رواية رواية خطأ مغفور الفصل ٥٣ بقلم دجلة ليث

مـحـطـة النهـايـة.🦅

الكاتبة: دِجلة ليث .
                         بقلمي رواية: خطأ مغفور .

            "لا تنسون التصويت + التعليق بين الفقرات "
                
                               بِسْمِ اللَّـهِ الرَّحْمَـٰنِ الرَّحِيمِ
                                     _________________________

علي الدُر

صوت ضحك الامان محاوط المكان قبل لا نرجس تجي تصيح من برة بصوت يهز اركان كلبي

نرجس: الحك علـي الـدُر ترفـة ترفـة تنزف .

جمدت لحظة استوعب الكلام الي نكال
ما حسيت برجلي من گمت ركضت لا اسمع كلامهم وبس صوت كلبي يدگ بصدري هذا الاسمعه وكل تخيلي هسة ترف تصيح اسمي تريدني الحكها
وصلت … انصدمت لا انصعقت

ترفة مطروحة بالكاع دمها مسوي نهر صغير محاوطها من كل كتر راسها مدمة ومن يم رجلها دم وكفت بمكاني لا بيه امشي لا بيه أتنفس

مصطفى: عمو ترف تزحلكت وكعت .

همست بكلبي " وكع عمك انهد حيله وية وكعه ترف "
اصوات اخواني اهلي زينب و نرجس واكعين بصفها اجة ابوي كدامي يهزني من اجتافي

موسى: أصحى بوية مرتك الحك مرتك كوم شيلها علي الدُر .

علي الدُر: ماتت .

ضربني راجدي فر وجهي كض وجهي بين جفوفة يصيح بوجهي بعصبيتة المعتاده