علا بتهكم : انا مش لسة العيلة الصغيرة اللي مش فاهمة اللي بيحصل حواليها ….. عمري ما هنسى انى كنت السبب فى اللى حصل بس انا اخدت جزائي و مازلت باخده … اللي تاعبني بجد انى ورطتك معايا و خليتك تخسر اقرب الناس ليك
اقترب منها يحيطها بذراعيه بحنان … يقبل جبينها بلطف ليهتف بعدها
طائف : ولا ورطتيني ولا خسرت … كل حاجة هترجع زي ما كانت و احسن …. كلها حكاية وقت و كل شيء هيرجع لأصله .. الصبر
احاطت خصره هى الاخرى لتشد على عناقه بعد طمأنته لها بأن كل شيء سيعود يوماً ما كما كان
مرت الليلة السابقة كالجحيم … يكاد يجن من فرط قلقه عليها …. مختفية منذ يومان …. لا فكرة لديه عن اي مكان يُحتمل تواجدها به … قضى الليل بغرفة مكتبه … لم يذق طعماً للنوم .. يفكر و يفكر عله يصل لأمر ما يطمئنه انها على خير ما يرام …. يكاد يبكى قلقاً و ندماً على ما اقترفه بحقها … لم يكفيه محاولته الحمقاء لقتلها دون معرفة من تكون بل تسبب ايضاً بمطاردتها من قِبل المافيا …. انتفض من مكانه عند توصله لتلك النقطة و قد عزم على ايجادها بنفسه و افتدائها بروحه ان لزم الامر
و بعيداً … في تركيا
طرق على الباب اجفلها فى الفراش قبل ان تعتدل فى جلستها داعية الطارق للدخول لتجدها تلك الفتاة و التى سبق ان اخبرتها انها مساعدتها ….. دخلت علا بهدوء و ابتساماتها الواسعة مازالت مرسومة على وجهها اجبرت الاخرى على مبادلتها بإبتسامة وان كانت صغيرة متحفظة
آيات : لا ابداً بالعكس انا زهقت من وجودي هنا لوحدي …. ثم اكملت بتهكم … في حبسي الانفرادي
تقدمت علا عدة خطوات للداخل لتستقر هى الاخرى على طرف الفراش و كعادتها لم تستغنى عن ابتسامتها
علا : حبس انفرادي ايه بس ….. ما انا معاكي اهو …. اديني جتلك نرغي سوا شوية ……. ده اذا كان ميضايقكيش و مكنتش بتعدى حدودى
نظرت لها آيات بشك …… ما بالها تلك العلا ؟ أتحاول مصادقتها و كسب ثقتها لصالح طائف ام انها مجرد فتاة لطيفة سعدت بوجود فتاة اخرى معها بالمنزل
آيات بفضول : هو انتي شغالة هنا من زمان ؟
علا بصدق : هو الحقيقة انا مش شغالة هنا بالمعنى اللى فهمتيه بس تقدرى تقولى اني عايشة هنا ضيفة و فى مقابل وجودي هنا بحب اهتم بالبيت فى غياب صاحبه و بهتم بصاحبه لما بيزوره
التعليقات (0)
لا توجد تعليقات بعد. كن أول من يعلّق!