رواية كان يا مكان الفصل الثالث 3 بقلم دعاء فرج
لقراءة الرواية كاملة بدون إعلانات (اضغط هنا)
رواية كان يا مكان الحلقة الثالثة
مهدي//…..يلااا يانور هنتأخر
نور//انا مش عوزه الضفيره دي شكلها وحش
مهدي//طيب معلش بكره هعملك واحده شكلها حلو بس دلوقتي هنتأخر
نور//لااااا والله وحشه جداااا
بفتح عيوني علي صوتها….كنت صاحيه لكن مش حاسه اني عوزه اخرج او اعمل اي حاجة……بشيل البطانية بكسل غريب…بقيت حاسه بيه طول الوقت…يمكن بعد تفكير طويل قررت اعمل نفسي كنت نايمه…معرفش اي حاجة…ولا سمعت حاجة
تمني//بتعيطي ليه؟؟
نور//بصي شعري وحش اووي عاوزني انزل كده
تمني//طيب تعالي…
باخدها معايا الاوضه…لكن مكنتش عارفة ده عشان ابعد عنه ولا عشان انا علي طول فيها لكن اللي كنت متاكده منه اني مش حابه نتعامل مع بعض….كنت حاسه ان وجوده خطر…وقربه مشكلة لازم تتحل بالبعد
بقعد علي السرير وهي بتقعد قدامي وهي بتمسح دموعها…..بمسك ايديها وانا ببوسها في عيونها تلقائيا بتضحك بعدها….وانا بفتكر مهدي لكن ببعد عني اي فكرة وبركز معاها مكنتش حابه وجودها يرتبط بأفكاري السوداويه….بفتكر ان كان معايا توك شعر شيلاها….يمكن دلوقتي مش بستخدمها لكن مازلت محتفظه بيها…..وكأني بحضني في محاولة بائسه اني مخسرش جزء مني كان جميل
تمني//مش عارفه هيعجبك ذوقي بقي ولالا بس شوفي وقوليلي رأيك
بتقوم من قدامي بتقف قدام المرايا وهي بتضحك ومبسوطه بشعرها والتوك…..ابتسامتي بتختفي لثواني وانا شيفاني انا….فجاة بتختفي هي من قدامي وانا بفتكرني وشيفاني قدام المرايا بجرب كل التوك….بفرد شعري احيانا…..واحيانا برفعه كان عندي افكار كتيره حابه اجربها واشتريت توك أكتر
نور//انتي جميله اوووي انا بحبك
بتبوسني وبتخرج بسرعة وهي بتنادي علي مهدي بتحرك بهدوء بعدها…..ملامحي يمكن مصدومه او مقهورة مكنتش قادره احدد لكن مكنتش كويسه
نور//شوف شعري
مهدي//ايه الحلاوة دي
نور//ده تحففففففه انا مستحيل اخليك تعملي شعري تاني
كنت شيفاها قد ايه مبسوطه كل ثانيه تلمس التوكه تتأكد انها لسه موجودة ضحكتها ووقفتها قدام اي مرايا……بقفل الباب وبدخل تاني…..بقفل النور وبرجع لسريري وانا بحط المخده علي وشي…..مش عوزه اشوف حاجة ولا عوزه افتكر اي حاجة……ولا قادره اعيط عيوني تعبتني الصداع المستمر ارهقني…..انا بس محتاجة كل حاجة تنتهي حتي لو بنهايتي الابديه يمكن وقتها اخيراااا احس بالراحه
مهدي//انا نازل….كتبتلك رقمي في ورقه علي التلاجه لو بقيتي عوزه حاجة كلميني…والفطار علي السفره
بسمع صوته من وراء الباب…هادي…كأنه متاكد اني بسمعه….رغم اني بتجاهل اي حاجة بتحصل ازاي قادره يكون هادي مع شخص زي!!!!….ازاي مش بعصبه!!!…بفتكر امبارح….لمسته لشعري ازاي قرب كده!!….فيروز مكنتش بتلمسني لانها دايما حاسه اتجاهي بالقرف!!!!!!……
قرب وباس راسي وعيوني…..ملامحي طلع فيها حاجة تتعامل برفق….مش بأيد عز الدين!!!
