رواية الزوج الخائن (كاملة) جميع الفصول بقلم هويدا زغلول

رواية الزوج الخائن (كاملة) جميع الفصول بقلم هويدا زغلول

اقرأ رواية الزوج الخائن بقلم هويدا زغلول،

حكاية دليلة التي خسرت كل شيء بسبب الحب،

لتكتشف أن زوجها تزوجها طمعًا في أموالها،

فهل ستنتقم من خيانته أم تخبئ لها الأيام مفاجآت تقلب حياتها رأسًا على عقب؟

 

 

الفصل الأول

اتجوزني عشان فلوسي ولما خسرت كل حاجة سابني

دليله واقفه في البيت معاا جوزها وبعدين قالت ليه

دليله
معقول الكلام اللي انت بتقوله ده انت فعلا طلقتني طب ازاي الكلام ده وانت عارف ان انا خلاص بقيت حامل ودي حاجه انت كنت بتتمناها انها تحصل

رؤوف
لا يا حبيبتي انا كنت بتمنى كده ايام ما كان معاكي فلوس انما دلوقتي هعمل بيكي ايه اطلعي بره حياتي يا دليله انا لا يمكن افكر اكمل حياتي معاكي

وقبل ما نبدا الحكايه اعرفكم على بطلتنا واللي كان اسمها دليله وكانت عايشه في الفيلا بتاعتها اللي جوزها كان كاتبها باسمها وواقف قدامها رؤوف ابن عمها

دليله
بجد انا مش قادره اصدق الكلام ده معقول انت طلقت مراتك طيب ازاي تعمل كده حرام عليك

رؤوف
بجد انا مش قادره اعيش من غيرك والله ارجوك تحاولي تفكري في موضوعنا تاني وان احنا نرجع لبعض

دليله
لا طبعا انا مش هينفع اعمل الكلام اللي انت بتقول عليه ده وحاول انك ترجع مراتك ثاني علشان بنتك على الاقل

رؤوف
بجد يا دليله ما كنتش انا سبب ان احنا نبعد عن بعض وانا ما صدقت ان جوزك مات علشان تفكري في موضوع الجواز ثاني انا هسيبك دلوقتي تفكري بس يا ريت تفتكري ان انا رؤوف حب عمرك

وبعدها سبها ومشي وهي قعدت وبدات تفتكر اللي حصل

فلاش باك

دليله كانت راجعه من برا وأبوها فال ليها

الاب
كويس ان انت جيتي مش فضلتي عند جدك كمان يومين ولا حاجه علشان عايزه اتكلم معاكي في موضوع مهم

دليله
خير يا بابا في ايه انا سامعاك اهو

الاب
في عريس متقدم ليكي وانا وافقت ياسين ابني الشرقاوي شريكي في الشغل

ودليده او لما سمعت كده اانصدمت لانها عارفه ان ابوها عارف ان هي بتحب رؤوف

دليله
ايه الكلام الغريب اللي انت بتقول عليه ده ما انت عارف ان روؤف اتكلم معاك في موضوع جوازنا وان انا بحبه من زمان

الاب
رؤوف مين اللي بتتكلمي عنه لا طبعا انا يمكن اوافق على الكلام الفارغ اللي انت بتقولي عليه ده يعني انا جايبلك واحد في نفس المستوى اللي انت عايشه فيه وانت عايزه تجيبي واحد فقير وعايزه تتجوزي

داليده
بابا انت عمرك ما غصبتني على اي حاجه ابدا وانا لو اتجوزت البني ادم ده هتكون مغصوبه عليه

الاب
وانا مش هسيبك تعيشي في مستوى اقل من اللي انت عايشه فيه واعلى ما في خيلك اركبيه

بعدها سبها ومشي وهي فضلت تعيط وشويه وراحت عند رؤوف البيت عنده

رؤوف
ايه ده داليده غريبه يعني انت من امتى وانت بتيجي عندي البيت ده انت اول مره تعمليها

داليده
انا في مصيبه يا رؤوف ومش عارفه اتصرف ازاي بابا جايب ليا عريس ابن واحد صاحبه وانا مش عارفه اعمل ايه

رؤوف
انا نفسي اعرف ليه باباكي بيعمل فيا كده ما هو عارف ومتاكد كويس قوي ان انا بحبك ومش هقدر اعيش من غيرك

داليده
ارجوك يا رؤوف فكر معايا في حل انا مش عارفه اتصرف ازاي

رؤوف
وانتي جايه هنا وفكره ان انا بايدي ايه علشان اعمله
فاكراني ان انا هقدر اروح افقد باباك يعني واقولله ان انا هتجوز بنتك غصب عن

داليده
امال ناوي تعمل ايه هتضحي بحبنا كده في ثانيه انا مش قادره اصدق اللي انا فيه ده واللي بيحصل معايا

رؤوف
خليكي عارفه ان اللي ابوكي عايزو هو اللي هيحصل ومهما عملنا انا لا يمكن هقدر اتجوزك

داليده
معقوله انت اللي بتعمل كده وبتضحي بحبنا ده انا جايه ليك علشان اقول لك شوف هنعمل ايه وانت بتقولي كده

رؤوف
انا مش هقدر افق قدام ابوكي يا داليدا انا بجد مش قدو

داليده
والله انا ندمانه ان ان انا في يوم من الايام حبيتك انت طلعت انسان جبان

وبعدها هي اتجوزت وبعد فتره جوزها مات وورثت منه كل حاجه

 

الفصل الثاني

 

باك

وفي يوم كانت قاعده في الفيلا وابوها راح لها

الاب
انا عماله اتصل بيكي من امبارح وانتي مش عايزه تردي عليا ليه

داليده
بجد يا بابا انا تعبانه من يوم عاصم ما مات ومش قادره اتكلم ولا اعمل اي حاجه

الاب
تمام ماشي انا شايف وجودك هنا في الفيلا ما لوش لازمه وانك تيجي البيت عندي احسن

داليده
بابا من هنا ورايح انا مش هعمل الحاجه اللي هتريحني وبس وانا وجودي عندك في الفيلا مش هيكون مريحني خالص

الاب
علشان تقابلي اللي اسمه رؤوف براحتك مش كده انا عايزه اعرف هو كان عندك امبارح بيعمل ايه

داليده
عرفت بقى انا ما كنتش عايزه ارد عليك ليه عشان كنت عارفه ان انت وصلك ان هو جه هنا وانا ما كنتش قادره لاي خناقه خالص

الاب
اسمعي يا داليدا مش معنى ان جوزك مات يبقى الموضوع انتهى على كده وتقدري تتجوزي البني ادم ده لو اخر يوم في عمري مش هخليكي تكوني معاه

داليدا
انا مش فاهمه انت بتعمل فيا كده ليه انا واثقه ومتاكده كويس قوي ان هو بيحبني مش عارف يعيش حياته من غيري ارحمني بقى شويه

الاب
يبقى كلامي كان صح هتلمي هدومك وهتيجي معايا دلوقتي البيت ولو فكرتي انك تعرضي ما تعرفيش انا هعمل فيكي ايه

داليدا
والكلام ده مش هيحصل ابدا ولو انا عايزه اتجوز رؤوف انا هعمل كده بس انا مش عايزه اخش في تجربه تانيه وانا دلوقتي ما بقتش البنت الصغيره اللي بتسمع كلامك في كل حاجه انت قويت قلبي وخليتني اقف قصادك واعندك في اللي انت بتطلبه مني

الاب
معقوله انتي اللي بتقوليلي الكلام ده عمري ما كنت اصدق انك تقفي قصادي وتعملي كده

داليدا
الموضوع انتهى يا بابا وانا مش قادره اتكلم في اي حاجه لو سمحت سيبني باللي انا فيه

الاب
ماشي يا دليله اعملي اللي انت عايزاه بس خليكي عارفه ان انا مش راضي عنك بسبب اللي بيحصل ده

