هنعيش تحت سقف واحد كإننا إخوات لحد ما تكوني إتعودتي عليه
+
وعد بإبتسامه :- متشكره
+
سيف :- أسف ياوعد مش هقدر أعمل فرح
+
وعد بتفهم :- دي شكليات وبعدين أنا ماليش حد في الدنيا غير واحده صاحبتي
+
سيف :- خلاص يبقي نكتب الكتاب بعد بكره وكدا كدا الشقه جاهزه من كل حاجه وأي شئ تحتاجيه بأمر الله هيكون عندك
+
وعد :- بأمر الله
+
أنهت المكالمه ومن ثم حدثت رحمه كي تكون بجانبها بذلك اليوم
+
♧♧♧♧♧♤♤♡♡
+
جاء اليوم المنشود وتم عقد القران عند نفس المأذون الذي عقد قرانه هو ولمار ، حضر سيف بصحبة معتز ووعد برفقه رحمه ، إرتدي سيف حلي سوداء فكان عنوان للوسامه والتميز فحقاً لقب الصقر لا يليق سوي به ، أما وعد فإرتدت فستان سهره أبيض رقيق وأنيق للغايه وذلك بعد إصرار رحمه عليها فحقاً أصبحت به كالملاك ،
+
بعد عقد القران ذهب الجميع إلي مكان معين قد جهزه سيف من قبل لهذا اليوم فالنهايه من حق وعد أن تنال قسطاً من السعاده حتي ولو لم تمس قلبه هو
+
معتز :- مبروك ياسيف
+
سيف بإبتسامه بسيطه محاولاً إخفاء ما به :- الله يبارك فيك
+
معتز :- عايز أعرف ليه مش عايز حد يعرف بخبر زواجك
+
سيف :- من غير أسئله يامعتز نفذ من غير جدال
معتز :- ماشي
+
عانقتها بفرحه مردفه :- مبروك بقا أحلي وعد في الدنيا طالعه زي الملايكه ياقلبي ربنا يسعدك ويفرح قلبك ياحبيبتي
+
وعد وهي تشدد من عناقها :- حبيبتي يارحمه ربنا يرزقك باللي يفرح قلبك ويكون سبب سعادتك يارب…
+
رحمه :- يارب ياوعد
+
بعد فتره قصيره غادر معتز ومن ثم غادرت وعد بعد أن ودعت صديقتها وتمنت لها حياه سعيده
ل
حظات صمت ونظرات متبادله مرت عليهم لدقائق لا يملؤها سوي صوت تلك الموسيقي الهادئه التي تعم المكان
+
قطع ذلك الصمت بكلماته :- إنا عارف إنك إتفاجأتي من طلبي إني أتجوزك رغم إنك أكيد عرفه أنا بحب لاما قد أي
+
وعد :- في الحقيقه أنا لسه بحاول أستوعب الموقف
+
سيف :- أحنا إتفقنا هنعطي بعض فرصه نتأقلم علي الوضع الجديد ، هنعيش في الشقه لحد ما أشوف فيلا جديده
+
وعد :- هتبيع فيلتك
+
سيف مسرعاً بالرد :- لأ
+
وعد بإبتسامه تخفي الكثير خلفها :- وأنا مش طالبه حاجه الشقه كويسه مفيش داعي تكلف نفسك مكان تاني رحمه جهزتها النهارده وبعد إذنك غيرت فيها بعض الحاجات مش أكتر
+
سيف :- أنا أسف مقصدش أضايقك
+
وعد :- مفيش داعي للأسف أنا بحترم الوفاء اللي عند حضرتك لزوجتك الله يرحمها
+
سيف :- تحبي نروح
+
وعد :- ياريت
+
وبالفعل غادرو حيث شقتهم التي زينتها رحمه بطريقه تليق تلك المناسبه السعيده كما إعتقدت
+
♧♧♧♧♧♧♤♤♤
+
عند العماره
+
دلفوا للداخل وسط مباركات من يقابلهم من الجيران
+
بالشقه
+
دلف للداخل فوجد جو جديد عاد بذاكرته إلي لمار ومفاجأتها فإبتسم بتلقائيه حين تذكره تلك المواقف معها ، ومن ثم تلاشت الإبتسامه عند هبوطة للواقع عندما وقع نظره علي من تقف بجواره
+
سيف بتعجب :- هي الناس دي عرفت منين
+
وعد بخجل :- إحم رحمه لما كانت بتوضب الشقه الصبح هي اللي قالت للبواب بس بطريقه غير مباشره
+
سيف :- لأ وهو ناصح بصراحه
+
وعد :- هو حضرتك مكنتش عايز حد يعرف
+
سيف :- مش زي ما فهمتي أنا كان ليه هدف في دماغي مش أكتر
+
دلفت إلي غرفتها التي هي غرفته بالأساس ، إتجه إلي غرفة سامر التي أصبحت غرفته بعد اليوم
+
