الفديو كان في اوضة غزل وكانت نايمه على السرير وفيه شخص مقرب منها بطريقه قذره
بس الصدمه الحقيقيه لما شاف وش الشخص ده ولقاه رشاد ابن عمه
غزل كانت حاسه انها هتموت من الرعب ونطقت بالعافيه وقالت…اقسم بالله ما كنت حاسه بحاجه…والله ما عملت حاجه يا سلطان… والله
سلطان بصلها وعيونه كانت بلون الجمر من شدة الغضب وقال بحده ترعب….ليه كان عايزك تسيبي الفرح
غزل قالت برعب….معرفش…قاللي انه…انه عايز يزلك وبس
سلطان مسكها من ايدها بقوه وقال بحده …فيه حاجه بنكم
غزل كانت ساكته وبتترعش
وسلطان رزع التليفون على الارض وقال بزعيق..ردي عليا… فيه حاجه بينكم
هنا غزل مقدرتش تستحمل اكتر وقالت بانهيار .لا.. لا والله..لا ..انا عمري ما حبيت غيرك …و رغم اني كنت خايفه اتجوز في سن صغير بس كنت طايره بجوازنا….لحد ليلة الحنه بعتلي الفيديو ده وقاللي لو قولتلك حاجه هيفضحنا كلنا وينزله على النت….خفت….خفت منك اكتر من الفضايح…وخفت عليك من اللي هتعرفه ….بس والله والله عمري ما خونتك ..معرفش ازاي صور ده ….ولا اعرف امتى ..هو ..هو قاللي انه معملش حاجه وانه صور الفيديو بس…. وانت شوفت بعينك اني كنت صاغ سليم والله انا ما عملت حاجه يا سلطان
قالت كده وهيه بتتنفض ووقعت على الارض بانهيار شديد
سلطان اتملت عيونه دموع لما شاف منظرها حاول يخمد النار اللي جواه علشانها وشالها حطها على السرير وقعد جنبها وقال بهدوء…انا مصدقك
غزل اتسعت عيونها بدهشه وهيه مش مصدقه نفسها وقالت…بجد
سلطان هز راسه بياس منها وابتسم وقال….معقوله يا غبيه تعملي في نفسك كده ..ليه مقولتليش ..معقوله خوفك منه ينسيكي اني ضهرك وعمري ما كنت هفرط فيكي
غزل قالت بدموع….خوفت قوي ومعرفتش اعمل ايه…خوفت تفكر اني كنت معاه فعلا واني…
سلطان قاطعها لما حط صباعه على شفايفها وقال…اششش …انا مستحيل افكر فيكي كده…لسببين…اولا لاني مربيكي على اديا وعارف اخلاقك ….وثانيا لان الفيديو الاهبل ده اصلا متفبرك وانا متاكد من كده لان…..
بس سكت مقدرش يكمل وبلع ريقه بارتباك
غزل استغربت وقالت ….لان ايه….
سلطان اخد نفس عميق ووقف بعيد عنها وقال بسرعه وقلق….لان انا اللي كنت في الفيديو
غزل اتسعت عيونها بشده وقالت بصدمه….نعم يا عين امك ؟؟؟؟؟؟
التعليقات (0)
لا توجد تعليقات بعد. كن أول من يعلّق!