رواية رواية خطأ مغفور الفصل الثاني عشر بقلم دجلة ليث

🦅 10

الكاتبة: دِجلة ليث .
                         بقلمي رواية: خطأ مغفور .

            "لا تنسون التصويت + التعليق بين الفقرات "
                
                               بِسْمِ اللَّـهِ الرَّحْمَـٰنِ الرَّحِيمِ
                                     _________________________

ترف

حالتي صارت حالة حرفيًا ما عندي طاقة لأي شيء كل شيء بحياتي يمشي عكس المسار لا الدراسة ماشية عدل، ولا الحياة راضية تهدأ، وكأن كل شيء مصرّ يجي غلط وياي

قبل شوية خابرت جوهرة انفجرت يمها بالبچي واللطم مو لأن المادة صعبة لأن الضغط والكتمة اللي بداخلي صاروا ثگيلات علية  أحيانًا الإنسان ما يحتاج حل… بس يحتاج أحد يسمعه

وجوهرة هي الإنسانة الوحيدة اللي بهالفترة بعد وفاة أهلي  ما قصّرت وياي أبد لا تمل، ولا تزعل، ولا تضوج من اتصالاتي هي وخالي صالح بعدهم يسألون عني باستمرار خالي يمر عليّ تقريبًا كل يوم، يطمن عليّ، يذكرني بأدويتي، ويخاف عليّ كأني بنته هو الوحيد ما عافني وحاول اعيش ويا بيته بس اني رفضت وهو دام بيته كدامي ما يستوجب اروح وما اريد اترك بيت اهلي وهو وافق بس ولدة هارون و عدي يمرون عليه او مرته او هو بنفسه وكلشي احتاجة مسواك هم يتسوكولي بيت خالي الح الوحيدين الوكفو وياي

أما البقية فكلهم  بدون استثناء كأنهم اختفوا من حياتي حتى خالي صمد الدك صدرة وكلي أنا وياج ب اي شي تردي اختفة وما صار يخابر هواي وخالتي جانت تخابر بيه من الخارج على كد السلام بس تسوي الواجب وتترخص اما عمي منذر ، وكرم وصبحي لا أصلا سوى تسجيل خروج ولا واحد بيهم خطر بباله يسأل عن بنت أخوه صارت فجأة وحيدة بهالدنيا ما عندها أحد ومريضة قلب… يمكن بأي ساعة يصير بيها شيء.

ولا حتى اتصال بسيط كأنهم اعتبروني متت ويا أهلي وكأن ما ظل إلهم بنت وحيدة بعدهم بس حتى نكون منصفين بعد مرور أكثر من ستة أشهر، عمي الكبير كرم خابرني مرة وسأل عن صحتي لكن المكالمة ما طولت حتى دقيقتين كأنه مستكثرها علية عمي منذر هيج يخابرر " شلونج محتاجة شي ؟ " اكله لا يكلي تمام ويسد الخط حتى لو اريد شي بسببه اني مستحيل اطلب اسلوبة جاف .

انكسرت منهم اب صحيح اني قبل ما جنت اهتم لوجودهم بس هسة اي اهتم اي ردتهم وياي اي ردت اخوان اهلي يسندوني مو يعوفوني وحدي اني مو بس انكسرت بوفاه اهلي حتى اخوانهم كسروني واحد واحد كلهم تخلو عني يا عائلة هاي تسوي هيج ببنية وحيدة ؟ كلوبهم من حجر ما يحسون ؟