وبعدها الاب مشي وهي فضلت قاعده عماله تعيط
وبعدها في يومين كانت بتتصل بابوها ما كانش بيرد عليها خالص وشويه ولقت عمتها بتفتح عليها

داليدا
هو فيه اي يا عمتو بابا تعبان. ولا اي عامله اتصل بيه وهو مش بيرد عليا

العمه
هو كان قايل ان انا متصلش بيكي بس ابوكي تعبان اوي

دليدا
كلام اللي انت بتقوليه ده انت اكيد بتهزري بابا كويس مش كده

العمه
مش وقته الكلام ده تعالي بس اللي هو اطمني عليه وبعد كده تكلمي قولي اللي انت عاوزاه

وبعدها بتروح لابسه وبتروح مع العمه بتلاقي الاب نايم وباين عليه التعب واول لما بتلاقي كده دموعها بتنزل

داليدا
يا خبر معقول اللي انا شايفاه ده معقول يا بابا ان انت تعبان وانا اخر من يعلم المفروض اني انا اكون معاك في وقت زي ده

الاب بحزن
انتي متعرفيش انا مضايق منك اد اي وبالذات مفكره ان انا عاوز اسرق سعادتك بس الي متعرفوش ان الي اسمو رؤوف مش كويس وطمعان فيكي يا ريت تفهمي حاجه زي دي ربنا يعلم لو كنت متاكد ان هو خايف عليك وعاوزك لشخصك كنت جوزتهو لك من اول مره

وبعدها بفضل يكح جامد
واول لما داليدا بتلاقي كده بتروح مقربه من الاب بسرعه وبتقول بخضه

دليدا
بالله عليك يا بابا مش وقته الكلام اللي انت بتقوله ده نطمن عليك الاول وبعد كده اللي انت عاوزه انا اعمله حاضر بس بالله عليك اهدى كلمي الدكتور يا عمته بسرعه خليه يحي انت شايفاه عمال يكح ازاي

وفعلا بعدها العمه بتكلم الدكتور الي بيحي بسرعه

دليدا
بالله عليك يا دكتور طمني على بابا اول مره اشوفه بالحاله دي

الدكتور
انا مش عارفه اقول لك ايه بس لازم يتنقل المستشفى حالا عشان افضل اكثر من كده ممكن يحصل مضاعفات ومش هنعرف ننقذووو

داليدا
طب انت مستنيني ايه اكتر من كده بالله عليك شوف الصح واعمله

الدكتور.
انا هكلم عربيه من المستشفى تيجي دلوقتي بس انت حاولي مع باباكي وتقنعيه علشان هو رافض الموضوع ده خالص

وبعدها الدكتور بيروح ماشي وبتدخل داليدا وهي دموعها على خدها

داليدا
حرام عليك يا بابا وانت ليه عاوز توجع قلبي عليك انت عارف كويس ان انا ما بقاش لي حد غيرك في الدنيا دي وساعتها بتستغرب لما بتلاقي الاب مغمض عينه وبتقرب منه

داليدا
يلا علشان اساعدك اجهزك الدكتور هيكلم الاسعاف يجي عشان ياخدك وتكمل علاجك هناك
بابا انت ما بتردش عليا ليه وساعتها بتقرب منه بتفضل تهز فيه وساعتها بتتصدم لما ما بتلاقيهوش بيتحرك

داليدا
لا يا بابا بالله عليك ما تعملش كده فيا ما تسيبنيش انا غيرك ممكن يحصل لي حاجه بابا وتفضل تصرخ ساعتها بتقرب منها العمه وتفضل تهدي فيها

و بتعدي ايام العزاء وساعتها داليدا بتلاقي رؤوف بيقرب منها وبيقول

رؤوف
انا عارف كويس ان انتي متضايقه من اللي حصل وان موت بابكي ماثر عليكي بس هو اكيد مش هيحب يشوفك كده انت لازم تفوقي لنفسك شويه انا عارف ان مش وقتو الكلام ده بس لازم اقوله علشان تقدري

داليدا بدموع
مش قادره والله يا رؤوف انت ما تعرفش موت بابا كسرني كسرني جامد لحد دلوقتي مش مستوعبه انه خلاص مش هشوفه ثاني

رؤوف
طب اهدي بالله عليك انت عارفه كويس ان انا مش هعرف اشوفك وانتي بالحاله دي وانا بقول لك اهو يا داليدا لو احتاجت اي حاجه انا موجود وافضل واقف جنبك للنهايه والاخر نفس بس اهم حاجه عندي اللي انا اشوف داليدا اللي انا اعرفها زمان

وبعدها بيمسك ايديها وبيفضل باصص في عينها جامد

وفي الوقت ده بتيجي لعمه واول لما بتلاقي كده بتضايق

العمه بحده
هو في ايه بالظبط هو انتم مفكرين نفسكم فين وانت يا ست دليلدا ايه اللي بيحصل هنا
انت لما صدقت ان اخويا راح عشان تمشي على حل شعرك وتعملي كل نفسك فيه

اول لما رؤوف بيسمع كده بيروح واقف وبيقول

رؤوف
انا هستاذن انا يجي داليدا دلوقتي زي ما قلت لك لو احتاجت اي حاجه انا موجود وبعدها بياخد بعض وبروح ماشي واول لما بيمشي دليدا بتقول بحده

داليدا
هو انت ازاي تتكلمي معايا بالشكل ده وتقول لي الكلام اللي انتي قولتيه دا هو انت مفكره ان انا هسكت لك لما تقولي كده

العمه
والله يا حبيبتي دا من تصرفاتك وده الكلام اللي احنا اتفقتي عليه مع ابوكي هو ده الوصيه اللي وصلها لك ده لسه ما كملش اسبوع على وفاته والحلو جه هنا وعمال يسبل فيكي وانت مبسوطه فعلا موت اخويا ماثر عليك فعلا زي ما انت بتقولي

داليدا
انا لحد كده مش هسمح لك تقولي كلمه عليا سمعتي ولا ما سمعتيش انا مش صغيره وعارفه كويس ان انا بعمل ايه ولو ابويا كان سايبك تقعدي في البيت هنا واخده راحتك وكان البيت بيتك خلاص هو راح وما بقاش في الكلام ده دلوقتي انا اللي اكرر من اللي يقعد ومن اللي ما بيقعدش

العمه
هي وصلت بيكي كده اللي انت تطرديني من بيت اخويا انا عارفه كويس ان انتي قليله الاصل وهتعملي كل الكلام ده على العموم هي طولت ولا اثرت كنت همشي بس قبل ما اروح في اي مكان المحامي يجي واشوف ليا والي عليا هو انت ناسيه ان انا ليا ورث زي زيك ولا ايه

داليدا
ايوه كده شيلي الوش اللي انت كنتي لابسه لنا ورينا وشك الحقيقي انا كنت عارفه ومتاكده كويس ان انت كل همك الفلوس ومش اكتر على العموم انا هكلم المحامي دلوقتي واخليه يجي ويخلص كل حاجه خلينا نخلص بقى

فعلا بعدها بيتكلم المحامي اللي بيجي وبيقول

المحامي
الاستاذ عصام قبل ما يروح كيفيه كل حاجه باسم داليدا هانم ما عدا شويه عقارات دي الي ممكن تاخدي فيها

العمه
يعني الكلام اللي انتي بتقوله ده يعني اخويا بعد الخدمه اللي انا خدمتها له وما سبتهوش وعملت بيتي واولادي عشان خاطره وفي الاخر يطلع عامل معايا كده

داليدا
والله يا حبيبتي ما حدش غصبك ان انت تيجي تعملي كده انت اللي كنت جايب مزاجك وسبحانه كل واحد بياخد علي قد حجمه وده حجمك وبابا كان عارف كويس ان انت هتقف لي اول لما يروح علشان كده عمل اللي عمله ده

