الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
_________________________
ترف
لتصفح الموقع بدون إعلانات (أضغط هنا)
لزمت ايده وهو عصرها ما اذتني بس مثل الي يكول "انتِ بقبضتي ما راح ياخذج مني انتِ وياي لا تنسين هل شي "
همس بصوت ناصي قبل لا هو يوصل يمنه
-: ديري بالج تخافين منه خلي عينج بعينه وردي بالف كلمة بدال الكلمة انتِ لبوة ما تهابين احد بظهرج اناا خوش ترف ؟؟
-: ا اي اي ما اخاف .
-: طلعي من ورا ظهري چا .
وصل يمنه اقذر بشر على وجه الارض وبسرعه بدون ما أعارض كلام علي الدُر وكفت بصفه بس ايدي ما عافها أبدا بقة لازمها واني عاصرته من خوفي بس حاولت ما ابين انو اني خايفه منه
اول ما وصل باوع عليه بنظرات قذرة يقراني من فوك ليجوة أكلني اكل و اردف بتلاعب: هلة والله بترف .
ترف: شتريد؟؟؟
سكت بس نظراته خبلتني نظراته نظرات واحد ذايب بتفاصيل شخص خوفني بزياده منه وعلي الدُر ساكت يريد يشوف وين يوصل بس اني اعرفه من نظراته العصبيه كاتلته يفور كل ما يباوع عليه ما تحمل بعد رص على اسنانه وحجة بعصبية كاتمة
علي الدُر: عينك منهااا عيسىىى .
عيسى: شعليك انت .؟!
سحبني من ايدي وخلاني ورة ضهرة اختفيت بسبب ضخامته وطوله وبعد اني ما اتجراءت ارفع راسي اشوف شكل عيسى
عيسى: ههههه تغارر .
رفع ايده بوجهة يأشر بتحذير
-: وعلي الكرار هاي آخر تحذير الثالثه ثابته وحق الله إذا ما تعوف ترف بحالها أموتك.
-: احبها
فجأة لزمة من ياخته بكل قوته بس الخايس رجع باوع عليه من صار قريب على جسم علي الدُر
انتبه عليه علي الدُر عته بكل قوته بحيث وكع بالكاع ورجع وكف كدامي يغطيني
همست إلا لان حسيت خلص علي الدُر حاليا فقد
ترف : لاتسوي شي دير بالك .
علي الدُر: اششش ولا حرف .
كام على حيله مرة ثانيه يسمح ايده من التراب بملابسه اجة وكف كباله مرة ثانيه وحجة بكل هدوء
عيسى-: بس ليله ترف بس ليله واعوفج.
شهكت من شفت علي الدُر وكع عليه وكام يضرب بي بوكسات والدم يطافر منه وعلي الدُر بعد حاير شلون يضربه مفرفح يضرب بوحشية
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!