رواية جوائح الدهر الفصل الرابع 4 بقلم دعاء رزق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

حين يلتقي الصمت بالظلال ويختبئ الحاضر خلف أقنعة الماضي تبدأ خيوط البارت الرابع في التشابك… كل سرّ هنا يجر خلفه ألف سؤال وكل خطوة تكشف عن ما لم يكن مرئيًا. فهل أنت مستعد لتغوص في الغموض حيث لا شيء كما يبدو

ـــــــــــــ⊰ ـــــــــــــ

– صبااااااااح الخير كوميي ولج

::- فتحت عيوني دفرته برجلي وغطيت راسي
انسحب الغطه مني وبنفس الحظه اجتني دفره وكعتني من الجرباية

وهجَ:: اخخخخ
ايڤار:: وسمم
وهجَ:: بگلبك كون ليش تدفر ظهري تكسر
ايڤار:: انتِ بلشتي تستاهلين.

– انت تصيح يم راسي شكو تگعدني من صبح
– ساعة سته وراج دوام

– مجرد ذكر طاري الدوام توترت رفعت راسي اله وگلت .

وهجَ:: اخذلي اجازه ؟.
ايڤار:: للا والف للا اني اخذچ
وهجَ:: ومنو يرجعني!
ايڤار:: علي يچي ياخذچ وهسه كدامي بسرعة.

::- عرفت نفسي ماكدر افلت من الدوام اليوم
طلعت من غرفتي صوت دعاء الصباح عالي ريحة البخور طاغية هرولت للحمام توضيت ورحت للمطبخ مجرد دخلت كفختني ريحة الجاي لمحتهم كاعدين يترگون سووا ابتسمت على شكلهم.

وهجَ:: صباح الخير حباد.

نيرمين:: صباح النور أهلاً ماما
محمد:: صباح العافيه.

::- بهتت مصدومة شسالفة شو محد رزلني ولا كالوا طولتي بنوم ياعلي دخيلك..

وهجَ:: شسالفة محد رزلني!!.

::- التفتت اليه امي خزرتني
من نظراتها عرفت اكو شي بلعت الساني وسكتت طلعت من يمهم واني افكر شصاير منو مات منو اتعارك الأخبار ضايعة مني

:: اخذت سجادتي وصليت صلاتي
بين ما حظرت نفسي دخلت جوجو بيدها كوب گهوه كعدت على قنفة من نظراتها عرفتها تريد أخبار .

جوائح:: غردي اختي العزيزة.

وهجَ:: للأسف الشديد ماكو أخبار اليوم من ارجع من دوام اجمع الج الاخبار.

جوائح:: انتظرج

::- ضلت كاعده بمكانها صفنت عليها مستحيل اضيع هاي الفرصة

وهجَ:: شسمه البارحة بليل شفتج كاعدة انتِ والمسعد بره وسوالف ونظرات جارحة وكذا شنو الوضع.

::- نزلت كوب الگهوه من أيدها التفتت من جهتين سحبت الريمونت
رأساً طفرت من مكاني.

جوائح:: ادبسزز اكوملج افكارج بطليها.