العمه بغيظ
انت ليك الحق تقولي اكتر من كده ما كل حاجه كاتبها باسمك بس خليكي فاكره ان انتي لو قربتي من الي اسمو رؤوف دا واتجوزتيه كل حاجه هتروح من ايدك وخليكي فاكره الكلام دا

وبعدها بتروح رايحه واخده هدومها وبترجع البيت واول لما بتوصل بتلاقي نادر ابنها هناك الي اول لما بيشوفها بيقول

نادر
ايه ده يا ماما غريبه يعني جيتي من غير ما تقولي لي ده انا كنت جاي ليكم علشان خاطر اشوفكم لو محتاجين حاجه اجيبها لكم واي الشنط دي كلها هو في حاجه حصلت ولا ايه

العمه بغيظ
شوفت قليله الاصل اللي انا هملت فيكم اول لما اخويا راح طردتني انا بقول لك وانت لازم تسيب الشغل في الشركه احنا خلاص ما ينفعش نكون لينا علاقه بيها بعد النهارده

نادر
كلام اي اللي انت بتقوليه ده انتي اكيد بتهزري
لا طبعا انا مستحيل اسيب داليدا الا لو هي اللي طلبت مني كده وغير كده وكده هو انت ناسيه ان خالو موصيني على شركه وما كانش بيثق ف اي حد الا انا

العمه
معقول انت الي بتقول الكلام ده بعد اللي انا قلته لك انت اكيد بتهزر

نادر
ماما لو سامحتي انا قلت لك اكتر من مره ما تدخلينيش في مشاكلكم انا لو بعمل كل ده بعمل عشان خاطر وصيه خالي اللي من ساعه ما اشتغلت معاه وهو معتبرني زي ابنة وانا مش معقول اول لما يروح اعمل كده

العمه
على العموم انت حر بس ما ترجعش تزعل لما اللي اسمها داليدا تطردك وقتها انا نصحتك وانت حر بقى زي ما عملت معايا دلوقتي

وبعدها بتسيبو وبتدخل ع جوه

وفي الوقت دا عند رؤوف بيرجع البيت وساعتها بيلاقي يما طليقتو واقفه مستنياه واول لما رؤوف بيشوفها بيقول بضيق

رؤوف
خير يا سما اي الي جايبك هنا وعاوزه مني اي هو احنا خلاص مش خلصنا وكل واحد راح لحالو خير تاني

سما
وانت مالك بتتكلم كده ليه معايا كاني جاي اشحت منك انا جاي عشان افكرك باولادك اللي انت لما طلقتني مش بتسال عليهم ولا على مصاريفهم هم دول مش عيالك ولا انا جايباهم من الشارع

رؤوف
بقول لك ايه انا مش عاوز وجع دماغي انا راجع وفيا الي مكفيني انا مش ناقصك

سما
بقول لك يعني زهقت من الكلام اللي انت بتقوله ده انت مش عاوز تصرف عليا ده حقك انا دلوقتي بقيت طليقتك اما دول ولادك وليهم حق عليك ان انت تصرف عليهم مش تطلقهم معايا

رؤوف
وانت عارفه كويس الظروف عامله ازاي وانا مش معايا اي فلوس عشان اديها لك

سما
يعني ايه الكلام اللي انت بتقوله ده ان شاء الله انا ما ليش دعوه بكل الكلام اللي انت بتقوله ده انا ليا دعوه بمصاريف ولادك وبالذات الحمل بقى تقيل عليا وانا ما بشتغلش اللي اعرفه لك لو انت مش قد الجواز مكنتش الجواز ولا خلفت

رؤوف
يوه بقا انا بجد اتخنقت من اللي بيحصل دا انا لو كنت عارف ان كل ده هيحصل ما كنتش اتجوزتك

سما بدموع
معقول الكلام اللي انت بتقوله ده ربنا اللي يعلم ان انا كنت بحبك قد ايه وكان عندي استعداد اعيش معاك العمر كله بس انت السبب ان بيتنا يتخرب لما كنت بتفكر في واحده ثانيه غيري

رؤوف
علشان القلب ده مش بايدي ولما اختار داليدا اختارها هيه بالذات اللي انت عارفه ان انا طول العمر اني انا بحبها ولما اتجوزك كنت مفكر ان انا هنساها بس للاسف ده ما حصلش

سما
انا ذنبي في ايه في كل ده ان انت شايلني المسؤوليه في الاخر مسؤوليه ولادك طالما انت ما كنتش قد القرار اللي انت اخذته اللي احنا نتجوز ما كنتش جيت واتقدمت لي

رؤوف
لو سمحت اقفلي على الموضوع ده ولو على الفلوس انا هحاول اتصرف لك في اي مبلغ وهبقى ابعته ولو سمحتي امشي من هنا دلوفتي عشان بجد مش قادر اتكلم مع حد

سما
تمام يا رؤوف ويا ريت تبقى قد كلمتك المره دي وتبعت فعلا الفلوس زي ما بتقول مش زي كل مره و

بعدها بتروح سايباها وبيمشي وتبدا تفتكر اللي حصل
لما كانت حامل وبتسمع رؤوف وهو بينادي عليها

 

الفصل الثالث

 

 

#فلااااش باك

رؤوف
بالله عليك يا داليدا خلصي الاكل بسرعه انا راجع من الشغل جعان ومش قادر. خالص

وساعتها بتخرج سما وعيونها كلها دموع

سما
انا مش فاهمه ايه اللي انت بتعمله كده حرام عليك ده لو سحرالك مش هتبقى كده

رؤوف
اهدي بالله عليك يا سما انا مش قصدي والله دي زلت لسان مش اكثر

سما
زله لسان اي الي انت بتتكلم عنها شوف احنا متجوزين بقا لنا قد ايه وكل يوم والثاني بتغلط في اسمي واقول يا بت معلشي واستحملي دا انا لحد دلوقتي عاصره على نفسي فدان ليمون واقول كل يوم هيحس بيا ومش هيكرر هو بيعمله تاني بس كل مره بتصدمني حرام عليك والله

رؤوف
اهدي بس يا سما بالله عليكي ما ينفعش الكلام انت بتقوليه ده انا عارفه ان انا غلطان بس والله العظيم مش ذنبي حاجه و اللي بيحصل غصب عني
وانت قبل ما تتجوزيني انت كنت عارفه كويس انا بحب داليدا ازاي ووافقتي ان احنا نتجوز

سما
ده مش حب ده جنان لما تفضل تفكر فيها حتى بعد ما تتجوز وكمان مراتك حامل ده ما يرضيش ربنا ولا يرضى حد

رؤوف
وانا مش هغصبك على حاجه يا سما لو انت حابه تطلقي هتطلقك ما عنديش مشكله
كل واحد يروح لحال سبيله بالذات اللي انا حاولت معاكي اكتر من مره اللي انا احبك بس مش قادر ودليله هتفضل في قلبي

اول لما سما بتسمع كده بتتصدم بس بتحاول تتمسك ومش بتبين حاجه وقالت

سما
وانا بقول كده برده كفايه لحد كده انا هروح عند ماما ويا ريت تبعت ورقه طلاقي ونفضها سيره خالص وفعلا بعدها بتاخد هدومها وتروح ماشيه وبتعدي الايام وبتخلف سما

وساعتها امها بتقول

الام
اديكي اهو سبتي بقالك كام يوم والمحروس لحد دلوقتي ما جاش ولا اطمن عليك ولا اطمن على الولاد انا مش فاهمه ايه الجبروت اللي هو فيه المفروض دي تكون اول خلفه لي ويكون مبسوط وملهوف عل الولاد وهو ولا كانه هنا ده كانه لما اصدق ان انتم طلعته عشان يشيل ايده من كل حاجه والمصاريف

