رواية زوجة بالغصب وحبيبة بالقلب الفصل الثالث 3 بقلم هويدا زغلول
البارت الثالث
لقراءة الرواية كاملة بدون إعلانات (اضغط هنا)
مروان
اخرة حبنا اننا نحترم نفسنا ونحترم اللي اتربينا عليه حتى لو الجلوب وجعاها ومش جادرة تستحمل
شهد
اكده يا مروان يبجا تنساني واصل ومتجيش المكان اللي كان بيجمعنا سوا اني وانت لأن كل مرة هشوفك فيها هتوجع جوي
مروان
شهد اسمعيني زين
شهد
خلاص يا مروان مفيش كلام يتجال بعد اللي انت جولته ديه وربنا يكتبلك الخير في طريقك
وبعدها سابته ومشت ومروان فضل واقف مكانه شويه حزين وبعدها رجع البيت
ولما طلع علي اوضته لقى زينه قاعده مستنياه
زينه
حمد لله علي السلامه يا مروان اني طلعت لك الجلابيه ديه عشان تغير خلجاتك وتريح شويه
مروان
وانتي مالك بخلجاتي بجولك إيه ملكيش صالح بخلجاتي هو اني مش جولت لك خليكي في حالك ومتدخليش في حاجه تخصني
زينه
اني ما دخلتش في حاجه يا مروان اني بس جولت يمكن تكون محتاج خلجات نضيفه بعد ما رجعت من برا
مروان
وانتي مالك برضك اني محتاج ايه ولا مش محتاج ايه
زينه
بس اني مالي لأنك جوزي وده واجبي اللي ربنا امرني بيه ومهما زعلت مني اني برضك هفضل اعمل اللي عليا
مروان
انتي ليه مصممه تتعاملي وياي اكده وكأن مفيش حاجه حصلت واصل
زينه
لأن اللي حصل مش ذنبك لحالك ولا ذنبي لحالي وكل واحد فينا لجي نفسه في وضع مكانش مخطط له من الاول
مروان بص لها باستغراب
اممم مروان يعني انتي مش زعلانه مني بعد اللي عملته وياكي من اول يوم
زينه
لاه من حجي ازعل طبعا يا مروان ووجلبي بيتوجع كمان لكن اني متربية علي ان الجواز عشرة واحترام ومش كل حاجه تتصلح بالخناج والزعل
مروان
وانتي فاكره اني ممكن في يوم ابجي الزوج اللي انتي رايداه ولا إيه
زينه
اني مش بطلب منك حاجه غير انك تعاملني بالمعروف والباجي علي ربنا وهو جادر يغير كل حال
وسكت مروان شوية وهو باصص وزينه قالت
زينه
يلا غير خلجاتك وانزل اتغدى لأنك من الصبح ما كلتش حاجه ووشك باين عليه التعب جوي
مروان
وانتي كيف عرفتي اني ما كلتش
زينه
عشان من ساعة ما نزلت الصبح وانت راجع بنفس الحال واني كنت متابعاك من الشباك
مروان
ماشي اني فعلا مكالتش من الصبح علي العموم روحي انتي دلوك واني هغير خلجاتي وانزل اكل
زينه
حاضر يا مروان وربنا يصلح اللي بيناتنا ويكتب لنا الخير
وسابته وخرجت بهدوء من الاوضة ومروان قعد وغير هدومه وفي بيت شهد امها قالت لها
الام
انتي بتجولي ايه يا شهد كيف بعني مرضاش يتجوزك وليه خو مش كان هيموت عليكي يا بت يعني ايه اللي هو عمله ديه
شهد
ايوه ياما كيف ما جولت لك اكده مروان مرضاش يتجوزني في السر وبصراحه اكده اني مجبتش عارفه اعمل ايه تاني معاه
الام
يعني ايه الواد اكده هيروح من يدنا ومش هتتجوزبه لاه بجا اني عايزاكي تتجوزي واحد من العيله ديه اسمعي يا شهد اني سمعت ان اخوه سيف راجع اليوم وانتي عارفه حالك انك حلوه يبجا الحل في سيف ديه انتي لازم تلفي عليه وتخليه يتجوزك غصب عنيهم كلاتهم
شهد
ايوه اكده هو ديه الكلام يبجا الامل في سيف واني عارفه سبف زبن شخصيته جويه عن مروان وممكن يتجوزني غصب عنيهم كلاتهم واني بجا ساعتها ابجي ست الدار
الأم
ايوه يبجا سيف هو الحل الوحيد انك تدخلي السرايا بتاعت الكبير وتبجي ست الهوانم
شهد
واني ناويه اعمل اكده طالما معرفتش اعملها مع مروان يبجا سيف هو الحل
وفي السرايا وصل سيف والكل قابله وسلموا عليه وقال لمروان
سيف
الف مبروك يا مروان معلش يا خوي معرفتش احضر فرحك انت عارف ان كان في يومين امتحاناتي بس اول لما خلصت جولت اجي عشان ابارك لك انت وزينه
مروان
الله يبارك فيك يا سيف عجبالك اكده لما ربنا يفرحنا بيك عن جريب أن شاء الله
سيف
ان شاء الله ياخوي وابجي اني وانت متحوزين هههههه اومال وينها زينه عشان اسلم عليها واجدم لها هدية الجواز
سعاد
زينه فوج يا ولدي اني بناديها وبخليها تنزل تسلم عليك المهم طمني عليك يا سيف انت كيفك اكده وكيف مصر علي حسك
سيف
كله تمام ياما والله وانت يا جدي كيفك اكده وكيف صحتك
الجد
الحمد لله يا سبف يا ولدي والله احنا اتوحشناك جوي المفروض بجا تفضل ويانا فترة طويلة بجا مش بتجول انك خلصت امتحانات
سيف
ان شاء الله يا جدي تني ناوي افضل معاكم اهنه فترة كويسه متحلجش جاعد علي جلبكم ديه لو انتو عايزين يعني
سعاد
اجعد براحتك يا ولدي الدار دارك
- لقراءة باقي فصول الرواية اضغط على (رواية زوجة بالغصب وحبيبة بالقلب)