يمكن كلامه كل بيتردد في عقلي وان لسه في العالم البشع ده حد بيحبني!!!!…..وجودي هنا كان عشاني….كان عاوز يبعدني عنهم!!!!!….اول مره اشوفه سابني امتي؟؟؟…..مقابلتوش ولا صدفه ازاي كان يعرفني عشان يحبني!!!!!!!!
اسئله كتيره….مكنش عندي رد ولا سؤال….ولا حاسه اني عوزه اعرف….خايفه اعرف….يمكن عشان خايفه اقرب…بعد ما اتاكدت انه بيحاول يقرب هو
تمني//مهدي….
بسمع صوت الباب بيتفتح….بستغرب رجوعه بالسرعة دي!!….مدرسة نور مش قريبه….وهو عنده شغل…ليه دلوقتي!!!!…..يمكن لثواني بحس بالقلق….يمكن علي نور…..اصل هيرجع ليه دلوقتي؟؟؟؟
وبقرر اخرج اسأله….بعد تفكير…وانا بحاول اهدى دقه قلبي…..وقلقي….الغير مبرر
مصطفى//كنتي فكراني هو
تمني//————–
مصطفى//بقالنا كتير اوي متقابلناش….هو الاكتئاب بيحلي!!…شكلك بقي احلا من الاول شكلي هقع في حبك تاني
مكنتش قادره استوعب وجوده….يمكن رجعتلي التهيؤات دي تاني؟؟؟….معقول رجعت اتخيل حجات مش موجوده!!!….بتحرك اتجاه اوضتي بهدوء وانا بحاول اخد نفسي….دقات قلبي بتزيد لكن بشكل مكنتش قادره استحمله…كنت حاسة ان كل حاجة بتتحرك حواليا….جسمي كله بيرتعش….مكنتش قادره اتحكم في ايديا وارفعها علي ودني عشان مسمعش صوته
مصطفى//واضح ان سلمى ظلمتك لما قالتلي انك بقيتي كويسه
تمني//—————
بسمع صوته بيقرب…..خطواته جايه ورايا….عنيه بتقابله بحاله هلع غريبه…….رجليا بتقرر تستسلم ومش بتقدر تستحملني اكتر…..صوتي بيخرج أخيراً وانا بصرخ وبقوله يمشي…..يمكن لحد دلوقتي رافضه اصدق انه حقيقي….مستحيل…. كنت بتخيل وبصدق انه حقيقي موجود لكن… دلوقتي مكنتش فاهمه لكن رافضه اي فكرة غير انه خيال
تمني//ابعد عنييي….امشي من وشيييييي
مصطفى//اتجوزتي ليه….فكراني هسيبك!!!!!…. مستحيل يااتمني اخليكي تبدأي مع اي حد…. هتلاقيني دايما قدامك….طالما انا لا بالنسبالك يبقي مش هيبقي حد غيري فهماني؟؟؟؟؟
تمني//—————
عيوني عليه….دموعي بتنزل في صمت وهو قريب…كنت حاسه برعشه شفايفي….واحساسي بالنوم!!!!!!!!!