سما
بالله عليك يا ماما بلاش كلامك انت بتقوليه ده ممكن يكون مشغول ولا حاجه ان بعد الاظن اسم وانا متاكده ان رؤوف لو فاضي كان جه و اطمن علينا

الام بحده
افضلي دافعي عنه كده يا خايبه ما ليه الحق يعمل اللي هو عاوزه طالما مهودا كل حاجه زي ما انتي عاوزه اعملي حسابك تكلميه في موضوع المصاريف الاولاد وبالذات احنا مش حمل المصاريف دي كلها بالذات اللي انت جايبه توام

سما
حاضر يا ماما اقوم بس بالسلامه واقدر اتحرك وانا هروح ليه واتكلم معاه ما تشغليش بالك انت باي حاجه والي انتي عاوزاه انا هعملو

وفعلا بيعدي كام يوم ورؤوف بيكون قاعد مع سما اللي قالت بضيق

سما
اخيرا اخيرا حنيت علينا وافتكرت ان انا ولدت وقررت ان انت تيجي تشوفنا وتطمن علينا مستغربه يعني قعدت يعني وما سالتش على الولاد معقول مش عاوز تشوفهم ولا فرحان بيهم

رؤوف
انت عارفه كويس اني انا لو حبيت اخلف اخلف من داليدا وبس ومستحيل افرح بعيال حد غيرها

سما
هو انت بجد ازاي كده كل يوم بتثبت لي ان انا كنت غبيه قوي امشي اطلع بره انا مش عايزه اشوف وشك ثاني انت واحد خاين وخساره فيك الولاد دول

لما رؤوف بيسمع كده بروح واخد بعض وبيروح ماشي وهو متضايق وسما بتفضل تعيط ومش مصدقه ان الشخص اللي حبيته تفكيره كده

#باااااك

وفي الوقت ده بتوصل سما البيت واول لما امها بتشوفها بتقول بسخريه

الام
برده عملتي اللي في دماغك ورحت ليه انا قلت لك الولد ده ما ينفعش معايا ذوق المفروض ترفع عليه قضيه ما ينفعش ان انت بتعملي ده

سما
كلام اي اللي انتي بتقوليه ده يا ماما انت اكيد بتهزري معقول عاوزاني اقف قدام ابو ولادي في المحاكم لا طبعا المستحيل اعمل الكلام ده وانت عاوزه الولاد يلوموني لما يكبروا

الام
ولا يقدروا يفتحوا بوقهم ولا انت ناسيه ان الحلو من ساعه ما خلفتي وهو ما دفعش حتى جنيه واحد لحد دلوقتي احنا اللي بنصرف ولا هو سائل خالص اللي زي ده يستاهل فيه حاجات كتير

سما
ملهوش لزوم الكلام ده يا ماما انا كلمته وقال لي ان هو يتصرف وهيجيب لي فلوس ما تشغليش بالك وانا من بكره احاول اشوف شغل كويس برده عشان خاطر المصاريف اللي بقت كتيره اليومين دول

الام
ياما قولت لك ونصحتك بلاش اللي اسمه رؤوف ده وبالذات الكل كان عارفه ان هو مهووس بداليدا ازاي وانت ما سمعتيش الكلام اشربي بقي

سما
والله العظيم انا تعبت من كل الكلام اللي انت بتقوليه ده وانت ليه بتعملي فيا كده وبالذات انت عارفه كويس اللي انا كنت بحبه ولما صدقت ان هو تقدمني وكنت مفكره ان هو لما يشوف حبي هنسيه داليدا خالص بس شكلي كنت غلطانه
مفيش حد يدفع الثمن اللي انا واولادي دلوقتي يا ريت سمعت كلامك فعلا يا ماما

وبتروح سايبها وبتدخل عليه جوه وبتفضل تعيط

وثاني يوم رؤوف بيروح عند داليدا وبيقول

رؤوف
انا قولت ان انا اجي اطمن عليك واشوفك لو محتاجه حاجه اعملها لك وبالذات يعني ان انت بقيتي لوحدك ولازم حد ثقه يقف جنبك وما يسيبكيش لوحدك وبالذات ان اكيد الكل هيكون طمعان فيكي دلوقتي
انا جنبك حتى لو انت مش موافقه على موضوع الزواج خالص

داليدا
بس انا مش عاوزه اتعبك وازودها عليك يعني وكده

رؤوف وهو بيبص في عيونها جامد وقال

رؤوف
لا طبعا مفيش الكلام دا تعبك راحه انتي متعرفيش انا بكون مبسوط اد اي وانا بساعدك وبالذات وانا خايف ع مصلحتك ومحدش هيخاف عليها ادي

داليدا
انا بجد مستحيل انسي وقفتك جنبي دي يا رؤوف وبالذات اني انا كنت محتاجاك جنبي الفتره دي وبالذات ما ينفعش اثق في اي حد ما اعرفوش
وكنت هبقي خايفه لو فضلت لوحدي

رؤوف
امال انا بعمل اي انا مش عاوزك تشيلي هم اي حاجه طول ما انا موجود وان شاء الله هكون قد الثقه الي انتي هتديهالي وهتشوفي بنفسك مع الايام
وان شاء الله على ايدي كل حاجه هتزيد

داليدا
وانا متاكده من الكلام ده من غير ما اشوف

فعلا بعدها رؤوف بيروح الشركه وساعتها دليدا بتجمع الموظفين كلهم وقالت

داليدا
رؤوف من النهارده هيكون مكاني وانا مش موجوده في الشركه واي قرار عاوزني فيه وانا مش موجوده رؤوف هيكون مكاني

وساعتها نادر بيكون واقف ومضايق من الكلام واول لما الاجتماع بيخلص بيرجع البيت وساعتها العمه بتشوفو بتقول

العمه
اي دا يا نادر اي الي مرجعك بدري كده ليه اول مره تعملها يعني

نادر
انا بجد مخنوق انتي متعرفيش داليدا عملت اي تصوري جابت رؤوف وخلتو الكل في الكل
هو مش المفروض خالي قبل ما يروح كان مانعها عنو

العمه
دا البنت دي اتجننت خالص انا مش فاهمه عقلها فين لما تعمل حاجه زي كده وبالذات خالك قبل ما يروح مكلمها في الموضوع دا بس زي ما بيقولو مرايه الحب عاميه وانا لو منك اسيب الشغل دا خالص

نادر
لا طبعا يا ماما مينفعش اعمل حاجه زي كده انا لازم افضل علي الاقل نبقي مطمنين علي دليدا وان الي اسمو رؤوف ميستغلهاش
ويارب نكون غلطانين مش هنكره

العمه
يارب يا بني هو احنا هنكره يعني يارب نكون غلطانين

وبتعدي الايام وداليدا ورؤوف بيقربو من بعض تاني وفي مره بيكونو قاعدين بيضحكو ودليدا قالت

دليدا
انا بجد مش عارفه اشكرك يا رؤوف على وجودك في حياتي لولا انت مكنتش عرفت اخرج من الحاله الي انا فيها بالسهوله دي وكفايه ان انت محافظ على الشغل انا بجد كنت خايفه وانا لوحدي

رؤوف بيقرب منها وبيمسك ايديها

رؤوف
علشان انا لما بعمل كده بعمل كده علشان بحبك انا بجد يا داليدا ما بقتش قادر امسك نفسي ولا اخبي اكتر من كده
انا لحد دلوقتي بحبك حبي ليكي تزيد عن يوم اللي قبله وبجد نفسي حياتنا تكمل ونكون سوا وبالذات اللي انا متاكده ان انت بتحبيني زي ما انا بحبك

داليدا
ياه يا رؤوف ده انا مش بحبك بس انا انا بحبك وبحبك كمان وبلعن الظروف كل يوم ان هيه البسبب اللي خلتنا نبعد عن بعض

