رواية جوائح الدهر الفصل الثالث 3 بقلم دعاء رزق

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

‏الدهر يعود بأسراره، والليل يبوح بما لم يُقال… كل شيء بدأ يتغيّر، لكن الغموض ما زال سيد الحكاية."

ـــــــــــــ⊰ ـــــــــــــ

::- سوالج شي؟

وهجَ: واكف قريب على المكان الجنت بي من طلعت شفته  دخلت بالفرع وشردت بس ما اجه وراي

جوائح:: كومي هسه ادخلي جوا ولا تفكرين بشي اني اتصرف.

وهجَ: لا تورطين نفسج وياهم.

جوائح:: لا تخافين كومي

::- كامت من مكانها تباوع صفح اخذت الجنطة مالتها ودخلت جوا  دخلت وراها.

صعدت الغرفتي خليت جنطتي بمكانها وطلعت توجهت الـغرفة ايڤار مجرد فتحت الباب طفر من مكانة عرفت جان منتظرني..

ايڤار:: شسالفة صار ربع ساعة انتظرج.
جوائح: هيه ربع ساعة شبيك.
ايڤار:: هسه دحجي شبيها وهجَ.

جوائح:: عوف وهجَ على صفحه اريدك تسوي شغلة.

ايڤار:: أمري اختي العزيزة
:-  لا اردياً ابتسمت على
على أثر ابتسامتي قلص عيونة حسيته صار يقرأ أفكاري عدلت كعدتي وبلشت افهمه شنو لازم يسوي وهوه مستمر يهز رأسه بدون لا يعلق..

جوائح:: وهسه اكدر اعتمد عليك ؟.
::-  سواا حرگته المعتادة طلك رگبته وگال.

ايڤار:  عيب منج يايوم گتيلي شي وما سويتة.

جوائح:: وهذا الي خلاني اجيك وهسه تكدر تروح يم وهجَ..

ايڤار:: وانتِ وين رايحة!!
جوائح:: عندي شغلة صغيرة اخلصها واجي..

::- هز راسة وطلع من الغرفة..
طلعت الغرفتي گفختني ريحة الجگاير ..
عقدت حواجبي باستغراب منين اجت ريحة الجگاير ما اهتميت لأن عندي شيء اهم.
طلعت الملفات الي أحتاجها.
ونزلت جوا التفتت بالبيت ماكو احد بصالة طلعت بره ضليت أنتظر يجي عشر دقايق وكفت سيارته فتحت الباب صعدت بصفه
حرك السياره گلت