مصطفى//هسيبك دلوقتي…بس هرجع تاني ده انا بقالي سنين مش بشوفك
بيخرج……بسمع صوت الباب بيتقفل…..للحظه أخيراً باخد نفسي….صوتي بيخرج وانا بعيط… بحس بوجع غريب في ضهري…..وباخد بالي اني اتخبطت في طرف السرير…..معقول اتعورت من غير ما احس!!!!!!!!…..بتجاهلها…وبستسلم لاحساسي بالنوم…..يمكن عيوني تنام المرادي للابد….او يمكن يكون كل ده حلم
♡_♡_♡_♡_♡_♡_♡_♡_♡_♡_♡_♡_♡_♡_♡
سلمي//يخربيتك انت روحتلها بيتها
مصطفى//فين المشكلة….هخاف
سلمي//انت عارف جوزها طلع بيشتغل ايه
مصطفى//عارف ومش مهتم……وبعدين كويس انك جبتي سيرته
سلمي//لا ياحبيبي كويس اووي اني عملتلك اللي انت عوزه وجبتلك العنوان وكده خلصنا
مصطفى//اهدي علي نفسك….هو انتي مش بتقولي انه عارف كل حاجة عنهاا
سلمي//ايوه
مصطفى//طيب لو اكتشف ان مشاكلها وصلت لبنته
سلمي//انت ناوي تعمل ايه!!!!!!!….بقولك انا مش معاك تمني شالت هي الليله بسبب اهلها….انما البنت دي لو ابوها شافك علي بُغد 90كيلو منها مش هتلمح النور تاني….انت مستغني عن نفسك براحتك انا عندي عيال ومستحيل اخلي جوزي يعرف حاجة
مصطفى//مش هتعملي حاجة…وبعدين احنا هنخطفها بس انا قولتلك هموتها
سلمى//انت هتخطفها انا ماليش دعوة
مصطفى//غريبه مع انك قولتي مش عوزه جوزك يعرف حاجة…..وموضوع تمني انا مستحيل اقول عليه انا وعدتك ومستحيل اخلف وعدي لكن مكنتش واعدك اني مش هقول حاجة على اللي كان بينا……ولا وعدتك اني مقربش من عيالك اللي منهم واحد ابني انا كمان ولا نسيتي
سلمي//مصطفى انا مش بتهدد…..انا ممكن اقتلك لو قربت من حد فيهم لحد دلوقتي مستحمله عشان كدة كدة كل قرفك ده ماليش دعوة بيه انما هتقرب من عيالي يبقي ناوي علي نهايتك
مصطفى//مش قبل ما تشوفي نهايتهم هما يااسكر هبقي اكلمك بعد ما اشوف هعمل ايه في موضوع البنت دي وهنحطها فين
سلمى//انت مش عاوز تسكت ليه بقي ما كفاية اللي حصل….انت هتقرفني بالبت دي كتير كل شوية تمني ما خلصنا
مصطفى//…….انتي عارفة الفرق بينك وبينها ايه؟ انك…..ولا بلاش اقولك عشان متزعليش…باي
♡_♡_♡_♡_♡_♡_♡_♡_♡_♡_♡_♡_♡_♡_♡
مهدي//صباح الخير……
حليم//صباح النور…..كنت عاوزني ليه مستنيك من بدري
مهدي//في واحد لسه راجع من السفر من اسبوع هبعتلك اسمه عاوز كل حاجة عنه بالتفصيل الملل حتي لو معلومه مش مهمه…..وهبعتلك اسم مدرسة ثانوي تعرفلي كان فيها ولالا….وعاوز أعرف عنده بنت عم اسمها سلمي ولالا
حليم//اييه كل ده انت عاوز تاريخ حياته ليه في حاجة؟؟؟….ممكن نجيبه اسهل لسه هنسأل عنه
مهدي//مش متأكد ان هو اللي انا بدور عليه لما اتاكد انا هعرف اجيبه بس عاوزك تعرفلي كل ده في أسرع وقت لانه مسافر تاني
حليم//بليل هبقي عرفت كل حاجة وهبعتلك سيبها عليا بس اوعي تجيبه لوحدك وحياة امك بحب المواقف دي اوووي كلمني علي الاقل اتفرج
مهدي//امشي يااااحليم….امشي انا عندي مراره واحده
حليم//طيب انا بعتلك دعوة فرح شوفتها ولا كالعاده نور اللي فتحتها
مهدي//انت حددت معاد فرحك
حليم//ده انت صاحب يكسف وربنا اااه يخويا ابقي هات نور معاك بقي بدل ما اطردك من الفرح
مهدي//نور هتفر…….
حليم//مالك تنحت ليه….مين بعتلك…فرجني معااااااااااااااك
مهدي//بقولك ايه ….
حليم//عارف هتمشي واداري عليك…..حسبي الله
بتحرك من مكتبي…وانا بحاول اكلم نفس الرقم لكن مش بيرد…….يمكن مش بشوف الطريق قدامي….لكن بفتكر كل ايامي معاهم….وانا نفسي الزمن يرجع بيا وتبقي اخر حاجة اعملها ان اعرف حسن بحبي ليها….اخبي عنيه بعيد عنها….ابطل اقول لاختي عنها و قد ايه هي مبهره وجميله
تخطف العين من اول نظرة….ضحكتها كانت قادره توقف الزمن بيا….هي كانت كفاية عشان اتمني ان الايام تعدي بيا بسرعة….العمر يجري واخلص والكليه….واقدر اخدها واخبيها من فيروز…..كريم اللي كنت بتلكك عشان اتخانق معاه….واضربه….والمحها لثواني…..