اول لما رؤوف بيسمع كده بيفرح

رؤوف
انتي بتتكلمي بجد يعني انتي فعلا لسه بتحبيني انا بجد اسعد واحد في الدتيا وبجد كنت خايف لا حبك قل من ناحيتي

داليدا
عمرو ما يحصل ولا هيحصل يا رؤوف وبجد لو رجع بيا الزمن مكنتش ضيعت يوم ان احنا نفضل بعيد عن بعض

رؤوف
وانا اوعدك اللي انا اعيشك اسعد ايام حياتك واعوضك علي كل الي انتي شوفته بس اوعديني ان انت كنت اللي فات وانا انسى اللي فات ونفتح صفحه جديده سوا

فعلا بعدها بياخدها بيطلعو علي الماذون بيتجوزوا وبتعدي الايام والشهور وفي مره بيرجع رؤوف من بره سكران وبيلاقي داليدا قاعده مستنياه اللي اول ما شافته قالت حده

داليدا
استني عندك انت رايح فين

رؤوف
اي دا انتي لسه صاحيه دلوقتي انا قولت ان انت زمانك نايمه وشبعانه نوم اي الي مصحيكي لحد دلوقتي

داليدا
انت المفروض اللي تسال نفسك السؤال ده اللي مرجعك من بره مش قادر تصلب طولك في وقت زي انا عاوزه افهم اي الي انت بتعملو دا معقول انت رؤوف انا مش مصدقه والله

.رؤوف
بقولك اي انا راجع دماغي رايقه ومش ناقص نكد ولو عاوزه تتكلمي يريت تاجلي اي كلام لبكره اكون فوقت

وبيروح طالع وبيسيبها وهو عمال يغني وداليدا بتكون واقفه مصدومه مش مصدقه ايه اللي بيحصل

وفي الوقت ده عندي سما الام بتقول بيحده

الام
الكلام ده ما ينفعش ما هو مش يكون عايش حياته ومتجوز ولا على باله وانت مش شايله

الفصل الرابع

وفي الوقت ده عند سما الام بتقول بحده

الام
الكلام ده ما ينفعش ما هو مش يكون عايش حياته ومتجوز ولا على باله وانتي اللى شايله الهم ومشيلانى معاكى انا صاحبة مرض يبنتي والمعاش إلى باخده يدوب الدوا ويمشي كام يوم

سما
ما كفايه ياما تقطيم هو انا ناقصه ما إلى فيا مكفيني لازم تفضلي تضغطى على الجرح لحد ما يطرطش دم

الام
يعنى كلامى أنا دلوقتي بقى تقيل عليكي انا اكبر منك وعشت فى الدنيا اكتر منك وعارفه اللى هيتقال عليكي أصلا المحروس طليقك بسلامته معروف بعلاقاته المشبوهه مش عارفه بتحبي فيه ايه دا

سما
روحي زيعي في الجوامع ياما عرفيهم من طريق بنتك خمورجي يمكن دا يريحك ويبرد نارك

الام كانت هترد عليها بس سكتت لما لقت على وعليا ولادها دخلو

على
ماما احنا جعانين بقالك كتير مش طبختى وعلى طول يا بتكوني بره البيت يا بتزعقي وتشتمي في بابا ما تعملينا ناكل يا ماما

عليا
ومش عايزه ساندوتش جبنه زهقت منه انا عايزه اكل يا سمك يا لحمه يا فراخ مش كل ما نقولك جعانين تسكتينا بساندوتش جبنه

سما
هو حد مسلطكم عليا النهارده ده اللي موجود مش عاجبكم عنكم ما كلتو اجيب لكم منين انا حتى لو وكلت محامي هيقطم ضهري اتعاب وفين وفين لما يجيبلي حاجه منه

الام بصتلها وبغيظ قالت
مش ده اللي انا حذرتك انك تتجوزيه ده انت بعد ده كله لسه بتحبيه ونفسك يردك وحطت ايديها على قلبها وبصوت عالى ااااه قلبي ووقعت على الأرض

سما لطمت على وشها وجريت عليها تشوفها

سما
يالهوى يالهوى جرالك ايه ياما دى قاطعه النفس لازم دكتور أجرى يا واد شوف حد من الجيران يساعدنا

على طلع يجرى على برا وقف فى نص الشارع وبصوت عالي قال

علي
حد يلحق ستى وقعت على الأرض عاوزين نوديها المستشفى

وعند دليله كانت قاعده فى الصالون مع المحامى وكان اسمه سراج

دليله
انا مش فاهمه حاجه من اللى بتقولوا انت باين عليك لسه جديد في الشغلانه وجاي توجع دماغي

سراج
لو انا جديد في الشغل انا ما كانش والدك الله يرحمه مسكنى الشؤون القانونيه في الشركه بعد وفاه والدي وبعدين ما على الرسول الا البلاغ وانا وجبي اقول لك ان في اختلاس كبير بيحصل في الشركه كل يوم من ساعه ما دخل رؤوف الشركه

دليله
اتفضل اطلع بره انا مش هسمح انك تتكلم على رؤوف بالطريقه دي انا مش عارفه ليه كلكم جايين عليه في الاول بابا بعد كده عمته وبعد كده انت

سراج
ده مش لفت نظرك لحاجه اصل مش معقول كلنا غلط وانت صح وبعدين كل اللي في الشركه بيقولوا ان انت بتحبيه ومرايه الحب عميا انا هحتفظ بالمستندات دي لان انا واثق ان احنا هنحتاجها ان كان دلوقتي او بعدين عن اذنك

دليله
انا مش فاهمه حاجه ليه السرقه تظهر لما رؤوف دخل الشركه ما فى موظفين كتير اكيد غيرانين منه

فى النايت كلاب رؤوف كان قاعد معاه سوزي وقال ليها

سوزى
من يوم ما عرفتك اول مره اشوفك فرحان كده ده انت يوم ما طلقت المنيله على عينها سما وسرحتها بعيالها مكنتش فرحان بالطريقه دي هو في جديد ولا ايه

رؤوف
اخيرا الدنيا هتضحكلى المغفله اللي اسمها دليله سكرانه في حبي اول مره اعرف ان انا ممثل شاطر أوي كده ما عداش شهر على موت ابوها ومسكتني كل حاجه تخص الشركه

سوزى
بجد يا رؤوف يعنى خلاص هنقب على وش الدنيا خلاص دا انا وسطى اتقطم من الهز يمين وشمال

رؤوف
والله على حسب هكون راضي عنك لأى مدى انتى اللى هتحددى علاقتنا الفتره الجايه هتكون عامله ازاي هتدلعيني هدلعك وغمز بعينه ليها

سوزى
ده انت لو عايزني اكون خدامه ليك هعمل اكتر من كدا ده انا بقيت بتخيل دلوقتي سوزي هانم وهي تطلب الفطار في جنينه الفيلا بتاعتها

رؤوف
بلاش ترفعي سقف طموحاتك قوي كده انا لسه يا دوب ماسك طرف الخيط لسه دليله عائق بيني وبين اللي انا عايزه اوصله اصل انا ميت من الجوع ويوم ما يقول مش هاخد معلقه ده ناخد الحله كلها يعني الشركه مش طموحي

سوزى
وهتعمل ايه مع السنيوره اللي اسمها دليله دي خلصنا من سما تطلع لنا دليله

رؤوف
اعوذ بالله من دي سيره انت بتقارني ايه بايه عموما دليله لازم العب عليها لعبه الحب دي لحد لما تمضي تنازل عن كل حاجه ليا

سوزى
طب وانا موقعي ايه من الاعراب ولا انا موجوده فى اليوم الفرى بس

رؤوف
بذمتك شوفتيني متمسك بحد زيك دا انتى الحته الشمال يا حلو انت ما تيجي نطلع اى اوضه ناخد راحتنا أصل الكلام خد وهات بشكل ودى

