رواية ارملة خطفت قلبي الفصل الثاني 2 بقلم شيماء طارق
لقراءة الرواية كاملة بدون إعلانات (اضغط هنا)
هنا:رضوى.. يا خيتي الغالية اللي مخلفتهاش أمي.. خلاص يا خيتي روحي بتروح للي خالقها صوني الأمانة يا رضوى؟ ولدي أمانة في رقبتك لليوم الدين ربيه ويا ولدك سليم خليهم كيف الاخوة فارررس واعديني إنك هتتجوزيه وهتقفي حداه فارس لو فضِل لحاله
هيمـ ـوت وراي وهينكسر أنتي الست الوحيدة اللي خابرة أصول وبتسوي بكلام ربنا داوي جروحه ورجعيله روحه لجسمه تاني اتجوزيه يا رضوى صوني بيته ولد يا خيتي .
رضوى انهارت من العياط وحطت راسها على صدر هنا وقالت بنبرة مليانه وجع :
بعد الشر عليكي يا هنا! متقوليش كده يا حبيبتي أنتِ هتقومي وهتربي ابنك بنفسك انا ما ليش مكان مع جوزك وابنك ما تجرحنيش بكلامك ده كلامك صعب عليا !
هنا بصت لفارس وقالت اخر جمله:
عشان خاطري يا فارس.. اجبر بخاطري واحقق وصيتي اتجوز رضوى وربي ولدك مع ولد اخوك؟!
وقبل ما فارس ينطق بكِلمة إيد هنا ارتخت وعينيها اتثبتت في السقف وطلعت الروح لبارئها. صرخة فارس في اللحظة دي زلزلت جدران السرايا صرخة راجل انكسر ضهره بجد ومـ ــات قلبه مع
مـ ـوت حبيبة.
وبعد شويه اغسله هنا وكفنوها وبعتوا لاهلها وشيعوا الجنازة والبلد كلها كانت طالعه وراها والسيرة الطيبه كانت معاها والكل كان حزين عليها بس فارس ما كانش سامع صوت حد خالص كل اللي كان سامعه صوت هنا وكلامها ليه.
بعد مرور الثلاث ايام بتوع العزاء الحجة أصيلة كانت قاعدة في المندرة ورضوى واقفة قدامها بشنطتها وسليم في إيدها وعينيها منفوخة من كتر العياط وهي بتقول:
يا ماما أصيلة أنا خلاص مش قادرة أنا شايفة نظرات فارس ليا كأني أنا السبب في اللي حصل. وهند مش سايباني في حالي أنا هرجع بيت أهلي في القاهرة وده احسن لي وللكل!
الحجة أصيلة (بصوت جهوري هز الحيطان قالت): رايده تهمل الدار قبل اسبوع سلفتك؟! اوعى تكوني نسيتي وصيت هنا والولد الصغير اللي ما لهوش ام ولا حجر يتربى فيه غيرك انتي يا حبيبتي ! مفيش خروج من اهنه والليل ده.. كتب كتابك على فارس هيتم!
في اللحظة دي الباب اتفتح ودخل فارس دقنه كانت طولت وعينه مليانه حزن وهم بص لأمه بذهول وقال بصوت مبحوح:
كتب كتاب مين يا حجة؟! أنتي هتقولي إيه؟! لساتني دافن مراتي بيدي بقى لي كم يوم ريدان اتجوز عليها في عزاها؟! لاه يا يماي اقطعي رقبتي أهون عليَّ!
الحجة أصيلة (وقفت وضربت عصايتها في الأرض بقوة وهي بتقول):وصية مرتك يا فارس! قالتلك اجبر بخاطري رايد تكسر بخاطرها وهي في تربتها؟! رايد ولدك يتربى يتيم وأمه التانية موجودة؟
رضوى هي اللي هتصونك وتصون ولدك وولد أخوك وده آخر حديت عندي.. يا تنفذ وصية الغالية لا انت لا ولدي ولا رايد اعرف !