يمكن بتوجعني نظرتها اللي باين عليها اللي بتعيشه بينهم….لكن كنت بصبرني بأن اكيد هيجي يوم وعيونها مش هتشوفهم تاني…..
♡_♡_♡_♡_♡_♡_♡_♡_♡_♡_♡_♡_♡_♡_♡
كنت حاسه بكل حاجة فيا بتوجعني….بخاف افتح عيوني اشوفه…..بحس بالرعب من دقات قلبي السريعه وان ممكن يحصلي حاجة وانا لوحدي…وهنا بكتشف اني كدابه انا مش عوزه حياتي تنتهي….يمكن معنديش امل لكن يمكن….
بحاول اهدي خوفي….مكنتش عارفة ممكن اعملها ازاي لكن…..عقلي بيفكرني بمهدي….قربه من عيوني اللي خايفه تفتح…..بحاول افهمني اني مش لوحدي….يمكن خايفه اصدق لكن…المرادي بس…هصدق لثواني وبعدها هنسي…..هصدق وجوده…كلامه…اثر لمسته لشعري….لاول مره افتكر لمسه عشان اطمن….
مهدي//تمني!!!!!…
تهيؤات!!!….لحد دلوقتي معرفش مصطفى كان حقيقه ولالا….ودلوقتي مش عارفه عقلي رجع يعمل نفس الحاجه عشان يطمني المرادي!!! يمكن لما فكرت فيه سمعت صوته!!…..يمكن هو كمان خيال…..او يمكن انا اللي وصلت لمرحلة صعبه لدرجه اني مش قادره اصدق ان ممكن اقابل شخص واحد في العالم ميكونش مؤذي
مهدي//انتي كويسه
بحس بأيده وهو بيقومني…..بيقعد علي ركبه قدامي وانا أخيراً بفتح عنيه علي سؤاله..يمكن حتي لو خيال…..فهو خيال آمن بشكل اول مره اجربه…..
مهدي//تعالي….الجو بره..والتكيف شغال ازاي تنامي علي الارض كده…..
مش بتحرك من مكاني….وحقيقي مبقتش فاهمه مؤخرا ليه احساسي بالامان بيخليني اعيط علي كل حاجة حصلت….انا كده كده عيطت عليها
يمكن المرادي بعيط عشان احكيله اللي حصلي بدموعي…..مش عشان موجوعه منه علي قد ما انا لقيت حد يسمعني وهو بيطبطب……
يمكن تلقائيا مني بمسك ايده….عيوني دايما بتتحرك مع حركه الايد….دايما بتوقع اي تصرف غريب ومش طبيعي يحصل….ومكنتش حابه احس ان شعوري بالامان دلوقتي فيه كسر بسيط كنت عوزه احس ان كل حاجة تمام….
مهدي//حصل حاجة عوزه تحكيها
تمني//———
مهدي//مش لازم دلوقتي لو مش قادره ممكن اسمعك اي وقت……انا كده كده عارف اللي حصل
تمني//ايه!!!!!!!!!!!
مكنتش قادره اتكلم بين دموعي….وشهقاتي ولون القميص بتاعه اللي مش عاجبني!!!!!!!!!….لكن عقلي بيقف عن كل ما هو وراء الطبيعه بكلامه بسمح دموعي وانا بحاول اهدى لثواني افهم واكمل عياط
تمني//عارف ايه وازاي وامتي وليه مجتش لما انت عارف و….
مهدي//بااااااااااس….اكيد مكنتش اعرف وسايبك واكيد هحكيلك بس مش دلوقتي…..لكن كنتي هتقوليلي اللي حصل معاكي؟
تمني//مش عارفه……ويمكن انا دلوقتي مش مصدقه كلامك وحاسه بحجات كتيره غلط لكن…..