سوزى
بس كدا واد يا فتاحه هات اغلى ازازه عندك على الاوضه الحمرا لازم ندلع الباشا

وعند سما كانت قاعده على السرير وجنبها عليا وعلى اللى قال

علي
ماما هو خلاص كدا مش هنشوف تيتا تانى

عليا
انا فضلت أنادى عليها مش ردت هى زعلانه منى عشان قولت عاوزه فراخ ولحمه خلاص هاكل ساندويتش الجبنه ومش هتكلم تانى

سما
خلاص ماتت وسابتنى بطولى أعمل ايه لوحدى بس ياما حتى مش معايا فلوس ادفنك خليت المستشفى تتعامل منك لله يا رؤوف ماتت بحسرتها منك حسبي الله ونعم الوكيل فى عضمك

وتانى يوم رؤوف راح الفيلا عند دليله اللى اتفاجأت بيه بيقول

رؤوف
وبعدين يا دليله هنفضل كدا لامتى هو انتى بطلتى تحبيني ولا ايه ليه مش عوزانى اقرب منك انا بقيت جوزك خلاص

دليله
مين قال انى بطلت انا بس محتاجه فتره نقاهه انت عارف ان جوزى مات وبعدها بابا وكله ورا بعض حاسه انى داخله فى اكتئاب من الحزن دا

رؤوف
اكتئاب وانا موجود طب والله عيب فى حقى هو للدرجه دى أنا مقصر معاكي طب ايه رايك تسببيلي نفسك انهارده وانا هغديكي غدوه تحلفي بيها عمرك كله

داليدا
رؤوف انت بتضغط على نفسك ليه كفايه عليك الشركه وحوارتها اللى مش بتخلص

رؤوف
انتى اهم عندى من اى حاجه ومد ايده ليها وقال تسمحيلي يا برنسيس دليله اخطفك شويه

داليلدا
اه لو بابا كان عايش ييجي يشوفك وانت حنين عليا وحطت ايديها على إيده ومشيت معاه

وفى الشركه سراج كان قاعد مع نادر اللى قال

نادر
وبعدين هنفضل قاعدين زى المطلقين كدا يا سراج انا فضلت ماسك الشركه سنين ومفيش ج اتاخد دلوقتي فى ظرف أسبوع اتاخد فوق ال 200 ألف

سراج
بنت خالك معمى على عينيها انا روحت الفيلا عندها هى بس مش صدقت كلامى وبس دى حتى مش بصت فى الورق اللى يدينه المفروض اعمل ايه

نادر
مش هتفوق غير لما يديها قفا محترم والله ما هيكون ليها قومه تانى

سراج
انا عاوز اقولك على حاجه وطلع ورق الوصيه اللى الاب سابها وقال على فكره خالك قبل ما يموت وزع الأملاك عادى بما يرضي الله بس اللى مش تعرفه أنه حاطط شرط لو دليله اتجوزت رؤوف كل حاجه تملكها الجمعيات الخيريه وتخسر كل حاجه

نادر
ودليله عارفه وبرضو اتجوزته معقول عاميه للدرجه دى

سراج
مش لحقت اقولها هى أصلا مش تعرف حاجه بقولك مش ادتنى فرصه أصلا انى افتح بوقى دخلت فيا زى القطار إلى سواقه اعمى

نادر
خليها زى ما هى لما يكشف نفسه قدامها وتعرف قد ايه هو إنسان قذر ساعتها هتعرف ان الله حق

سراج حط الورق فى شنطته وقال

سراج
مستغربك يا نادر أصل أنا عرفت انها طردت مامتك وانت عاوز مصلحتها توقعت انك هتشمت فيها

نادر
قال يعنى تعرف ان دى أخلاقي يا لمبه محروقه انت ظلمك اللى سماك سراج وبعدين دى بنت خالى وانا مستحيل أطعنها فى ضهرها وهفضل على طول سندها لحد ما اطمن عليها

الفصل الخامس

بالليل دليله كانت قاعده فى مركب فى نص البحر ورؤوف جنبها وبياكلو حمص الشام

داليدا
تعرف يا رؤوف الخروجه دى فرقت فى نفسيتي ازاى انا حاسه انى اتولدت من جديد كأنى كنت فى سجن وخدت حريتي

رؤوف
على فكره انا سايبك براحتك ومش عايزه اقرب منك علشان مش تفتكري ان انا اناني وعايز املك كل حاجه وبتمثيل قال انت ما تعرفيش في الشركه بيتكلموا ازاي بيقولوا ان انا جيت اخذت منك كل حاجه وبستغلك

دليله
ماليه يتكلم يتكلم انت يهمك ايه من كلامهم يعني طالما الشغل ماشي مظبوط وبياخدو مرتباتهم يبقى محدش ليه عندنا حاجه

رؤوف
انتى مش موجوده علشان كده مش حاسه بالوجع اللي انا فيه وبمكر قال انا اه اتجوزتك بس انا نفسي اخلف منك ليه بعيده عني

دليله
مش هنكر ان انا كنت مانعه نفسي عنك علشان لسه زعلانه على اللي حصل مع بابا وغير ده كله ضميري هيانبني لو انت في حضني ومبسوط وعيالك جعانين سما مش هتقدر عليهم

رؤوف
طب وليه السيره النكد دي دلوقتي عموما عشان خاطرك انت هنظم داخلي وهصرف على عيالي انا مش ندل للدرجه دي

دليله
انا عندي الحل اللي هيخلي كله يتخرس ومش يتكلموا عنك باي طريقه

رؤوف
حل ايه مش فاهم اوعي تكوني بتفكري تلغي وجودي في الشركه عشان نمنع الكلام انا كنت بفضفض معاكي بس

دليله
لا طبعا مين قال كده انا هنقل كل حاجه باسمك انا واثقه فيك وعارفه ان كل حاجه معاك بتزيد

رؤوف مش قدر يخبي فرحته و شدها عليه وحضنها

رؤوف
اوعي تكوني فاكره ان انا طمعان فيك انتي ملكيش ضهر وانا اللي ضهرك وسندك وخليكي واثقه ان انا عمري ما هخونك

وعدى شهر على الاحداث دي ودليله اتصلت بسراج عشان ينقل الملكيه ل رؤوف

سراج
انا اسف بس ده عمره ما هيحصل لسبب واحد بس ان والدك الله يرحمه حط شرط في الوصيه بعد ما توزعت ان النصيب اللي يخصك يتحجر عليه لو اتجوزتي رؤوف وانت بالفعل اتجوزتيه

رؤوف
ايه الكلام الفارغ اللي انت بتقوله ده انت واعي للهبل دا ولا شارب حاجه وعمي هيعمل ده ليه

دليله
انت سبق وجيت لي قبل كده وكنت بتلمح ان في اختلاس في الشركه في الوقت اللي رؤوف ظهر فيه في الشركه فانا مقدره ان انت مش بتحبه بس ده مش معناه ان انت تخترع سبب من دماغك

سراج طلع ورق الوصيه وحطه قدامهم وقال

سراج
مش انا اللي ازور اوراق انا مهنتي ان انا اجيب الحق مش بتاع تلييس دا اللى عندى ودا الورق

رؤوف نتش الورق وبدأ يقرأه وبغل قال

رؤوف
ليه ده كله عشان ايه ورمى الورق في الارض هو انا شيطان يعني علشان يعمل كده لا وهو عايش مريحني ولا حتى وهو ميت

دليدا
انت ليه مش قولتلي على موضوع الشرط ده انت قاصد بقى على كده صح

سراج
ولا قاصد ولا حاجه بس انتى اللي متسرعه والحكومه بدأت بالفعل بتنفيذ القرار واعتبروا كل الاملاك اللي باسمك تبرع منك للحكومه لانك وافقتي على الجواز واتجوزتي بالفعل مستر رؤوف وسابهم ومشي

