الكاتبة: دِجلة ليث .
بقلمي رواية: خطأ مغفور .
"لا تنسون التصويت + التعليق بين الفقرات "
بِسْمِ اللَّـهِ الرَّحْمَـٰنِ الرَّحِيمِ
__________________________
لتصفح الموقع بدون إعلانات (أضغط هنا)
ترف
ترف:الوو يابة .
-:الوو.
انصدمت مجان صوته هذا صوت شخص غريب جنت واكفه قريب من الولد بس هم ملتهين ما منتبهين الي واني احجي بالتلفون
ترف:منو وياي ؟!
-:انتي بنت صاحب الموبايل ؟
ترف:اي نعم تفضل صاير شي !؟
-: البقية بحياتج بنتي امج و ابوج توفو ب حادث سيارة
لحظة وحدة حسيت اجتني ميت راجدي اذني صارت بيها وشة سكتت ما عرفت شنوا اسوي ما اعرف تخربط كل وضعي وشنوا جان رد فعلي بهل لحظاتي ما اعرف
بلعت بريكي عيوني غوشت بسبب الدموع حسيت بشعور ما ينوصف اصعب شعور يمر على الإنسان
ما كدرت اسيطر على نفسي وكعت بالكاع عيوني الدمعه وكفت بيه احمد و علي الدُر و حيدر حسيت نضراتهم صارت عليه لان وضعي صار مزري والأنظار صارت عليه
حجيت ب صوت مسموع ويرجف
ترف: ش شنوا شتحجي انت شتكول ؟؟!
-:احنه ب مستشفى ***** تكدرين تجين و تتاكدين وتاخذين الجثث .
و سد الخط بوجهي بكل سهولة كالها الي ما سيطرت و الموبايل وكع من ايدي دموعي صارت تنزل عشرة عشرة ما كمت أسيطر عليهن اديه يرجفن بجنون صرت اجر النفس بشهكة ما ادري شصار بيه بذيج اللحظة فقدت روحي فقدت اعز الناس بحياتي فقدت الاشخاص الي جانو مصبريني على حياتي
الولد صارو فوك راسي يردون يفهمون شكو بس اني مجاي اكدر كل شهكة تطلع تشك صدري وياها فقدت النطق بذيج اللحظة
احمد:خوية شبيج خوية ترف شبيججج احجيييي شصاررر .
حيدر :ترف احجي شصار وياج ليش تبجين .
احمد: بس فهميني شكو ترفف جوهرةةةة لججج جوهرةةة تعاييي لحكيييي على ترففف باعيلي بس باعيلي ترفف خرببب لجج شجاججج ليش تشهكينن ليشش
على اثر صوته ل احمد الكل طلع اجت جوهرة وخرتهم عني
اول ما شافتني جمدت بمكانها
جوهرة: ترف ش شبيها ش شبيج ؟ .
احمد كام يحجي وياها بصوت عالي
احمد: ما ادري جوهرة ما اعرف شبيها بس هديها خل نفهم بسرعه روحيلها لج البنية فقدت ياربي دخيلك دخيلج يا ام البنين .
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!