مكنتش عارفة اكمل اقول ايه؟….اقوله اني برضو مش هعرف اهدى واصدق كلامه المرادي بس حتي!!!….وان مفيش امل فيا…..انا بقيت كده وصعب ابقي مطمنه لدرجه ان عقلي يسكت
ومن بين أفكاري……وخوفي وصراعي مع نفسي بحس بأيده اللي بتقرب راسي من كتفه…..بيلمس شعري…..بيطبطب عليا….اعتقد مش انا بس اللي سامعه صوت قلبي…..
مهدي//صدقيني المرادي بس وبعدها متصدقيش حاجة تانيه……اوعدك مش هتشوفيه تاني ولا حد هيشوفه اصلا…..مش هسيبه يعيش يوم واحد بس مرتاح…..هيدفع تمن كل ثانيه عدت عليكي وكل دمعه واحده نزلت بسببه…..
تمني//انا بس…..
مهدي//انتي ايه…..سامعك…قولي انتي عوزاه وهعمله اوعدك
تمني//——انا بس نفسي اكون كويسه تاني عوزه ارجع ليا حتي لو يوم واحد بس انا نسيت احساسي وانا كويسه
مهدي//كنتي بتسيبي شعرك مفرود…..يمكن وجوده زي الاول يشجعك ترجعي تحسي انك كويسه
بحس بأيده اللي بتفك التوكه…..وشعري اللي بيتفرد تاني….ايده اللي بتظبطه مع حذره اني مبعدش ويمكن انا مكنتش حاسه اني عوزه ابعد يمكن احساسي بأن طريقي كان طويل ومتعب خلتني مرهقه……
ويمكن المستقبل المجهول مخليني عوزه اوقف الزمن هنا وكفايه كده وانا راضيه تبقي دي النهايه وخلاص المهم متحصلش حاجة تانية توجعني…..علي الاقل دلوقتي عندي احساس ان في حد هيزعل عليا حتي لو يوم واحد حد هيفتكرني بين الثواني
مهدي//كده احلا….ابدأي يا تمني….سيبيها عليا وابدأي شوفي حياتك كأن كل حاجة اتحلت وانا قدامك مفيش حاجة هتقربلك تاني…..وهتشوفي بعينك هعمل فيه ايه
تمني//اصدقك؟؟….ولو طلعت بتكذب؟؟
مهدي//…..مش عارف ايه ممكن يكون ضمان كلامي حقيقي لكن…اوعدك…وعد مني كل اللي قلته هيحصل…..مره واحده بس صدقيني فيها يمكن انا بالنسبالك ظهرت دلوقتي…..لكن انتي في حياتي من بدري جدا….اكيد هيجي يوم واحكيلك
بسمعه وبس..وانا عوزه اصدقه لكن خايفه..خوف اتعودت عليه من زمان جداا….وعايشه بيه..صعب اغيره في يوم….او اصدق لطفه…اللي صدقته قبل كدا مع شخص كذاب….مكنش يقدر يظهر في وقت بدري!!…يمكن وقتها كل حاجة كانت هتبقي اسهل…..
بخبي وشي فيه وانا عوزه اختفي من العالم مبقتش قادره افهم مين الكذاب ومين اللي بيقول الحقيقه….يمكن بيحس بصراعي….وبحس بأيده اللي بتقربني اكتر…..وانا مش فاهمه نهايه كل ده ايه!!….اكيد مش دي نهاية القدر ليا….لكن مفيش مشكلة لو نمت دلوقتي….يمكن احساسي دلوقتي مش هيتكرر تاني….ويمكن يبقي ذكرى بحاول منساش معناها اللي اول مره يعدي عليا…
♡_♡_♡_♡_♡_♡_♡_♡_♡_♡_♡_♡_♡_♡_♡
سلمي//نعم…..انا جوزي مجاش ياخده
√//لا انا متاكده حضرتك باباه جه من بدري جدا وخده قبل ما اليوم يخلص اصلا
سلمي//انتي بتقولي ايه ده انا هوديكي في داهيه مين جه وخد ابني…..وازاي اصلا تديه لاي حد
يتبع….
لقراءة باقي فصول الرواية اضغط على (رواية كان يا مكان)
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!