رؤوف كسر الفازا اللى قدامه وقال

رؤوف
شايفه ابوك بيعمل فيا ايه دا كله ليه يعنى كدا انتى افلستي مش كدا

دليدا
بالراحه يا رؤوف انت بتزعق ليه من امتى والفلوس بتفرق الحب هو اهم حاجه مش انت كنت على طول بتقول كده

رؤوف
يا شيخه اتنيلي حب ايه وزفت ايه خلاص على الفطار هناكل حب والغداء والعشاء نبقى نصوم عشان الحب غوري من وشي كتك نيله وسابها ومشي

دليله اتصدمت من رد فعله وبذهول قالت

داليدا
هو متعصب ليه في كان ممكن نلاقي اي طريقه نرجع بيها حاجه او حتى نبدا من جديد معقول اكون اتخدعت فيه

وعند سما كانت قاعده على الارض وحاطه ايدها على خدها وباصه على المطبخ اللي فاضي وبحسره قالت

سما
ما تبقاش معايا الا 200 جنيه علشان اخذ المعاش بتاع الشهر الجديد لسه يومين اعمل ايه بس

على قعد جنبها وقال
عارفه يا ماما انا لما اكبر هبقى راجل ومش هبقى زي بابا وهشتغل وهيكون معايا فلوس كتير ومش هخليكي شايله هم حاجه

عليا
وانا كمان هعمل كل حاجه في البيت وانت تقعدي مرتاحه ولو اكلنا اليومين دول عيش وجبنه يا ماما مش هنزعل

سما حضنتهم وبدموع قالت

سما
حقكم عليا انا إلى من البدايه اخترت غلط انتو ملكوش ذنب وبتفكير قالت دليله عمرها ما ردتنى يمكن لما اطلب منها المساعده تشوفلي شغلانه عندها قومو يا عيال نجيب حواوشي من برا ان شاء الله ما عن حد حوش

وعند سوزى كانت قاعده وقالت

سوزي
ابن المبقعه شاف نفسه عليا هو كان يطول ان انا ابصله اصلا الحق عليا انا اللى عملت ليه قيمه

وكانت قاعده سمير المساعد بتاعها

سميره
على مهلك يا معلمه انتى دى 3 ازازه تشربيها هتموتى كدا

سوزى
اسكت ياض يا فتاحه غدر بيا اللي كرشه مدلدل زي الحوامل في الاول سما خلف منها وطلقها ومش بيصرف على العيال ودلوقتي انا زى البيت الواقف مش عارفه موقعى ايه وراح يتجوز دليله علشان فلوسها ياما نفسي ادب السكينه في كرشه بس اطوله بس

وعند دليدا كانت لسه طالعه من الحمام حاطه ايديها على بطنها وفي ايديها اختبار الحمل وبذهول قالت

دليدا
يعنى الدوخه وغممان النفس الفتره اللي فاتت دي كان علشان انا حامل بس رؤوف هيكون رد فعله ايه ده من ساعه ما عرف بموضوع الوصيه ده وهو شايط معقول الفلوس اللي تفرقنا عن بعض

وفى الوقت دا رؤوف دخل لقاها واقفه بصلها بغيظ

رؤوف
مالك واقفه زي العامود كدا ليه ما تتزفتى تركنى فى اى جنب ولا اقولك اخبطى راسك فى الحيطه مليش دعوه بيكي

دليله
انا مش فاهمه انت مالك قلبت عليا مره واحده كده ليه في ايه يا رؤوف هو ده الحب اللي بينا

رؤوف
كان فيه وخلص وعلى راي الفنانه اللي قالت حب ايه اللي انت جاي تقول عليه كنت فاكر لما اتجوزك هقب على وش الدنيا وهبقى راجل اعمال زي اللي بشوفهم في الاعلانات بس طلعتى وشك نحس

دليله
ايه الكلام اللي انت بتقوله ده من امتى وانت كل همك الفلوس ده احنا متجوزين على الحب مش جواز صالون المفروض نكون متفاهمين اكثر من كده اكيد ليها حل

رؤوف طلع القسيمه من جيبه وببرود قال

رؤوف
ناقصه امضتك وكل واحد يروح لحاله بلاش وجع دماغ انا مش هخليكي على ذمتى دقيقه واحده زياده

وهي بصت في الورقه اللي في ايدها وبذهول قالت

دليدا
انت طلقتني طب ازاي الكلام ده انا خلاص بقيت حامل ودي حاجه انت كنت بتتمناها انها تحصل كنت تفضل تقول لي نفسك في حته تكبر جوايا وتكون منك

رؤوف
لا يا حبيبتي انا كنت بتمنى كده ايام ما كان معاكي فلوس انما دلوقتي هعمل بيكي ايه اطلعي بره حياتي يا دليله انا لا يمكن افكر اكمل حياتي معاكي

دليدا ضربته بالقلم على وشه وبغل قالت

دليدا
اه يا كلب يا واطي دا بابا كان معاه حق فعلاً لما رفضك انا اللى دخلت الزباله بإيدى جوه بيتي بعد ما كان مكانها الشارع

رؤوف
اتلمي ولمي لسانك بدل ما اخسرك اللي في بطنك انا كده كده مش فارق معايا يعيش يموت ولا ليا علاقه بيه ابقي اشتغلي واصرفي عليه زي ما سما بتعمل مع عيالها أوعى من طريقي وسابها ومشي

وهي قعدت على الأرض وبانهيار قالت

 

الفصل السادس

 

دليدا
انا استاهل اللي يجرالي للدرجه دي كنت عاميه ومش شوفت قذارته وبعدها لقت دم نازل منها واتصلت بالدكتور

الدكتور
للاسف الحمل نزل

دليدا
ده من حب ربنا ليا ان حصل كده

الدكتور
بس انتي محتاجه راحه في السرير لحد ما تبقي كويسه

وبعدها مشي وهي حمد ربنا ان الحمل نزل

ووعدا كام يوم ودليدا كانت قاعده في الصالون بتشرب قهوه
اتفاجئت بسما قدامها ومعاها واحده مش تعرفها

دليدا
سما معقول يخر بيت سنينك ده انا مش عرفتك خسيتي خالص

سما
من الجوع يا حبيبتي وبعدين من يوم ما امى ماتت بحسرتها وانا مليش نفس للحياه مش بس للاكل

دليدا
طنط ماتت لا حول ولا قوه الا بالله ربنا يرحمها ويغفر لها بس مين اللى معاكى دى انا عارفه ان انت معندكيش اخوات بنات

سوزى
انتى بقا دليدا إلى فلقنى بيكي محسوبتك سوزى اشهر رقاصه في كل ديسكوهات مصر وعشيقة المحروس ابن المبقعه رؤوف عشمنى فى الجواز وغدر بيا

دليدت
انتى بتقولى ايه وجواز ايه انا مش فاهمه حاجه

سوزى حكيت لها عن علاقتها برؤوف وعن خطه رؤوف اللى ورا جوازه من دليله

دليدا قعدت على الكرسي بذهول وقالت
عشان كده يوم ما سراج قال إن كل حاجه خسرتها اتعصب بالطريقه دى

سما
دا غير انى معايا فيديوهات ليه وهو بيشرب زفت على دماغه يعنى مدمن وزباله ولعب بينا احنا التلاته الكوره وطلعت الموبايل بتاعها وورت دليله الفيديو وكان فيه رؤوف وهو بيشم المخدرات

دليدا
انا مش قادره اصدق اللى سمعته انا ازاى مخدتش بالى من القذاره دى

في الوقت ده داخل رؤوف وكان في ايده ازازه فودكا وكان سكران واول ما شافهم الثلاثه مع بعض فتح في الضحك وقال

