رواية زوجة بالغصب وحبيبة بالقلب الفصل الاول 1 بقلم هويدا زغلول
البارت الاول
لقراءة الرواية كاملة بدون إعلانات (اضغط هنا)
كانت زينه واقفه في الاوضة بعد ما خلص فرحها علي مروان ابن كبير البلد وقالت له
زينه
هو احنا مش هنصلي ركعتين في اول حياتنا عشان ربنا يبارك لنا في الجواز يا مروان
مروان
لا اني مش ناوي اصلي ركعتين بتوع اول الجواز دول اني بصلي لحالي لحسن تكوني فاكرة اني متجوزك عشان سواد عيونك ولا اكون عاشجك ولا حاجة لاه اني متجوزك لاجل خاطر جدي وبس
زينه
يعني ايه الكلام ديه يعني أني اتغصبت عليك في الجوازة ديه كييف
مروان
اللي حصل عاد ودلوك انتي هتنامي في الاوضة اهنه واني هنام في مكان تاني
زينه
حرام عليك لما تعمل فيا اكده يا مروان جدك جالي انك انت اللي طلبت منه انك تتجوزني مش هو اللي غصب عليك كيف ما بتجول اكده
مروان
جدي بجا كبير في السن وبجا يخرف بالكلام واكيد هو جالك اكده لأجل انتي توافجي علطول ونتجوز بس الحجيجة غير اكده واصل
زينه عيطت وهو كمل كلامه
مروان
اني معايزش بكا ولا نويح اهنه اني عايزك تتجبلي الموجف وتعرفي انك خلاص بجيتي في داري والكلمه اللي اجولها تمشي انتي سامعه
زينه
حاضر با مروان اللي تجول عليه يمشي اني من يدك ديه ليدك ديه اني برضك دلوك مرتك وهسمع كلامك كيف ما انت عايز
مروان
تمام ودلوك غورى من جدامي ولا اجولك اني اللي هغور من اهنه وانزل انام تحت في المكتب
زينه
طيب وجدك لما يسألك ايه اللي نزلك تحت ليله دخلتك اكده هتجولوا ايه عاد
مروان
انتي ملكيش صالح وخليكي في حالك اني هعرف اتصرف معاه وانتي تفضلي اهنه واياكي تنزلي تحت واصل
زينه
تصبح علي خير علي يا مروان
وسابها ونزل تحت من غير ما يرد عليها وهي انهارت في العياط ولما مروتن نزل جده قاله
الجد
واااه انت ايه اللي نزل تحت دلوك يا مروان وسايب عروستك ليه في اول ليله ليكم مع بعض
مروان
بجولك ايه يا جدي اني نفذت اللي عايزة واتجوزت زينه بت سالم يبجا سبني بجا اعمل كيف ما اني عايز
الجد
انت بتعلي حسك عليا يا مروان انت كيف تتكلم معايا أكده انت شايف ولدك بيرد عليا كيف يا فواز
فواز
استهدي بالله يا بوي وانت يا مروان اتكلم مع جدك عدل أومال انت كيف تعلي حسك أكده
مروان
هو انتو شايفني عيل صغير جدامكم عشان تحكموا فيا وفي حياتي اكده ولا ايه يا بوي اني بعرف جدي اني عملت كيف ما كان عايز خلاص سبوني لحالي بجا
الجد
خلاص براحتك يا مروان يبجا أخوك سيف هو اللي هيمسك البلد وانت تتركن كيف ما انت عايز طالما انت معايزش تسمع الكلام
مروان
اعمل كيف ما بدك يا جدك وبعدين انتو لو كنتو وافجتكم اني اتجوز اللي أني رايدها كان زماني سعيد وياها مش عايش اكده وحاسس كأني داخل معتجل مش جواز
ردت امه سعاد
احنا كلاتنا خايفين علي مصلحتك يا ولدي وجدك عارف مين اللي تنفعك ومين لاه وبعدبن انت ابه اللي بيخليك تحب بت كلاف البهايم ديه عاجبك فيها ايه عاد
مروان
متجوليش عليها اكده ياما لو سمحتي وبعدين خلاص الموضوع انفض واديني اتجوزت واحده تانيه اهو سبوني بجا
قال كلامه ودخل المكتب والجد قال لفواز
الجد
الولد ديه مش ناوي يجيبها لبر واصل يا فواز
فواز
استهدي بالله يا بوي ان شاء الله ربنا يهديه ويصلح حاله ويعيش مع مرته سعيد اني جلبي حاسس ان هو هيبجا زين وياها
- لقراءة باقي فصول الرواية اضغط على (رواية زوجة بالغصب وحبيبة بالقلب)