فارس بص لرضوى بنظرة كلها كره وجفاء رضوى كانت بتبتعد بعينها عنه وحاسة إنها منهارة من نظراته فارس جز على سنانه وقال بمرارة:
ماشي يا حجة.. هجوزها.. هجوزها لاجل خاطر وصية المرحومة وعشان أكسر خشمي قدام أمرك.. بس اسمعي يا بت البندر..
قرب من رضوى لحد ما بقى قريب منها جدآ وقال بصوت فحيح الأفاعي:
كتب الكتاب هيتم الليلة بس أنتي في جناحي وانا وولدي في جناحنا
مفيش بيني وبينك غير العيال فاهمة يا ست رضوى؟
رضوى رفعت راسها هي حاسه ان كرامتها اتجرحت وهي بترد عليه وبتقول :
فاهمة يا فارس بيه.. وأنا كمان مش طايقة أبص في وشك و مش قادرة اسامحك على اللي عملته فيا؟! وشايفني طمعانة فيك انا لو هوافق على كتب الكتاب ده علشان مراتك الله يرحمها مش علشانك انت وعلشان ابنك اللي ما لهوش ذنب!
فارس فعلا سابهاوبعد شويه رجع بالماذون وكتبوا الكتاب ما فيش زغاريد ولا في فرح الموضوع كله زي الجنازة.
هند كانت واقفة بعيد ووشها كان أصفر من الغل وبتبهمس لنفسها:
ماشي يا رضوى.. بقيتي ست الدار؟ والله لاخليكي تتمني المـ ـوت وما تلاقيهوش وهخلي فارس يكره اليوم اللي فكر يتجوزك فيه !
الشيخ قال كلمته الشهيرة: بارك الله لكما وبارك عليكما وجمع بينكما في خير.
وفارس قام وقف من غير ما يبص وراه وخرج للجنينة يشم هوا لانه كان مخنوق جدآ
رضوى دخلت الجناح وكانت شايلة الرضيع اللي سموه نور وسليم نايم في ركن الأوضة وفارس دخل الجناح شافها قاعدة بالأسود ملامحها هادية بس حزينة.
فارس (بجفاء وصوت عالي):
الجناح ده كان مملكة هنا ومحدش هيملى مكانها.أنتي ليكي الأوضة اللي جوه دي ما تعتبيش أوضتي ولا تقربي من خلقاتي. تاكلي وتشربي وتراعي العيال وكأنك ضيفة لحد ما ربك يحلها.
رضوى بصتله بوجع وقالت:
أنا مش محتاجة تنبهني يا فارس بيه أنا عارفة مكاني كويس. بس الولد الصغير ده مبيبطنش عياط واللبن الصناعي مش جيبه معاه نتيحة.. الولد هيمـ ــوت مننا يا فارس!
فارس (بصراخ):
اتصرفي! أنتي اللي وافقتي تشيلي الأمانة وريني شطارتك يا ولا أنتي فالح في الحديت وبس؟!
سحب شاله وخرج بره الجناح كله وسابها لوحدها مع طفلين بيعيطوا وقلب مقسوم نصين.
عدى أسبوع وحالة البيبي نور كانت بتسوء رافض يرضع من أي حد وفارس كان هيمـ ـوت من القلق بس مش مبين وهند عمالة تزيد النار حطب وبتقول لفارس: شايف الواد كان كويس والنحس هي اللي نحسته دي مش خابرة تراعي عيل صغير قلبها اسود ومش رايده تراعي ولدك يا فارس !
فارس ما رضيش يرد عليها وسابها ومشي
ورضوى حست إن الأمانة بتضيع منها وفي يوم قررت تاخد خطوه جريئه ونزلت بالسر من غير ما حد يحس بيها وراحت للدكتور وهي خايفه جدآ ومرعوبه على نور الصغير وهي بتقول؟!
اشترك للحصول على أحدث التدوينات المرسلة إلى بريدك الإلكتروني.
ليس لديك حساب؟ إنشاء حساب
التعليقات (0)
لا توجد تعليقات بعد. كن أول من يعلّق!