قضي كلاً منهم الليل بغرفته يفكر فيما طرأ من أحداث
+
♧♧♧♧♤♤♤♤
+
بالصباح
إ
ستيقظت مبكراً كما إعتادت ولكن بملامح حزينه
إستيقظ سيف وإستعد للذهاب إلي عمله ، خرج من غرفته وجدها بالمطبخ إتجهه إليها
+
سيف:- صباح الخير بتعملي اي
+
وعد :- صباح النور بجهزلك الفطار
+
سيف :- ملوش لازمه تتعبي نفسك
+
وعد :- لا مافيش تعب ولا حاجه وبعدين دا واجبي
+
سيف :- ماشي تسلم إيدك
+
حملت بعض الأطباق وأتجهت إلي السفره حمل سيف البقيه وذهب خلفها
+
وعد بدهشه :- أي دا حضرتك جبتهم
+
سيف :- وفيها أي عادي
+
جلس لتناول الإفطار ومن ثم هي الأخري ، لاحظ تعبيراتها الحزينه ظن أنها غير سعيده بوجوده
+
سيف :- مالك في حاجه مزعلاكي
+
وعد :- أبدا مفيش حاجه
+
سيف :- إنتي مضياقه من وجودي
+
وعد بتصحيح الموقف :- لأ مش كده خالص
+
سيف :- طب في أي
+
وعد :- في حاجه غاليه عليه إتكسرت
+
سيف :- أي هي
+
وعد :- سلسه ماما كانت جيبهالي ومش فرقتني من يوم ما إتولدت غير لما ضيقت علي رقبتي بابا كبرهالي
+
سيف :- ياسلام فداكي هيكون عندك وحده شبهها تمام
+
وعد بدموع :- لأ أنا مش عايزه شبهها خلاص أنا هحتفظ بيها
+
سيف :- طب هاتيها
+
دلفت غرفتها ومن ثم أعطتها له
+
سيف :- خلاص متزعليش أنا هتصرف
+
وعد :- متشكره أوي
+
سيف :- المفروض مفيش شكر ما بينا ولا أي
+
أمأت رأسها :- حاضر
+
تناول طعامه ومن ثم غادر
بعد ما يقارب الساعه تحدثت إلي رحمه
+
رحمه :- أي ظا العروسه شخصياً بتكلمي دا أنا قولت هتستندلي ولا هتعبريني
+
وعد :- لا ياقلبي هو أنا أقدر
+
رحمه :- والله كنت هكلمك بس إتكسفت
+
وعد :- ولا كسوف ولا حاجه وبعدين سيف راح الشغل
+
رحمه بصدمه :- نعم في عريس يروح شغله في الصباحيه
+
وعد بحكمه :- يابنتي هو دا أي شغل وبعدين معرفش ياخد أجازه في قضيه مهمه هو اللي ماسكها لازم تخلص
+
رحمه :- طيب ربنا معاه علي فكره زمايلنا عايزين يجوا يباركوا بس أنا قولتلهم إنكم سافرتم قولت بلاش حد يزعجكم
+
وعد :- خير ما فاعلتي وبعدين أنا كلها إسبوع وهرجع الشغل
+
رحمه :- والله أنا ما هتكلم ما إنتم عرسان أخر زمن
+
وعد بإبتسامه :- ماشي ياغلباويه سلام علشان تشوفي شغلك
+
أنهت المكالمه ومن ثم جلست أما التلفاز
+
♧♧♧♧♧♧♤♤♤♤
+
مرأت فتره ما يقرب الشهرين علي الجميع إقترب سيف من الوصول لهدفه
+
أما عن وعد فالحياه تسير كما هي لايوجد جديد بينهم فالتعامل بينهم قائم علي الإتفاق المسبق
بالمشفي
+
أنهت وعد عملها ولم تنتظر سيف أو السائق كما إعتادت كل يوم لانها خرجت باكراً عن موعدها
+
أوقفت تاكسي وبمنتصف الطريق أوقفتهم سيده يبدو عليها الكبر مما جعل وعد ترأف بحالتها وتوافق علي إصطحابها بالتاكسي
+
♧♧♧♧♧♧♤♤♤♤
+
عاد سيف إلي الشقه ولم يجدها حاول الإتصال بها ولكن الهاتف مغلق ، أعاد الإتصال دون جدوي
+
هاتف المشفي كي يسأل عنها ولكنه فوجئ بخروجها مبكراً من المشفي
+
أسرع إلي هاتفه الذي صدح برساله من هاتفها
حجظت عينيه مما رأي ……….
+
♧♧♧♧♧♤♤♤♤
+
حبيبي وحشتوني وشكراً جداً لسؤالكم عني ودعواتكم لأولادي معلش مش عرفت أرد علي التعليقات ، تسلمولي يارب 😍😍
+
أنا ضغط الأحداث شويه علشان باقي حلقات بسيطه والروايه تخلص اتمني البارت يعجبكم 😍😍
+
- لقراءة باقي فصول الرواية اضغط على (رواية معاناة الصقر)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)