رواية جوائح الدهر الفصل الثاني عشر 12 بقلم دعاء رزق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

مع بداية هذا البارت تتغيّر نبرة الحكاية بالكامل كأنّ الأحداث التي مضت كانت مجرد تمهيد خفيف لِما هو قادم من هنا تبدأ التفاصيل التي تُربك القلوب وتُصعّد الإيقاع وتُظهر الوجوه الحقيقية خلف كل سطر. استعدّوا فالبارتات القادمة لن تمنح أحدًا فرصة لالتقاط أنفاسه

ـــــــــ⊰ ـــــــــ

فاضل:: خلصتي لو بعدچ ست رحمه ؟..

:: التفتت إله واگف وراي تماماً
رحمه:: شنو اخلص.

::- حگ ارنبة خشمه وهمس
فاضل:: استبرق گالت رحمه تنظف غرفتك وچاي أسأل خلصتي لو بعدچ

رحمه:: اهاااا اي عمي
::- هز راسه ودخل الغرفته عقدت حواچبي مستغربة شوگت اچيت انضف اني واستبرق منين عرفت وهو شلون ما شگ بيه أسأله هواي برأسي .

وهجَ::  شعدچ واگفه هنا!
رحمه:: اعوذ بالله منچ وين ما اروح تطلعين
استبرق:: واني هنا

رحمه:: استبرق شنو گلتي الفاضل
::- گلبت عيونها بملل
استبرق:: ماحچيت شي

رحمه:: احچي عدل استبرق گتيله اني انظف غرفته!

وهجَ:: تحچون كدام غرفته شلون صلافة هاي صح اني صلفة بس ما احچي گدامهم
استبرق:: يووو اني عبرت هاي المرحلة من صلافة

رحمه:: استبرق وهجَ راح ارگع راس براس بدون چذب حچيتي لو لا.!
استبرق:: والله ما حاچيه شي

رحمه:: مثل ما توقعت عمي فاضل يعرف اخذت المفاتيح بس ليش ما بين رغم معرفته بالموضوع عندي احساس ورا شي

جوائح:: هذا السبب المدوخچ
رحمه:: اكيد اذا عرفوا عبالج يعوفونا بحالنا

جوائح:: للا لو من هاي ناحية اطمئني
رحمه:: شسالفة شو ماخذه راحتج واني انتظرج تچين واحچي الج وانتِ هيج باردة!

جوائح:: لو فعلاً الموضوع يستحق اكيد
ما راح تشوفيني گاعدة و ساگته

رحمه:: تعرفين شيء ما اعرفه!
جوائح:: رحمه صدگيني لو اكو شيء بوقتها اچي احجيلج بنفسي هسه شبيج بعدنا ما گلنا اسم الله اگلتيني حاصل فاصل وخري خليني ادخل

استبرق:: اذا خلصتي تحقيق رحمه خليني ابلش اني!

رحمه:: استبرق مو وقتچ ابد مو وقتچ
وهجَ:: لا والله وقتها صار بالربع ساعة واگفات هنا ننتظر تخلصون وانتٌ ولا مهتمات مو غفران!