رواية وردة في وسط الصعيد الفصل الخامس 5 بقلم ندوشة

“5”
نزلت وردة في الوقت دا واول ما شافت المنظر دا وكان عمر ماسك رجل جميلة عشان يشوف منطقة الالم اتعصبت جدا
وردة : عمر
بصلها بسرعة وبعد عن جميلة اللي فهمت هو عمل كدة ليه ودا زود غضبها راحتلهم وردة بسرعة ومثلت انها قلقانة
وردة : في ايه ايه اللي لجميلة
عمر : رجلها اتلوت وانا كنت بشوفها
وردة : الف سلامة عليكي ي جميلة بجد زعلت روح انت ي عمر جيبلي حاجة ساقعة وانا هشوف رجلها وهتطمن عليها
عمر : ماشي
راح عمر عشان يجيب الحاجه الساقعه لورده وورده قعدت جنب جميله وقالت لها : قومي
جميله : انتي بتقولي ايه
ورده : بقوللك قومي انا عارفه انك موقعتيش ولا حاجه ورجلك سليمه
جميله : وانا يعني همثل عشان ايه
ورده بتفكير : ممكن مثلا عشان عمر يقرب منك وتشوفيه خايف عليكي
جميله : انت اتجننتي ولا ايه اللي انتي بتقوليه ده
ورده : انا كنت واقفه وشايفه كل حاجه وعارفه انك ماوقعتيش ولا رجلك اتلوت ولا حاجه قومي قبل ما ييجي واقوله
قامت جميله وهي مصدومه من ورده ومش عارفه تعمل ايه هي مكنتش تتوقع ان رد فعلها يبقي كدة
ووردة كانت بتبتسم وهي بتبصلها
وردة : انا شايفة ان رجلك كويسة اهي اومال ايه بقي اللي انتي قولتيه لعمر دا
جميلة : انتي عاوزة ايه
وردة : المفروض السؤال دا ييجي مني لانه جوزي انا لما اجي والاقيه ماسك رجل سعادتك المفروض انا اسال
جميلة : ممكن مثلا هو اللي بيحاول يقرب مني
وردة : والله! ممكن ليه لا بس الكلام دا وحدة عبيطة هي اللي تصدقه مش انا جوزي انا اكتر وحدة اعرفه
جميلة : وانتي بتتكلمي علي اساس ايه هو يبقي ابن عمي انما انتي وحدة لسة عارفك
وردة : انا اللي عمر اختارني اختارني وسابك حطي الكلام دا في دماغك عمر لو بيحبك كان اتجوزك او كان بين حتي انه عاوزك بس دا محصلش وفي المقابل اتجوزني انا
جميلة : انتي اللي لعبتي عليه هو كان هيتجوزني انا انا اللي بحبه ومن احنا صغيرين كان معروف اني له انتي اللي اخدتيه مني
وردة : انا ماخدتش حد من حد هو لو مكتوب ليكي كان اتجوزك قبل ما يعرفني لكن دا محصلش واظن انتي فهمتي دا معناه ايه
جميلة : انا
وردة بمقاطعة : متتكلميش بس هحذرك لآخر مرة انك تحاولي تعملي كدة وتقربي لعمر جوزي تاني والا انا هعرف افضحك لهم ازاي
كانت لسة جميلة هترد بس عمر جه وفي ايده كمادات ساقعة بس استغرب لما لقاها واقفة علي رجلها عادي
عمر : انتي واقفة ليه علي رجلك ي جميلة
جميلة : اصل وردة ايدها فيها الشفا ورجلي بقت كويسة كتر خيرها
وردة : متقوليش كدة يحبيبتي انتي زي اختي بردوا هو انا اطول اريحك واتأخر
جميلة : اصيلة ي وردة عن اذنكم انا طالعة اوضتي
طلعت جميلة لفوق لاوضتها وهي هتموت من الغيظ وبتتوعد لوردة في سرها اما عمر فبص لوردة اللي كانت بتبتسم
عمر : انا مش فاهم حاجة هو ايه اللي حصل
وردة : متركزش يحبيبي وتعالي نطلع فوق انا عاوزة اتكلم معاك
كانت صفاء قاعدة في اوضتها سمعت صوت خبط علي الباب فتحت وضحكت اول ما شافت اللي علي الباب
صفاء : مالك عاملة في نفسك كدة ليه
امل : اعمل ايه هاربانة من اخوكي انا مش ناقصة
صفاء : طب والله احمد طيب وبيحبك
امل : ما هو اخوكي يختي هتقولي عليه ايه يعني المهم انا كنت جاية اقعد معاكي شوية
صفاء : تنوري يلولو ادخلي
دخلت امل الاوضة وهي بتتكلم مع صفاء اللي تبقي اقرب صاحبة لها ومتخبيش عنها حاجة ابدا
في اوضة نوم فرح كانت قاعدة هي وجميلة اللي كانت هتطق من الغيظ وفرح اللي قاعدة جمبها مش فاهمة حاجة
فرح : ما تنطقي ي بت انتي هو في اي بقالك ساعة قاعدة جمبي ومبتتكلميش
جميلة : هطق ي ماما حاسة اني هطق من الغيظ
فرح : لا اله الا الله ما تقولي ي بنتي ايه اللي حصل انا هفهم في ايه وانتي مبتتكلميش
جميلة : اللي ما تتسمي وردة
فرح : ايوة وردة مالها عملتلك ايه هيخليكي هتموتي كدة
جميلة : وقفت قدامي واتحدتني
فرح : ازاي
جميلة بدأت تحكيلها اللي حصل كله وهي متعصبة ودا صدم فرح جدا وخلاها تتعصب من غباء جميلة وبردوا اتعصبت من كلام وردة اللي باين عليها مش سهلة
فرح : انتي اللي غبية مكنش لازم انك تبيني لها نيتك الحقيقية بس استني عليا وانا هقولك هتعملي اي
جميلة : اعمل اي
فرح : ………