مغفله رقم واحد وشاور على دليدا ومعاها مغفله رقم 2 ومغفله رقم 3 هو انا سكران للدرجه دي علشان شايفكم انتم الثلاثه مع بعض

سوزى
ادى رشدي اباظه النسخه الشعبيه الزفره شرفت لا وبيشرب وبصت على دليله وقالت اكيد مش هتتفق مع سما ونقول لك الكلام ده علشان نسوء صورته قدامك شوفي قدامك اهو الجواب باين من عنوانه

سما قلعت الشبشب ونزلت بيه على راس رؤوف وبغل قالت

سما
بقا يا زباله رامي العيال ومش بتسأل فيهم وبتتنيل تلعب قمار وتسكر مش عيالك اولى

سوزى قلعت الشبشب هى كمان وفضلت تضرب فيه بغل وقالت

سوزي
بقا يا مصدى انت تضحك عليا وتثبتنى والله ما هسيبك غير ما اطلع كل غلى فيك

دليدا حطت ايديها على بطنها وبتوهان قالت

دليدا
طب ودا ذنبه ايه أنه يتولد ويعرف أن ابوه مش راجل ولا يعرف حاجه عن الدين ولا الأخلاق ومسكت عصاية المقشه اللى جنبها وفضلت تضرب فى رؤوف بغل

رؤوف
اه يا ولاد ال ابعدو عنى ابعدي يا وليه منك ليها اااه الا العصعوصه اضربو في اي مكان الا الحته دي

في الوقت ده دخل نادر ومعاه سراج اللي اتصدموا وهم شايفين رؤوف بيضرب جري بسرعه وشدو رؤوف بعيد عنهم

نادر
ممكن افهم ايه اللى بيحصل هنا دا وشد من دليله عصاية المقشه وقال هو فار بتضربيه بالمقشه ليه

دليدا دموعها نزلت غصب عنها وحكيتله على كل حاجه

سراج
جيتلك قبل كده وقولتلك ان في سرقه بتحصل ابسط الاسباب انك تروحي تراجعي كاميرات المراقبه وتتاكدي ان انا صح ولا غلط بس انت كنت معميه

رؤوف ضحك بسخريه وقال

رؤوف
معلش بقا القانون لا يحمي المغفلين اللى زيكم بس. اللعبه عجبتنى عملت منكو كوكتيل ودوقت لحد ما شبعت

دليدا صت على سراج وقالت
انت كنت قايل ان معاك اللي يثبت سرقته انا عايزه ابلغ عنه بتهمه السرقه

سما
وانا عايزه ابلغ عنه انه مدمن وبيتعاطي مخدرات وفوق دا كله مش بيصرف على عياله

سوزي
انا كدا متكيفه الصراحه كفايا العلقه اللى خدها وعاملى فيها ابن بارم ديله

رؤوف راح جنب دليدا
انا ممكن اردك تانى بس بلاش سجن انا عارف انك لسه بتحبيني

دليدا
اوعى تكون فاكر ان انا هفضل غبيه عمري كله انا كرهت نفسي علشان يوم من الايام حبيتك ودي نعمه ربنا ان انت طلقتني وحطت ايديها على بطنها علشان ابني ميترباش مع واحد زيك

ونادر اتصل بالشرطه اللى جم بعد شويه وقبضو على رؤوف بعد ما خدو كل الادله اللى تدينه

نادر بص ل دليدا
انا كدا عملت اللي عليا معاكى ولو حابه اني اسيب الشركه من دلوقتي هسيبها

دليدا
لا يا نادر مبقتش واثقه في حد خالص بلاش تسيبني في الوضع ده

سراج
يمكن لو فتحنا عينينا شويه هنعرف مين بيحبنا ومين بيكرهنا

دليدا
قصدك ايه بكلامك دا وبذهول قالت انت بتحبني يا سراج معقول

سراج
كنت على طول باجي مع ابويا الله يرحمه لما كان بيروح عند ابوكي الله يرحمه وبصراحه شديتى انتباهى من أول مره شوفتك فيها بس على طول كنت شايف ان انتي فوق وانا تحت ومستحيل نتجمع

نادر
يا واطى كنت شاكك فى مشاعرك لانك لما عرفت انها اتجوزت رؤوف كنت عايز تحرق الاخضر واليابس

سما
اعتقد دوري كده خلص انا كنت جايه انبهك منه قبل ما تخلفي منه بس الظاهر ان الفاس وقعت في الراس الله يرحمه ابوكي كان عنده بعد نظر

سوزى
والله ما عارفه قدر يلعب بينا احنا التلاته ازاي يلا ادينا خدنا على قفانا يكش نتعلم ومش نريل على اي راجل

دليدا
استني يا سما

وبصت على سراج وقالت

هو طلقني اعتقد ان انا لسه ليا العقارات والشركه مش كدا

سراج
الشرط ده كانت لعبه مني علشان اكشفلك حقيقته وقد كان وبالمناسبه نادر مكنش يعرف لان الورقه اللي انا عرضتها عليكى انتى ونادر كانت مزوره

دليدا
حيث كده سوزي انا هوفر لك شغل الشركه عندي وبطلي الحرام اللي انت بتعمليه وصدقيني هتلاقي مرتب كويس وانت يا سما هوفر لك شقه وشغل عشان تعرف تصرفي على عيالك وهعتبر ده زكاه عشان ربنا يبارك فى ابني اللى مش شاف النور لسه

سما وسوزى شكروها واتفقو ينزلوا الشركه من بكرا

نادر
طب ايه فين النهايات السعيده ايه يا دليله سراج حافظ عليكي من طمع رؤوف مش واخده بالك ولا قلبك مش بيدق الا للحيوان رؤوف

دليدا اتكسفت من سراج ووقفت قدامه وقالت

دليدا
عارفه ان انت لو كنت بتعمل كده علشان الفلوس كنت تقدر تاخدها ببساطه يا سراج انت اثبتلى ان انت راجل وبصراحه علاقاتى كلها دمرتني خايفه اظلمك معايا مش هنكر ان انا محتاجه راجل فى حياتى

سراج
على فكره العريس اللي والدك كان كلمك عنه قبل ما يموت كان انا بس انتى اتسرعتى

ومسك ايديها وقال

مش مستعد اخسرك بصراحه بصي يا دليله انا كمان كنت متجوز قبل كدا بس للاسف طلعت مش بخلف ودا اللى خلاني متردد اطلبك للجواز

داليدا
يمكن كل اللي بيحصل ده حكمه من ربنا وان اللي في بطني ده يكون ده نصيبه انا ما عنديش مانع ان انت مش بتخلف كفايه عليا انك هتحافظ عليا وعلى اللي في بطني وهتعتبره ابنك من صلبك

سراج
موافقه تتجوزيني يا دليدا بجد العين مش بتعلى على الحاجب انا مش مصدق

دليدا
انا بطلت امشي ورا هوايا اخترت اللي قلبي حبه وهو محبنيش وكان طمعان فيا ولما خسرت فلوسي طلقني مش هقول لك ان انا ميته في دباديبك بس الحب عامل زي العدوى وطالما بتحبني هتكسبني بسهوله

نادر
نقول مبروك ولا ايه والله لو كنت بعرف ازغرط كنت زغرطت

سراج
انا مش هعرف اعبر لك عن مشاعري غير لما تكوني حلالي وخدها وطلع على الماذون وبقت مراته

دليله
مش عاوزه غير ان انت توعدني انك تصونى انا تعبت من الخيانه وقلة الثقه

سراج رفع ايدها وباسها وقال

سراج
مفيش اسهل من الكلام بس اوعدك ان انا هكون لك كل حاجه تتمنيها انتى كنت حلم بعيد ولما بقيتي في ايدي هحافظ عليك بايدي واسناني

وعاشوا لحظات كلها سعاده وفرح

 

تمت بحمد الله